الموضوع: زيارة للتوكيل

والله أنا مش عارف أقول إيه ، كل كلملت الشكر لاتكفي حضرتكم
فهنا اجد ناس يهتمون بمشكلتي أكثر من نفسي وهذا شيء منعدم الوجود هذه الأيام ، هاطول عليكم المرة دي في الكلام

أولاً الحجز والطريق :
حجزت أول ميعاد لأبوغالي إلي في آخر جسر السويس عبر الكول سنتر بتاعهم وقبل الميعاد بيومين إتصل بيا مهندس من هناك واكد معايا إلي أنا جاي ، والمكان للي ما يعرفش زي حالاتي ( آخر جسر السويس بعد ما تعدي شريط القطار وتلاقي شركة أعالي البحار علي يمينك وبعديها سور شركة نقل ، وتعدي سور شركة برسيل تقوم لافف من تحت الكوبري إلي هناك شمال طبعاً ، هتلاقي شركات قطع غيار سنون حفارات وخلافه علي يمينك تهدي يا معلم شويه وقبل ما تحصل الجامع الكبير إلي علي اليمين تدخل الشارع الضيق إلي قبله وبعدين في أول شمال هتلاقي عربيات مفتحة كده - مالكش دعوة بيها دي مرسيدس - وبعديها توكيل سوبارو والشيفورليه لانوس بتاع الأمن إلي تهناك هايقولك حجز ولا وهايخليك تركن في الحارة المخصصة ليك ثم تدخل تتكلم مع المهندس عن أي مشاكل في العربية كي يقوم بالتشييك عليها ومن ثم يأتي معك إلي الخارج ليستلم العربية وبعدين يرفع مساحة من بتوعها دلاله إستلام :) .........) لابد أن يكون معاك الرخصة وكتيب الضمان
نسيت أقول أي حد رايح ياخد معاه كتاب ولا مصحف وشوية جرايد علشان وهو قاعد في الكافيتريا فوق القاعدة هاطول
ثانياً : الفحص
كنت كاتب كل حاجة مقلق منها في العربية
1- عداد الحرارة
2- مستوي الزيت
3- المساعدين الخلفي
4- عضة في الفتيس في الأول

المهندس إلي هناك إسمه إبراهيم قالي حضرتك هاتستني ساعتين طبعاً روحت فطرت ولفيت في المنطقة شوية لقيت مصنع زجاج عربيات أسعار جملة جنب توكيل مرسيدس بيفك ويركب وإنت واقف
جبت الجريد ورجعت وبعدين الساعتين ونصف إتصل واحد بالأوفيس بوي وقال الأستاذ صاحب اللنوس ......... يتفضل
نزلت أستلم العربية
وتم الأتي
1- تغيير صباع الحرارة زي ما الباش مهندس سمير قال
2- تزويد الزيوت الناقصة ومياه الرداتير
3- فحص المساعدين الخلفي وطلعت تهيؤات مني وما إطمنتش إلا ما لاقيت عربية جديدة قعدت أضغط عليها بنفسي
4- عضة الفتيس إختفت مش عارف عملو إيه
الأهم من كده ما دفعتش ولا شلن (مش عاوز أقلكوا شعور لايوصف..........) وبعدين العربية بتطلع علي المغسلة تتغسل غسلة محرتمة إديت الواد فيها 3 جنيه الفكة إلي كانوا معايا .
وكده بقيت مقتنع أن أبو غالي أحسن من منصور

ألف مبروك