انواع واسعار الكاوتش في مصر

[yahia_zakareya]

لم ألمح ecopia ep150 أثناء تجولي في سوق الإطارات

طب حد يا جماعه سمع عن بريدجستون ecopia ep150 اندونيسي Ecopia EP150 | Products | PT Bridgestone Tire Indonesia

مسمعتش عنه و أنا بلف في السوق في جولة بحثي ، لكن أعرفه من خلال الإنترنت


السؤال : هو حضرتك لقيته في بلدنا ؟
و لو كنت لقيته فعلا : المقاس كان إيه ؟ و سعره ؟ و مصنوع فين ؟ و مواصفاته إيه ؟

[tarekosh]

مسمعتش عنه و أنا بلف في السوق في جولة بحثي ، لكن أعرفه من خلال الإنترنت


السؤال : هو حضرتك لقيته في بلدنا ؟
و لو كنت لقيته فعلا : المقاس كان إيه ؟ و سعره ؟ و مصنوع فين ؟ و مواصفاته إيه ؟

ايوه لقيته في محل في طنطا مقاس 175/70/13 والسعر كان مفاجأه ليه الفرده ب330 وهو صناعه اندونيسي فهل ممكن تكون مضروبه مع انها حاسسها فرقت جامد معايا في السحب والنعومه والثبات وهاديه جدا على الطريق بالنسبه للموصفات فانا مابفهمش في traction و temperature والكلام ده فممكن حضرتك تقولي النوع ده حلو ولا لأ

[yahia_zakareya]

ألف مبروك على bridgestone ecopia ep150

ايوه لقيته في محل في طنطا مقاس 175/70/13 والسعر كان مفاجأه ليه الفرده ب330 وهو صناعه اندونيسي فهل ممكن تكون مضروبه مع انها حاسسها فرقت جامد معايا في السحب والنعومه والثبات وهاديه جدا على الطريق بالنسبه للموصفات فانا مابفهمش في traction و temperature والكلام ده فممكن حضرتك تقولي النوع ده حلو ولا لأ

فعلا معرفش حاجة عنه غير اللي قريته في الموقع اللي حطيت صورته .
حضرتك اللي هتبقى الخبير بتاعه هنا في المنتدى لأنك اللي بتسوق عليه دلوقتي ، يعني حضرتك اللي تقول هو حلو و لا لأ .

بالنسبة للبيانات هتلاقيها مكتوبة على جدار الإطار في سطر واحد جنب بعض كالآتي [ .... Treadwear .... Traction .... Temperature ] .
تاريخ إنتاجه كان قديم و لا جديد؟
و أخبار الفرامل معاك إيه ؟
و استهلاك البنزين .... فرق معاك و لا لأ ؟

بصراحة لو طلع كويس ده يبقى حاجة جميلة جدا ، أصل أنا بنبسط جدا لما باسمع عن منتجات ليها أسم كبير بتنزل مصر بدل المضروب أو الردئ اللي غرق السوق و بيتباع بسعر كبير .

ألف مبروك على الإطار و إن شاء الله يكون ممتاز و يريحك و يقعد معاك إلى آخر يوم صلاحية و تعمل بيه رحلات آمنة و مريحة و موفرة في البنزين .

تقبل تحياتي

[kar!m]

بصراحة حضرتك عملت دكتوراة في الاطارات مش مجرد بحث .. أنا ان شاء الله برضه هغير قريب .. و أنا فس المقاس بتاع حضرتك بس 65 مش 60 و أنا حاصر اختياراتي ان شاء الله بين البريدجستون My-02 و الكومهو اكسيتا.

[tarekosh]

فعلا معرفش حاجة عنه غير اللي قريته في الموقع اللي حطيت صورته .
حضرتك اللي هتبقى الخبير بتاعه هنا في المنتدى لأنك اللي بتسوق عليه دلوقتي ، يعني حضرتك اللي تقول هو حلو و لا لأ .

بالنسبة للبيانات هتلاقيها مكتوبة على جدار الإطار في سطر واحد جنب بعض كالآتي [ .... Treadwear .... Traction .... Temperature ] .
تاريخ إنتاجه كان قديم و لا جديد؟
و أخبار الفرامل معاك إيه ؟
و استهلاك البنزين .... فرق معاك و لا لأ ؟

بصراحة لو طلع كويس ده يبقى حاجة جميلة جدا ، أصل أنا بنبسط جدا لما باسمع عن منتجات ليها أسم كبير بتنزل مصر بدل المضروب أو الردئ اللي غرق السوق و بيتباع بسعر كبير .

ألف مبروك على الإطار و إن شاء الله يكون ممتاز و يريحك و يقعد معاك إلى آخر يوم صلاحية و تعمل بيه رحلات آمنة و مريحة و موفرة في البنزين .

تقبل تحياتي

الفرامل تمام الحمد الله مابيزحفش ولا بيسرخ ودي كانت مشكلتى في الكاوتش القديم نوعه كان gt تاريخ الانتاج الاسبوع 39 2013 استهلاك البنزين ماحسبتوش الصراحه هو مكتوب عنه انه موفر للبنزين
وبالنسبه لل traction و temarature انا لاقيتهم على الكاوتش فعلن بس مش لاقي اى حروف جنبهم او ارقام والله يبارك فى حضرتك ده من زوئك ومعلش تعبتك معايا وشاكر جدا لمتابعتك معايا عشان انا لسه جديد فى عالم السيارات واهوه بحاول اتعلم

[tarekosh]

صحيح نسيت اقول ان مشكلته الوحيده انه بيلم زلط بالعبيط

[aw2100]

ايوه لقيته في محل في طنطا مقاس 175/70/13 والسعر كان مفاجأه ليه الفرده ب330 وهو صناعه اندونيسي فهل ممكن تكون مضروبه مع انها حاسسها فرقت جامد معايا في السحب والنعومه والثبات وهاديه جدا على الطريق بالنسبه للموصفات فانا مابفهمش في traction و temperature والكلام ده فممكن حضرتك تقولي النوع ده حلو ولا لأ

1000 مبروك ومستنيين تقرير بعد 1000 ك !!

[samirsaid1]

شكرا لكل الاعضاء ومشاركاتهم وروح المساعدة بينهم
وانا من منطلق هذا

محتاج اشترى كاوتش 185 / 15 / 65 عربتى نيو اكسنت

ومحتار اشترى نوع اية وبكام

انا من كتر الكلام على البريدجستون عاوز اغير لية

بس عاوز اعرف انسب حاجة وانسب سعر

وسؤال بقى اية الفرق الكبيير بين اسعار المحلات ؟؟؟ وبين التوكيل ؟؟ هل الخامة مختلفة ؟؟ هل فية منة تقليد ؟؟؟ او مضروب ؟؟؟ وخلافة

برجاء الافادة بسرعة لان الكاوتش بيق كل يوم الصبح لازم تبقى فردة او 2 نايمين ومفيش معايا استبن

وشكرا لمساعدتكم

[yahia_zakareya]

و أخيرا ... ركبت الإطار الجديد .......... شكرا لكل من ساعد و نصح و اقترح

في البداية أحب أشكر كل المشاركات المفيدة على منتدانا الجميل و اللي استفدت منها جدا ، و أشكر أ. وليد (aw2100) على نصائحه و اقتراحاته ( و هو اللي نصح باليوكوهاما من وسط القائمة الطويلة) .

أنا فكرت في كل الكلام اللي اتقال عن الإطار بريدجستون My-02 و سألت بعض الناس الأخرى و كان مجمل كلامهم إن فيه تحسن ملحوظ في My-02 عن سابقه My-01 بس لسه موصلش لمستوى الراحة المنشود و كان الإقتراح إني أمسك العصاية من النص و أجيب يوكوهاما سي درايف و خصوصا إن سعره مش عالي و أداؤه جيد و هادي نوعا ما و طري .
و عملت بنصيحة معظم الناس و استبعدت الـ Continental ContiEcoContact 5 لأن أجنابه طرية جدا جدا جدا بشكل غريب يثير المخاوف منه لما يمشي على الطرق بتاعتنا .

و بالفعل أمس الأربعاء 19-3-2014 العصر اشتريت طقم كامل (4 إطارات) Yokohama C.Drive من أبناء علي صبرة في شارع أحمد سعيد بدون تركيب بـ 450 جنيه للإطار الواحد ، و تاريخ الإنتاج الأسبوع 36 من عام 2013 ، و ركبته في تاير مانيا بمدينة نصر (ناس محترفين جدا و شغلهم فوق الممتاز و متفهمين جدا لمعايير الدقة بتاعتي و ريحوني و عملوا اللي طلبته منهم بابتسامة و من غير جدال أصلا ) .

و تفاصيل التركيب و سعر كل خدمة للطقم كالآتي :
-1- الفك و التركيب بـ 20 جـ (Fit & Fix بـ 40 جـ)
-2- الترصيص بـ 60 جـ (Fit & Fix بـ 40 جـ)
-3- شفط الهواء من الإطار ثم نفخه نيتروجين بـ 20 جـ (Fit & Fix بـ 40 جـ)
-4- بلوف كاتش ألماني بـ 40 جـ (نفس سعر Fit & Fix )
-5- أهم حاجة في الموضوع كله و هو إن العربية تترفع بالكوريك بتاعها علشان البهدلة اللي بتحصل للعربية من تحت بسبب الكفة بتاعة الكوريك التمساح و خصوصا إن عربيتي متصفحة من تحت (بألواح فايبر مقوى مش حديد صلب) و الشاسيه مش بيبان و لو رفع بالكوريك التمساح عند العتب هيبوظ الشفة اللي ماشية من قدام لورا بطول العربية (و ده أنا شوفته في أي عربية بتترفع بالكوريك المؤذي ده) ، ولو رفع من عند الشاسيه (بالتخمين كده لمكانه) يبقى هيضر ألواح الحماية الفايبر و يتنيها أو يكسرها لأن نص وزن العربية هيتشال على الحافة المدورة بتاعة كفة الكوريك ، و أ. محمد يسري صاحب المحل وافق بس مقابل زيادة 20 جـ ( و أنا وافقت) لأن الأسطى اللي عنده هو اللي هيرفع عجلة عجلة و بكده عربيتي هتاخد وقت كتير و تعطل شغل العربيات التانية لغاية عربيتي متخلص و ده لأنه عنده عاملين إتنين بس و في المعتاد الشغل بيبقى كالآتي العامل المساعد بيرفع الجنب بالكوريك التمساح و يفك العجلتين و يدخلهم الورشة و هناك يستلمهم العامل الأسطى و يشوف شغله (فك القديم و تركيب الجديد و الترصيص) و ياخدهم العامل المساعد يركبهم في العربية و ينقل للجنب التاني و يكرر العملية (يعني كل واحد بيشوف شغله و بكده يقدر الإتنين يشتغلوا في عربيتين في نفس الوقت) .

إجمالي تكلفة الخدمات 160 جـ ( نفس سعر Fit & Fix بس ماكانوش هيوافقوا على رفع العربية بالكوريك بتاعها و ده ظني أنا و مش هيشفطوا الهواء من الإطار قبل نفخه بالنيتروجين و مش هيستحملوني بحسوكتي أبدا أبدا و الجو كان هيبقى متكهرب و احتمال الكروتة هيبقى كبير) .

و بكده تكون التكلفة النهائية للإطار الجديد 490 جـ للواحد ( 1960 جـ للطقم)


و ده دعاء عن رسول الله يقال عند شراء الجديد و عند الرزق الجديد :
" اللهم إني أسألك من خيره و خير ما صنع له ، و أعوذ بك من شره و شر ما صنع له "
" اللهم بارك لي فيه "
" اللهم أعطني خيره و اصرف عني شره "
" الحمد لله الذي رزقني هذا من غير حول مني و لا قوة "
آمين

قرأت أكتر من مرة إن الإطارات الجديدة بتحتاج مسافة 200 - 500 كم لإزاة الطبقة الخارجية الزلقة من مواد التصنيع و الشمع و خلافه و بعد المسافة ديه توصل لأدائها المعروف الخاص بالتماسك مع الأسفلت و الفرامل ، و قرأت في أكثر من موضع إن اليوكو سي درايف بيحتاج حوالي 1000 كم و بيبقى بعدها أحسن بكتير من الأول .

إنطباعي الأولي لأول 20 كم بعد السير عليه في طريق المطار :
- طري و حنين في الحفر و النقر (فرق كبيييييييييييييييييير عن الإطار القديم)
- صوته أعلى من الإطار القديم ( و ده خلاني أكتشف بعد مرور حوالي 4 سنوات و نص إن الإطار اللي كان راكب فيها إطار شبه صامت ).
- الطارة بقت أخف من الأول و أحسن في دقة التوجيه و أسرع في الأستجابة .
- التماسك على الأسفلت لسه لم يختبر .
- إنطلاق العربية من الثبات أنعم و أحسن .
- التسارع أحسن و أنعم في نفس الوقت (المحرك يبذل مجهود أقل) .
- لاحظت إن قراءة استهلاك البنزين قلت عن الأول و ده محتمل جدا و خصوصا لو مقاومة التدحرج بتاعة اليوكو قليلة عن الماتادور ، بس لسه بدري على الحكم و التسليم بإنه بيوفر في استهلاك البنزين (لما أشوف هيعمل إيه في الـ 2000 كم الأولى ) .

للعلم فقط ، فالإطار القديم كان Matador MP 42 Elite 2 و بياناته Treadwear 240 Traction AA Temperature A و صنع في سلوفاكيا و تاريخ إنتاجه كان الأسبوع 21 من عام 2008 يعني عمره تقريبا 6 سنوات و ديه هي فترة الصلاحية لأي إطار .


تقبلوا تحياتي

[aw2100]

1000 مبروك على الكاوتش الجديد والكاوتش القديم اصيل قوى معاك 6 سنوات دى عمرة الأفتراضى للتخزين دون تشغيل عمرة الافتراضى مع التشغيل 3 سنوات بس كده انت افتريت على الكاوتش القديم قوى وعلى فكرة صوته عالى شوية علشان قوة التصاقة بالارض عالية ومستنين تقرير بعد 1000 ك

[yahia_zakareya]

1000 مبروك على الكاوتش الجديد والكاوتش القديم اصيل قوى معاك 6 سنوات دى عمرة الأفتراضى للتخزين دون تشغيل عمرة الافتراضى مع التشغيل 3 سنوات بس كده انت افتريت على الكاوتش القديم قوى وعلى فكرة صوته عالى شوية علشان قوة التصاقة بالارض عالية ومستنين تقرير بعد 1000 ك

جزيل الشكر على التهنئة يا أ. وليد

معلومة إن عمر التشغيل للإطار هو 3 سنوات فقط جديدة عليا .
بس الإطار القديم بصراحة أشهد له بإنه حتى آخر يوم ليه في العربية كان ممتاز في الفرامل و متسمعش له صوت مع الفرملة (اللي هو الصرخة) و الـ ABS مبيشتغلش إلا مع الفرملة القوية عكس إطارات تانية بتخلي الـ ABS يشتغل على الفاضي و المليان ، و أيضا لغاية آخر يوم و مفيش تشققات في أجناب أي إطار من الأربعة ، فقط التشققات تلاقيها في المداس و صغيرة جدا (تشققات الجنب أكثر خطورة من تشققات المداس) ، بس كان نشف في الآخر و إن كان هو من يومه مش مريح أوي مع الحفر و النقر.

عايز أقول ملاحظة مهمة جدا :
بخصوص نوع المطاط المستخدم في أي إطار ، حضرتك و كل الزملاء لاحظتم في بيانات الإطار القديم إن الـ Treadwear 240 و ده معناه إن الإطار القديم كان الـمطاط المستخدم فيه طري (Soft Compound Rubber) و ده بيدي إلتصاق أحسن مع الأسفلت بس معدل تآكله بالبري و الإحتكاك أكثر يعني مبيعملش كيلومتر كتير مقارنة بغيره ، لكن في نفس الوقت بيحتاج سطح طريق نظيف جدا و أملس و مش عايز رمل و حجر صغير و زلط و زجاج و كسر طوب لأن هؤلاء بيعملوا خربشة في سطح المداس و بيقطعوا منه حتت صغيرة جدا لأنه طري و لما تبص عليه تلاقيه "منقر" يعني مليان حفر صغيرة في حجم حبة اللوبيا و النتيجة إن مساحة التلامس الحقيقية الفعلية مع الأسفلت بتقل جدا و ده يؤدي إلى إلتصاق أقل ؛ يعني ثبات أقل .

يفضل في مصر إنه الـ Treadwear يكون 300 فأكبر ، و كل الإطارات اللي في السوق كده فعلا إلا إطارات بريدجستون التالية Bridgestone Turanza GR-90 و Bridgestone Turanza AR-20 و Bridgestone MY-02 قيم تآكل المداس بتاعتهم واحدة و هي Treadwear 260 بس دول بريدجستون (يعني مش أي مصنع!!!) .

أرجو إن الإطار الجديد يكون عند حسن ظني ، و بإذن الله إن كان ليا عمر هعمل له تقرير بعد الألف كم الأولى .

تحياتي

[D . a .\ AYMAN]

بصراحة استفدت كتير من معلومات وبحث حضرتك الأكثر من رائع ...

تعجز كلمات الشكر عن ايفاءك حقك

الف شكر على مجهودك القيم ويجعله الله في ميزان حسناتك

[yahia_zakareya]

بصراحة استفدت كتير من معلومات وبحث حضرتك الأكثر من رائع ...
إن كنت حضرتك استفدت مني مرة فأنا استفدت من حضرتك و باقي الزملاء ألف مرة .

تعجز كلمات الشكر عن ايفاءك حقك
العفو ، ده بس من ذوق حضرتك ، و أنا معملتش حاجة تذكر ، ديه كانت تجربتي و نقلتها بتفاصيلها لعلها تفيد من ليس لديه وقت لعمل مثل ذلك البحث ، و الشكر الحقيقي هو لله فهو الموفق و المعين على كل خير .

الف شكر على مجهودك القيم ويجعله الله في ميزان حسناتك
لا شكر على واجب ، و أردد ورا حضرتك و أقول آمين (بس اللي قالقني بجد هو شرط الإخلاص و عدم الرياء و عدم الشرك الخفي و عدم حب السمعة و عدم الزهو بالنفس لقبول الله لأي عمل ..... أدعو الله و أسأله أن يرزقنيهم) .

[osamaos20022]

طيب بالنسب ل 205.55.16
ايه آخر الأسعار
وايه رأيك في كومهو كقيمة مقابل سعر

[aw2100]

طيب بالنسب ل 205.55.16
ايه آخر الأسعار
وايه رأيك في كومهو كقيمة مقابل سعر

بالنسبة للبروفيل الصغير 55 الكومهو بيعمل بلونه انصحك تشترى كاوتش تكون اجنابه قوية زيي البريدجستون او اليوكوهاما وممكن التويو علشان يتحمل المطبات والشوارع المكسرة وبراحتك !!