الموضوع: برجاء المساعدة في أتخاذ قرار

السلام عليكم،
أنا متشكر جدا لرد حضرتك، أنا طبعا شايف أن المقارنة دي كانت موضوعية ومش متحيزه لعربية عن التانية، بس في بعض النقط قلقتني
- في المشاركة #1 موضوع ال performance drop
- في المشاركة #1 موضوع التكييف أنه مش قد كده
- في المشاركة #13 موضوع النقر أنها بتسمع في العربية كلها أعتقد أن ده مقصود به نعومة العفشة ،هل دي مشكلة فعلا ؟
- في المشاركة #25 كان الزميل بيتكلم عن كفاءة الموتور والفتيس هل ده مؤثر على أعتمادية العربية والعمر الأفتراضي؟
- في المشاركة #31 كان الزميل بيقول أنها ضعيفة وبتتنطط في النقر والثبات مش كويس اذا قارناها بالميجان، هل ده صحيح؟

وبصفة عامة كنت عايز أعرف مثلا هل الدركسيون بيتقل في السرعات، هل العربية ثابتة مع مطبات الهوا
أنا بصراحة ميال أكتر للفلوانس فكنت عايز أكون مطمأن للأختيار ده، وأكيد ملاكها أو اللي جربها أكتر حد ممكن يفيدني

أنا شايف ان اختيار العربيات بيرجع لاحتياجات كل واحد فينا فى العربية
وتحط لكل احتياج أولوية.....يعنى فى ناس عندها اهم حاجة فى العربية ان سحبها سكون عالى.....وفى ناس عندها اهم حاجة فى العربية انها تكون واسعة ....
بالنسبالى انا ومن واقع تجربتى للفلوانس........أقدر أأكدلك على تميز الفلوانس فى الحاجات دى:-
1. راحة فى الركوب على المسافات الطويلة
2. فرامل فوق الممتازة
3. عزل محترم جدا.....بتقفل الإزاز وماتسمعش اى دوشة برة
4. شنطة واسعة والصالون برضه واسع...والتابلوة واسع جدا
5. كماليات فوق الطبيعى (سمارت كى , مرايات ضم , abs .............الخ الخ الخ)
6. عالية عن الأرض جدا......تشيل 3 فى الكنبة وشنط ....وانسى أى مطب
7. توكيل محترم جدا
8. قليلة الأعطال والحمد لله
9. ثبات على الطريق وسحب قوى جدا على السرعات العالية......لكن طلعتها مش زى اليابانى والكورى....لكن فوق ال 80 كم/ساعة ....بتشد جامد جدا

انا بصراحة ركبت الكارينز ...وكنت ناوى اشتريها......لكن بصراحة ....ماعجبنيش صالونها من جوة.....تقفيله فقير جدا وخاماته رديئة.....انا لما بركب الفلوانس ..بحس انى راكب عربية غالية جدا....وما شاء الله شكلها من برة أحلى كتير

لكن الكارينز عائلية أكتر......بس مش شايف حاجة تميزها عن الفلوانس غير انها أوسع بس
وربنا يوفقك وتحسن الاختيار

المشاركة الأصلية كتبت بواسطة mohammedaladel

شوف يا باشا انا معايا ميجان عربية جميلة جدا وحببتنى فى كل ما هو رينو
أنا مبدئيا ما شفتش المقارنة بتاع الموضوع بس اخترت الفلوانس لأنها من رينو وعشان توكيل ممتاز بشهادة كل الأعضاء هنا
شكلها عالى جدا مقارنة بالكارينز برغم إن الاتنين فئات مختلفة بس الفلوانس برستيج عالى وزى ما الأستاذ أحمد قال عربية فيها 6 إيرباج وخدت 5 نجوم عوامل أمان
تقريبا محركها 105 حصان وفيه تقارير بتقول إنه بيطلع 110 لأنه تقريبا نفس محرك الميجان والله أعلم
العربية أوبشنها عالى
عربية سعرها فيها قيمة مقابل مال وأعادة بيع ماسكة نفسها شوية عن الميجان ولكنها مش زى الكورولا واللانسر والإلنترا على أسعار المستعمل اللى بشوفها
بالنسبة للدريكسيون بيتقل مع السرعات حساس للسرعة وهو باور كهرباء مش زيت هيدروليك
فى النهاية العربية دى فئة ودى فئة تانية خالص واللى ترتاح ليه وبتحبه أركبه والكارينز عربية ناجحة جدا وعائلية بس أنا مبحبش الشكل دا فى العربيات ودى أذواق

أنا متشكر جدا لرأي حضرتك

المشاركة الأصلية كتبت بواسطة yalahwy2010

أنا شايف ان اختيار العربيات بيرجع لاحتياجات كل واحد فينا فى العربية
وتحط لكل احتياج أولوية.....يعنى فى ناس عندها اهم حاجة فى العربية ان سحبها سكون عالى.....وفى ناس عندها اهم حاجة فى العربية انها تكون واسعة ....
بالنسبالى انا ومن واقع تجربتى للفلوانس........أقدر أأكدلك على تميز الفلوانس فى الحاجات دى:-
1. راحة فى الركوب على المسافات الطويلة
2. فرامل فوق الممتازة
3. عزل محترم جدا.....بتقفل الإزاز وماتسمعش اى دوشة برة
4. شنطة واسعة والصالون برضه واسع...والتابلوة واسع جدا
5. كماليات فوق الطبيعى (سمارت كى , مرايات ضم , abs .............الخ الخ الخ)
6. عالية عن الأرض جدا......تشيل 3 فى الكنبة وشنط ....وانسى أى مطب
7. توكيل محترم جدا
8. قليلة الأعطال والحمد لله
9. ثبات على الطريق وسحب قوى جدا على السرعات العالية......لكن طلعتها مش زى اليابانى والكورى....لكن فوق ال 80 كم/ساعة ....بتشد جامد جدا

انا بصراحة ركبت الكارينز ...وكنت ناوى اشتريها......لكن بصراحة ....ماعجبنيش صالونها من جوة.....تقفيله فقير جدا وخاماته رديئة.....انا لما بركب الفلوانس ..بحس انى راكب عربية غالية جدا....وما شاء الله شكلها من برة أحلى كتير

لكن الكارينز عائلية أكتر......بس مش شايف حاجة تميزها عن الفلوانس غير انها أوسع بس
وربنا يوفقك وتحسن الاختيار

أشكرك على رد حضرتك, وبصراحة زودت أقتناعي بيها.

كان ليا كام سؤال كده بالنسبه للتكييف هل أداؤه كويس و خصوصا في أيام الحر الجامد, هل في أحساس جامد بتفاصيل الطريق مم يؤثر على نعومة العربية, هي صحيح فيها تصفيح من أسفل ولا لأ

معلش يا جماعة بتعبكوا معايا, بس لو في نصيب ليا أنشاء الله دي حتكون أول عربية أوتوماتيك و زيرو فألأختيار صعب شوية