الموضوع: نتيجه زياره المقطم والتقرير الشامل

السلام عليكم يا وحوش المنتدي ... اعذروني للتأخير في كتابه النتيجه بس لاني كنت مريض اليومين اللي فاتوا .......... نخش في الموضوع

اول مصيبه عملوها بوظولي التكييف و كتبوا في نتيجه الفحص ان التكييف محتاج شحن فريون علما بأن التكييف كان زي الفل و انا رايح في الطريق ما علينا

كان فيه مشكله في الجير بوكس كنت كلمت حضراتكم عليها بتاعه لما بشد بالعربيه و بعدين اسمع صوت خبطه و رساله Check Gear Box ماكتشفوهاش و قالولي الكمبيوتر بتاع العربيه زي الفل

كان معظم تعليقاتهم علي العفشه و الحاجات الظاهره و هكتب لحضراتكم التقرير بالتفصيل

الشخص اللي استلم مني العربيه كان كلامه مش منطقي ... في الاول يقولي العربيه محتاجه صيانه 60 باقصي سرعه .. وبعدين يقولي دي عايزه سيور كاتينه بس و بعد شويه يقولي لا حاجات العفشه .... صراحه حسيت انه مش فاهم اي حاجه في اي حاجه و قلبني كده بسرعه بس ان اتضايقت منهم جدا و من الشخص ده بزياده و خصوصا بعد حركه التكييف دي و ناوي اشتكيهم و مش هسكت

المهم بالنسبه للتقرير


2 مساعد امامي 1400
2 طبق 1796
1 علبه دريكسيون 2800
2 مقص 1360
1 قاعده شكمان وسط 140
4 جنط 600
1 شريط ايرباج 1300
1 تيل فرامل خلفي 390
2 ريس مساحه 200
2 فانوس خلفي 980
1 مرايه جنب شمال 2075
2 فانوس امامي 1800
2 فانوس شبوره 1100
يلزم شحن فريون
يلزم مراجعه انوار

اقطع غيار 15941
مصنعيات 1500
ضريبه مبيعات 1744
الاجمالي 19185

بخلاف ما يستجد بعد الفك


ايه النظام بقي يا وحوش ... انا طبعا مش هينفع معايا الكلام ده خالص وهل كده اطمئن ان الميكانيكا والكهربا تمام مفيهومشي مشاكل بما ان التقرير مذكرهمش ولا ايه انا بصراحه مش واثق فيهم قوي