لاول مرة من 3 سنين: ستاندرد اند بورز ترفع التصنيف الائتماني لمصر

**Imhotep** · 15-11-2013 09:28 PM

سيدني (رويترز) - رفعت مؤسسة ستاندرد اند بورز تصنيفها لديون مصر طويلة وقصيرة الأجل بالعملة المحلية والأجنبية إلى ".B-/B‬" من ".CCC+/C‬" .

وجاء القرار بعد أن اعتبرت مؤسسة التصنيف الائتماني أن السلطات المصرية وفرت ما يكفي من النقد الأجنبي لتلبية الاحتياجات التمويلية للميزانية والمدفوعات الخارجية في الأجل القصير.

وقالت ستاندرد اند بورز في بيان "نتوقع استمرار الدعم من المقرضين عبر الاتفاقات الثنائية في المدى المتوسط بينما تحاول السلطات المصرية مواجهة التحديات السياسية والاقتصادية."

ستاندرد اند بورز ترفع التصنيف الائتماني لمصر | أخبار الاقتصاد | Reuters

ده خبر كويس و ان شاء الله تقوم باقى مؤسسات التقييم المالى بأجراءات مماثلة

النتائج لحاجة زى كده:
التدرج فى استعادة ثقة المؤسسات الدولية فى النظام الاقتصادى المصرى
تمويل المشروعات العملاقة بفوائد اقل على القروض
استفادة المستوردين و المصدرين من التقييم الافضل لتحسين شروطهم فى التفاوض على المدفوعات
و هكذا

و ان شاء الله القادم افضل

**h_shahin** · 15-11-2013 09:47 PM

ربنا يصلح الأحوال

**mahmoudysf** · 15-11-2013 10:04 PM

**Imhotep** · 15-11-2013 10:35 PM

المشاركة الأصلية كتبت بواسطة mahmoudysf

هانت هانت. . . زى ما فى 3 سنين الدنيا اتهربدت جامد اقتصاديا بسبب اللى حصل سياسيا. . . ان شاء الله 3 سنين كمان بالتدريج هنرجع للتعافى الاقتصادى اللى نستحقه و هينعكس ان شاء الله على الانبوبة اللى شقيت عشان تغيرها و مش هتشقى فى تغييرها تانى ان شاء الله . . . ما هو كله بينفد على بعضه

**mahmoudysf** · 15-11-2013 10:50 PM

المشاركة الأصلية كتبت بواسطة imhotep

هانت هانت. . . زى ما فى 3 سنين الدنيا اتهربدت جامد اقتصاديا بسبب اللى حصل سياسيا. . . ان شاء الله 3 سنين كمان بالتدريج هنرجع للتعافى الاقتصادى اللى نستحقه و هينعكس ان شاء الله على الانبوبة اللى شقيت عشان تغيرها و مش هتشقى فى تغييرها تانى ان شاء الله . . . ما هو كله بينفد على بعضه

و3 سنين ليه يا باشا
لما الانبوبة تخلص
اجري على مؤسسة اسمها ايه دي اللي بتقول اقتصادنا بيتعافى وهي تغيرهالي
احنا هنعرف مصلحتنا اكتر منهم

**Imhotep** · 15-11-2013 11:09 PM

المشاركة الأصلية كتبت بواسطة mahmoudysf

و3 سنين ليه يا باشا
لما الانبوبة تخلص
اجري على مؤسسة اسمها ايه دي اللي بتقول اقتصادنا بيتعافى وهي تغيرهالي
احنا هنعرف مصلحتنا اكتر منهم

ياريتهم كانوا بيقدموا هم كمان خدمات من النوع ده بس الخدمات دى ليها ناسها. . . احكيلك انا الحكاية على السريع لكى تعم فائدة معنى خبر مثل هذا. . . و عشان نفهم انه حتى لو ما كانش فيه فايدة مباشرة على حياتنا اليومية من الاخبار اللى من النوع ده. . . الا انها مؤكد هتفيد فى المدى القريب و المتوسط ان شاء الله

المؤسسة اللى اسمها ايه دى بتقول ان مصر رغم كل اللى مرت بيه عارفة تسدد التزاماتها و فى ثقة من العديد من الدول فيها بأستثمارات و قروض . . . و بالتالى فالمتوقع ان ده يستمر فى المستقبل القريب. . . جه مستثمر عايز يعمل مصنع غاز بيوتان بتاع انابيب البوتاجاز طلب من بنك عالمى انه يشوفله فرص استثمارية فى بعض الدول اللى محتاجة النوع ده من الاستثمارات و نجاحها فيها مضمون. . . البنك شاف خبر ارتفاع التصنيف الائتمانى المصرى قال كويس كده نطمن الراجل اللى عايز يستثمر فلوسه انه ممكن يعمل مصنعه فى مصر لان العائد بتاع استثماره هيكون هايل فى بلد زى مصر عشان الطلب فيها على غاز البوتاجاز عالى جدا و الاهم انه طبقا لتقرير المؤسسة اللى اسمها مش عارف ايه فالامور في مصر تتجه للاستقرار فى المستقبل القريب الى متوسط. . . قوم ايه الراجل خد توصية البنك و قرر ينفذ و بنى مصنعه فى مصر فى سنتين مما تسبب فى الاكتفاء الذاتى من غاز البيوتان اللازم لانابيب البوتاجاز و ايضا وجود فائض للتصدير مما انعكس فى النهاية على راحة المواطن المصرى و عدم شقاءه فى تغيير الانبوبة و توفرها كمان دليفرى تتوصل لبيته بدون تعب و مشقة

**friendship7897** · 15-11-2013 11:18 PM

المشاركة الأصلية كتبت بواسطة Imhotep

و ان شاء الله القادم افضل

ياااارب

**AHMADALY1999** · 15-11-2013 11:43 PM

يا رب خير

**eslamrace** · 16-11-2013 12:30 AM

خبر فى وقته فرحنى كتير النهارده وانا بقرأه وكمان خبر وصول عدد محترم من السياح الروس الغردقه علشان بجد الناس اللى كانت شغاله فى السياحه لو انا مكانهم حيبقى وضعى المادى والنفسي مش مستحمل فبجد فرحتلهم جدا وكمان الخبر اللى فشلت اعرف تفاصيله اواى تأكيد ليه بتاع صفقه الاسلحه الروسيه اللى فيها ميغ 29 حسيت اننا فعلا احتمال كبير نكون ماشيين فى الطريق الصح وبوادر النجاح قريبه
شكرا ليك يا ماهر باشا واتمنى تفيدنا دايما بمشاركاتك واخبارك ويا ريت لو عندك اى معلومات عن الصفقه الروسيه تقولى عليها لانى بجد دوخت وملقيتش معلومات كافيه حاسس ان الموضوع يا اشاعه يا سري للغايه .
تحياتى .

**Imhotep** · 16-11-2013 01:13 AM

المشاركة الأصلية كتبت بواسطة eslamrace

خبر فى وقته فرحنى كتير النهارده وانا بقرأه وكمان خبر وصول عدد محترم من السياح الروس الغردقه علشان بجد الناس اللى كانت شغاله فى السياحه لو انا مكانهم حيبقى وضعى المادى والنفسي مش مستحمل فبجد فرحتلهم جدا وكمان الخبر اللى فشلت اعرف تفاصيله اواى تأكيد ليه بتاع صفقه الاسلحه الروسيه اللى فيها ميغ 29 حسيت اننا فعلا احتمال كبير نكون ماشيين فى الطريق الصح وبوادر النجاح قريبه
شكرا ليك يا ماهر باشا واتمنى تفيدنا دايما بمشاركاتك واخبارك ويا ريت لو عندك اى معلومات عن الصفقه الروسيه تقولى عليها لانى بجد دوخت وملقيتش معلومات كافيه حاسس ان الموضوع يا اشاعه يا سري للغايه .
تحياتى .

و لا سرى للغاية و لا اشاعة. . . كل الحكاية انه الصفقات الكبيرة دى بياخد التحضير لها وقت و مفاضلة بين نظم التسليح المختلفة و زيارات لوفود من الجانبين و دراسات و تجارب ميدانية لنظم التسليح و الاتفاق على شروط التعاقد و تفاصيل تانية كتير. . . الحاجتين اللى من متابعتى اتذكروا كتير هم الميج 29 m و النظام الصاروخى المضاد للدبابات اللى اسمه كورنيت و ده صاروخ ابن هرمة دمر 6 دبابات ميركافا4 فى حرب 2006 طلعوا من عين الاسرائيليين و مرتاحوش الا لما اخترعوا نظام يقلل شوية من كفاءة الصواريخ المضادة للدبابات عموما و النظام ده اسمه trophy . . . لو تلاحظ ان الاخبار مش مهتمة اوى بتفاصيل السلاح لانه غالبا هيكون سلاح دفاعى عشان مش من اول التعاون العسكرى مع روسيا تانى هنطلب سلاح هجومى و الا اسرائيل و امريكا هيهيجوا. . . لكن التركيز الاكبر على المغزى السياسى للصفقة لان هو ده الجانب المثير خاصة فى ظل معناه من التحول بعيدا عن امريكا. . . و انا شخصيا متوقع ان زيارة وزيرى الخارجية و الدفاع و بعد اتمام كافة التفاصيل هيعقبها زيارة من بوتين لمصر لتوقيع بروتوكولات تعاون فى كذا مجال منها العسكرى طبعا. . . يا مسهل