إعـــــــلان

Collapse

.

,
See more
See less

الباشمهندس / Borio استشارى الزيوت بالمنتدى

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    الباشمهندس / Borio استشارى الزيوت بالمنتدى

    مساء الخير يا باشهمندس
    أولاً :
    أنا عاوز أشكر حضرتك على المجهود المبذول فى الموضوعات الرائعه الثرية بالمعلومات المفيدة وبشكر حضرتك برضه على الوقت والمجهود المبذول فى الرد على إستفسارات السادة الزملاء ، وأكيد الإجابات الشافية الوافية المستندة على خلفية علمية دى بتتطلب منك متابعة دؤوبة لكل ما هو جديد فى مجال الزيوت.
    ثانياً :
    السؤال التقليدى المتكرر اللى إنت جاوبت عليه مليون مره قبل كده أحط لعربيتى زيت إيه ؟ ؟؟
    وبما إنى متابع لمواضيعك الرائعه فعارف إن الإجابة هتكون أفضل زيت هو الزيت المنصوص علية فى كتيب الصيانة الخاص بالعربية.
    بس وللأسف الشديد ونتيجة جهل منى أنا كنت بستخدم الفترة اللى الفاتت دى زيت شل الأصفر 15w50 ، وبما أن الزيت المنصوص علية فى كتيب العربية هو 5w30 فقط وبدون مقترحات لبدائل أخرى فهنا يأتى
    السؤال الأول :
    هل أستمر على الزيت الشل الأصفر ولا أغير طبقاً لما جاء بكتيب العربية ؟
    السؤال الثانى :
    لو إجابة حضرتك إن ألتزم بما جاء بالكتيب فهل الزيت 5w30 مناسب لدرجة حرارة الجو فى فصل الصيف بمجمهورية مصر العربية ؟

    السؤال الثالث:
    لو كانت إجابة حضرتك بنعم مناسب ، فهل الدرجة دى من الزيت موجودة فى مصر ؟
    السؤال الرابع:
    لو الزيت اللى موجود تخليقى بس زى mobil 1™ esp formula 5w-30 فهل التخليقى هيكون مناسب لعربية عدادها معدى 200000 كيلو متر ( على فكرة أن قريت موضوع أسطورة 100000 كيلو بس سؤالى زيادة تأكيد )

    وأخيرا بشكر حضرتك للمرة التانية على مجهودك ووقت فى الرد على إستفسارات الزملاء
    الكلمات الدلالية (Tags): borio, استشارى, الباشمهندس, الزيوت, بالمنتدى
  • #2

    أولا أنا بشكر حضرتك على المجاملات الرقيقة دي.. وأنا حقيقي ما أستاهلش كل الكلام ده...
    وأنا الحقيقة كل اللي بحاول أعمله إني أوصل للمعلومة من مصادر موثوقة أو مقنعة على أقل تقدير...

    وعلى فكرة.. أنا كنت زي أي واحد عادي بيحط الزيوت زمان بناء على السمع أو التعود.. بس ربنا رزقني بحاجة إسمها حب قراية الكتالوجات بالإضافة لدراسة الهندسة الميكانيكية... علشان كده أنا مقتنع تماما إن كل المكتوب في الكتالوج هو أفضل ما يمكن عمله للحفاظ على سيارتك.


    طيب.. تعالى نجاوب على الأسئلة... بس ما شاء الله .. حضرتك جاوبت على الأسئلة كلها مقدما :)


    زي ما دايما بقول في المواضيع بتاعت الزيوت.. المسألة سهلة .. بس محتاجين نفهم شوية حاجات بسيطة.. وما شاء الله حضرتك مستوعبها كلها.


    إجابتي حاليا معتمدة على سؤال جديد...

    هل حضرتك متأكد إن التوصيات دي بتاعت الكورولا الشرق الأوسط (مش أمريكا)؟؟؟

    الحقيقة أنا لسه النهارد مجاوب على نفس السؤال تقريبا لعربية ميتسوبيشي لانسر شارك.. وأول حاجة عملها الزميل العزيز صاحب الموضوع إنه حط صورة الكتالوج بتاع أمريكا... في حين إن كتالوج العربية اللي جاي معاها بيقول حاجات تانية.

    ده لينك للموضوع:
    نايل موتورز - NileMotors.net
    http://www.nilemotors.net/Nile/487877-a.html


    فأنا هسأل نفس السؤال مرة تانية... هل التوصيات اللي حضرتك بتقول عليها دي بتاعت كتالوج العربية اللي جاي معاها ولا كتالوج الكورولا الأمريكي من على النت؟؟؟


    لو كانت الإجابة هي : ده كتالوج الكورولا الأمريكي من على النت... يبقى أنا مستني من حضرتك تجيبلنا تفاصيل التوصيات بتاعت كتالوج العربية المطبوع اللي جاي مع العربية (صورة أو كتابة).


    لو كانت إجابة حضرتك: دي توصيات الكتالوج اللي جاي معاها.. يبقى إجابتي كالتالي:


    حضرتك هتحول إلى لزوجة 5W-30 بمستوى الأداء المطلوب في الكتالوج... واللزوجة دي مناسبة جدا مادامت مكتوبة في الكتالوج وفي مدى درجات الحرارة بتاع مصر.


    بعد كده نشوف إيه أخبار نقص الزيت ....

    لو الزيت بينقص... يبقى المفروض نشوف زيت بلزوجة أثقل.. غير كده خليك على 5W-30


    ...
    [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
    [I]مَثَلٌ صينِيّ[/I][/QUOTE]

    [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
    [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
    [/SIZE][/FONT]
    أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
    [SIGPIC][/SIGPIC]

    Comment

    • #3
      على فكرة يا باشمهندس هى مش مجاملات دى حقيقة
      للأسف الشديد الكتيب الوحيد المتواجد عندى هو اللى أنا منزله من الإنترنت
      الكتيب اللى جاى مع العربية مفقود من فترة طويلة


      إيه الحل دلوقتى ؟

      Comment

      • #4

        طيب ممكن تعمل موضوع في قسم تويوتا في المنتدى .. يمكن حد من الإخوة الزملاء يفيدنا


        عموما.. جرب الـ5W-30... ومادام مكتوب في كتالوج أمريكا يبقى 95% مكتوب في كتالوج الشرق الأوسط.

        وعلى حسب علمي.. العربيات الياباني كلها دلوقتي بقت بتطلب زيوت معتمدة من الـILSAC .. ودي منظمة زي الـAPI والـACEA ..

        والزيوت اللي غالبا موجودة في مصر باللزوجة دي والاعتماد ده هي

        موبيل 1 - X1
        5W-30 Oil | Mobil 1 x1 5W-30

        آمسويل OE
        AMSOIL OE 5W-30 Synthetic Motor Oil

        آمسويل XL
        AMSOIL XL 5W-30 Synthetic Motor Oil

        آمسويل سيجنتشر
        AMSOIL Signature Series 5W-30 Synthetic Motor Oil


        وقللنا إيه الأخبار.


        ...
        [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
        [I]مَثَلٌ صينِيّ[/I][/QUOTE]

        [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
        [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
        [/SIZE][/FONT]
        أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
        [SIGPIC][/SIGPIC]

        Comment

        • #5
          متشكر جدا يا باشمهندس على إفادتك

          إن شاء الله هجرب Mobil 1™ x1 5W-30 وان شاء الله هبلغك بالأخبار

          بس ليه الناس بتبقى متخوفه من الزيت التخليقى للعربيات اللى معدية ال100000 كيلومتر ؟؟

          بمعنى آخر إيه أسوء حاجه ممكن تحصلى يعنى ؟ هيبقى فيه تسريب زيت والزيت هينقص وهزوده كل شويه ومش هيكمل معايا لفترة طويلة ؟

          طالما مفيش خطر على الموتور نفسه يبقى الموضوع يستحق التجربة وبإذن الله يكون خير

          أو هنضطر نرجع تانى لزيت شل الأصفر 15w50

          مع وافر التحية والتقدير لمجهودك

          Comment

          • #6
            أخبارك إيه يا هندسة

            إنهارده كلمت أمسويل علشان نوعية الزيت اللى حضرتك رشحتهالى ، بس المهندس المسئول رشحلى 10-40 نظراً للكيلو متر اللى العربيه ماشياه ( 300000 كيلو ) وآخر زيت كنت مستخدمه يعتبر تقيل ( شل الأصفر 15-50) وأحيانا موبل 20-50

            فمن وجهة نظره إن الكيلو متر العالى واللزوجة العالية للزيت القديم ممكن تؤدى إلى نقص الزيت وبرضه شايف إن دى أول لزوجة خفيفة مناسبة لظروف العربية

            مع العلم إن 10-40 موجود فى فئة xl ومش موجود فى السجنتشر

            معلش طولت عليك ، بس يهمنى أعرف رأيك

            Comment

            • #7
              G energy oils - mazda 2015

              السلام عليكم
              غيرت من زيت شيل المستخدم في غبور ل زيت جديد اسمه جي انرجي بعد ما غيور اخد وكالة توزيعه حصري في مصر لكن لاحظت بعد 3000 كم ان العربية سحبها تقل وصوت الموتور بقى أعلى.
              عند حضرتك تفسير لده يا باشمهندس؟
              العربية مازدا3* 2015
              30000 كم
              [gdwl][SIZE=5]وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لَا يُظْلَمُونَ[/SIZE] [/gdwl]

              Comment

              • #8
                المشاركة الأصلية كتبت بواسطة pop3 مشاهدة المشاركة
                السلام عليكم
                غيرت من زيت شيل المستخدم في غبور ل زيت جديد اسمه جي انرجي بعد ما غيور اخد وكالة توزيعه حصري في مصر لكن لاحظت بعد 3000 كم ان العربية سحبها تقل وصوت الموتور بقى أعلى.
                عند حضرتك تفسير لده يا باشمهندس؟
                العربية مازدا3* 2015
                30000 كم

                الزيت ده غير مناسب للمواتير اليابانية والكورية لإنه مش معتمد من منظمة الـILSAC

                الموضوع ده فيه تفاصيل أكتر..

                نايل موتورز - NileMotors.net
                http://www.nilemotors.net/Nile/489636-g-energy.html



                ...
                [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                [I]مَثَلٌ صينِيّ[/I][/QUOTE]

                [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                [/SIZE][/FONT]
                أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                [SIGPIC][/SIGPIC]

                Comment

                • #9
                  المشاركة الأصلية كتبت بواسطة Ahmedbasha14 مشاهدة المشاركة
                  أخبارك إيه يا هندسة

                  إنهارده كلمت أمسويل علشان نوعية الزيت اللى حضرتك رشحتهالى ، بس المهندس المسئول رشحلى 10-40 نظراً للكيلو متر اللى العربيه ماشياه ( 300000 كيلو ) وآخر زيت كنت مستخدمه يعتبر تقيل ( شل الأصفر 15-50) وأحيانا موبل 20-50

                  فمن وجهة نظره إن الكيلو متر العالى واللزوجة العالية للزيت القديم ممكن تؤدى إلى نقص الزيت وبرضه شايف إن دى أول لزوجة خفيفة مناسبة لظروف العربية

                  مع العلم إن 10-40 موجود فى فئة xl ومش موجود فى السجنتشر

                  معلش طولت عليك ، بس يهمنى أعرف رأيك

                  يا باشمهندس / أحمد
                  أنا عارف إنك مشغول جداً بالرد على السادة الزملاء بس من فضلك أنت مردتش عليا فى رد أمسويل
                  مع العلم إنى كنت قرأت لحضرتك فى موضوع مختلف تحذير من 10-40 لأن نسبة البوليمرز عاليه

                  إيه رأيك نخلينا فى W-30 Oil | Mobil 1 x1 5W-30 ؟؟

                  وهكرر سؤالى تانى بعد إذنك : إيه أسوء حاجة ممكن تحصل لو إستخدمت الزيت 5W-30 Oil | Mobil 1 x1 5W-30 ؟؟؟ وهل هيكون مناسب لدرجة الحرارة فى مصر ؟؟

                  Comment

                  • #10
                    المشاركة الأصلية كتبت بواسطة Ahmedbasha14 مشاهدة المشاركة
                    يا باشمهندس / أحمد
                    أنا عارف إنك مشغول جداً بالرد على السادة الزملاء بس من فضلك أنت مردتش عليا فى رد أمسويل
                    مع العلم إنى كنت قرأت لحضرتك فى موضوع مختلف تحذير من 10-40 لأن نسبة البوليمرز عاليه

                    إيه رأيك نخلينا فى W-30 Oil | Mobil 1 x1 5W-30 ؟؟

                    وهكرر سؤالى تانى بعد إذنك : إيه أسوء حاجة ممكن تحصل لو إستخدمت الزيت 5W-30 Oil | Mobil 1 x1 5W-30 ؟؟؟ وهل هيكون مناسب لدرجة الحرارة فى مصر ؟؟

                    أنا آسف جدا إني ما ردتش عليك... الحقيقة مشاركتك تاهت مني في وسط الردود..


                    باعتذر مرة تانية...


                    أنا فعلا كنت كتبت في موضوع للزيوت على منتدى آخر ويمكن في أول موضوع عن الزيوت هنا في المنتدى إن لزوجة 10W-40 نسبة البوليمرز عالية..

                    أنا كنت قريت المعلومة دي على النت في أحد المواقع بس ما لقيتهاش متكررة في مواضيع أو مواقع تانية... علشان كده مقدرش أأكد المعلومة..

                    واللي أنا متأكد منه كمان إن الزيوت في تطور مستمر.. ومعتقدش إن موضوع البوليمرز ده لسه موجود .. خصوصا في شركات محترمة ومتطورة زي آمسويل...

                    ده رأيي الشخصي.


                    بالنسبة لاستخدام لزوجة 5W-30 بشكل عام... فأكيد حضرتك هتلاحظ فرق كبير من ناحية الأداء والصوت.. وكمان احتمال نقص الزيت.

                    أنا أعرف الناس في آمسويل .. وهما ناس كويسة جدا...

                    علشان كده أتوقع إن المهندس في آمسويل عايز الزيت بتاعه يشتغل بدون مشاكل في عربيتك لإن ده هينعكس على رضاك عن الأداء وبالتالي تجيله تاني.


                    من وجهة نظري.. أقصى مشكلة ممكن تحصل معاك هي إن الزيت ينقص بمعدل كبير شوية... خصوصا لو كان الموتور خفيف أو بدأ يخف.


                    عموما.. ارجع للموضوع في اللينك اللي تحت... ده كان واحد غير لزيت آمسويل بعد ما كان بيحط زيت معدني.. وظهرت عنده مشكلة نقص الزيت... وأنا حللته سبب المشكلة.
                    نايل موتورز - NileMotors.net
                    http://www.nilemotors.net/Nile/489879-a.html


                    وعلى فكرة.. دي مش مشكلة في زيت آمسويل.. دي مشكلة عامة ممكن تحصل مع أي واحد بينظف الموتور بالفلش بدون ما يتبع خطوات الاستخدام الصح.. وبدون ما يحط حالة الموتور في الاعتبار.


                    ...
                    [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                    [I]مَثَلٌ صينِيّ[/I][/QUOTE]

                    [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                    [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                    [/SIZE][/FONT]
                    أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                    [SIGPIC][/SIGPIC]

                    Comment

                    • #11
                      ده انا اللي آسف علي إزعاجك كل شويه
                      يعني لو موبل 5-30 ولا أمسويل 10-40xl
                      وبالنسبه لدرجة الحرارة في مصر 5-30 مفيش منه قلق؟؟

                      Comment

                      • #12

                        أتوقع إن لزوجة 10w-40 مفيش منها مشكلة.. خصوصا إن تويوتا بتنزل زيت باسمها ولزوجته 20w-50 ومستواه api sl.. وكمان منزلة زيت 10w-40 نصف تخليقي (حسب ما قريت في منتدى سيارات عربي).

                        بالنسبة للزوجة 5w-30... فميش منها أي قلق نهائي...

                        مادام مكتوبة في الكتالوج إنها مناسبة للجو تبقى تمام وما تقلقش.

                        وأنا شخصيا باستخدم اللزوجة دي في عربيتي حسب كتالوج العربية بدون أدنى مشاكل.. مع العلم إني مقيم في جدة في السعودية.. والجو هنا زي جو الغردقة وسفاجا.... حر صيف شتا.


                        ...
                        [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                        [I]مَثَلٌ صينِيّ[/I][/QUOTE]

                        [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                        [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                        [/SIZE][/FONT]
                        أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                        [SIGPIC][/SIGPIC]

                        Comment

                        • #13
                          آخر سؤال

                          هل ترشح لى الأمسويل ولا الموبيل ؟

                          و هل لازم أستخدم منظف للموتور ( الفلش ) قبل ما أستخدم الزيت الجديد ؟

                          ولو لازم ( الفلش ) إيه الطريقة السليمة والنوعية المضمونة للإستخدام ؟

                          أنا آسف إنى طولت بس بصراحه أنا طمعان فى خبرتك وتوجيهاتك

                          Comment

                          • #14
                            المشاركة الأصلية كتبت بواسطة Ahmedbasha14 مشاهدة المشاركة
                            آخر سؤال

                            هل ترشح لى الأمسويل ولا الموبيل ؟

                            و هل لازم أستخدم منظف للموتور ( الفلش ) قبل ما أستخدم الزيت الجديد ؟

                            ولو لازم ( الفلش ) إيه الطريقة السليمة والنوعية المضمونة للإستخدام ؟

                            أنا آسف إنى طولت بس بصراحه أنا طمعان فى خبرتك وتوجيهاتك

                            موبيل 1 X1 أو أمسويل OE أو آمسويل XL ... التلاتة تقريبا زي بعض.. أتوقع غيار الزيت يكلفك في حدود 350 جنيه تقريبا..

                            الـXL فيه مواد تنظيف زيادة بس.

                            المختلف فعلا وأفضل كتير هو آمسويل سجنتشر... بس أغلى بكتير بردو... وده هيكلفك في حدود 500 جنيه تقريبا.

                            ميزة الآمسويل من وجهة نظري إنك تقدر تشتريه بكوارت (يساوي لتر تقريبا) ... يعني مرة تشتري 4 كوارت والمرة اللي بعدها تشتري 3 بس.

                            مع إن بردو موبيل فيه عبوات باللتر.. بس الناس بتستهل وتشتري جالون مرة واحدة.


                            عموما.. المفضل إنك تثبت على نوع واحد وما تغيرش كل شوية... فشوف اللي تستريحله نفسيا واشتريه.


                            بالنسبة للفلش... ما أنصحش بيه نهائيا إلا إذا كانت الموتور فيه رواسب طينية.. زي كده..


                            تقدر ترجع للمشاركة دي لمعلومات أكتر..

                            نايل موتورز - NileMotors.net
                            http://www.nilemotors.net/Nile/3876048951-post28.html



                            ...
                            [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                            [I]مَثَلٌ صينِيّ[/I][/QUOTE]

                            [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                            [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                            [/SIZE][/FONT]
                            أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                            [SIGPIC][/SIGPIC]

                            Comment

                            • #15
                              يبقي علي بركة الله
                              أمسويل xl 10-40 بدون إستخدام فلش

                              Comment

                              السابق 1 2 template التالي
                              Working...
                              X