ياريت حد من اصحاب اللوجان يرد عليا ضرورى

**mohamedesmail81** · 03-09-2008 12:01 PM

الحمد لله استلمت عربيتى اللوجان بس فى كام حاجة كدا عايز حد يرد عليا فيها لو سمحتم :1- العربية بتسخن جامد مع العلم إن الميه الريدياتير كانت تمام والمروحة بتشتغل بس العربية كانت سخنة مولعة وكان فى ريحة غريبة ,,, هل كدا عادى فى الاول عشان لسه جديدة يعنى ؟؟؟؟؟؟؟؟؟2- الكتالوج بتاعها مش مترجم للعربى , عايز أقرأ الكاتلوج واعرف كل حاجة عن العربية .. لو حد عنده كتالوج مترجم ياريت يدلينى أجيبه منين ؟؟؟؟؟؟؟؟3-اكتشفت بعد ما استلمت العربية ان أكرة الباب اللى ورايا مش بتفتح من جوه يعنى الباب مبيفتحش غير من بره بس .... مش عارف هل أروح للتوكيل ولا أى حد بتاع أبواب سيارات يعملها وخلاص بس انا مش عايزها تخرج من الضمان !!!!!!!معلش طولت عليكم بس بجد محتاج حد يرد عليا ويكون ليه جزيل الشكر .......

**megane_man** · 03-09-2008 02:41 PM

ألف مبروك بالنسبة للسخونة مؤشر الحرارة بيوصل لفين لو للنصف متقلقش كل الأوربي كده
بالنسبة للباب ممكن يكون زرار الأمان بتاع الأطفال يكون مقفول هو في الميجان زرار مع زرارير الكهرباء ومعظم العربيات بيبقي بجانب مفصلة الباب

**amr123** · 03-09-2008 04:29 PM

اولا مبرووووووك اهلا بيك في الاسرة الرينوية الوجانوية الاولى :)

-درجة الحرارة العادية للوجان بتكون على العداد 4 شرط (النص)
-و موضوع الريحة ده عشان لسه زيرو و يروح لوحده
-الكتالوج عندى بردو انجليزي ..معرفش ممكن تجيبي منين ..ممكن تتدعبس على النت يمكن يكون المغرب بينزل فيها متجرم
-موضوع الباب . اللوجان فيها قفل امان للاطفال بيكون في الباب نفسه حاجة زي الزر كده جنب قفل الباب نفسه دي ممكت تخلى الباب ميفتحش من جوه عشان لو في اطفال ورا . قارن البابين و انت تاخد بالك
و ربنا يباركلك فيها

**alfa_we** · 03-09-2008 10:32 PM

الف مبروك عليك العربية
متخافش من موضوع السخونة انا عندى اربع شرط ودا الطبيعى طبعا دا كلام الصيانة
وعلى فكرة انا عملت زيك فى موضوع الباب لغاية ما اكتشفت موضوع قفل الامان
ومبروك عليك العربية مرة تانية

**mohamedesmail81** · 04-09-2008 12:32 PM

متشكر أوى أوى يا جماعة لردودكم وبجد انتو طمنتونى من موضوع السخونة ده والحمد لله انى أنضميت للرينيوية اللوجانوية بجد ناس محترمة جدا والعربية اللوجان برده محترمة اوووووووووى

**mohamedesmail81** · 05-09-2008 03:37 PM

انا حاولت أشوف قفل الباب ده اللى بتقولو عليه بس معرفتش ألاقيه ممكن حد يقوللى بالظبط هو فين انا عايز أعرفكم هى اللوجان هاف أوبشن

**alfa_we** · 05-09-2008 05:55 PM

حتى لو هاف اوبشن بيكون فيه قفل امان برضوا
ف اخر الباب هاتلاقيه

**hobby10** · 10-09-2008 04:41 PM

انا بفكر اشترى اللوجان او الكليو ومحتارة بينهم مش عارفة الكليو اضمن لانها متجربة فعلا ولا اجيب اللوجان وهى برضه كويسة انت شايف ايه فى استخدامك ليها ولو جبتها اجيب النص كماليات ولا الكاملة وبالنسبة للصاج بتاعها والفبر اللى فيها ايه نظامه (انا اتفرجت عليها وعجبتنى بس مش قادرة اقرر ومش عارفة كده الصاج كويس ولا ايه وكمان انا استغربت لانى ملقيتش فيها حاجة بتفتح تانك البنزين والشنطة من جوه!!!)............ ياريت تفيدنى ضرورى لانى لو حجيب الكليو لازم يبقى بسرعة علشان قبل 2009 ما تنزل وتبقى ب 90 الف...