ما افضل نوع فى البطاريات الجافة و أسعارها

[sasatony]

انا غيرت البطارية النهاردة الحمدلله عند الايمان(بيومي) الي في الدقي
جبت بطارية acdelco 55أمبير ودي 420+القديمة وده النوع العالي لان في نوعين من البطارية دي عالي وواطي وانا الي كان راكب في عربيتي العالي علي كلام الراجل وهو وراني الفرق بين الاتنين ووراني القديمة في عربيتي قبل مااشيلها لقيتها العالي زي مافهمني وربنا يكرم

[eslam_egypt]

هو مفيش مشاركة احدث باسعار احدث الموضوع من 2007

[ايمن 1711]

ياجماعه البطاريه acd احسن بطاريه بجد

[yasssser]

سؤال بخصوص البطاريات

قدامى عربية 127 محتاجه بطاريه عايز اعرف الفيات 127 بيركب عليها بطارية كام امبير ؟ وسعرها كام؟

[زكى63]

الأسعار الجديدة / البطارية السائلة يتراوح السعر من 375 للكورى لغاية 575 للفارتا والبطارية الجافة من 600 الى 800 جنيه وطبعا دى البطارية الـ 55 أمبير المناسبة لسيارة 127

[Porsche911TT]

بطارية العربية ودعت و قدامي بطارية AC Delco جديدة امبير 70 (مكتوب عليها 62) ب 820 جنيه بالبدل مع القديمة ايه رأيكم في السعر؟

[زكى63]

اليوم أشتريت بطارية جافة كورى 55 أمبير بـ 720 ج وكمان أخد القديمة / وبصراحة أنا حاسس ان البياع زود ف سعرها / وكان حيدينى ايه سى دلكو ويأحذ 750 ج / يبقى الأخ اللى كاتب 820 السعر مغالى فيه وبصراحة أرتفاع الأسعار هذا لم نشهده من قبل بهذة الصورة !!!!!!! ايه الحكاية / والأسعار متفاوتة فلا توجد رقابة ع أسعار السلع يغنى التجار بيدبحوا الناس / حسبنا الله ونعم الوكيل

[زكى63]

الفرق بيت البطارية ال 55 وال 70 امبير هو 45 جنيه فقط / ده كلام التاجر

[توفيق السيد]

السعر انهاردة .. الاربعاء 2016/12/21

بطارية فارتا جافة 55 امبير 925 جنيه واخد القديمة

سعرها 1025 بدون القديمة

انا باشوف الاسعار فى اول الموضوع بجيلى ذهووووووول

ربنا يصبرنا

[bravemind]

انا لسه جايب بطارية نسر 70 امبير ب 800 جنيه والقديمة

[bravemind]

انا لسه جايب بطارية نسر 70 امبير ب 800 جنيه والقديمة

[hinrey_2]

فارتا 55 امبير اتحاد اوروبي ب 1300 من اسبوع وانا اشتريتها ب1200 جنيه من شهر فات وسالت عليها فى اكتر من مكان .

[Amr Morsi]

السلام عليكم
النهاردة كنت بسأل عن بطارية جافة عند fix &fit و قالى على بطارية تركى ب 980 جنيه و هى 60 أمبير ... يا جماعة فى حد جربها أو يعرف كويسة ولا ايه
رجاء الافادة و شكرااااا

[اشرف سعيد احمد]

امبارح فى توكيل بريدجستون اللى فى بنزينة كالتكس عباس العقاد سألت على بطارية Varta المانى 70 جافة و قالى ب 930 جنيه، المهم سألت النهاردة محل فى المقطم قالى 450 جنيه و تسيب القديمة و لما دردشت مع زمايلى فى الشغل شوية قالوا 450 - 500، يا ترى حد متابع اسعار البطاريات؟ و هى غليت كده ليه؟ و ياترى هتغلى أكتر؟

..سؤال حضرتك كان في اكتوبر 2017 و سعر الفارتا في هذه الفترة تعدي 950 مع القديمة و اظنه اعلي من هذا .... في ديسمبر 2017 الفارتا 1100 مع القديمة و دي اسعار الصعيد اطرح منها 50 جنيه ...لا توجد في مصر بطارية ب 450 و القديمة تتقدر ب150 ... اتمني اكون افدتك مع ان المشاركة متأخرة

[tata2011]

السلام عليكم . انا بقالى كام يوم ببحث عن بطارية وقرأت اغلب هذ الموضوع طبعا الاسعار زادت اوى والانواع بقت كتير اوى . المهم لقيت الاسعار كالتالى ديلكو 70 ب 1250 باقديمة و انرجايزر ب 900 بالقديمة ولقيت حلجة اسمها تيربو تونسى ب 800 بالقديمة