الموضوع: نتيجه زياره المقطم والتقرير الشامل

المشاركة الأصلية كتبت بواسطة أحمد كمال

ربنا يعوض عليك

و ده درس لكل من يشتري سيارة مستعملة بشكل عام و ميجان بشكل خاص

1- ما تشتريش من تجار ...... أغلب تجار السيارات في مصر ما بيعرفوش ربنا الا من رحم ربي...... ياكلوا مال النبي و فاهمين انها فهلوة مش سفالة و نصب و سرقة ..... ياكلوا مال النبي و يشربوا بيبسي و يحبسوا بسيجارة عليه ....... شايلين ال chip بتاعة الضمير و مكانها Super computer بتاع فهلوة و نصب .....


2- اكشف في التوكيل .... ما تسترخصش و تستخسر 500 جنيه كشف شامل ..... الناس بتقول لو العربية فل ابقى خسرتهم (يا ريتني صدفت الراجل اما قال لي العربية فلة) .... و لو وحشة ابقى خسرتهم (كشفت له على عربيته ببلاش و ما اشتريتش منه)


الكلام مش صح في الحالتين ..... بلاش استخسار ....

1- لو كشفت و طلعت زي الفل ..... اولا انت هتاخد العربية من الراجل و ذمته خالصة و انت راضي و مبسوط و مطمئن و مش قلقان ..... و لو حصل حاجة بعد شهر و لا اتنين يبقى نصيبك و هو ما ضحكش عليك ..... ماتنساش اننا كمصريين ماعندناش مانع نصرف 10 الاف بمزاجنا و ما ينضحكش علينا في 5 جنيه !!!

2- لو كشفت و طلعت فيها بلاوي و الراجل خد عربيته .... ما تحسبهاش انك اتعورت في 500 جنيه ..... احسبها انك ما خسرتش 20 الف مثلا كنت هتدفهم في تظبيط العربية أو انك كنت هتشتري عربية اغلى من سعرها الحقيقي ..... يعني 500 جنيه و لا 5000؟ و لا 10000؟ ايه رأيك؟







اخيرا و ليس اخرا الله يعوض على صاحب الموضوع هنا و يأجره في مصيبته و يخلفه خيرا منها

جزاك الله خير

المشاركة الأصلية كتبت بواسطة ahmed a.maksoud

شريف باشا

أولاً حمد الله على السلامة و كويس أنك أطمنت على أساسيات العربية.....دى أهم حاجة.

ثانياً لازم تعرف أن التوكيل لما بيعمل كشف كامل على العربية بيطلع فى التقرير كل الأجزاء اللى مش شغالة بكفائة تقترب من 80 أو 90% من كفائتها وهى جديدة.......ده طبيعى و قولتهولك فى المكالمة من أسبوع.

المهم دلوقتى لو عاوز تلم شغل العفشة اللى فيها ممكن تروح لواحد أنا بتعامل معاه فى شغل العفشة لعربيتى

ورشة أسمها كار بويز car boys فى شارع السندباد
صحابها المهندس خالد غازى و المهندس سعيد ( مهندسين مش صانيعية )

روحلهم و قولهم أنك من طرفى و خليهم يشوفو فيها أيه
رقم تليفون خالد 0101900191

معلش أنا عندى شوية مشاغل شخصية اليومين دول و مش هقدر أجى معاك......لو كنت فاضى كنا رحنا مع بعض.

و لو الورشة دى بعيدة عليك كلم أيمن momo10000 يدلك على ورشة تانية ناحية الهرم أو المعادى.

أبقى طمنا عليك .

ربنا يعينك يا استاذ احمد ويا ريت لو في حاجه نقدر نساعدك بيها ... ان شاء الله هبلغك اول ما اوصل لاي حاجه