الموضوع: رابطة الوحوش ملاك السيفيا....الجزء الاول

المشاركة الأصلية كتبت بواسطة roland_yamaha

الف شكر علي مرورك يا استاذ ابوليلة ونتشرف بمعرفة حضرتك طبعا وبما ان سيادتك عندك خبرة في المقابلات لو تعرف مكان كويس للافطار ويكون قريب لكل الاعضاء ومتوسط السعر في متناول الجميع ياريت تقولنا عليه
احنا حتي الان مستقرين علي حديقة الازهر بس المشكلة في مكان الافطار جوة عاوزين اسعار مناسبة لو حضرتك تقدر تفيدنا يبقي كتر خيرك وده رقمي
0122655249
كيميائي/هاني عبدالمقصود

بصو يا جماعة اهم شى ميكنش فى حجز لعدد معين لان ممكن بعد ما حد يحجز حد ميجيش
واللى هينظم هيخش فى الحيط ع طول ( كانت هتحصل معايا مرة وربنا ستر )

اهم شى فى المكان يكون فى بارك للعربيات علشان تتفرجو على عربيات بعض بسهولة وتكون العربيات كلها فى مكان واحد

يكون جنب المكان قهوة او كافيه حلو كده علشان تتجمعو فيها واللى مش هيجى الفطار يحضر
معاكم بعده

الفكرة مش فى الفطار قد ما يكون مكان مناسب للتجمع اعتقد حديقة الازهر بالحجز ودى مشكلة
زى ما قلت فوق الا اذا اللى ياكد الحضور يكون هيجى بنسبة كبيرة
الاماكن المقترحة : كارفور المعادى جوه فى مطاعم كتير جدا وكل مطعم ليه المكان المخصص ليه
هتخلصو الاكل وفى اكتر من كافيه تتجمعو عليه
الرحاب : نفس الشى قدام منطقة المطاعم كل المطاعم وكل المستويات جوه وكمان فى بارك واكتر من كافيه تقعدو عليه
حاجة بقى شعبى ...حبايب السيدة( السيدة زينب ) - زيزو ( الناصرية )

المشاركة الأصلية كتبت بواسطة المناور

يا باشا أنا والله ما كنت اعرف ان عندنا ال option ده فى القسم وكمان الاسماء اللى أنا ذكرتها كانت على سبيل المثال يعنى لو حضرتك تعرفنا مين هو المنسق نبقى نتوجه له بعد كده

ياباشا ده انا منظم 5 مقابلات فى القسم وكل مقابلة كان ليها تقرير وصور ...ماشى ماشى
بالعكس على فكرة الناس دى مش قافلة على نفسها خالص والدليل انى أصلا ماعيش سيفيا واديك شايفنى بايت عندهم ليل ونهار وسبق ليا انى روحت مقابلة من مقابلاتهم وادينى معاهم إن شاء الله فى الثانية والناس مرحبة بيا وده من اصلهم الطيب
الناس دى هى اللى عاملة نشاط لقسم كيا والرابطة بتعتهم بصراحة بحسدهم عليها كلها مفيدة جد جدا

ايدى على كتفك شوف انت ايه اللى ممكن نعمله علشان نقوى التواصل اللى بينا ونعمله
أنا مثلا فكرت انى ادعو زملائى فى رابطة الكيا برايد علشان يجوا المقابلة دى ، ده طبعا بعد اذن شباب السيفيا
فى مقابلات بتم بأستمرار وانا بعملها بأسم كيا عموما ياريت تشاركو فيها بأذن الله ممكن يكون بعد العيد فى مقابلة كبيرة لقسم كيا .

وكل سنة وأنت طيب

وانت طيب ورمضان كريم

المشاركة الأصلية كتبت بواسطة max_ziro

اسف بس اية ياباشا
دةانت مرحب بيك ف كل مكان و فى كل زمان
و احنا مش قافلين على نفسنا ولا حاجة
بس الموضوع كلة الانشغال بس بحاول انى ابقى متواجد على الاقل فى الرابطة بتاعتنا
و ياباشا احنا فى فى انتظار اقتراحاتك ب النسبة للمكان و مجريات اليوم

حبيبى ازيك ويارب تكون بخير ...انت ياعم المقابلة اللى فاتت قلت هتحضر ولا شفتك ..
الاقترحات انا قلتها فوق .

المشاركة الأصلية كتبت بواسطة h a r d

يا باشا انت نورتنا بس بصراحه انتوا بقيتوا مستولين على القسم
حتى بعد مخصصوا قسم للسيراتوا
واحنا غلابه ملناش غير الحته ديه

وانا فعل امتفق معاك تماما ان الى بيجمعنا دلوقتى فعلا الاخوه والصداقه مش العربيات وانا فعلا اتعرفت على ناس جميله جدا بعتبرهم اكتر من اخوات ليه وربنا يديم المعروف

وياريت لو تساعدنا فعلا فى مكان كويس مش بعيد ورخيص نقدر نفطر فيه يعنى 10 جنيه كدا زى الفل اوى :d
وشرفتنا وعقبال منتجمع مع رابطه السيراتو ان شاء الله

السيراتو برضه كانت مسمعه فى مصر كلها وكان العين عليها وكل عربية بتاخد فترة ويجى اللى
بعدها واديك شايف القسم بقى نايم والكلام كله بقى فى هيونداى بسبب الالنترا الجديدة
مين يا باشا اللى غلابة انتو بسم الله ماشاء الله تسدو عين الشمس والرابطة بتاعتكم من افضل الرابطات اللى موجوده فى المنتدى بصراحة .
ههههههههه 10 ج ده على اساس هتاخد مشروب بس مش كده علشان الرجيم
بأذن الله فى المقابلات اللى جاية مش هتنازل انكو تكونو موجودين معانا