انواع واسعار الكاوتش في مصر

[UtopianMeego]

السلام عليكم
الموضوع أكثر من رائع و عرفت منه كذا معلومة
و أنا الأن فى صدد شد عربية عظيمة و هى البولونيز :D
و طبعا تحتاج معاملة خاصة زى فكرة إن العجل يبقى مش طرى مثلما تفضل الأعضاء بشرح الموضوع دا فى جزئية الTread Wear أنا عرفت دا بس بالتجربة ال GT ماستحملش تماما معايا و لكن العجل ال Maxxis هو أفضل نوع إتعاملت معاه من ناحية قوتة و إستحماله

أنا هغير جنوط العربية من الأصلية بتاعتها من ال 13 ل 14

الأصلى بتاعها الكاوتش
175/82 R13
و دا قطر العجلة فيه 617 ميللى

و أنا كنت مركب لها
185/75 R13

و بعد البحث وجدت إن أفضل تغيير مع الحفاظ على قطر العجل هو
R14 185/70
و دا بيخلى قطر العجلة 615 ميللى

يسعدنى تلقى مساعدتكم و أرائكم بخصوص نوع الجنوط و الكاوتش و مكان الشراء
و أى ملاحظة يمكن أن تفيد بخصوصهم
و خصوصا كل ما سمعته عن مساوىء الجنوط إسبور و بتاع الزوايا قعد يقول لى بتبقى ثقيلة
و بخصوص الوزن أعتقد النيكل هى أثقل من ناحية كثافة البنية الجزئية للمادة و يليها الأليومنيوم
فأرجوة الإفادة بخصوص هذه النقطة

و ما يتردد عن الأنواع السيئة فى السوق و ضعف قوة التحمل و خصوصا مع إنتشار الصينى

سأشترى الجنوط و الكاوتش بإذن الله يوم الجمعة إللى هو بعد بكرة
و لو حد يعرف سعر R14 185/70
و الجنوط ال 14 مستوى عالى من الجودة
مع النصح بنوع معين فى كليهما

شكرا لوقتكم مقدما :)

[UtopianMeego]

أنا نزلت النهاردة أشوف الكاوتش ، لاقيت حاجة غريبة
كاوتش
175/75 R13
كان ال TreadWear بتاعه 620 !!!!!
Traction A Temperature A
و العجلة كانت مصنعة فى روسيا

620 دا رقم طبيعى ؟؟

[UtopianMeego]

ال Tread Wear مشكلته إن لكل شركة معايرها
يعنى مثلا ال Michlen TreadWear300 مش نفس ال bridgeStone TredWear300

و لكن هل فعلا فارقة قوى كدة ؟؟ يعنى 650 و أول حاجة بعدها 400 شفتها فى Toyo يابانى ؟

[aw2100]

ال Tread Wear مشكلته إن لكل شركة معايرها
يعنى مثلا ال Michlen TreadWear300 مش نفس ال bridgeStone TredWear300

و لكن هل فعلا فارقة قوى كدة ؟؟ يعنى 650 و أول حاجة بعدها 400 شفتها فى Toyo يابانى ؟

على فكرة اهم حاجة فى الكاوتش مش معدل التأكل TreadWear اهم حاجة الTraction قوة التصاق الكاوتش بالأرض علشان الفرامل وزحلقة العربية مع الملفات فى السرعة العالية وخصوصا فى العربيات اللى مافيهاش abs وطبعا قوة اجناب الكاوتش علشان المطبات الرهيبة اللى فى مصر وخصوصا البلونيز تعتبر من العربيات اللى وزنها كبير
انصحك تشترى اما البريدجستون او اليوكوهاما c او a وطبعا التويو اليابانى اما الماكسس ده ناشف قوى وبيزحلق مع الفرامل وفعلا بيعيش كتير علشان كده مفضل عند سائقى التاكسى بالنسبة للجنوط لو لاقيت جنط حديد 14 يركب عندك يبقى احسن حاجة وبراحتك !!

[UtopianMeego]

أولا أشكرك على الرد و النصيحة
و جميل أنا على العموم كل إللى بتكلم عليهم Traction A
أعتقد ال AA مش موجود بسهولة، و عموما إللى أعرفه إن مع درجة AA بيبقى العجل نفسه طرى قوى

"البريدجستون او اليوكوهاما c او a وطبعا التويو اليابانى"

ممكن ترتب المجموعة دى من حيث الأفضلية ؟ :)

و ليه بتنصح بالحديد ..كدة كدة مش هجيب الصينى إن شاء الله
فهل الحديد مثلا أفضل حتى من الجنوط التايلندى ؟

[UtopianMeego]

أنا لفيت النهاردة على
أشرفكو فى مدينة نصر و أشرفكو فى جسر السويس
و رومانى فى جسر السويس
و على كل واحد فى شارع النصر من أول النادى الأهلى لغاية طلعة كوبر إكتوبر

و فعلا عرفت إن مافيش حاجة إسمها إنك تشترى جنوط إسبور لو مش الأصلية إللى نازلة مع العربية
كل إللى فى السوق يا إما صينى يا إما مقاس واحد ET32 و دا بالنسبة للعربية عندى بيخلى العجلة تدخل قوى لغاية ما تبقى ضاربة فى سوستة العربية نفسها :S

الجنوط الصينى بيقول لك فى الأول 1400 و أنت و شطارتك و أنا عن نفسى بعيد تماما عن تركيب الصينى
إنما أشرفكو الإندونيسى ب1500

الكاوتش ال 185/70 R14
بيتراوح سعره من أول 400 لغابة السونتومو " لو صح الإسم " اليابانى ب 470 و الفالكون ب 490 دى الأسعار بعد الفصال من عند أشرفكو

و معظم اليابانى إنتاج قديم أواخر 2012 أو أوائل 2013

و بعد ما إتفقت مع أشرفكو على ال 4 اليابانى إللى ب470 و جنوط 1500 طلع لى موضوع التصميم الموحد بتاع ET32 دا إللى بيخلى الكاوتش يدخل لغاية ما يحك فى السوستة و قال المفروض يركب عندى ET25 و دور فى المخزن و مفيش عنده

و لما فقدت الأمل و قلت أرجع ل ال13 إنش لقيت المقاس 185/70 دا مش موجود تماما ( و دا أساسا من الأسباب الأساسية إللى كان مخلينى قررت أنقل 14 ) و كل الماركات الموجود عجيبة و ضايعة لغاية ما لقيت مجموعة عجل "سونتومو " يابانى و كان ب 370 الفردة و ال Temp B و traction A و السرعة T دا عند رومانى

لو حد يعرف مكان عنده Toyo يابانى 185/70 R13 أو ماركة محترمة قريبة منها
أو جنوط 14 مقاساتها موجودة يعنى يكون أقل من ET32 أو بمعنى أخر يكون الوش بتاعها إلى فيه المسامير غاطس علشان العجلة مترميش جوة لغاية السوستة

أو حتى جنط حديد 14 بس جديد مش إستيراد
أكون شاكر له

[aw2100]

ابعد خالص عن السوميتومو اليابانى كاوتش زباله قوى الgt ارحم منه وخاصة الموديل htr-200 واقراء الموضوع ده كنت لبست فردتين منه وخلصت منهم والحمد لله على الخسارة
وعلى فكرة الجنوط الأستيراد بيبقوا افضل من الجديد ولو عاوز جنوط سبور دور على جنوط سبور أصليين استيراد وفق جنوط اى عربية فيات حديثة ممكن تركب على البلونيز افضل !!

http://www.nilemotors.net/Nile/355302-sumitomo-htr-200-a.html

[UtopianMeego]

أنا عايز أقول لك إن خلاص كنت هجيبهم السوميتومو و فعلا أشرفكو ركبهم فى الجنوط و الحظ بس إن الجنط ماركبش بسبب موضوع ال أوفست بتاعه دا :D

كويس بقى ربنا بيعمل الأفضل الحمد لله

طيب إنت كنت نصحتنى باليوكوهاما A drive
ألاقيه فين دا ؟؟ ..مالقيتهوش عند أى حد مع إنى لفيت ل 6 ساعات تقريبا فى مدينة نصر و مصر الجديدة

و البريدجستون دائما الرد إنها مش ببتعمل 13 خلاص دلوقتى

بالنسبة للجنوط انا كنت عايز أجيبهم جداد حتى لو حديد ..بصراحة أنا مش بثق فى الإستيراد عموما أيا كان
تعرف ممكن أروح أسأل فين و مش مهم سعرهم ...حتى لو حديد ب1000 أو أكثر هجيبه جديد لأن عايز أخلص من مقاس ال13 دا ..لأن المقاس بتاعى مش موجود تماما غير ماركات مجهولة تماما

[UtopianMeego]

و إيه أخبار ال Dunlop ؟
تعرف عنه حاجة أنا لاقيته بس إندونيسى مش يابانى و مقاس 13 و كان إنتاج الإسبوع الثانى فى 2013 و الفردة ب 350
و قال لى إسألنى الثلاثاء ممكن يكون جاب اليابانى و دا لغاية دلوقتى يمكن الحل الأفض لو الكاوتش دا حلو ،


و يا سلام لو فى تويو يابانى 185 على 70 مقاس 14 لو لاقيت جنط 14 أجيبه هبقى إرتحت أخيرا

[ziad_fawzi]

يا جماعة حد جرب Pirilli Centurato P7
انا كنت متردد بين الميشلان و البريدجستون و لاقيت البريللي بالصدفة و مواصفاتها أسطورة عالية جدا و أعلى من البريدجستون و الميشلان
215/55 R16
97 W
traction AA
tread wear 260
temperature A

أجيبها واللا خليني في البريدجستون أو الميشلان
أرجو الإفادة

[mazagngi2010]

للافاده كوموهو فيتنامى 14-60-185 انتاج الاسبوع 38 سنه 2013 ب 340 الفرده بالبلف والترصيص من السيد رشاد اللى بعد الصوت والضوء طريق المنصوريه

[aw2100]

يا جماعة حد جرب pirilli centurato p7
انا كنت متردد بين الميشلان و البريدجستون و لاقيت البريللي بالصدفة و مواصفاتها أسطورة عالية جدا و أعلى من البريدجستون و الميشلان
215/55 r16
97 w
traction aa
tread wear 260
temperature a

أجيبها واللا خليني في البريدجستون أو الميشلان
أرجو الإفادة

البريدجستون وبس وبراحتك !!

[mtradwan]

للافاده كوموهو فيتنامى 14-60-185 انتاج الاسبوع 38 سنه 2013 ب 340 الفرده بالبلف والترصيص من السيد رشاد اللى بعد الصوت والضوء طريق المنصوريه

ممكن تليفونه لو سمحت

[m_hapashy206]

شباب ممكن حد يفيدني بسعر كاوتش مقاس 14 -70-175 ... يكون نوع كويس وسرعه في لمعقول .. جزاكم الله خيرا

[bayantt]

انا معايا c180 لسه شارى 4 فرد continental 195/65 r15 انتاج شهر 12 2013 الفردة عملت 525 وكان في ميشلان الفردة ب550 من عند محمد سامى اللي جنب موبيل سموحة