الموضوع: رابطة الوحوش ملاك السيفيا....الجزء الاول

ازيكم يا شباب عاملين ايه انا كان ليا تجربة مع مركز الصفا لتحليل العادم وتنظيف الانجيكشن فى الحرفيين يوم السبت الى فات وقولت اقولكم عليها لعلكم تستفادو انا الاول معايا السييفيا 99 اوتوماتيك قعدت شوية بقنع نفسى ان العرببية بتاكل بنزين بحيث انها بتعمل معايا فى الصفيحة 180 : 185 وانا كل ماشى على الدائرى يعنى سريع مش جوا البلد وانا كنت اتعاملت مع مركز الصفا دا من 4 سنيني كان معايا عربية قرطبة وروحتلوا نضفلى الانجيجكشن وخد حوالى 60 جنيه وكان عاجبنى فيه انه مركز كبير ومتخصص فقط فى الكاربتير والانجيكشن مبعملش حاجة غير كدة فافتكرته يوم السبت وانا اجازة وقولت اروحلوا روحتلوا لقيتة نقل ماشاء الله فى شارع جنب المركز القديم ومركز كبير جداً وجايب اجهزة كمبيوتر وجهاز تحليل العادم واجهزة تانية وعامل شغل كبير ومنظر وتكييف وفاتورة بالكمبيوتر ، المهم ماطولش عليكم كانت الساعة 5 لما روحتلوا وبالعافية استلم عربيتى عشان هوا بعد 4م مبيستلمش عربيات وحطها على جهاز الكمبيوتر لقيته بيقولى حساس الشكمان قارى غلط .. قولتله ودا يخليها تاكل بنزين قالى ايوا ، قولتوا دا بكام فوجئت بالاجابة لما قالى 380 جنيه + 125 مصنعية قولتوا دا الاصلى قالى لا دا يركب عليها عادى ..طبعاً صدمت وقلتوا انا كنت جاى عامل حسابى فى تنظيف رشاشات والذى منه .. قالى دا كان زمان دلوقتى الجهاز الى بيقولنا نعمل ايه وخد 50 جنيه فى اقل من الثانية عشان رفضت التركيب وقالى لما تبقى تيجى تغيره نبقى نخصم الخمسين جنيه من المصنعية ، وبعدين وانا ماشى سالته هى المفروض تعمل كام فى الصفيحة قالى من 180 : 185 عشان دى اوتوماتيك والاوتوماتيك بياكل بنزين فاتاكدت ان عربيتى مظبوطة والجهاز كان هايكلفنى حوالى 500 جنيه اونطا .... والى ادها من كدة ان قالى دا التنظيف دلوقتى عنده بيتكلف من 100 : 150 جنيه فقولت دى الدنيا غليت اخر حاجة يا جماعة وعلى الله تستفادوا من الموضوع والاشتغالة الكبرى الى كنت هاتدبس فيها .............

ماكس باشا ياريت ترد عليا وتقولى نسبة الاستهلاك دى كويسة ولا ايه وبعدين الصيف داخل والتكييف شغال والاستهلاك هايزيد ، وقلى انت كمان كان عندك مشكلة البنزين دى حليتها ولا لسة وازاى ....

المشاركة الأصلية كتبت بواسطة max_ziro

بس السؤال يعنى اية حساس الشكمان ؟؟؟؟؟؟
عشان احنا معندناش حساسات شكمان
المفروض ان عندنا اتنين حساس فى الشكمان و الاتنين للاوكسوجين

تقريبا يا باشا هو حساس الاكسجين دا لانه المهندس قالى انه موجودعند الفرن بتاع الشكمان ورانى السلك الى طالع منه وقالى انه بينظم العادم فلما مبيحسش بالعادم بيدى اوردر ان البنزين يعلى وهو كدة يبقى بايظ ..
فى النهاية يا باشا حوار جهاز الكمبيوتر دا فاشل بكل المقاييس فى الحالات دى لان دى عربية ماشية بقالها عشر سنين وهو بيقارن الحساسات بالاستاندرد الى نازلة بيه العربية و عشان كدة طبعاً لازم يطلع الحساسات كلها بايظة ودا رأى الشخصى ......