زيت محرك لانوس

[picaso55]

السلام عليكم و رحمة الله و بركاته
انا فتحت كتلوج اللانوس لقيت مكتوب فيه يعتبر كل ارقام اللزوجة مش عارف ايه المناسب انا عايز رقم وسط يحتفظ علي الموتور و يوفر بنزين مع العلم ان العربية لانوس موديل 2002 و ماشي 70 الف كيلو
و ايه بصراحه معيش فلوس لزيت تخليقي بالكامل هل الزيت المعدني يضر المتور و ايه احسن نوع للانوس
الف الف شكر مقدما

[borio1704]

لو الزيت المعدني يضر العرببة ما كانش اتكتب في الكتالوج :)

الميزة الأساسية في الزيت التخليقي إنه بيدي حماية أكبر مع بداية التشغيل... وبداية التشغيل هي أكتر وقت بيحصل فيه تآكل للموتور... خصوصا لو العربية بتتركن مدد طويلة..

إنما لو العربية شغالة باستمرار أو المدة بين التشغيل والتبطيل مش أكتر من ساعتين.. كده التخليقي بيفقد ميزته.

الميزة الأساسية التانية هي إن الزيت التخليقي بيستحمل الحرارة المتطرفة... يعني بيشتغل كويس في البرد الشديد (30 تحت الصفر) وفي الحر الشديد (50 مئوية)... وبكده هو نفسه عمره بيبقى طويل ويوفر فلوسك لو كنت بتستخدم عربيتك كتير (معدل مشيك السنوي أكتر من 10 آلاف كم ).

لو تقوللنا إيه طبيعة استخدامك للعربية نقدر نساعدك أكتر.


...

[picaso55]

لو الزيت المعدني يضر العرببة ما كانش اتكتب في الكتالوج :)

الميزة الأساسية في الزيت التخليقي إنه بيدي حماية أكبر مع بداية التشغيل... وبداية التشغيل هي أكتر وقت بيحصل فيه تآكل للموتور... خصوصا لو العربية بتتركن مدد طويلة..

إنما لو العربية شغالة باستمرار أو المدة بين التشغيل والتبطيل مش أكتر من ساعتين.. كده التخليقي بيفقد ميزته.

الميزة الأساسية التانية هي إن الزيت التخليقي بيستحمل الحرارة المتطرفة... يعني بيشتغل كويس في البرد الشديد (30 تحت الصفر) وفي الحر الشديد (50 مئوية)... وبكده هو نفسه عمره بيبقى طويل ويوفر فلوسك لو كنت بتستخدم عربيتك كتير (معدل مشيك السنوي أكتر من 10 آلاف كم ).

لو تقوللنا إيه طبيعة استخدامك للعربية نقدر نساعدك أكتر.


...

بجد شكرا علي ردك
انا استخدامي للعربية قلبل جدا ممكن تفضل مركونة 3 ايام و مشاوير داخل البلد مش بسافر يدوم كده مشاوير قصيرة و انا نوع سواقتي هادية بنقل علي ار بي ام 3 مش بقرص عليها اكتر من كده

[borio1704]

حسب استخدامك ده.. فحضرتك مش محتاج زيت تقيل.. خصوصا إن استخداماتك كلها خفيفة.

وكمان.. كل ما كان الزيت خفيف في درجة الحرارة الباردة (الرقم الصغير قبل الـW) كل ما كان أحسن لإن العربية بتقف مدد طويلة.

عموما.. علشان نراعي طلبك ... هنحاول ندور في الزيوت المعدنية فقط.. ولو إني شايف إنك لو تمسك العصاية من النص وتحط زيت تصف تخليقي يكون أحسن من أغلب النواحي:

الزيت النص تخليقي هيزيت أحسن بالذات في بداية التشغيل... فيه منه لزوجات معتدلة (مش خفيفة ولا تقيلة) .. وكمان سعره مقبول (أعلى شوية من المعدني وأقل من التخليقي)



حسب الكتالوج ↑ ... اللزوجات اللي ممكن تلاقيها نصف تخليقية هي 10W-30 و 10W-40

ولو لسه عايز المعدني... يبقى لزوجة 15W-40 هي أنسب شيء.

في جميع الأحوال... تغيير الزيت يبقى بالوقت.. مش بالمسافة... وبالتالي حضرتك لازم تغير الزيت كل 3 شهور حسب توصيات الكتالوج ↓ .. لإن أسلوب القيادة ده يعتبر من الحالات الشاقة على الزيت.

[picaso55]

حسب استخدامك ده.. فحضرتك مش محتاج زيت تقيل.. خصوصا إن استخداماتك كلها خفيفة.

وكمان.. كل ما كان الزيت خفيف في درجة الحرارة الباردة (الرقم الصغير قبل الـw) كل ما كان أحسن لإن العربية بتقف مدد طويلة.

عموما.. علشان نراعي طلبك ... هنحاول ندور في الزيوت المعدنية فقط.. ولو إني شايف إنك لو تمسك العصاية من النص وتحط زيت تصف تخليقي يكون أحسن من أغلب النواحي:

الزيت النص تخليقي هيزيت أحسن بالذات في بداية التشغيل... فيه منه لزوجات معتدلة (مش خفيفة ولا تقيلة) .. وكمان سعره مقبول (أعلى شوية من المعدني وأقل من التخليقي)



حسب الكتالوج ↑ ... اللزوجات اللي ممكن تلاقيها نصف تخليقية هي 10w-30 و 10w-40

ولو لسه عايز المعدني... يبقى لزوجة 15w-40 هي أنسب شيء.

في جميع الأحوال... تغيير الزيت يبقى بالوقت.. مش بالمسافة... وبالتالي حضرتك لازم تغير الزيت كل 3 شهور حسب توصيات الكتالوج ↓ .. لإن أسلوب القيادة ده يعتبر من الحالات الشاقة على الزيت.

الف شكر مش عارف اشكرك ازاي :)

[Talal tahan]

السلام عليكم ورحمه الله وبركاته
عربيتي لانوس 2011 وماشيه125000الف سواقتي هاديه وعلى طرق مفتوحه بمعدل 15000في السنه سرعتي مبتذدش عن 130العربيه استعمال يومي اروح بيها الشغل وتفضل مركونه لغايه مروح بليل وبستعمل شل الاصفر بس مش عارف درجاته كام وكنت بفكر اغير لفيسكو 3000من كتر ماالزملاء بيشكرو فيه ايه رأيك اغير ولا لا ولو في عندك اقتراح لزيت افضل ياريت تبلغني

[borio1704]

السلام عليكم ورحمه الله وبركاته
عربيتي لانوس 2011 وماشيه125000الف سواقتي هاديه وعلى طرق مفتوحه بمعدل 15000في السنه سرعتي مبتذدش عن 130العربيه استعمال يومي اروح بيها الشغل وتفضل مركونه لغايه مروح بليل وبستعمل شل الاصفر بس مش عارف درجاته كام وكنت بفكر اغير لفيسكو 3000من كتر ماالزملاء بيشكرو فيه ايه رأيك اغير ولا لا ولو في عندك اقتراح لزيت افضل ياريت تبلغني

حسب الاستخدام اللي حضرتك كاتبه.. حضرتك مش محتاج زيت تقيل... الزيت الخفيف أكتر من كافي وهتلاقي العربية أنشط في الأداء وأوفر في البنزين.

أرشح لحضرتك زيوت تخليقية خفيفة بلزوجة 5W-30 .. مع العلم بأنها بقت موجودة بكثرة في السوق... زي:

Mobil 1™ ESP Formula 5W-30 | Mobil 1™

5W-30 Oil | Mobil 1 x1 5W-30

Shell Helix Ultra 5W-30 | Shell Global

Castrol Magnatec 5W-30

بالإضافة إلى زيوت آمسويل..

AMSOIL Signature Series 5W-30 Synthetic Motor Oil

AMSOIL XL 5W-30 Synthetic Motor Oil

AMSOIL OE 5W-30 Synthetic Motor Oil

كل الزيوت دي أعلى من متطلبات موتور اللانوس.. ومؤكد فيها الغالي قوي وفيها الرخيص..

والاختيار لحضرتك في الآخر.


...

[Mohamed Desoky]

السلام عليكم ورحمة الله وبركاته انا متابع كل موضوعاتك عن الزيوت وانا بشكرك على الافاده لكل الزملاء ليه سؤال عندى فى الكتالوج بتاع الشيرى الزيت تغيره كل 5 الاف كيلو او 3 شهور بس مفيش اى معلومه عن درجة اللزوجه ودخلة على موقع الشركه الصينيه شيرى لاقيت بيوصه بزيت 10w40 كل 5 الاف كيلو مع فلتر جديد ولقيت الدرجه فى شيل الازرق h7 الاوربى 210ج وكنت ماشى عليه لمدة عامين ودلوقتى مش موجود فى توكيل شيل خالص الموجود شيل الاصفر والترا وده غالى ودورة على 10w40 موجود فى كاسترول بس غالى 325 ج وانا العربيه يدوب عامله 50 الف كيلو من الزيرو ومش عارف الشركه المصنعه بتقول 5 الاف او3 شهور ومش هينفع احط زيت 10 الاف ممكن يعود سنه فى الموتور وانا ماشى زى الكتالوج مابيقول 5 الف لزوجه 10w40 مع فلتر جديد ممكن حضرتك تقولى الانسب درجه او اقرب لزوجه متوفره ممكن 20w50 انا عايز زيت اغيره كل 5 الاف زى الكتالوج وشكرا لحضرتك

[Talal tahan]

شكراً يا باشا على الرد
انا ناويت أغير للشل هيلكس من بعد ما رشحتهولي بس ليا سؤال اعمل ايه قبل مغير خصوصاً اني حغير من معدنى لتخليقي

[tasaka]

فى اعلى الصوره على الشمال .. يوجد اسماء للمجموعات a . B , c

يعنى ايه زيت تشحيم معدل ؟؟ .. اللى هى فى مجموعه الرمز c .. هل مقصود بيه زيت ديزل ؟؟

ال 5w30 فى زيت تشحيم معدل ؟؟ .. اللى فى مجموعه الرمز c .. بيشتغل من -30 مئويه الى + 40 مئويه
و 5w30 زيت متعدد المراحل .. اللى فى مجموعه الرمز b .. بيشتغل من -30 مئويه الى + 10 مئويه فقط

موش فاهم الجدول ده .. ارجو الايضاح

تحياتى

[borio1704]

فى اعلى الصوره على الشمال .. يوجد اسماء للمجموعات a . B , c

يعنى ايه زيت تشحيم معدل ؟؟ .. اللى هى فى مجموعه الرمز c .. هل مقصود بيه زيت ديزل ؟؟

ال 5w30 فى زيت تشحيم معدل ؟؟ .. اللى فى مجموعه الرمز c .. بيشتغل من -30 مئويه الى + 40 مئويه
و 5w30 زيت متعدد المراحل .. اللى فى مجموعه الرمز b .. بيشتغل من -30 مئويه الى + 10 مئويه فقط

موش فاهم الجدول ده .. ارجو الايضاح

تحياتى

زيت التشحيم المعدل مقصود بيه "زيت تخليقي"... أما بقية الزيوت فهي زيوت معدنية سواء متعددة درجات اللزوجة (b) أو أحادية اللزوجة (a).

على فكرة.. الرسم ده مأخود بالنص من شركة أوبل.. ﻹن موتور اللانوس هو موتور أوبل في الأساس.. ودي كانت طريقة شرح الزيوت المناسبة لمحركات أوبل بشكل عام حتى سنة 2000 تقريباً.


...

[borio1704]

شكراً يا باشا على الرد
انا ناويت أغير للشل هيلكس من بعد ما رشحتهولي بس ليا سؤال اعمل ايه قبل مغير خصوصاً اني حغير من معدنى لتخليقي

ما تعملش حاجة... لو حضرتك كنت بتغير الزيت في مواعيده يبقى موتورك نظيف .. وإن شاء الله الجوانات والأويلسيلات تكون حالتها كويسة.. وكمان الزيوت التخليقية فيها ميزة تنظيف الموتور فما تقلقش إن شاء الله..

المهم إنك تتابع الموتور من ناحية وجود تسريبات خارجية لا قدر الله.. وكمان لو الزيت بدأ ينقص يبقى الأفضل نروح على درجة لزوجة أثقل.

الأهم من كده هو الثبات على نوع واحد من الزيوت قدر الإمكان.

وطمنا إيه الأخبار.


...

[Talal tahan]

ما تعملش حاجة... لو حضرتك كنت بتغير الزيت في مواعيده يبقى موتورك نظيف .. وإن شاء الله الجوانات والأويلسيلات تكون حالتها كويسة.. وكمان الزيوت التخليقية فيها ميزة تنظيف الموتور فما تقلقش إن شاء الله..

المهم إنك تتابع الموتور من ناحية وجود تسريبات خارجية لا قدر الله.. وكمان لو الزيت بدأ ينقص يبقى الأفضل نروح على درجة لزوجة أثقل.

الأهم من كده هو الثبات على نوع واحد من الزيوت قدر الإمكان.

وطمنا إيه الأخبار.


...

شكراً ياباشمهندس
ان شاء الله لما اغير حبلغك بلفرق

[Mohamed Desoky]

ما تعملش حاجة... لو حضرتك كنت بتغير الزيت في مواعيده يبقى موتورك نظيف .. وإن شاء الله الجوانات والأويلسيلات تكون حالتها كويسة.. وكمان الزيوت التخليقية فيها ميزة تنظيف الموتور فما تقلقش إن شاء الله..

المهم إنك تتابع الموتور من ناحية وجود تسريبات خارجية لا قدر الله.. وكمان لو الزيت بدأ ينقص يبقى الأفضل نروح على درجة لزوجة أثقل.

الأهم من كده هو الثبات على نوع واحد من الزيوت قدر الإمكان.

وطمنا إيه الأخبار.


...

السلام عليكم ورحمة الله وبركاته حضرتك ما ردتشى عليه لعل المانع خير وشكرا ليك

[borio1704]

السلام عليكم ورحمة الله وبركاته انا متابع كل موضوعاتك عن الزيوت وانا بشكرك على الافاده لكل الزملاء ليه سؤال عندى فى الكتالوج بتاع الشيرى الزيت تغيره كل 5 الاف كيلو او 3 شهور بس مفيش اى معلومه عن درجة اللزوجه ودخلة على موقع الشركه الصينيه شيرى لاقيت بيوصه بزيت 10w40 كل 5 الاف كيلو مع فلتر جديد ولقيت الدرجه فى شيل الازرق h7 الاوربى 210ج وكنت ماشى عليه لمدة عامين ودلوقتى مش موجود فى توكيل شيل خالص الموجود شيل الاصفر والترا وده غالى ودورة على 10w40 موجود فى كاسترول بس غالى 325 ج وانا العربيه يدوب عامله 50 الف كيلو من الزيرو ومش عارف الشركه المصنعه بتقول 5 الاف او3 شهور ومش هينفع احط زيت 10 الاف ممكن يعود سنه فى الموتور وانا ماشى زى الكتالوج مابيقول 5 الف لزوجه 10w40 مع فلتر جديد ممكن حضرتك تقولى الانسب درجه او اقرب لزوجه متوفره ممكن 20w50 انا عايز زيت اغيره كل 5 الاف زى الكتالوج وشكرا لحضرتك

بالنسبة للمعلومات حول مواصفات الزيت.. فغالبا بتكون في واحد من 3 أماكن:

1- صفحة الكشف عل الزيت وتغييره في قسم الصيانة في الكتالوج
2- قسم بيانات السيارة - عادة بيكون آخر قسم في الكتالوج ومكتوب فيه معلومات فنية عن السيارة... ومنها مواصفات السوائل الموصى بها.
3- (في السيارات الأوروبية اعتبارا من 2010 تقريبا) في كتالوج منفصل خاص بصيانة السيارة .. ويشمل جدول الصيانة ومواصفات السوائل وقيم الضبط للسيارة.

فغالبا حضرتك هتلاقي مواصفات الزيت في قسم بيانات السيارة.


أنا نزلت كتالوج الشيري A11 من على النت (أعتقد إن مفيش اختلاف كبير بينها وبين الـA15).. تقدر تشوفه من هنا:
Cowin_Manual

في الكتالوج ده كاتبين مواصفات الزيت كالآتي (صفحة 151 من الكتالوج):

اللزوجة:
10W-30
5W-30 (في الشتاء)

مستوى الأداء:
لايقل عن APJ SG (تقدر تستخدم مستويات أعلى زي SH أو SJ أو SL أو SM أو SN).

وكاتبين في صفحة 118 من الكتالوج إن الفلتر بيتغير مع كل غيار زيت:

مدة التغيير:
5000 كم أو 6 أشهر في الحالات العادية (اللي ما بتحصلش مع أي حد في منطقة الشرق الأوسط).
3000 كم أو 3 أشهر في الحالات الشاقة (اللي بتحصل معانا كلنا).

كمية الزيت (حسب الموتور المستخدم):
الموتور الـ2 كامة = 3.75 لتر
الموتور العادي = 4 لتر


ارجع تاني لكتالوج عربيتك واتأكد من المعلومات دي...



طيب... الكلام ده حلو.. بس واضح إنهم عاملين حساب إن العربية بتتباع في الصين.. وإن مستوى السوائل عموما متدني...

لدرجة إني اتفاجئت بمعدل تغيير زيت الفتيس المكتوب في الكتالوج .. بيقولوا تغير زيت الفتيس كل 3000 كيلومتر!!!




طيب .. بالنسبة لاستخدام زيوت تخليقية في الموتور...

طبعا الزيوت التخليقية مواصفاتها أعلى من طلبات الكتالوج بمراااااااااااااااااااحل... بس ما حدش قال إن الزيت التخليقي لازم يقعد سنة في الموتور... مين قال كده؟؟؟؟

مدة خدمة الزيت في الموتور هي نفسها المكتوبة في الكتالوج... سواء تخليقي أو معدني.... إلا في حالة واحدة....

إن بروشور الزيت نفسه يقول بوضوح إنه يشتغل في الموتور مدة تصل إلى سنة... والزيوت اللي بتقول الكلام ده قليلة على فكرة.

طبعا دي مشكلة .. لإن الزيوت التخليقية غالية.. ولو ما قعدتش في الموتور الفترة الكافية يبقى لازمتها إيه؟؟


قبل ما نكمل.. خلينا نعرف الأول حضرتك بتمشي كام كيلومتر في السنة تقريبا.


...