تعالوا نشجع الأمانة

**Hossam_Hassan** · 26-05-2007 01:46 PM

من كثرة تعاملي مع ورش و حرفيين لا يراعوا أدنى معايير الأمانة و لا يوجد عندهم أي إحساس بمدى خطورة إهمالهم على أرواحنا و أموالنا، وجدت انه من الواجب أن نتبادل أي معلومة خاصة بالحرفيين و الورش التي تراعى ضمائرهم في معاملاتهم و بهذا نستفيد كمنتدى بمعرفتهم و فى نفس الوقت نكون قد ادينا لهم حقهم من الشكر على أمانتهم.

وأول من احب ان اعرفكم عليه هو {عادل زوايا} وورشته في محطة موبيل المقطم و أتعامل معه منذ 4 سنوات و انا اشهد له أولا بالأمانة و الكفائة خاصة مع زبون غير خبير مثلي لدرجة أنى أستشيره في اى شيء فى العربية انشالة الدوكو و هو متطوع دائما بالنصيحة و المساعدة بدون اى مصلحة ده غير ان العربية لما تحتاج ضبط زوايا و لا ترصيص بتخرج من تحت ايده زى الفل.

**Santino** · 26-05-2007 02:20 PM

في محطة موبيل اللي عند كلية التربية في روكسي ( قبل مول السخاوي بتاع الكمبيوتر , عند الشرطة العسكرية ) , في صنايعي غسيل الرادياتير , إسمه مصطفي , هو رفيع و أسمراني . عنده ضمير و ذمه و بيشتغل بأمانه جداً . بيغسل الرادياتير بيخليه زي الفل . بياخد وقت حوالي ربع ساعة في العربية .

**Abdallah** · 26-05-2007 02:23 PM

فى المنصورة ميكانيكى اسمه مجدى عزمى بمنطقة العبور وهوا فعلا مثال يحتذى به فى الامانة ومراعاة الضمير
وايضا مركز ضبط زوايا واتزان العدوى بالعبور, القائم عليه شخص يدعى ابراهيم وهوا انسان محترم وامين فعلا وايضا مكان المركز فى العبور لو حد عايز ارقام تليفونات يبعتلى على الخاص.

**محمد المشد** · 26-05-2007 02:32 PM

جزاكم الله كل خير ..... فكرة رائعة استفدنا منها بمعرفة الامناء الذين من الممكن التعامل معهم فى كل مايخص السيارة وايضاً استفدنا خبراتكم معهم ، من لايشكر الناس لايشكر الله
والى المزيد من الامناء بأذن الله

**sab3aawy** · 26-05-2007 04:48 PM

ايضا ارشح لكم مركز البركة للزوايا فى الحى السادس بمدينة نصر امام المدينة الجامعية لجامعة الأزهر وبجوار مركز شباب مدينة نصر

فيه هناك صنايعى زوايا اسمه خالد، مثال للامانة والاخلاق والإلتزام

**awny_douha** · 26-05-2007 05:00 PM

فكرة ممتازه والله ياجماعه وجزاكم الله خير بس نتمني من جميع الأعضاء ان ينقلو لنا تجاربهم الأمينه مع الصنايعيه وليس حبهم لصنايعي بعينه وشكرا علي هذا الموضوع القيم

**Dr_Smart** · 26-04-2008 09:48 PM

المشاركة الأصلية كتبت بواسطة sonny

في محطة موبيل اللي عند كلية التربية في روكسي ( قبل مول السخاوي بتاع الكمبيوتر , عند الشرطة العسكرية ) , في صنايعي غسيل الرادياتير , إسمه مصطفي , هو رفيع و أسمراني . عنده ضمير و ذمه و بيشتغل بأمانه جداً . بيغسل الرادياتير بيخليه زي الفل . بياخد وقت حوالي ربع ساعة في العربية .

ايوة عارفه ,, فعلا الراجل ده بحسه بيشتغل بذمه وضمير ومش بيشتغلك

**Dr_Smart** · 26-04-2008 09:52 PM

فيه واحد بتاع رادياتيرات بقى لسه عارفه من يومين بس فعلا اللي هيتعامل معاه هيلاقيه مثال للدقة والأمانة

اسمه م/ مجدي ( مش عارف هو مهندس فعلا ولا ايه :) )

الورشة في جسر السويس - امام مستشفى منشية البكري - شارع على ناصيته مسجد

**marsguy** · 26-04-2008 10:00 PM

السلام عليكم ورحمة الله وبركاته،،،

موضوع مفيد ومهم جداً

إن شاء الله لما الموضوع يكبر ويبقى فيه مشاركات كتير، ممكن حد من الإخوه المشرفين يجمع المشاراكات المتشابهه مع بعض، يعني مثلاً الصنايعيه اللي عندهم أمانه في تظبيط الزوايا، والصنايعيه اللي عندهم أمانه في تنظيف الرادياتير وهكذا.

شكراً

**Nile_Storm** · 26-04-2008 10:03 PM

فيه ميكانيكي نصر و شاهين ممتاااااااااااااااز و امين جدا جدا جدا بشكل مش معقول تقدروا تقوله عشره طويله مع عربيات العائله عندنا
في الطالبيه الهرم و اسمه ناصر