بعد ما مشيت بالعربيه بحوالى نص ساعه ووقفت فى اشاره
اجى ادوس بنزين الاقى العربيه بتخبط وبتهبد وبتنتش ومش عايزه تسحب نهائى
حطيتها على ال p وجربت تانى لاقيتها ماشيه بس بطيئ جدآ يادوب ركنتها على جمب
بطلت العربيه ودورتها تانى وجيت اطلع لاقيت الدنيا حلوه وكله تمام
شويه ورجعت تانى لنفس القصه
بدوس بنزين على الفاضى العربيه مش عايزه تتحرك من مكانها
نقلت الفتيس على المانيوال للغيار رقم 1 ,, برضو مش عايزه تتحرك
اديتها الغيار رقم 2 لاقيتها طلعت وبقيت انقل على التالت والرابع والعربيه بتسحب عادى
شويه اجى اهدى فى حته زحمه واجى اطلع الاقيها نزلت على الاول ومبقتش تسحب لازم اجيبها على التانى عشان تطلع !
طب وصلت البيت بالسلامه
عايز اركن فى الجراج بقى واجيب مرشدير .. انسى ولا الهوا بدوس بنزين على الفاضى
المهم جبت الفتيس على ال d ودوست بنزين جامد لغايت ار بى ام 3 وشويه قامت العربيه نطه من مكانها وهبدت
ومن بعد الهبده دى لاقيت الدنيا اتضبطت والفتيس رجع زي الاول
ركنت العربيه فى الجراج الحمد لله وسيبتها
بكره ان شاء الله هنزل اروح اكشف عليها عند اي حد
ده سببه ايه بقى ؟