تخليقي و لا معدني

[tarekabosdera]

الكل بيتكلم عن التخليقي والمعدني بس . طب ما تخليكوا في الوسط ( خير الامور اوسطها ) اللي هو شل هيليكس hx7 الازرق شبه التخليقي بيقعد 7000 كم . ( فيه مميزات من التخليقي , ومفهوش عيوب المعدني ) ...

الزيت ده ممتاز وانا مجرب أداءه بس محدش واخد باله منه .

ومكتوب في موقع شل انه افضل زيت للمحركات الجديدة للحفاظ على اطول عمر ممكن للمحرك . ومكتوب ان شل الترا التخليقي انه يفضل للسيارات ذات الأداء العالي زي الفراري واللمبورجيني وللظروف الجليدية . وده مش عندنا في مصر .

[M.Osman]

حاجات مكنتش واخد بالي منها و واضحة على جركن الزيت زي الشمس !!
بصو كدا:

[shouk_1987]

حاجات مكنتش واخد بالي منها و واضحة على جركن الزيت زي الشمس !!
بصو كدا:

معلش ده نوعه ايه بالضبط عشان الواحد يبقى عارف هو تفريبا شل بس انى واحد

[M.Osman]

معلش ده نوعه ايه بالضبط عشان الواحد يبقى عارف هو تفريبا شل بس انى واحد

اه .. انا آسف النوع مش واضح فعلاً في الصورة.
دا شل هيلكس HX5 المعدني (اللي بيتغير كل حوالي 4-5 ألاف كم)

انا بس لاحظت انه مكتوب اني بيقلل من صوت الموتور ...!!
حاجة حلوة مش مكتوبة على جركن الألترا التخليقي !!

[Hegazio]

الكل بيتكلم عن التخليقي والمعدني بس . طب ما تخليكوا في الوسط ( خير الامور اوسطها ) اللي هو شل هيليكس hx7 الازرق شبه التخليقي بيقعد 7000 كم . ( فيه مميزات من التخليقي , ومفهوش عيوب المعدني ) ...

الزيت ده ممتاز وانا مجرب أداءه بس محدش واخد باله منه .

ومكتوب في موقع شل انه افضل زيت للمحركات الجديدة للحفاظ على اطول عمر ممكن للمحرك . ومكتوب ان شل الترا التخليقي انه يفضل للسيارات ذات الأداء العالي زي الفراري واللمبورجيني وللظروف الجليدية . وده مش عندنا في مصر .

أحييــــــك بشــــــــدة

[Michael_Lanos]

مفيش مشكلة من التغير بين المعدنى و التخليقى... و الكلام دة موجود على سايت شركة موبيل

المشكلة فى المواتير القديمة اللى اتكونت جواها كميات كبيرة من الرواسب و دى ممكن تتعرض لمشاكل لما تقلب من معدنى لتخليقى او تستعمل فلش لان بيبقى رواسب كتير اتفككت من مكانها و ممكن تسد مجارى الزيت و لو الوضع سىء ممكن الرواسب اللى تتشال دى تبين التسربات نتيجة التاكل اللى كانت الرواسب دى سداها

يعنى باختصار متقلقش من تغيير نوعية الزيوت او الفلش الا لو المكنة بنتاعتك تعبانة اساسا... ساعتها خلليك فى المعدنى

mmamdouh

طيب انا موتورى عامل 92.000 وبحط معدني على طول وبغيره كل 3500 كيلو وساعات بطول عن كده والاقيه محروق

ايه الافيد ليا مع العرلم ان بمشي كتير بالعربيه الايام دي لظروف سفرى للقاهره

انا عاوز الافيد للموتور طبعا

شكرا

[MMamdouh]

لما تنزل القاهرة حط فيسكو 5000 و جرب... ان شاء الله حتبسط

MMamdouh

[swordleee]

انا هقلكو علي تجربتي : معايا شيفورلية لانوس 2010 وغيرتلها زيت بعد ال1000كيلو بزيت توتال ال 10000 كيلو التخليقي (مش فاكر كان اسمو إيه بظبط) و عملت بيه ال10000 كيلو فعلن بس لما جيت اغيرو لاقيتو تمام و مش محتاج يتغير و ناس كتيير اكدولي كده , بس كان مديقني حاجة واحدة ان صوت الماتور كان عالي بس دا المفرود طبيعي فالانوس و المهم مشيت علي الزيت كمان 5000 كيلو وبعد كده روحت اغيرو في بنزينة شيل و حطيت زيت شيل هيلكس سوبر الاصفر (المعدني) عشان كان مكتوب عليه إنه بيقلل صوت الموتور و قلت اجرب و لما حطيتو فعلن اندهشت من صوت الموتور الي بقي مكتوم خالص عن الاول و دي كانت حاجة مريحاني اوي و انا عامل بيه 2500 كيلو و شغال تمام و مفيش اي مشاكل الحمد لله

[semsem_inside]

بصراحة يا جماعة أنا احترت جدا بعد ما قريت الموضوع
فأرجو الافادة .. أنا عربيتى موديل 93 وعامله 100 ألف كيلو والزيت الموجود حاليا فيها توتال كوارتز 3000 المعدنى ومشاويرى مش كتير ( لا تزيد عن 300 كيلو كل شهر )
يا ترى لو حبيت أغير زيت أستعمل نفس النوع ولا فيه نوع ثانى أفضل لأنى كده اتلخبطت بصراحة

[ashouhdy]

يا جماعة ......

ممكن توضحوا يعنى استهلاك جامد للعربية يعنى كام كيلو فى الشهر مثلا
طب و اللى بيحرق ع العربية كتير سرعات عالية او حرق ع الغيارات مين احسن التخليقى ولا المعدنى

طب 50الف كيلو ع زيت معدنى كتير يعنى الكاربون سد البساتم ولا اييييييييييييية ! انا احترت معاكم والله
ولو غيرت بعد ال50 الف لتخليقى عادى ؟ و هل عادى الزيت يقعد 10الف كيلو ع سرعات عالية مستمرة (سفر) سرعات من 140 الى 160 مش كدة الزيت بيشيط بدرى بدرى ولا اية ؟؟؟؟؟


انا كنت فاكر ان الزيت لما ينزل متغير لونة يبقى احسن عشان بياخد الرواسب و ينزل و ان التخليقى مش قد كدة عشان لونة مش بيغير فمش بياخد شوائب !!!

يعنى معقول ححط نفس الزيت اللى بيتحط ع موتور البى ام و المرسيدس فى موتور فيرنا !!! اكيد فى حاجة تظبط الموضوع دة ؟؟ اية هى ؟

نفضل ذى مااحنا و لا نغيير للغالى وامرنا لله :(

[MMamdouh]

هو موتور الفرنا ابن البطة السودة؟؟؟ مهو موتور زى باقى المواتير... و طالما مش مفوت يبقى تستعمل التخليقى عادى جدا
و مين قال ان التخليقى لونة مبيتغيرش؟؟؟... ابقى تعالى بص على الزيت عندى لونة ايه

MMamdouh

[Hegazio]

والكلام عن التغيير من نوع لأخر اكثر من ان اوجزه بصراحة
بس من الأخر ممكن تغير من تخليقي لنصف تخليقي لمعدني و ليس العكس
و أداء النصف تخليقي يفضله الكثير من الخبراء عن اي من النوعين الأخرين

[MMamdouh]

تغير من معدنى الى تخليقى و العكس فيش فيه اى مشاكل... و الكلام دة مكتوب على موقع شركة موبيل

MMamdouh

[mesho_kimi]

موقع كاسترول اللى هوه الزيت رقم واحد فى العالم جواه حتلاقى اختيار تختار منه عربيتك وبيقولك النوع المناسب لعربيتك وفى الغالبيه بيبقى تخليقى لأنه الافضل طبعاً ومفيش اى مشكله من التغيير من معدني بتخليقى بشرط تصفية الزيت وتغيير الفلتر

[ashouhdy]

هو موتور الفرنا ابن البطة السودة؟؟؟ مهو موتور زى باقى المواتير... و طالما مش مفوت يبقى تستعمل التخليقى عادى جدا
و مين قال ان التخليقى لونة مبيتغيرش؟؟؟... ابقى تعالى بص على الزيت عندى لونة ايه

MMamdouh

mobil1 مش بيغير لون جربتة مرة لحد 12الف لونة متغيرش يمكن عشان ايامها الموتور لسة جديد الله اعلم من ساعت ما لاقيتة مغيرش لون غيرت لمعدنى xhp ..... المرة الجاية خلاص ححط توتال 10الاف و ادلع الموتور :))) thx moh.