مسمعتش عن الموضوع دا في الرينو قبل كدا بس وارد انها تكون حصلت لو الحوار دا محصلش وهو عملو عشان يوقع سمعه رينو الي هي مش مستحمله اساسا كان زمانو جاب موديل جديد
رقم العضوية : 46305
تاريخ التسجيل : 06Sep2009
المشاركات : 71
النوع : ذكر
الاقامة : cairo
السيارة: Renult Fluence
السيارة[2]: Nissan sunny
الحالة :
لكل اصدقائي الذين تابعو قصة سيارتي )#رينو #Renault #كليو( التي تسببت في حرق قدمي حروق من الدرجة الأولي وتقريباً كنت هاموت انا وعيالي ومراتي (لولا حماية الله لنا) دعوني اكمل لكم القصة، هي طويلة شوية بس ممكن تنقذ حياة ناس كتير.: القصة بدأت بأني اثناء سواقتي عربيتي ماركة رينو كليو موديل 2003 في اول نوفمبر الماضي فوجئت بصدمة قوية جداً في قدمي، وقعدت اصرخ من كتر الألم، طبعاً مراتي وعيالي اترعبوا وقعدو يصرخوا معاي وهما مش فاهمين انا بصرخ هزار ولا جد بس تضامنو معي. وبعد عدة مناورات وانا رجلي محروقة ومن قوة الصدمة مكنتش عارف ان كانت صدمة كهربائية ام ميه مغلية انفجرت في قدمي، بعد لحظات من الصدمة سيطرت علي العربية ووقفت وعرفت انها مياه مغلية انفجرت في رجلي جوا العربية، متستغربش ايوه جوا العربية. اتصلت بطبيب صديق وشرحت له الوضع فوصف لي الادوية المطلوبة. المهم تاني يوم وانا قاعد في البيت ومش قادر اتحرك طبعاً اتصلت بالأهل والأصدقاء احكيلهم عن اللي حصل فكانت ردود افعالهم زي حضراتكم كده بالظبط؟؟ يالا الهول، ميه وبتغلي جوا العربية؟ طب ازاي. واحد من أصدقائي المدئرمين اللي كل حياتهم عربيات، قاللي معلش يا برنس هي جات فيك، هي كل العربيات الرينو بتعمل كده. اتاري السر في ان الشركة العبقرية اللي بتصنع الرينو عامله السربنتينا (المشع) بتاع التكييف السخن جوه صالون العربية وبالظبط جنب دواسة البنزين لزوم التدفئة بالشتاء!!! المهم ان ده حصل وبدون اي مقدمات وانا مواظب علي الصيانة. وحتي ولو مش مواظب علي الصيانة الجزء ده من العربية مش موجود كجزء من الأجزاء اللي لازم تتغير اثناء الصيانة الدورية. طبعاً انا ورجلي بالحروق اللي شفتوها مقدرتش اتحرك من البيت لعدة ايام. قلت لنفسي انا مش هاسكت لان ده عيب تصنيع (او عيب تصميم) رهيب ممكن يتسبب في قتل اي حد. رحت دخلت علي موقع شركة رينو الدولي وكتبت شكوي. بعدها بأربع خمس ايام اتصلو بي بتوع شركة رينو هنا في مصر (#المصرية #العالمية #للسيارات #EIM)) وطلبو رقم الشاسيه بتاع العربية، قلت في نفسي دا باين عليها شركة محترمة وشكلها هتعمل حاجة. اديتلهم الرقم وبعدها بيومين اتصل بي مدير الصيانة بالشركة (مهندس يحي خليفة) ، المهم المهندس يحي سألني ايه اللي حصل، حكتله،. اوم ايه يقولي وايه يعني اللي حصل؟؟ ماهي ديه مشكلة معروفة في العربيات الرينو وبتحصل كتير؟؟؟ قلتله بس دا ممكن يتسبب في موت ناس؟؟ قالي لا مش بيحصل لأن الناس بتلغي التكييف السخن في العربية و يا دار مادخلك شر؟؟ بالسهولة ديه؟ وقالي احنا ممكن نصلحها لك ونعمل خصم بس انا منصحكش تعمل كده لأن الموضوع دا ممكن يحصل تاني؟؟ يانهار أسود ومطين بطين؟ الراجل بيعترف انه الموضوع معروف وبيحصل وهما مش فارق معاهم؟؟ قلت له دا كلام خطير و غير مقبول وانا هاصعد الأمر، قالي براحتك؟ كتبت للشركة في فرنسا تاني وحكيت لهم اللي حصل، تاني يوم جاي تليفون من شخص مختلف المره ديه، الأستاذ #حسام_شهاب مدير خدمة ما بعد البيع في الشركة العالمية للسيارات #EIM ، والحق يتقال الراجل بتاع مبيعات بجد، بيتكلم بمنتهي الذوق والأدب. المهم علشان مطولش عليكم الراجل قاللي انت عاوز ايه واحنا تحت أمرك؟ قلتله ان الشركة تعترف ان دا عيب تصنيع وتعمل استعادة لكل سيارات الكليو وتصلح العيب. قالي دا مش ممكن يحصل وان دا مش عيب تصنيع واحنا ممكن نعوضك؟؟ قلتله ازاي، قاللي تختار عربية جديدة؟؟ تعالى اختار عربية جديدة بدل القديمة واحنا هنعمل الازم؟؟ رحت فعلاً الشركة في ابو رواش واستقبلوني استقبال الملوك وبعد ما اتفرجت علي العربيات اخترت واحدة. بعده بأسبوع اتصلو بي وقلولي العربية جاهزة وهنعملك خصم 4000 جنيه؟؟ طبعا انا مبعرفش اشتم فسكت وقلت له شكراً. كلمت الشركة مرة تاني في فرنسا وهي ديه الحاجة اللي بتخليهم يتصلو بي فوراً. تاني يوم فعلاً جالي اتصال من حسام شهاب مرة تانية وقالي: ياأستاذ عماد اصل انت اخترت عربية غالية وأحنا منقدرش نعمل تخفيض اكتر من كده؟؟ اختار عربية تانية؟ قلتله ماشي وأخترت عربية ارخص، بعد اسبوع انتظار اتصل بي النهاردة وقالي معلش الخصم انخفض ل 3000 جنيه، طبعاً انا افتكرته بيهرج بس قالي معلش هو دا كل اللي نقدر نعمله؟؟ طبعاً بين كل مكالمة والتانية اسبوع وايملات بيني وبين الشركة في فرنسا وتسويف ووجع قلب وقرف. وهكذا انتهت القصة ايها الأصدقاء. شهرين من وجع الدماغ والأيملات والتليفونات والزيارات وفي الأخر 3000 جنية خصم علي العربية؟ انا ومن خلال هذا البوست وهو اطول بوست اكتبه في حياتي بحاول احذر الناس من العربية الرينو وماقد يحدث لمن يمتلكونها. احذرو فالرينو بها سم قاتل لك ولمن معك. ولاعزاء لحسني النية مثلي من صدقوا ان من الممكن ان شركة سيارات محترمة قد تعترف وتتحمل مسؤليتها. ولكن هيهات. انشرها بقدر كرهك لتوكيلات السيارات وخوفك علي عيالك.
انا عن نفسى بعد كل الهرى ده مش مصدق..؟؟؟؟؟ احساسى انه بيبتز الشركة و الى يأكد كده انه راح ياخد عربية تانية هوة اى حاجة و وخلاص الى ليه حق ياخده و شكرا
رقم العضوية : 76369
تاريخ التسجيل : 27Jul2010
المشاركات : 1,047
النوع : ذكر
الاقامة : mansoura
السيارة: ......
السيارة[2]: opel astra 2004
دراجة بخارية: ,,,,,,,,,
الحالة :
مسمعتش عن الموضوع دا في الرينو قبل كدا بس وارد انها تكون حصلت لو الحوار دا محصلش وهو عملو عشان يوقع سمعه رينو الي هي مش مستحمله اساسا كان زمانو جاب موديل جديد
رقم العضوية : 145745
تاريخ التسجيل : 28Jun2013
المشاركات : 481
النوع : ذكر
الاقامة : الزقازيق
السيارة: -
السيارة[2]: باسات 2008
الحالة :
هههههههههه قصة جامدة
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
انا لسه قاريها دلوقت
هو كمان حاطط سكرين شوت لخناقة على الفيس بينه و بين ادمن صفحة التوكيل بعد ما قفشوا عليه
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 153514
تاريخ التسجيل : 21Dec2013
المشاركات : 2
النوع : ذكر
الاقامة : القاهرة
السيارة: رينو
السيارة[2]: فيات
الحالة :
بوابة فيتو ناشرة كل الأيملات اللي بينه وبين الشركة. يا نهار أسود...هو فيه كده؟
بوابة فيتو: ننشر رسائل عماد شنودة المتضرر من السيارة "رينو"
وده كمان؟؟
http://www.vetogate.com/759985
التعديل الأخير تم بواسطة egyptiancowboy ; 21-12-2013 الساعة 05:46 PM سبب آخر: اضافة لينك
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
ملاك الكليو يفيدونا
انا مش عارف التوكيل ممكن يعوضه ازاي بصراحة
هما عرضوا عليه عربية جديدة بخصم4000 جنيه و هو رفض
الواضح انهم بعد كده قلبوا له عالوش التاني
و هو قرر يفضحهم
و نجح في كده
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 49924
تاريخ التسجيل : 15Oct2009
المشاركات : 361
النوع : ذكر
الاقامة : القاهرة
السيارة: صني ex اتوماتيك مو2010
السيارة[2]: فولفو 940 مو 1993
دراجة بخارية: لا
الحالة :
انا متهيألي الموضوع ده مش في الرينو بس ، انا كان معي فولفو 940 وفي يوم وانا جاي اركب لقيت مياه خضراء في الدواسة بتاع السائق فنشفتها ومشيت ولما ركنتها تاني يوم لقيت نفس الفيلم ولما روحت للميكانيكي قالي على الحوار بتاع التدفئة في الشتاء ده ولغى الوصلة اللي داخله جوه العربية
فأعتقد ان ده نظام تدفئة موجود في كل العربيات والله أعلم
سبحان الله وبحمده ، سبحان الله العظيم
سبحان الله والحمد لله ولا إله إلا الله والله أكبر ولا حول ولا قوة إلا بالله
المفضلات