الموضوع: عايز اركب مسند يد

المشاركة الأصلية كتبت بواسطة hhhmmmzzzz

حبيب قلبى اول مانزل ان شاء الله هجيبلك واحد....بس كدة ...وانت عليك العصير
بص بقى هقولك حاجة
انا لما جيت اركبه وقالى فى المعرض اللى اشتريت منه ان لازم سروجى يركبهولى عشان يثبته
لما روحت للسروجى جمعه فقط ونزله حشر كدة بين حامل الاكواب والهاند يعنى مافيش تثبيت ولا حاجة لانه لو ثبته هيخرم ويعمل حاجات وكدة.هو قالى انه بيتركب كدة.بس مش عارف
هو فيه(بوش) يعنى بيتحرك على خفيف بس بصراحة ماضى الغرض وغير شكل العربية من الداخل للاحسن بس ملاحظ برضة انه واطى شويه
وانا بركبه عند السروجى شوفت واحد عنده شكله عامل زى اللى فى اللانسر كان تمنه اغلي شويه يعنى فرق20ج بس كان تحفة وكان شكله تحفة بس لونه بيج (ما ينفعش مع لون دواخل عربيتنا)
فاكيد النوع ده موجود منه برضة فى شارع زكى بس انا الحقيقة مالفتش كويس .
اول واحد عجبنى اشتريته علي طول.انت المسند اللى عندك كان كدة برضة
والمسند الاصلى اللى فى العربيات برضة بيبقى كدة

يا باشا ربنا يكرمك ويجزيك خير يارب
متشتريش حاجة بس دلوقتي
خلينا نشوف الأول هاينفع ولا لأ.
انا كان متركب عندي اللي جاي مع العربية أيام العز لما كانت بتنزل بيه
والمسند ده كان محشور زي مانتا قلت بمسامير والجزء ده في المسند اتكسر
وارد جداً إنه مينفعش يتحشر
أنا بس كنت عاوز أعرف منك فين شارع زكي يمكن يكون قريب ولا حاجة نروح نتفرج يمكن نلاقي فيه حاجات حلوة