عايز اركب مسند يد

**hhhmmmzzzz** · 26-10-2009 08:25 PM

المشاركة الأصلية كتبت بواسطة أبو حمزة

أنا بس كنت عاوز أعرف منك فين شارع زكي يمكن يكون قريب ولا حاجة نروح نتفرج يمكن نلاقي فيه حاجات حلوة

بص يا باشا انت هتمشى المحور كله وبعدين تعدى ميدان لبنان كل دة من غير ما تلف يمين او شمال
ثم كوبرى 15مايو وعلي طول لحد ماتلاقى نفسك فى محطة الاسعاف عند دار القضاء العالي هناك كدة وراء سينما ريفولى هتلاقى شارع زكى فيه كل حاجة..........ولا اقولك لو عايز ابقى اروح معاك مافيش مشكلة
علي فكرة انت عربيتك لاحظت ان مافيهاش صدادات فى ال4اركان دى ضرورية قوى لانك لما بتبقى راكن ويجى واحد غلس ببوز عربيته وهو طالع منك لازم يحك الاركان زي ما بيعملو معايا بجد حاجة تنرفز والمشكلة ان عربيتنا لو لاحظت الاكصدام بيبقى باين قوى
هو فى نفس الوقت بيشيك شكل العربية لو لونه فضى.انا للاسف ركبته اسود بناءا علي نصيحة واحد صحبى بس الفضى اشيك وشوفته فى عربيات كتير......شوف كدة وابقى قولى

**OlaOsman** · 26-10-2009 08:37 PM

المشاركة الأصلية كتبت بواسطة hhhmmmzzzz

ا/علا عملو معاكى ايه طمنينا الاخبار ايه
بس حققك ماتتنازليش عنه....لمفروض يتصرفوا.......مش مشكلتك
وكفاية عليكى استنيتى الفترة دى كلها(كتر خيرك)

لما رحت يا سيدي سألت على المخدع فممثلة خدمة العملا سألت عليه في المخازن فقالولها مش موجود.. بتقوللي فباقول لها طيب هاييجي امتى؟ قالت لي مش عارفة، قلت لها طيب انا سمعت انه أصلا مش بينزل خلاص مع موديل 2009.. قالت لي آه فعلا

المهم بينت لهم كويس إني يا هاخده يا هاخد فلوسه يا حاجة بداله من الكماليات يعني، بس الصيانة قالوا لي شوفي الموضوع ده مع المعرض اللي بايع لك العربية و خليه يتفاهم مع المبيعات و احنا ما علينا إلا اننا ننفذ و آديني باتابع و ربنا يسهل.

شكرا أستاذ هاني على الاهتمام بالسؤال

**aliabutaleb** · 27-10-2009 08:52 AM

المشاركة الأصلية كتبت بواسطة hhhmmmzzzz

بص يا باشا انت هتمشى المحور كله وبعدين تعدى ميدان لبنان كل دة من غير ما تلف يمين او شمال
ثم كوبرى 15مايو وعلي طول لحد ماتلاقى نفسك فى محطة الاسعاف عند دار القضاء العالي هناك كدة وراء سينما ريفولى هتلاقى شارع زكى فيه كل حاجة..........ولا اقولك لو عايز ابقى اروح معاك مافيش مشكلة
علي فكرة انت عربيتك لاحظت ان مافيهاش صدادات فى ال4اركان دى ضرورية قوى لانك لما بتبقى راكن ويجى واحد غلس ببوز عربيته وهو طالع منك لازم يحك الاركان زي ما بيعملو معايا بجد حاجة تنرفز والمشكلة ان عربيتنا لو لاحظت الاكصدام بيبقى باين قوى
هو فى نفس الوقت بيشيك شكل العربية لو لونه فضى.انا للاسف ركبته اسود بناءا علي نصيحة واحد صحبى بس الفضى اشيك وشوفته فى عربيات كتير......شوف كدة وابقى قولى

طبعاً موافق إننا نروح مع بعض
انا أتشرف يا اخي
وبالنسبة للصدادات انا مش واخد بالي اوي من شكلها
فهاستنى كدة لما نتقابل عشان أشوفها عندك إن شاء الله.

**hhhmmmzzzz** · 27-10-2009 01:00 PM

المشاركة الأصلية كتبت بواسطة OlaOsman

شكرا أستاذ هاني على الاهتمام بالسؤال

العفو علي ايه
بس عايزين نعرف هتعملى ايه هترجعى المعرض بعد ماشتريتى العربية بسنه وهل هم هيبقى ليهم انهم يدخلو مع التوكيل فى مناقشات.طيب لو وصلو لحل هيخرجو المساند اللى مخبينها طيب ما كان من باب اولى يدوهالك لو هى موجودة وبلاش اللف والدوران ده

طيب انتى معاكى وصل او ما يثبت ان فيه حاجة ناقصة

وبعدين هو فعلا التوكيل بينزل المعارض سيارات ناقصة وبعد كدة ناخدها من التوكيل.....اشك
هى من الاول كانت مشكلة المعرض اللى اشتريتى منه العربية المفروض هم اللى كانو يلتزمو بتواجد المسند الا اذا كان هناك اتفاق علي ذلك
ممكن ا/علي(ابو حمزة) او شريف او اى حد معاه عربية نفس موديل السنة بتاعة ا/علا
يرد علينا ويقول لناهو استلمه من المعرض ولا من التوكيل عشان نحل المشكلة دى؟

ده بيقولو ب600ج تقريبا وده حقك وانت دفعه تمنه فى العربية

**hhhmmmzzzz** · 27-10-2009 01:03 PM

المشاركة الأصلية كتبت بواسطة أبو حمزة

طبعاً موافق إننا نروح مع بعض
انا أتشرف يا اخي
وبالنسبة للصدادات انا مش واخد بالي اوي من شكلها
فهاستنى كدة لما نتقابل عشان أشوفها عندك إن شاء الله.

مافيش مشاكل يوم جمعة بس عشان سمعت ان المحور بيكون مقفول اليومين دول وانا بخلص شغل الساعة 6تقريبا فمش هنلحق ننزل رتب يوم جمعة تبقى موجود فى6 اكتوبر وننزل فيها ان شاء الله

**aliabutaleb** · 27-10-2009 01:04 PM

ماهو للأسف علا جايبة العربية من الشركة العالمية للتجارة اللي تعتبر شركة شقيقة لـ دايهاتسو مصر والاتنين ضمن لمجموعة عبد اللطيف جميل.

**hhhmmmzzzz** · 28-10-2009 07:58 AM

المشاركة الأصلية كتبت بواسطة أبو حمزة

ماهو للأسف علا جايبة العربية من الشركة العالمية للتجارة اللي تعتبر شركة شقيقة لـ دايهاتسو مصر والاتنين ضمن لمجموعة عبد اللطيف جميل.

شكرا للتوضيح ومستنيين نشوف عملت ايه عشان كدة حاجة تزعل بصراحة

**bmya** · 28-10-2009 05:36 PM

انا شاري العربيه من نايل اتو في المنصوره وهو موزع معتمد للدايهاتسو في المنصوره ومستلم العربيه كامله بالمسند والدواسات الاصليه وكل حاجه منهم مباشره

**medo_sirion** · 29-10-2009 12:35 AM

ياااااااااااااااااااااااا ابختك

**bmya** · 29-10-2009 03:26 AM

ياستار يارب انت هتقرررررر ولا ايه
وبعدين ياعم عرض خاص ليك يا ميدو المسند راس براس مع جنوط البيكانتووو فاهمني البيكانتووو مش السيريون

الموضوع: عايز اركب مسند يد

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عايز اركب اركب ستارة للزجاج الخلفى و زينون للفوجات

عايز اركب سماعات بيضاويه بس مش عايز اقطع في الصاج

عايز احس بفرق فى الاضاءه و عايز اركب وحده رفع

أرجوكم حد يساعدني أنا عايز مسند يد أمامي

عايز اركب باركينج سنسور و اركب فوج لايت

الكلمات الدلالية لهذا الموضوع

المفضلات

المفضلات

ضوابط المشاركة