شويه استفسارات لو تكرمتم

**adhmmaamon** · 16-10-2013 01:10 PM

دلوقتى انا كان عداد السرعه مش شغال وغيرتله الواير (السلك) وتمام شغال دلوقتى ..لكن عداد الكيلو متر مش بيزيد رغم انى من ساعه ما اشتريت العربيه لغايه دلوقتى عامل حوالى الف كيلو ؟؟ كمان لما جيت من يومين غيرت زيت جيت اصفر العداد اللى تحت عداد الكيلو متر بس مش عارف ؟؟؟؟ المشكله الكبيره بقى ان نور الطابلوه رغم تنظيفه عند الكهربائى وتغير اللمبات المحروقه ضلمه جدا بالليل ويادوب بشوفه بالعافيه فهل ممكن يتركب ليدات تعوض ضعف اللمبات دى ولا ايه؟؟؟؟؟؟؟ السخونيه واه من السخونيه اول ما جبت العربيه كانت بتوصل ل110 من اقل مشوار ولما قريت نصايحكم غيرت فعلا الردياتير اللى كان عمره الافتراضى انتهى بواحد الومنيوم ونضفت دوره التبريدوكمان كانت القربه الماسوره بتاعتها شبه مسدوده وتم تسليكها وتنظيفها وغيرت ترموستات ل72-82 اسبانى قالولى احسن من الايطالى بكتير وحطيت كانز ميه خضرا دلوقتى علشان الحاله ودخله العيد كل سنه وانتم طيبين وفعلا الحراره فى اصعب الحالات يادوب بتجيب النص بس طبعا المروحه تقريبا مش بتفصل الا نادر جدا فهل ممكن اغيرها بواحده اكبر واعلى الترموستات لانى حاسس ان العربيه مش بتلحق تسخن وده اكيد بيأسر على السحب ..ولا اعمل ايه ؟؟؟؟؟

**mohamed878** · 16-10-2013 01:20 PM

علي الثرموستات طبعا عشان كده العربيه مخنوقه انا حاطط 90/80 بالنسبه نور التابلوه هاتلك سيريا بتدي نور كويس وسعرها تقريبا 15 جنيه

**sakr_skoda** · 16-10-2013 09:02 PM

المشاركة الأصلية كتبت بواسطة adhmmaamon

دلوقتى انا كان عداد السرعه مش شغال وغيرتله الواير (السلك) وتمام شغال دلوقتى ..لكن عداد الكيلو متر مش بيزيد رغم انى من ساعه ما اشتريت العربيه لغايه دلوقتى عامل حوالى الف كيلو ؟؟ كمان لما جيت من يومين غيرت زيت جيت اصفر العداد اللى تحت عداد الكيلو متر بس مش عارف ؟؟؟؟ المشكله الكبيره بقى ان نور الطابلوه رغم تنظيفه عند الكهربائى وتغير اللمبات المحروقه ضلمه جدا بالليل ويادوب بشوفه بالعافيه فهل ممكن يتركب ليدات تعوض ضعف اللمبات دى ولا ايه؟؟؟؟؟؟؟ السخونيه واه من السخونيه اول ما جبت العربيه كانت بتوصل ل110 من اقل مشوار ولما قريت نصايحكم غيرت فعلا الردياتير اللى كان عمره الافتراضى انتهى بواحد الومنيوم ونضفت دوره التبريدوكمان كانت القربه الماسوره بتاعتها شبه مسدوده وتم تسليكها وتنظيفها وغيرت ترموستات ل72-82 اسبانى قالولى احسن من الايطالى بكتير وحطيت كانز ميه خضرا دلوقتى علشان الحاله ودخله العيد كل سنه وانتم طيبين وفعلا الحراره فى اصعب الحالات يادوب بتجيب النص بس طبعا المروحه تقريبا مش بتفصل الا نادر جدا فهل ممكن اغيرها بواحده اكبر واعلى الترموستات لانى حاسس ان العربيه مش بتلحق تسخن وده اكيد بيأسر على السحب ..ولا اعمل ايه ؟؟؟؟؟

وعليكم السلام............

طبعا انتا عرضت 3 مشاكل حنفصصهم مع بعض....*

اولا :مشكلة عداد الكيلوهات فى الفليشيا عامة مرض عام لانه بيعمل عن طريق ترس بلاستيك لنقل الحركة الى الارقام وهذا الترس غالبا ما يتلف وانا جبت فيفوفرتى كانت زيك بالظبط روحت اغير الترس للاسف مبيتغيرش لايوجد له قطع غيار مع انه ترس ممكن تلاقيه فى لعبة من الالعاب الصينى المتحركة.... فنصحنى الكهربائى اشترى عداد جديد وطبعا روحت اطلب العداد بتاع الاستيراد قال الطابلوه على بعضة بلمباته وعدداته وسكينى فيه ب300 جنية مهو كنت لسة فى بداية الطريق (غشيم يعنى)والتاجر دا حرامى كبير الكثير بيشكو منه ....
فالحل ممكن تشتترى طابلوه استيراد او ممكن تشوف كهربائى يكشف على العداد يمكن يلاقى الترس مزرجن زى ما كان عامل معايا من شهر وفكيته وظبطة والحمد الله....

ثانيا نور الطابلوة نصيحة اشترى شريط نور من عند بتوع الاستيراد والذقة فى سقف الطابلوة ووصلة مع النور الواطى للعربية يظبط ليك المواضيع....*

ثالثا : عاوز اعرف ايه عرفك ان المروحة مش بتفصل يعنى مثلا وانتا ماشى على سرعة 90 كيلو بتنط فى الكبود تبص عليه بلاش ارجوك وسوسه والتيرمستات عندك تمام وعلشان تحكم على شخونة الفليشيا على الصيف القادم باذن الله ان احيانا الله وافتكر انى قلت ليك حل ساربنتينة التكييف ما دمت حتقنى العربية ....

**ahmedvaio** · 17-10-2013 02:36 AM

على فكرة قصة نور العدادات قصة خايبة جدا بس الكهربائية بيكسلوا يعملوها .. انا كان عندى نفس مشكلتك و الكهربائى طلب منى 5 لمبات للتابلوه ب 50 جنيه و قام بتغييرهم و النتيجة صفر و كنا بالنهار و قاللى باليل هاينوروا طبيعى.. فى اليوم التالى قمت بفك لوحة العدادات ثم العدادات كل واحد على حدة و قمت بتنظيف اللوحات اللى مكتوب عليها الكيلو مترات و البنزين و الحرارة من الامام و من الخلف بعد خلع المؤشرات و فكهم عن طريق مسمارين صغيرين و نضفت كمان ارقام عدادات الكيلو بالفرشة و بالمناسبة كان عليهم كمية تراب تخليهم استحالة ينوروا ... و بعد التنظيف كله بقى زى الفل

**sakr_skoda** · 17-10-2013 10:30 AM

المشاركة الأصلية كتبت بواسطة adhmmaamon

ثالثا : عاوز اعرف ايه عرفك ان المروحة مش بتفصل يعنى مثلا وانتا ماشى على سرعة 90 كيلو بتنط فى الكبود تبص عليه بلاش ارجوك وسوسه والتيرمستات عندك تمام وعلشان تحكم على شخونة الفليشيا على الصيف القادم باذن الله ان احيانا الله وافتكر انى قلت ليك حل ساربنتينة التكييف ما دمت حتقنى العربية ....
[/color][/size][/i][/center]

ياعم صبحى الله يكرمك بالراحه عليا انا لسه غشيم فى موضوع الميكانيكا والحاجات دى بس انا مش بنط فى الكبوت ولاحاجه بس صوت المروحه بيبقى باين وباين جدا كمان علشان صاحبها الله يباركله شايل مروحتها ومركب واحده بتاعه 128 فصوتها عالى جدا وكمان بتفضل شغال شويه بعد ماببطل العربيه وانا ان شاء المولى هاغيرها بعد العيد علشان كده كنت بسأل اجيب مروحه معينه (شاهين مثلا ولا اكسنت ) ولا اجيب مروحتها الاصلى 6 ريشه ...
دى اول حاجه تانى حاجه انا فعلا شلت السربنتينه وشيلت الكباس كمان ولاقيته للاسف بايظ (بعد نصيحتك طبعا لانى بثق جدا فى كلامك) بس سبت المروحه اللى قدامها وخليتها تشتغل مع مروحه الردياتير ..
بخصوص الترموستات بقى فاحنا زى ماسيادتك قلت داخلين على الشتاء فبقول ان الترموستات 80-90 ممكن تكون احسن فى الفتره دى .يعنى هاتسمح للموتور بدرجه الحراره الموصى بها ليعمل بكفائه وكمان المروحه مش هاتفضل شغاله على طول .. ولا انت رايك ايه؟؟؟؟؟؟[/quote]

هههههههههههههههه متزعلش اصل فى ناس كتير بتشك والشك بيموت لاكن انتا وضحت الصورة طيب يبقى هات تيرموستات 90/80 وخلى المروحة المامية زى مهى ولما نعدى الشتاء على خير حيبقى لينا كلام تانى....*

**aw2100** · 17-10-2013 05:35 PM

على فكرة الترموستات 80/90 حتى فى الصيف ظبطت معايا العربية بس اهم حاجة تكون حاطط مية حمراء او خضراء تركيز لايقل عن 33% فى دورة التبريد علشان لو حاطط مية حنفية الترموستات العالى بيلخبط الدنيا والمية تغلى وتعمل ضغط وهواء فى دورة التبريد وده بيخلى المروحة ماتدورش بانتظام وده تقرير كنت عملتة لما غيرت الترموستات ل 80/90 !!
http://www.nilemotors.net/Nile/377642-90-80-a.html