ازاي تحسب استهلاك البنزين بدقة

30-07-2007 05:10 PM

طبعا فيه برامج بتعمل الكلام ده زي برنامج هاندي كار اللي بينزل علي الموبيل بس مفيش برنامج يقدر يحسب الاستهلاك بناء عل معاملات طريقة القيادة وحمولة العربية ونوع الطرق وما الي ذلك

اخر حسبة لاستهلاك البنزين في عربيتي البرايد سابا كانت كالاتي

المشوار من دمنهور للقاهرة عن طريق مصر اسكندرية الزراعي ثم الدائرى مرورا بمدينة السلام - جسر السويس - عين شمس - وتاني يوم من عين شمس لروكسي ومن روكسي لحد بنزينة وطنية اللي جنب سيتي ستارز

المسافة المقطوعة كانت 203 كم علي عداد التريب

طريقة السواقة : علي الطريق السريع كانت 120 -140 - 160 باستخدام الغيارات الرابع والخامس
في المدينة بنقل علي اربي ام من 2800 ل 3000 وبستخدم الغيارات التلاتة الاولي بشكل دائم ومتوالي والغيار الرابع احيانا

الحمولة : في الطريق الطوالي كان معايا شخصين متوسطي الوزن وشطنتي وشنطة النوت بوك وشوية كراكيب كل ده ميجيبش 20 كيلو بالكتير بالاضافة لينا احنا التلاتة
باقي المشواير في المدينة كانت انا لوحدي

الاستهلاك : 12 لتر بنزين 92 من بنزينة توتال علي طريق الاسكندرية الزراعي

طريقة الحساب : فولت العربية وصفرت عداد التريب ولما العداد عمل 200 كم روحت فولت تاني عشان اشوف نقص كام طلع 12 لتر

وبالتالي ال 100 كم بتستهلك 6 لتر

ياريت كل واحد يحسب الاستهلاك بدقة ويقولنا عليه ويشرح تفاصيل الحسبة زي ما عملت

**ahmed1981** · 30-07-2007 06:57 PM

وياريت كل واحد في الآخر يكتب إستهلاكه كذا كيلو في الصفيحة (الصفيحة 20 لتر)
يعني أبو نورا عربيتوا عملت 200 كيلو ب 12 لتر (نقسم على 12)
يبقى 16,67 كيلو ب 1 لتر (نضرب في عشرين)

إذن إستهلاك سيارته البرايد سابا = 333 كيلومتر في الصفيحة

**Nader** · 31-07-2007 01:40 AM

طبعاً مع ذكر الـCC بتاع العربية، بالمناسبة يا ريت حد يجيب لنا برنامج الهاندي كار.

**hazem_khidr** · 31-07-2007 05:04 AM

اولا لازم علشان تحسب استهلاك النزين بالضبط لازم تاخد الطريق رايح جاي مش رايح بس.
ليه بقي؟
علشان يبقي تاثير الهوا عليك متعادل يعني لو و انت رايح الهوا كان في ضهرك و بيدفعك يبقي اكيد كده استهلاكك اقل من الطبيعي بس و انت راجع من علي نفس الطريق حيبقي الهوا في وشك و بالتالي العرلبيه حتقاومه ف النتيجه ان تاثير الهواء علي العربيه = صفر.
علشان تحسب معدل استهلاك البنزين لازم تكون بتمشي بسرعه ثابته علي 90 كم/ساعه علشان دي اعلي سرعه بتستهلك اقل كميه من البنزين بعد كده السرعه بتتناسب طرديا مع استهلاك الوقود.
يبقي مثلا نفول العربيه قبل ما نطلع و نصفر العداد و ناخد طريق مفتوح و نرجع من نفس الطريق و نفول من نفس النزينه اللي فولنا منها و احنا راجعين و نشوف القرايه ايا كانت في العداد عملت كام و نشوف اخدت كام لتر ف لو مثلا قطعنا 60 كيلو ب 5 لتر يبقي ال 100 كيلو يعملو كام؟؟ نستعمل طريقه المقص اللي اخدنتاها في ابتدائي يبقي 5*100/60=8.3 مثلا
و بكده يبقي عرفنا العربيه بتستهلك اد ايه مع مراعاه ان كله يبقي علي الطريق مش جوه البلد لان بطبيعه الحال العربيه بتستهلك كتير جوه البلد عن الطريق