الف مبروك ونورتنا فى الرابطهالسلام عليكم ورحمه الله وبركاته
ازيكم يا شباب السيفيا العظام
خلاص ان شاء الله بنسبه كبيره حا أنضم ليكم بسيفيا 95 1500 سي سي
العربيه عايزه مصاريف شويه وطبعا ده بديهي بسعرها 26000
هي ماتور وعضم وشاسيه وعفشه سلام ان شاء الله بعد الكشف عند الميكانيكي
نيجي باءه للنصائح اللي بتمناها منكم
مبدئيا ايه رأيكم في الموديل ده بشكل عام ...عيوبه ومميزاته
ثانيا
العربيه عايزه سمكره ودوكو مبدئيا
وعايزه باغه فونيس امامي للاتنين...وواحد خلفي لانه فيه خرم كده يفقع
عايزه تظبيط المساند اللي في البيبن الداخليه لانها مقشره
علبه زراير الازاز الكهربه طالعه من مكانها وعايزه تتثبت في مكانها
عايزه فرش وممكن موكيت لو حبكتها يعني...لكن ممكن اغسله وخلاص
عايزه مرايه جانبيه
عايزه الحته الجلد اللي بتبقي حوالين الفتيس تتغير وتتركب كويس بدل ما هي مفتوحه كده
شويه الحاجات دي يا شباب تكلفني كام عشان ارجعها تاني عربيه واقفه وعروسه نضيفه...والحاجات دي اجيبها منين...ومين يعملهالي
العربيه اساسيتها سليمه وبيتي ....عيبها انها متهانه شويه
وعايز اعرف توضيبها حا يكلفني كام ...وأسعار الحاجات دي كام تقريبا ومنين...علما اني من سكان مدينه نصر
اتمني اجابتكم بسرعه وجزاكم الله خيرا لاني المفروض اخلص فيها يوم الاحد بعد ما اسحب الفلوس من البنك والراجل يجيبلي المخالفات
منتظر ردكم ونصائحكم
وألف شكر ليكم يا احلي شباب ....راكبين أحلي عربيه :)
ومن يومين كدا برضوا احد ملاك العربيه ديه سالناه عن قطع الغيار وقالنا موجوده بس عاوزه لف شويه وشويه جديد
على شويه استيراد بس شكر فيها مقارنه باى عربيه فى سعرها
طبعا اسلام باشا قام معاك بالواجب
وبرضوا ليه راى
حاول انك تمسك حاجه حاجه فى العربيه عشان مدوخش نفسك يعنى ابتدى بالاساسيات
مدام عاوز تبنيها من الاول تصرف عليها بتاع 5 بواكى وممكن افل
ابتدى بالماتور طقم سيرفيس كامل ليه سيور فلاتر وزيوت وبلى وحساسات .......
بعد كدا ادخل على الكهربا لو حاجه فيها عاوزه تتظبط لمض فيش عدادات .........
بعد كدا ادخل على العفشه مقصات وبيض ومساعدين واسكترا وجلب ...........
طبعا ده كلوا مش هتغيروا انت هتكشف وتشوف ايه الى محتاج يتغير
بعد متخلص الاساسيات بتعتها ابتدى ابتدى ظبط فيها من جوه وبره
شوف الصالون محتاج ايه سواء فرش زاير ازاز حاجه فى التبلوه زى محضرتك بتقول جراب فتيس وهكذا
بعد كدا السمكره والدكو بقى اخر حاجه وارشحلك ورشه نايل موتورز وبعد كدا اركب وانسى
المفضلات