الموضوع: رابطة الوحوش ملاك السيفيا....الجزء الاول

السلام عليكم يا سيفياوية يا كبار

انا اسمي مرسي ومعايا سيفيا 2001 العربية انا ببوسها كل ما اشوفها بجد بسم الله ما شاء الله تحفة فنية قدموهلنا اخوانا الكوريين الحمد لله انه رزقني بالعربية دي انا كنت عاملها صيانة في الحرفيين عند واحد اسمه ناصر الفيومي الراجل دة جامد جدا وبالنسبة للعفشة في واحد جنبه اسمه المنصورة هم دول اللي بعمل عندهم صيانة

بالنسبة لطقم الدبرياج دسك واسطوانة وبلية عاملين 290 والكبالن 360

انا العربية عاملة 150000 كيلو ورشة برة تغيير لون لاني اتخنقت من اللون الفضي فقولت اخليها فيراني هي بتترش دلوقتي لسة مخلصتش والفرش جلد لسة بيتركب الكاوتشات بتعتها جاية من الامارات عاملة 10000 كيلو فابريقة كاملة من الداخل مانيوال بفكر ابيعها عشان الكيا نيو سيراتو داخلة دماغي اوي على عيني والله فا لو جابتلي سعر كويس ممكن اكمل واجيب السيراتو العربية بالمواصفات دي تعمل كام دلوقتي وشكرا بجد قسم جامد جدا وحببني في العربية اكتر واكتر وممكن يخليني انفض لموضوع النيو سيراتو بسببكم

المشاركة الأصلية كتبت بواسطة mokamoka27

معلومة لملاك سيارات الكيا عامة والسيفيا خاصة يوجد في الحرفيين محل لبيع قطع غيار السيارات الكيا الاصلية في الحرفيين اسمه الرحمة انا والله معرفوش ولا قريبي ولا اي حاجة بس هو شيخ وبيراعي ربنا في كل ما يبيع وعن تجربة وانا لفيت كل محلات فطع الغيار في الحرفيين واكتضغت انه بيبيع بارخص من سعر السوق ب 20 الي 30 جنيه وانا قولت المعلومة دي عشان اللي بيرحم الناس ربنا اكيد هيرحمه ويارب الرحمة تبقى ما بين جميع المسلمين وشكرا

جزاك الله خيرا و ربنا يوفقك فى بيعها بسعر حلو . و يارت لو امكن نمرة تليفون لمحل ده علشان يوفر علينا المشوار جزاك الله خيرا

انا معى سيفيا 2000 مانيوال ولى سؤال هناك لمبة بالتابلوة على اليمين لونها برتقالى احيانا تضيئ ولما اطفئ السيارة واعيد التشغيل تطفأ واخاف ان تكون هذه دلالة على عطل ما
ارجو الرد مع الشكر