اقتباس المشاركة الأصلية كتبت بواسطة mahmoud saloum مشاهدة المشاركة
اولا يا اخى الفاضل اشكرك على امرى بالمعروف وبإتقاء الله "اللهم اجعلنى من المتقين" . ثانيا انا حر فى انى اسأل بالطريقة اللى تعجبنى و ان كنت شايف ان ده تهكم فدى مشكلتك. لكن اللى اعرفه ان سؤالى ده اسلوب استفهام مقترن بتعجب. وكويس ان حضرتك وضحتلى انه رمز لاننا فعلا بقينا نستعمل شعارات ورموز اكبر مننا بكتير



يا أخى الفاضل خلى نظرك يبقى تحت رجليك وانت ماشى وان شاء الله عنيك هتبقى مرتاحة.

يا أخى الفاضل انا رأيى الشخصى ان الحجاب هو الفرض و النقاب ده فضيلة و العلماء اختلفوا فى هذا الامر فمنهم من قال النقاب هو الفرض واختلاف الأئمة رحمة و كلهم ائمة علماء والاخذ برأى اى منهم جائز فأنا لا أقبل ان سيادتك او غيرك تجبرنى على الاخذ برأى دون غيره.



يا أخى الفاضل لا يصح انك تصف اخوانك المؤمنين والمسلمين بالعلمانية جزافا واعتقد انك لسة ناصحنى باتقاء الله يا أخى ربنا يهديك ليس كل من يختلف معكم فى الرأى فهو علمانى او فاسق او كافر. يرحمنا ويرحمكم الله.
اولاً حضرتك لست حراً فى ان تسأل بطريقة غير لائقة الافضل ان تسأل بطريقة لا يوجد فيها شئ من التهكم لأنك ممكن تسئ لناس غيرك بلا ذنب وفيها ايه ام يسمو بالأسم ده هذا رمز يااخى مش اسم جماعة دينية او ماشبه ذلك ويجب ان يكون طريقنا على نهج السنة وعلى طريق السلف الصالح

ازاى اخلى نظرى تحت رجليا طيب جرب انت تمشى بالطريقة دى شوف هاتعرف تمشى ولا لأ وافرض يعنى اذا عملت زى محضرتك ماقولت هل يتيح للبنات اللى ماشيين فى الشارع انهم يلبسو لبس ديق ويظهرو مفاتن جسمهم
من باب اولى ان المرأه تحتشم وفى نفس الوقت انا مطالب بغض البصر

انا مأجبرتكش ولا كان فى سياق كلامى اجبارك على شئ فلا تتهمنى بما لا فعلته
انا كنت اوضح فقط ماهيه فرض النقاب

تتهمنى اتهام اخر بأنى اصفك بالعلمانية وهذا ليس صحيح انا انتقد الافكار العلمانية التى تأتى الينا من الخارج وتؤثر على بعض منا

بصراحة بأه وقبل اما ترد عليا ياريت تسمع محتوى الموضوع الاول وتشوف كلام الشيوخ وبعد كده ابقى رد عشان كده انت شكلك رديت من غير ماتشوف وتسمع المواضيع والدروس اللى على النقاب ورديت على اساس بعض المعلومات اللى عندك الاجتهادية

ملحوظه ( هذا مجرد اختلاف بيننا فى الرأى ولا يفسد فى ودنا شئ لأنى احب جميع اعضاء هذا المنتدى ومش عايز يكون هناك خلاف بينى وبين احد من الاعضاء )
جزاك الله خيراً