تبداء القصة عندما كنت أبحث عن سيارة جديدة لأقتنيها
أقتنييها !!
لا فككو من الفصحى بقى
كنت عايز أشتري عربية وبعد طول انتظار قررت أشتري civic 2005
المهم دورت وجيت ورحت على واحدة نظيفة ملقتش
وكانت أخرهم عند واحد اسمو هاني فريد عندو معرض اسمو اوتو هاني على ناصية اشارة روكسي من جسر السويس المهم شوفت العربية معجبتنيش وانا قاعد بتكلم معاه كدا قالى انا عندي ميجان هاتش باج تشوفها
قولتو اوك اومت شوفتها
وكانت لحظة الصفر العربية كان لونها ازرق بنفسجي كدا وبانوراما دخلت قعدت لفيت لفة بيها كدا انبهرت
حاجة كدا حصلتلي زي الحب الأول ثبات فظيع مع شياكة ملهاش حل متور قوي وتفاصيل دقيقة في كل حاجة فيها من الفانوس لرفرف للتبلو للفتيس للفرش للهاند
حسيت كأني اول مرة أشوفها (حورت انا كدا نتكلم جد شوياا )
المهم قررت اني اخدها واكشف عليها وبالصدفة البحتة اكتشفت ان الراجل دا نصاب ومبيخودش غير عربيات مخبوطة وانا قلت كدا برضو
ازاي عربية 2006 ماشية 38 الف وبــ 65 الف بس المهم اتأكدت برضو ولبقيت العربية وخبوطو وتغيرلها فتييس وهوا كان قايلى انها فابريكة
المهم رمتلو العربية ومشيت
ومن ساعتها مش بعرف انام بفكر فيها على طول بتخيلها مكان الكرسي بتاع المحاضرات الى في الكليه وبعد أأقول بيب بيب والدكتور يطردني
عادي فداكي يا baby
(اد ايه انا ممل )
المهم قعدت ادور هنا وهناك هنا وهناك لحد ملقيتها
2005 ماشية 50 الف ورششا كبوت ورفرف ورا يمين وكانت بتاعت واحدة في شارع الجامع وكانت طالبة فيها 70 الف ومش راضية تنزل سحتوت واحد
المهم العربية كانت تعتبر زيرو من جوا مفهاش أي حاجة قولت برضو اشوف كل حاجة
نزلت لفيت لفة في السوق ولقيت سعرها مناسب بالنسبة للباقي
ولفيت على قطع الغيار برا وجوا التوكيل وعرفت كل حاجة عنها اتكلت على الله وصليت استخارة وقلت اروح اكشف عليها
وكان الكلام دا النهاردة
نزلت مع واحد صاحبي واخدتها العربية تحفة على الطريق
بأمانة روحت بنزينة الوطنية اللي جمب ستي ستارز ورفعت
كشفت على السمكرة بس وقولت اكشف على الميكانيكا في التوكيل
رحت يا معلم الواد فيشة قاللى راشة جمبين مش جنب واحد ورشة كبوت كامل مش حتتة مننو وملحومة العتبة من تحت الظاهر كانت واخدة مطب جامد فبدل ميعدل التنية من برا شفط قام فاتح العتبة من تحت وعدلها ولحم تاني ( ابن الــ ...)
المهم
قالي القواعد بتاعتها سليمة ولسسة بكرى هروح التوكيل أكشف على الميكانيكا
بس في حاجتين دلوقتي
في صوت زنة غريبة من عند مراية الصالون كدا مش عارف من ايه
وغطا فتحة السقف من جوا مبيفتحش على طول معلق لازم افتح القزاز الاول وبعدين ازقها من فوق واسحب
وان شاء الله بكرة هروح التوكيل عشان اكمل كشف
وهحكيلكم على كل حاجة تحصل لحد مخلص شراء خالص وبكل التفاصيل المملة بتاعتي
ياريت يا جماعة لو حد عندو نصائح او اي حاجة اركز عليها يقولي ومع بعضييينا احنا بقى
تشكرات
المفضلات