عاجل ...مفاجأة سيئة من توكيل سوزوكي ... ماذا تفعل لو كنت مكاني ؟

**Ahmed Nouh** · 10-10-2009 11:53 AM

لو افترضنا حسن النيه ممكن نقول بس ان عنده مخزون من اللونين ومحدش بيطلبهم فهو بيجرب حظه معاك انك ممكن تكون مستعجل وتاخد لون منهم , ومش معنى كدا انه مخزون مضروب لا عادى زى باقى الالوان اللى عنده بس عايز يمشى اللون شويه لأنى فعلا نادر جدا لو شوفت sx4 سوداء او شامبين

لو افترضنا سوء النيه يبقى مثلا العربيتين دول بقالهم فتره كبيره عنده وده احتمال مستبعد لأنك بتقول تاريخ انتاجها 8/2008 يعنى ممكن نقول وصلت مصر اول 2009 واساسا العربيه مفيش عليها سحب فدى مده طبيعيه , أو ان هو عاوز يرفع عليك السعر علشان انت مستعجل مثلا

رأى روح شوف العربيتين النهارده واعمل استخاره لو لقيت نفسك مرتاح لواحده فيهم خلص فيها , لو حسيت بأى حاجه مش مظبوطه قوله يا تجيب لى عربيه خلال اسبوع يا هسحب فلوسى

وساعتها تجيبها من اى معرض وتريح بالك , لان صدقنى لو خدت العربيه وانت مش مستريح لها هتبقى موسوس منها واى حاجه تظهرلك هتحسسك ان العربيه كلها بايظه

**ZALABANY** · 10-10-2009 12:07 PM

هما دول مودرن موتورز

**Ahmed.TV** · 10-10-2009 02:18 PM

مش عاوزك تزعل او تتعكنن ابدا, اللى بيحصل معاك بحصل مع كل التوكيلات احيانا وفى توكيلات بتاخر اكتر من كدا كمان , بس على العربية نفسها العربية دى ممتازة جدا ولو فضل سعرها كدا حتعمل انتشار جامد

وبلنسبة الى الالوان العربية خاليك فى السليفر جامد جدا والاحمر جامد جدااااااااااااااااااا
ولو مش مرتاح معاهم فى المواعيد والاستلام اسحب فلوسك واستلم من اى معرض تانى لان انا سمعت كمان ان وصل سعرها ب105 دلوقتى وفى معارض بتبيع بكدا

واخر حاجة انا سالت واحد معاه العربية بس مانول وقالى العربية دى حتى مش بينزل منها مانول كتير ولا دلوقتى بينزل , وفضل يشكرلى فيها والى انه بيعمل الصيانات فى ابورواش وقالى ممتازين هناك بس المشكلة فى الزحمة , وسالته على تكاليف لصيانة قالى انه عمره ما دفع اكتر من 500 جنية وسالته هو عامل كام الف كيلو قالى 40 الف , ده كل اللى معاه العربية بيشكر فيها وكفاية انها يابانى بالكامل والجير بوكس بتعها يابانى وحتى الزجاج بتعها يابانى وفيها امكانيات هائلة

فعاوزك تطمن من كله صيانات ابورواش كويسة ومن العربية

**ZALABANY** · 11-10-2009 02:03 AM

من اللي شوفته النهارده مودرن موتورز من أسوأ توكيلات مصر معامله زفت وخدمه زفت حتى الشغل اللي بيعملوه في العربيه لا يرقى لمستوى التوكيلات وصنايعية كتير في مصر بيطلعوا شغل انظف من شغلهم حسبنا الله ونعم الوكيل
وفعلا دلوقتى انا اققدر اقول تغور من وش مودرن موتورز مش من وش غبور

**ZALABANY** · 11-10-2009 02:08 AM

من اللي شوفته النهارده مودرن موتورز من أسوأ توكيلات مصر معامله زفت وخدمه زفت حتى الشغل اللي بيعملوه في العربيه لا يرقى لمستوى التوكيلات وصنايعية كتير في مصر بيطلعوا شغل انظف من شغلهم حسبنا الله ونعم الوكيل
وفعلا دلوقتى انا اققدر اقول تغور من وش مودرن موتورز مش من وش غبور

**Dr_Smart** · 11-10-2009 04:19 AM

انا شاكر جدا لكل ردودكم يا جماعه ربنا يكرمكم جميعا

انا رحت النهارده التوكيل لأستاذ كريم ناصر ( زميلنا في المنتدى )

الصراحه كان ذوق وجدع معايا جدا بس للأسف هو كمسؤول مبيعات فهو اللي في وش المدفع رغم انه مالوش يد في اللي حصل

ووعدني بالاستلام ان شاء الله يوم الخميس ووعدني أنه هيعمل معايا أحسن واجب ... ربنا يسهل الأمور وييسر للي فيه الخير

ان شاء الله هتابعكم بالأخبار

**Ahmed.TV** · 11-10-2009 01:48 PM

عاوز تتطمن من التوكيل انزل اى مرز صيانةليهم وقابل الناس اللى بعمل صيانات هناك وعربياتها بتتصلح واسالهم اخبار التوكيل معاكم ايه فى التعامل والصيانات وده احسن حل لسبب لان اى واحد ليه تجربة سيئة مع التوكيل بيطلع اسوء توكيل , وحتى مثلا توكل زى كيا او السبع مع انهم محترمين جدا بس ممكن تلاقى واحد من لناس بيعمل صيانة معاهم ومش ارتاح وحصل مشكلة بيطلع فبيطلع ويقولك التوكيل مش كويس واوعى تتعامل معاه وكذااا
فاحسن حل بجد انزل اى مركز تبع مودرن واسال ملاك العربيات اللى موجودين هناك وبيعملوا صيانات عن اخبار التوكيل معاهم واطلب كمان من اى مهندس يدخلك قسم الصيانات واتفرج عليهم وهما بيعلوا الصيانات واعتقد ده مش ممنوع وحقك وتبقا كدا اطمنت

**ahmadelsaeed** · 21-10-2009 01:14 AM

مفيش أخبار جديدة لسه يا دكتور ؟

-

-

الموضوع: عاجل ...مفاجأة سيئة من توكيل سوزوكي ... ماذا تفعل لو كنت مكاني ؟

LinkBack

أدوات الموضوع

عرض

-

-

-

-

المواضيع المتشابهه

ماذا تفعل لو كنت مكاني ؟

ماذا تفعل لو كنت مكاني ؟؟؟

ماذا تفعل لو كنت مكاني

ماذا تفعل لو كنت مكاني !!!!!!!!!!!!!!!!!!!

ماذا تفعل لو كنت مكاني؟

الكلمات الدلالية لهذا الموضوع

المفضلات

المفضلات

ضوابط المشاركة