المشاركة الأصلية كتبت بواسطة medo7171
سلام عليكم
انا اسمى محمد 39 سنه من القاهرة - حدائق القبه
عندى سيفيا موديل 2001 ( كنت فاهم انها كورى بس من قرايتى لصفحات الرابطه فهمت ان فيها تقفيل مصرى - هبقا ابص على الزجاج واقولكم هيا كورى ولا مصرى بس بكرة ان شاء الله لانى مكسل انزل دلوقتى
)
انا شارى العربيه من 2005 وعامله 121 الف كيلو وهيا طبعا اوتوماتيك
المشكله انى قرفان جدا منها مش كعربيه بس لاتنى صرفت كتير جدا عليها واحلا اشتغالات حصلت عليا
طبعا مش هذكر الماضى الاسود
بس اقرب حاجة من اسبوع مغير مساعد خلفى شمال وخارط طنابير امامى وجايب جوز كبالن جديدة ب 600 جنيه
( نفس المساعد من شهرين كنت مغيرة استيراد ب 150 ج بس اشتغل اسبوعان وسمعت صوت خبط رهيب فى المطبات ... فرحت مغير الصنايعى بالكامل )
ومن يومين غيرت سير الكاتينه والتكيف
ههههههه المشكله انا غلبت اقول للميكانيكى دوول 3 سيور يقولى لا دوول 2 بس
وفى الاخر قلت لنفسى هوة انا هفهم اكتر من الحكومة اكيد 2 والتالت دة خدعه
بالنسبة للمشاكل المزمنه فخدوا عندكم
لسة النهاردة وانا راجع من الشغل بطلع الكوبرى وهديت خالص لان كانت فية عربيه عطلانة وبدوس بنزين لاقيتها قطعت مرتين ومشيت
قلت اهدى خالص تانى واجرب راحت عامله نفس القصه قلت خلاص انا هركنها واخد مواصلات بلاش بهدله وقله قيمه
بسيطة صح؟؟
طب نشوف غيرها
بسمع صوت صفارة جامدة جدا اول ما ادور العربيه سواء صبح او ليل وساعات لما افرمل واهدى السرعه
قالوا دة سير الكاتينة مش اصلى رحت مغيرة من يومين وبرضة نفس الصوت والمفروض انه سير اصلى
استهلاك البنزين بسم الله ماشاء الله 160 ك فى الصفيحة وكمان بحط بنزين الفايف ستارز 92
الحرارة عندى بتبقا دايما المؤشر اللى تحت النص ... ساعات بلاقى الحرارة نطت بقدرة قادر فوق النص بشرطه
افتح التكيف الاقيها بدات تنزل
رحت للميكانيكى اللى هوة مختلف عن الاتنين اللى فاتوا قالى دى لازم نفتح الفتيس ونكشف عليه احتمال يكون فية عيب نظبطه لانة هوة السبب فى رفع حرارة العربيه وكمان فى السحب تلاقى العزم بتاع العربيه مش مساعدك
ونصيحه منى متمشيش عليها كتير دة ممكن يبوظ منك فى اى لحظة وتقف مكانك .. ولو منفعش يتصلح نجيب فتيس استيراد
ههههههههه ... مأساة مش كدة
عموما بعيد عن البلاوى اللى فاتت دى
انا فعلا اتشرف انى انضم لرابطة الوحوش وارجو قبولى معاكم
ولو ينفع اى مساعدة قبل ما افجر العربيه
المفضلات