تحذير واجب من زيت شيل الاصفر

[mohamedxsayed]

أرجع يا كابتن
أوعى تحط زيت أحادي الدرجه
الفرق بين الأحادي و المتعدد إضافه اسمها Polymers و هي عباره عن ماده تشبه الجيلي و وظيفتها انها تغير لزوجة الزيت بتغير حرارته عشان كده أي حد يمسك الزيت بأيده و يقولك الزيت ده لزوجته راحت أرزعه كف بقلب حديد
أيضا اي حد يقولك الزيت اسود يبقى غيره ارزعه نفس الكف لأن سواد الزيت معناه انه بيقوم بتاني وظيفه له بعد التزييت و هي الغسيل و هتلاقي من مواصفات الزيت لفظ Detergent

اصلى بحط زيت تخليقى ولونه غمق وكنت هاغيره بس فهمنى من غير الكف

عموما انسب زيت للانوس هوه ARI SJ GRADE 20-W50 تجيبه تعاون تجيبه وطنيه تجيبه امارات تجيبه مدحت كله وااااااااااااااااااااااااااااااااااااحد المهم ميكونش مضروب
تأكيدا لكلامي جرب تعدي على توكيل ليكوي مولي و قوله عربيتي لانوس و عاوزلها زيت معدني هايدخل عالويب سايت بتاعهم و هايقولك على الدرجه اللي قولتلك عليها
و متحطش اضافات و متغيرش قبل 5000 كيلو و اجري براحتك و غير الزيت و الفلتر مع بعض كل 5000 كيلو و انا بعمل في عربيت كده
تحياتي

طب سؤال هى ال ezi الازرق الى بيتحط مع الزيت كويس ولا بلاش منه

[m7md 3tya]

أرجع يا كابتن
أوعى تحط زيت أحادي الدرجه
الفرق بين الأحادي و المتعدد إضافه اسمها Polymers و هي عباره عن ماده تشبه الجيلي و وظيفتها انها تغير لزوجة الزيت بتغير حرارته عشان كده أي حد يمسك الزيت بأيده و يقولك الزيت ده لزوجته راحت أرزعه كف بقلب حديد
أيضا اي حد يقولك الزيت اسود يبقى غيره ارزعه نفس الكف لأن سواد الزيت معناه انه بيقوم بتاني وظيفه له بعد التزييت و هي الغسيل و هتلاقي من مواصفات الزيت لفظ Detergent

عموما انسب زيت للانوس هوه ARI SJ GRADE 20-W50 تجيبه تعاون تجيبه وطنيه تجيبه امارات تجيبه مدحت كله وااااااااااااااااااااااااااااااااااااحد المهم ميكونش مضروب
تأكيدا لكلامي جرب تعدي على توكيل ليكوي مولي و قوله عربيتي لانوس و عاوزلها زيت معدني هايدخل عالويب سايت بتاعهم و هايقولك على الدرجه اللي قولتلك عليها
و متحطش اضافات و متغيرش قبل 5000 كيلو و اجري براحتك و غير الزيت و الفلتر مع بعض كل 5000 كيلو و انا بعمل في عربيت كده
تحياتي

طب بعد اذنك انا معايا فيرنا موديل 2005 عامله 43 الف كان بيتحط فيها شيل اصفر من الاول خالص دلوقتي انا عايز احط كاسترول ماجنيتك 10w-40 هل دا غلط و ايه وجه النظر في ان الزيت مينزلش قبل ال 5000

[Khaled Lanos]

رأيي أي زيت غير موبيل وشيل كويس لأنهم بقو مضروبين بغباء..بس شيل الترا كويس.

[Khaled Lanos]

يا جماعة انا بشتغل فى شركة بترول وشكركتنا هى اللى بتوزع الزيوت للشركات زى شل وموبيل وتوتال كل الشركات الزيوت كلها واحد لان ليها مواصفات عالمية ميقدرش يغشها يعنى مثلا api sl من اى شركة زيوت بتبقا كلها واحد مفيش حاجة اسمها زيت احسن من زيت لاتها خاضعة للمواصفات يعنى التعاون زي شل زى موبيل زى اى شركة وشكرا ليكم

بس الزيوت المستوردة زي كاسترول مثلا أكيد ملهاش دعوة بمصر.

[teto2007]

التعاون مش وحش بس كود الخدمة بتاعه أقل من شل أو توتال مثلا .. عشان كدة مش هايقعد قيد الاستخدام فترة زيهم ولكن فترة خدمته أقل .. وبيتحلل أسرع

يعني مثلا التعاون مستوى الخدمة بتاعه على ما أذكر كان sj ... لكن مستوى الخدمة بتاع الشل أعتقد كان sn أو sl وعشان كدة الشل بيخدم مدة أطول وفي ظروف أصعب

وعموما انت ماينفعكش غير زيت تخليقي سواء بقى التعاون أو أي شركة ولكن لازم زيت تخليقي ... لأنه هو الزيت اللى من مواصفاته إنه كل ما تحرق عليه أكتر في اسلوب القيادة بيسد أكتر .. بعكس المعجني اللى كل ما تحرق عليه كتير بيفقد لزوجته أكتر

اللى بيفرق زيوت أي شركة عن التانية هي تركيبة الإضافات اللى بتتحط على الزيت ... وفعلا كل الشركات بتاخد الزيت المعدني بتاعها من مصر للبترول فقط .. لكن معامل الخدمة اللى هو api ده بيتحدد بناء على نوعية وكمية الإضافات اللى بتحطها الشركة الموزعة للزيت واللى ماركتها هاتتحط على العلبة

كل ده بالنسبة للزيت المعدني أو حتى النصف تخليقي

لكن الزيت التخليقي بالكامل فهو بيخضع لمواصفات الشركة الأم ... لأن الزيت التخليقي بيتم تصنيعه في المعمل بالكامل وماهواش زيت معدني عشان ياخدوه من مصر للبترول ... يعني مثلا زيوت شل بيتم تصنيعها في مصنع شل في المنطة الصناعية الرابعة في 6 أكتوبر ومكتوب على العلبة بتاعته كدة

وبرضه بيخضع لنفس معايير الخدمة api ... ومعيار الخدمة بتاع الشل التخليقي حاليا اللى موجود في السوق sn ودي متأكد منها عشان لسة مغيره من إسبوع تقريبا

وتوتال كان sm عشان كنت حاطط منه في العربية من حوالي أربع شهور

زيت التعاون دلواتى فية منة تخليقى مستوى اداء sm وبيقعد 15000 كيلو لزوجة 40 /w5

[D . a .\ AYMAN]

أيضا اي حد يقولك الزيت اسود يبقى غيره ارزعه نفس الكف لأن سواد الزيت معناه انه بيقوم بتاني وظيفه له بعد التزييت و هي الغسيل و هتلاقي من مواصفات الزيت لفظ detergent

بس انا لي رأي تاني ياباشا .. وهو إن لو الزيت بقى إسود يبقى فعلا الأفضل إنه يتغير حتى لو لسة في باقي في عمره كتير

لأنه كدة أدى وظيفته في التنظيف بصورة جيدة ... ومش هايقدر يؤدي أكتر خلاص لأنه اتوسخ لأفصى درجة ومش هايقدر ينظف أكتر من كدة

زي كدة قطعة من القماس عمال تنظف بيها على طول هاتيجي في مرة وتلاقيها بتوسخ المكان اللى هية المفروض تنظفه لأنها تشبعت خلاص ولازم تترمي وتجيب غيرها

[agaty1st]

طب سؤال هى ال ezi الازرق الى بيتحط مع الزيت كويس ولا بلاش منه

معرفش عنه حاجه بصراحه ابعتلي عنه داتا شيت او وظيفته أيه

[agaty1st]

شخصيا عمر ما هاقتنع غير
بشيل
او موبيل
او توتال
او التعاون
كالتكس
غير كده مالوش لازمه

أيه رأي حضرتك ان توتال بتخلط عند التعاون و احيانا لتحقيق التكلفه الاقتصاديه لتشغيل الخلاط
بيشترك اكتر من شركه في في نفس الـPatch و المنتج النهائي بيتقسم لكل شركه حسب حصتها

[agaty1st]

بس انا لي رأي تاني ياباشا .. وهو إن لو الزيت بقى إسود يبقى فعلا الأفضل إنه يتغير حتى لو لسة في باقي في عمره كتير

لأنه كدة أدى وظيفته في التنظيف بصورة جيدة ... ومش هايقدر يؤدي أكتر خلاص لأنه اتوسخ لأفصى درجة ومش هايقدر ينظف أكتر من كدة

زي كدة قطعة من القماس عمال تنظف بيها على طول هاتيجي في مرة وتلاقيها بتوسخ المكان اللى هية المفروض تنظفه لأنها تشبعت خلاص ولازم تترمي وتجيب غيرها

ليس تقليلا من رأي حضرتك
لكن ده مفهوم خاطيء عند معظم الناس الزيت المستخدم يتم الحكم عليه عن طريق المعمل فقط
و لأن المفهوم ده منتشر في شركه عالميه اخترعت أضافه لتشتيت اللون عشان اللي يشوف الزين نازل نضيف و غيره نازل اسود يتمسك بالزيت بتاعهم

[agaty1st]

طب بعد اذنك انا معايا فيرنا موديل 2005 عامله 43 الف كان بيتحط فيها شيل اصفر من الاول خالص دلوقتي انا عايز احط كاسترول ماجنيتك 10w-40 هل دا غلط و ايه وجه النظر في ان الزيت مينزلش قبل ال 5000

مش كل زيت تمشي عليه 5000 انا بتكلم على SJ انما مثلا لو SF تمشي عليه 3000
و يفضل تغير الفلتر مع الزيت لأن الفلتر بيشيل ربع لتر زيت قديم فبيسبب تلوث للزيت الجديد
و لو مشاويرك أغلبها في الزحمه غير على 4500 انما انا بغير على 5000 لأن معظم مشاويري مش في الزحمه و بغير الفلتر مع الزيت فبوصل للحد الأقصى بدون مخاطره
و بالنسبه للفيرنا استخدم SL Grade معدني بتاع اي شركه بتاع و ممكن تخليقي طالما الموتور لسه جديد لكنها تكلفه بدون داعي

[hugan]

أيه رأي حضرتك ان توتال بتخلط عند التعاون و احيانا لتحقيق التكلفه الاقتصاديه لتشغيل الخلاط
بيشترك اكتر من شركه في في نفس الـpatch و المنتج النهائي بيتقسم لكل شركه حسب حصتها

والنعمه قولت كده
ستايل ماجد الكدواني

[agaty1st]

التعاون مش وحش بس كود الخدمة بتاعه أقل من شل أو توتال مثلا .. عشان كدة مش هايقعد قيد الاستخدام فترة زيهم ولكن فترة خدمته أقل .. وبيتحلل أسرع

يعني مثلا التعاون مستوى الخدمة بتاعه على ما أذكر كان sj ... لكن مستوى الخدمة بتاع الشل أعتقد كان sn أو sl وعشان كدة الشل بيخدم مدة أطول وفي ظروف أصعب

بص حضرتك
مينفعش تقارن SL بتاع شركه بـSM بتاع شركه تانيه
قارن نفس مستوى الأداء في شركتين مختلفتين
جودة الزيت مرتبطه بالأبجديه الانجليزيه يعني مثلا حرف A هوه أقل مستوى خدمه و حرف Z أعلى مستوى خدمه و هكذا
أما حرف s ده معناه محركات البنزين و حرف c لمحركات الديزل

[lanos2004]

صراحه الزيت بيفرق جامد جدا فى التسارع والتوب سبيد وبفرق مش بسيط بيوصل 10 كيلو فرق عن تجربه

[akmm]

لسه مش عارفين كده افضل زيت تخليقى بالكامل اييييييه.............

[D . a .\ AYMAN]

صراحه الزيت بيفرق جامد جدا فى التسارع والتوب سبيد وبفرق مش بسيط بيوصل 10 كيلو فرق عن تجربه

الزيت فرق عندي فوق 20 - 30 كيلو متر / الساعة في العربية الألتو وكمان بيفرق في حرارة المتور بطريقة كبيرة جدا

كنت حاطط كاسترول إيدج في الألتو وطريقي إسبوعيا القاهرة أسيوط القاهرة مرتين .. العربية كانت بتجيب 120 ... بالعافية وبطلوع الروح .. وكانت بتسخن جامد أول ما أجيب سرعة 100 ك / س ... (موضوع السخونة ده كان ليه قصة تانية إضافية)

ولما غيرت الكاسترول إيدج ورجعت حطيت شيل ألترا ... فجأة لاقيت العربية بتجيب 150 - 160 بسلاسة وفرق كمان في استهلاك البنزين ... نفس ظروف الطريق بدون أي إختلافات حتى سرعة الريح كنت متابعها وكانت هي هي

والحرارة كمان فرقت جدا (هي فضلت تعلى برضه لما أجيب سرعات عالية بس لما أجيب فوق الـ 125 ك / س .. مش 100 زي الأول ... وعلى فكرة ده كان بسبب مشكلة في الردياتير ولكنها في النهاية ماكتتش بتعلى زي الأول طبعا وبعد ضبط الردياتير بقت زي الفل ومرتاحة أكتر)