طيب يا جماعة ممكن سؤال ملوش علاقة شوية . .او ليه .. بس من رؤية اخرى ؟؟
بس خدوني بتروي شوية انا مش بتهكم او بتريق .. انا باخد رايكم .
اذا كان وجه المراة فتنة وشعرها فتنة .. فتنة لمين ؟
للرجال طبعا .
طب ليه وجه الرجل مش فتنة ؟ و شعره و ملبسه ؟ للمراة ؟؟ هي المراة مش عندها احاسيس و غرائر مثلها مثل الرجال و في بعض الاحيان اقوى ؟؟
ليه تبقى الست ماشية مخمرة مش باين منها شيء .. و الراجل ماشي جنبها محترم و كل حاجة و لكنه وجه باين و شعره معمول علي احدث موضة و لابس ماركة عالمية و حاطط عطر عالمي .. ؟؟
و انا مش بتكلم عن واحد بيبالغ . .انا بتكلم عن اغلب الرجال العاملين كانوا ملتزمين او لا ..
ده غير بقى معظم المناظر الي بشوفها من اخوانا العرب في الخليج .. تلاقي عائلة من السيدات و البنات الشابات ماشيين منقبات بالعبايات السوداء و الراجل ماشي بشورت تحت الركبة و احدث حذاء عالمي واحدث ماركة نظارة شمس عالمية .
طب مش ده ظلم للمرأة ؟ مش من حقها تنبسط و تفرح بلبسها و عطرها ؟ ولو في البيت بس .. طب بتنزل من البيت ليه .. منخليها قاعدة بقى وخلاص ؟؟
ليه دول مبيتش فتنة للمراة ؟؟
بلاش حتى ده .. واحد متلزم و ملتحي كمان و لكن شاء الله ان يكون وجه حسن الملامح و جسمه مقتول العضلات .. حتى لو لابس ثوب .. مش ده برده ممكن واحدة منقبة او مخمرة .. تلمحه بيعنيها ؟؟
و مرة اخرى انا مش ضده النقاب او الخمار او اي من ذلك بس بتناقش معاكم ؟
اعذروني لجهلي لو الموضوع ليه رد او حكم مسبق انا لم ابحث في شيء انا دخلت اكتب الي ورد علي خاطري حالا .
المفضلات