تقرير تغيير ترموستات الفليشيا الى 90/80

**aw2100** · 11-09-2013 01:04 AM

بعد تركيب جوان وش السلندر من حوالى شهر وتعديل اتجاه بوابه الكاربراتير مع تغيير الرادياتير بواحد فيكا صينى جديد وتركيب قواعد كاوتش للرادياتير لرفعة ليصبح فى وش فتحة الشنب تماما وتركيب غطاء قربة ايطالى جديد و تغيير مية دورة التبريد لمية حمراء توتال 33% تركيز وبستعمل زيت شل الأصفر لاحظت ان حرارة الموتور وانا ماشى على سرعة فوق ال 80 ك بتنزل حتى ال70 وده بيخلى الموتور يستهلك بنزين زياده فقمت بتغير ترموستات المروحة من 82/68 الى 90/80 بمعنى عليت درجة حرارة الترموستات النتيجة؟
درجة حرارة الموتور ثابتة دلوقتى بين ال 95 c والمروحة تشتغل وتفصل قبل ال 90 c بشوية ده فى السلانسية لغاية سرعة 80ك بعد ال 80 المروحة بتفصل تماما والحرارة بتبقى 85 c مهما السرعة زادت لغاية 120ك والحرارة تعلى ل90 c بعد ال120 الحرارة تبدء تزيد لغاية 95 c وتنزل لل 90 c وطبعا لله الحمد المية نقصت فى الشهر 1/4 لتر بس ومفيش هواء فى دورة التبريد نهائى ومعدل استهلاك البنزين كان 7.5 ك/ لتر وصل 8.5 ك/ لتر داخل البلد حبيت انقل ليكم تجربتى للافادة تحياتى !!

**أحمد جودة** · 11-09-2013 10:32 AM

تسلم الايادي وشكرا على نقل التجربة أنا الحمد لله عندي الحرارة مفيهاش مشكلة والله وكان نفسي اعمل تنظيف لدروة التبريد واحط مياة معبأة ..... بس للاسف عندي تسريب بسيط جدا من السوكة بتاعت الردياتير وبضطر اني احط مياة عادية لحد ماباقي اغير الردياتير بواحد جديد

**sakr_skoda** · 11-09-2013 07:56 PM

سبحان الله مع اننا دائما ننصح ب 82/68 وهو المناسب عند ارتفاع حرارة المحرك !!!!!!!!ولاكن يبدو لى ان الثيرموستات القديم كان مهيس....

**aw2100** · 11-09-2013 10:37 PM

المشاركة الأصلية كتبت بواسطة awaad8760

أظن إن ترموستات الكوعه(صمام فصل أو وصل دورة المياه للرادياتير) عندك مش موجود وهو ده كان سبب هبوط الحراره .

مبدئيا اللى انت عملته صح لأن عن تجربه العربية بتتقل وبتستهلك بنزين أكتر لما تبقى بارده كدا.
بس انت كان عندك حلين :- إما إنك تحط ترموستات كوعه أو إنك تغير ترموستات المروحه بوحد يفتح فى درجة حرره أعلى.

نظريا لو انت عايز ترجع العربية لشغل المصنع تعمل الحلين (تجيب ترموستات كوعه وتجيب ترموستات مروحه 90/80 ) على فكره الأصلى كان 95/87. بس ده عمليا ما ينفعش مع معظم الفيليشيا بسنها الحالى ووجودها فى مصر وخصوصا فى فصل الصيف. وحتسخن فى الزحمه بمنتهى السهوله.

طيب بما انك تنفذ الحلين موضوع محفوف بالسخونه, إذن خلينا نفاضل ما بين الحلين (وضع ترموستات الكوعه أو تعلية ترموستات المروحة)....أنا شايف إن وجود ترموستات الكوعه حل أكثر صحه علشان بينظم تدفق المياه فى دورة التبريد وبيخلى عندك احتياطى استراتيجى لأيام الصيف الحاره بإن يكون عندك مروحه الردياتير بتشتغل مده أطول.

معرفش ليه ترموستات الكوعه مكروه من الميكانيكيه , يمكن علشان لما بيبوظ بيبوظ بشكل مزمن يعنى يقعد يتدهور شهرين تلاته وتشخيصه مش واضح قوى. على عكس ترموستات المروحه يا شغال يا مش شغال.
ترموستات الكوعة بنشيلة لية؟
علشان مفيش مية تبريد فى مصر مطابقة للمواصفات فاللى بيحصل ان ترموستات الكوعة المفروض بتفتح عند درجة حرارة 85 لما بتصدى ممكن ماتفتحش او تفتح بنسبة 50% المهم بتهيس ونتيجة لكده الموتور بيسخن ويضرب جوان الوش وخصوصا ان الكوعة الموجوده فى السوق صينى و ب150 جنية دورت على واحدة اصلى مفيش فانا فكرت انى اعلى ترموستات المروحة افضل وخدت نفس التأثير درجة حرارة ثابتة بين ال 95 و 85 ودى الحرارة المثالية للموتور دون التعرض لاخطار ترموستات الكوعة !!
وأخيرا كل فيليشيا حاله لوحديها على حسب حالة الردياتير وحالة الموتور وحالة وش السلندر.

أنا عن نفسى مغير لرادياتير الومنيوم فيكا وجايب كوعه جديده بترموستاتها وحاطط ترموستات مروحه 82/68. والحراره الحمد لله ثابته عند ال90 لا بتزيد ولا بتقل صيف وشتا.
انصح حضرتك لازم تعلى الترموستات ل 90/80 لية؟
كده المروحة عندك لايمكن تفصل وانت ماشى على سرعة عالية علشان ترموستات الكوعة بتفضل مثبته الحرارة على 85 وترموستات المروحة بتفصل على 68 لكن لو ركبت ترموستات 90/80 المروحة فى الحالة دى بتفصل على 80 فبمجرد مالعربية تجرى على سرعة عالية المروحة تفصل وتوفر استهلاك المروحة على الفاضى وده مجهود واستهلاك دون داعى على الدينامو والضفيرة

وشكرا للجميع وعايزين نسمع تجاربكم

**aw2100** · 11-09-2013 10:54 PM

المشاركة الأصلية كتبت بواسطة sakr1964

سبحان الله مع اننا دائما ننصح ب 82/68 وهو المناسب عند ارتفاع حرارة المحرك !!!!!!!!ولاكن يبدو لى ان الثيرموستات القديم كان مهيس....

يا ا/صبحى تركيب ترموستات 82/68 ده مش حل لمشكلة السخونة فى الفليشيا ده مجرد مسكن انا كنت مركبة قبل ماركب جوان الوش وكنت جربت اركب ترموستات 90/80 والنتيجة انتفاخ الخراطيم والقربة وضغط هواء فظيع لدرجة غطاء القربة طلع مية فرجعت ركبت الترموستات الواطى تانى ومشيت 10 شهور طبعا كانت المروحة مابتفصلش طول مانت ماشى غير لو وقفت فى السلانسية تفصل وتشتغل والحرارة رغم ان المروحة شغالة بتوصل لل 90 وبتعلى فى الطوالى اكثر لغاية مالجوان ضرب وغيرتة وغيرت الرادياتير سبب البلاوى كلها وطبعا اهم حاجة المية التوتال الحمراء فلاحظت ان العربية بتبرد زيادة فى الطوالى على سرعة عالية وده اللى خلانى عليت الترموستات والحرارة ثبتت والمروحة بتفصل فى الطوالى بس اهم حاجة بلاش مية الحنفية خصوصا فى الفليشيا وحتى لو فى ال128 ولا اللادا بتخرب فى الموتور لك تحياتى اخوك وليد !!!

**EngAhmedSayed** · 12-09-2013 12:22 PM

المشاركة الأصلية كتبت بواسطة aw2100

بعد تركيب جوان وش السلندر من حوالى شهر وتعديل اتجاه بوابه الكاربراتير مع تغيير الرادياتير بواحد فيكا صينى جديد وتركيب قواعد كاوتش للرادياتير لرفعة ليصبح فى وش فتحة الشنب تماما وتركيب غطاء قربة ايطالى جديد و تغيير مية دورة التبريد لمية حمراء توتال 33% تركيز وبستعمل زيت شل الأصفر لاحظت ان حرارة الموتور وانا ماشى على سرعة فوق ال 80 ك بتنزل حتى ال70 وده بيخلى الموتور يستهلك بنزين زياده فقمت بتغير ترموستات المروحة من 82/68 الى 90/80 بمعنى عليت درجة حرارة الترموستات النتيجة؟
درجة حرارة الموتور ثابتة دلوقتى بين ال 95 c والمروحة تشتغل وتفصل قبل ال 90 c بشوية ده فى السلانسية لغاية سرعة 80ك بعد ال 80 المروحة بتفصل تماما والحرارة بتبقى 85 c مهما السرعة زادت لغاية 120ك والحرارة تعلى ل90 c بعد ال120 الحرارة تبدء تزيد لغاية 95 c وتنزل لل 90 c وطبعا لله الحمد المية نقصت فى الشهر 1/4 لتر بس ومفيش هواء فى دورة التبريد نهائى ومعدل استهلاك البنزين كان 7.5 ك/ لتر وصل 8.5 ك/ لتر داخل البلد حبيت انقل ليكم تجربتى للافادة تحياتى !!

تسلم الايادى على التقرير
و نتمنى المزيد من التقرير المفيدة
جزاك الله كل خير
ربك المستعان

**المنسي** · 14-09-2013 04:06 PM

المشاركة الأصلية كتبت بواسطة أحمد جودة

تسلم الايادي وشكرا على نقل التجربة أنا الحمد لله عندي الحرارة مفيهاش مشكلة والله وكان نفسي اعمل تنظيف لدروة التبريد واحط مياة معبأة ..... بس للاسف عندي تسريب بسيط جدا من السوكة بتاعت الردياتير وبضطر اني احط مياة عادية لحد ماباقي اغير الردياتير بواحد جديد

بلاش مية الحنفية بلاااااااااش

**المنسي** · 14-09-2013 04:10 PM

لسه شايف الموضوع وللعلم الموتور الحرارة المثالية لتشغيله عند 95 درجة ونفسى ارجع للترموستات العالى تانى علشان استهلاك البنزين بس فالصيف الواحد بيقلق ........ شكرا ليك على نقل التجربة

**aw2100** · 15-09-2013 12:52 AM

المشاركة الأصلية كتبت بواسطة engahmedsayed

تسلم الايادى على التقرير
و نتمنى المزيد من التقرير المفيدة
جزاك الله كل خير
ربك المستعان

ربنا يبارك فيك ويقويك ونورت الموضوع !!

المشاركة الأصلية كتبت بواسطة المنسي

لسه شايف الموضوع وللعلم الموتور الحرارة المثالية لتشغيله عند 95 درجة ونفسى ارجع للترموستات العالى تانى علشان استهلاك البنزين بس فالصيف الواحد بيقلق ........ شكرا ليك على نقل التجربة

ازيك يا ا/محمد نورت الموضوع بص ياسيدى طالما العربية بتبرد مجرد مالمروحة بتشتغل عند ال90 تخاف من اية ؟
والميزة ان المروحة مابتفضلش شغالة عبيطة على طول اول مالعربية تبرد او تبدء تجرى الحرارة بتنزل والمروحة بتقف تماما وده بيوفر الحمل على الدينامو فمش كل شوية يبوظ جرب تركب ترمستات 90/80 بس اهم حاجة تجيب ترموستات اصلى مابيهيسش ؟

المشاركة الأصلية كتبت بواسطة المنسي

بلاش مية الحنفية بلاااااااااش

تأكيدا على كلامك امبارح كانت العربية بتنقط مية من ناحية الماسورة الحديد اللى بتوزع المية من الرادياتير لمشترك الخراطيم بسبب مية حنفية اللى كانت بتتحط فى العربية واخوك غيرها علشان البية الميكانيكى مش فاضى
وبالمناسبة انا بافكر اعمل دائرة الكترونية بتشتغل على حساس الحرارة للفليشيا تدى انذار بالضوء والصوت لو الحرارة زادت عن ال100 بس مش لاقى وقت ربك المستعان !!

-

الموضوع: تقرير تغيير ترموستات الفليشيا الى 90/80

LinkBack

أدوات الموضوع

عرض

-

-

-

-

-

المواضيع المتشابهه

تقرير عن تغيير فلتر بنزين الفليشيا 200

طريقه تغيير ترموستات الكوعه فى النوبيرا 2

تغيير عفشة الفليشيا

تغيير ترموستات الكوع + وضبط مفتاح الهواء للكربراتير فى الماروتى

يارب سعدوني بجد اجيب ترموستات الفليشيا منين 86/68

الكلمات الدلالية لهذا الموضوع

المفضلات

المفضلات

ضوابط المشاركة