توسيع البساتم؟؟ ما هو وما هى اضرارة

**disha_2020** · 22-06-2010 01:11 PM

السلام عليكم انا ان شاء الله ناوى اوسع بساتم العربيه ال 127 1050
انا سمعت ان الموضوع ده بيفرق كتير فى العربيه وبيخلى العربيه حاجه تانيه
وسمعت عيب واحد ليه وهوا انه بيسحب بنزين اكتر بس دى معا اللى بيجرى و بيشد يعنى مش بتفرق
انا عاوز اعرف وافيد نفسى والمنتدى ايه رأيكم فى الموضوع و يارب نتشارك الاراء

**hamedo0** · 22-06-2010 01:15 PM

ماهو عشان توسع بستم لازم توسع شميز ولا انت تقصد تفتيح الموتور
قصدك ايه بتوسيع البستم

**disha_2020** · 22-06-2010 01:37 PM

ولله انا مش عارف انا اعرف ان اسمع عن توسيع البساتم يعنى اسمع ان لو العربيه بتكون 1300 هما بيحطوا بساتم بتاعت موتور اعلى وبتبقى ممكن تقول عليها مثلا بقت 1500 بس انا مش عارف ايه الفرق فى ما بين الشميز ده

**hamedo0** · 22-06-2010 01:44 PM

الشميز هو الاسطوانه التي تحوي البستم
بصراحه الحوار ده كان ابويا بيعمله في 504 عشان هي كانت 1890 كان يوسع الشميز عند الخراط ويجيب بستم 132 2000 او 505 لما اتعملت كان بينفع في الفيات مش اعرف اصراحه ينفع ولا لا

**ahmedbasto** · 22-06-2010 01:52 PM

هى فكرته انك مثلا بتغير وش سلندر بواحد تانى بساتم بموتور اكبر يعنى مثلا لو شاهين 1400 تجيب لها وش السلندر بتاع 1600 بالبساتم

**disha_2020** · 22-06-2010 02:20 PM

طيب تمام الفرق فى الاداء بيكون مختلف طبعا ويستاهل؟

**hamedo0** · 22-06-2010 03:01 PM

لا مش يغير وش السلندر اكيد كان في فرق وفرق في استهلاك البنزين بس شوف الاول ينفع يتعمل في الفيات ولا لا

**banky** · 22-06-2010 03:22 PM

بلاش عاشان لما البساتم بتوسع نسبة العادم هاتبقى اكبر و مش هيستحملها وش السيلندر و ممكن يدرب منك الصبابات و بعدين بالفلوس اللى هاتعمل بيها كدة هاتلك موتور تانى و خلاص

**Mzeid** · 22-06-2010 03:45 PM

عبارة عن زيادة سعة الموتور
وما يترتب عليها من زيادة استهلاك البنزين و طبعا الهواء لازم يتظبط معاه و زي ما بانكي بيقول العادم هيكون اكتر

**MMamdouh** · 22-06-2010 05:09 PM

مفيش حاجة اسمها توسيع بساتم... البساتم مبتوسعش

اللى ممكن يوسع هو الفتحة اللى فى الشميز اللى بيركب فيها البستم... و طبعا لو عملت كدة حتحتاج بساتم بقطر اكبر عشن تملا الفراغ اللى فى البلوك اللى بقى كبير على البساتم الاصلية... طبعا بيبقى فيه فرق فى الاداء بعد التعديل و دة مرتبط بحجم التعديل... يعنى لو عملت كدة و عربيتك بقت 1100 حتلاقى فرق عبيط جدا... لكن لو خليتها 1300 حتبقى حلوة... و لو خلليتها 1500 تبقى جبارة

الموضوع دة ممكن بس عايز دقة فى الخراطة و حسن اختيار البستم اللى حتركبة عشان يتناسب مع البيلات بتاعتك و فى نفس الوقت ميخبطش فى الصبابات... و طبعا البلك بتاعك يكون اساسا فيه مسافة ممكن تتاكل عشان عملية التوسيع... اهم حتة فى الموضوع دة هو المسافة بين كل شميز و الللى جنبة لان دى اصغر مسافة فى البلوك

غالبا اللى بيعمل كدة بيضبط الشميز على مقاس يكون موجود اصلا للبلوك دة... يعنى لو بلوك موتورك زى بتاع ال128 ممكن تخرط الشميز بحيث يستوعب بساتم ال128 ال1100... و لو جبت بيلات و كرنك ال 128 ال 1300 على التعديلة دى حيبقى موتورك 1300... الفكرة بقى هل مصاريف الكلام دة اقل من مصاريف و مجهود تسقيط المكنة ال 1300 او 1500مباشرتا؟؟

طبعا بعد التعديل لازم تغير الكربراتير و تركب واحد اكبر (غالبا بتاع المكنة اللى سعتها اللترية مكافئة لسعة موتورك بعد التعديل) و يمكن تحتاج شكمان اكبر لو الفرق كبير فى السعة قبل و بعد التعديل

MMamdouh

الموضوع: توسيع البساتم؟؟ ما هو وما هى اضرارة

LinkBack

أدوات الموضوع

عرض

-

-

-

-

-

-

المواضيع المتشابهه

صناعه البساتم

البساتم مبوشة هل دي مشكلة

سؤال عن زيت البساتم

توسيع بطاحات الكيا سبكترا

الكلمات الدلالية لهذا الموضوع

المفضلات

المفضلات

ضوابط المشاركة