قدر الله و ما شاء فعل لكن ابتديت اخاف من اللوجان للاسف((فعلا متضايق))

**cheetos_892005** · 10-10-2009 01:52 AM

انهارده الجمعه و قطع الغيار اجازه
كلمت استاذ خالد شلبي علي موبايلو اللي بعتهولي الاخ العزيز رينجو مشكورا
قالي يوم الاحد عشان السبت اجازه الاداره برده و يكونوا موجودين الاحد
و اقابل استاذ محمد مليجي مدير قسم قطع الغيار
شكلهم هيبقلشوني عشان الشكوي ولا اييييييييييييييه؟؟؟
شريف شيتوس من امام الفانوس المكسور
ان شاء الله خير

**MoHaMed HaMeD** · 10-10-2009 01:56 AM

متقلقش ياشريف ان شاء الله خير يمان

**Col. Eng. Khaled** · 10-10-2009 11:47 AM

عندي ميعاد الساعة 1.30 م في المقطم إن شا الله بكره

يا ريت أشوف حضرتك هناك

0111649045

**Samah AbdAllah** · 10-10-2009 05:07 PM

كده حضرتك لفت نظرنا لنقطة مهمة جدا
لو فعلا قطع الغيار مش متوفرة فى التوكيل مع انتشار العربية والاقبال الشديد عليها هيبقا فى مشكلة كبيرة هتقابلنا كلنا

**zakiali** · 10-10-2009 11:31 PM

هي الرينو كده فعلا رخمة في حكاية قطع الغيار دي .. فيه واحدة زميلتنا في الشغل فضلت تدور علي غطي تانك البنزين ملقتوش شهور طويله وهي مش لاقياه .. صراحه حاجه تشل .ربنا معاك .

**neemmohamed** · 11-10-2009 04:15 PM

ربنا معاك .... موضوع فعلا يضايق بس الحمد لله انى قريت الفيلم و هو فى طريقه الى النهاية و ان شاء الله تكون نهاية سعيدة .... ربنا يكرمك ... و يسلم كل اللى حاول يساعد فى الموضوع لان كلنا استفادنا بالاراء المطروحة من الاعضاء ... بالتوفيق للجميع

**cheetos_892005** · 12-10-2009 02:09 PM

الحمد لله بعد اسبوع من الخبطه رجعت العربيه كما كنت
التفاصيل:رحت حسب الموعد يوم الاحد
كان استاذ خالد شلبي قالي روح لاستاذ محمد مليجي و هو هيتصرف
كنت قبل ماروح كلمت التوكيل عشان اتاكد عشان مدبش المشوار عالفاضي
و كلمني الاستاذ محمد بنفسه و قالي تعالي و كده
و بالفعل روحتلو لقيتو عرفني من قبل ما اقولو انا مين اصلا مش عارف ازاي؟؟؟
المهم الراجل محترم جداااا لابعد الحدود و لقاني شاب صغير قعد يهزر معايا
و قالي هنخلصك بسرعه و اسفين علي تاخيرك و كده
و هنعملك المصنعيه مجانااااااااااا:10D5C8~1107:
و بعدين قالي انت مامن؟؟؟قلتله اه
قالي ملهاش لزمه بدام التامين هو اللي هيدفع
هديك الخصم علي صيانه العشره عشان تستفاد بيه
و قالي و لا عايز الخصم دلوقتي؟؟
قلتله نخليها عالصيانه احسن
قالي اطلع عالورشه و هما هيعملوا اللازم
و فعلا سيبتهالهوم هناك
و رحت علي طول مكلك الستاذ خالد col.eng.khaled
لقيتو في الاستراحه و اتقبلنا سلينا بعض كلام و مناقشات
فعلا شخصيه محترمه و لذيذه جدا جدا
رحت بصيت عليهم لقيتهم بيخلصوا فيه و قلت للكهربائي عاللمبه اللواطيه خالص اللي مع نور التابلوه كانت اتكسرت من الخبطه و غيرها فورا و جربته و كله تمام
رحت دفعت في الخزينه و خدت الفاتوره
يااااااااه هم وانزاح الحمد لله
الفاتوره كانت عاديه بس حسيت ان المصنعيه كتير قوي ((مجرد احساس))
الفانوس 450 جنيه
ضريبه 45 حنيه
سمكره 50 جنيه((مع ان مكنش فيه سمكره بس هو مجرد فك الكصدام من ناحيه و حده و الشبكه عشان يعرفو يوصلوا لمسامير الفانوس فعلا فكه رخم قوي))
كهربائي 20 جنيه
7 جنيه ملهاش لزمه
5 جنيه ملهاش لزمه
الاجمالي 577 جنيه ((يلهوي لو الواحد مش مامن كان زمانه مات فيها الحمد لله))
الف الف شكر لكل عضو دخل رد عالموضوع
شكر خاص لكل من ساهم معي عشان ابعت الشكوي

شكر خاص لringoo عشان رقم استاذ خالد شلبي
شكر خاص لاستاذ خالد عالوقت اللطيف اللي قديناه مع بعض هناك
شكرااااااا نايل موتورز

**MoHaMed HaMeD** · 12-10-2009 02:14 PM

همت دول رجاله نيل موتورز

عاش ياشباب

الموضوع: قدر الله و ما شاء فعل لكن ابتديت اخاف من اللوجان للاسف((فعلا متضايق))

LinkBack

أدوات الموضوع

عرض

-

-

-

المواضيع المتشابهه

بقيت اخاف على نفسي من المنتدى

ايه رأى الشاركاوية فى الموضوع ده؟؟ فعلا سمعته من حد و ابتديت اقتنع

للبيع لظروف طارئة جدا..للاسف عربيتي اللوجان 2010 للبيع

هل اللون النبيتي في اللوجان حريمي فعلا؟؟؟؟؟؟؟؟

حصريا: فعلا غرقت في شبر ميه ...لك الله يا مصر...بالصور

الكلمات الدلالية لهذا الموضوع

المفضلات

المفضلات

ضوابط المشاركة