إعـــــــلان

Collapse

.

,
See more
See less

10w40 ولا 5w40

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    10w40 ولا 5w40

    كنت عايز استفسر عن لزوجه الزيت احط 10w40 ولا 5w40
    العربيه اسبرانزا 516 عامله 62الف كم ... كنت حاطت زيت كاسترول ماجنيتك 10w40
    وعايز اغير ل امسويل فا اختار انهي لزوجه ؟؟؟
    الكلمات الدلالية (Tags): 10w40, 5w40, ولا
  • #2
    انتظر رد المهندس بوريو لاختيار الزيت المناسب لك

    الافضل انك توضح طريقه استخدامك ( القياده ) .. و الاستعمالات .. و السعر اللى انت حاطه فى ميزانيتك للزيت

    التوضيح ده سيجعل المهندس بوريو يعطيك افضل الحلول المناسبه لعربيتك و احتياجاتك



    اما بالنسبه للزوجه .. اعتقد انها حتكون 10w40 .. و انتظر تأكيد من احد مالكى السياره برضه

    Comment

    • #3
      انا بحط 5-40 رغم ان الكاتلوج موصى ب 10-40 لكن حاسس انه افضل خصوصا فى الشتاء وطالما مفيش تسريب زيت حط ال 5-40

      Comment

      • #4
        المشاركة الأصلية كتبت بواسطة miam0502788391 مشاهدة المشاركة
        انا بحط 5-40 رغم ان الكاتلوج موصى ب 10-40 لكن حاسس انه افضل خصوصا فى الشتاء وطالما مفيش تسريب زيت حط ال 5-40
        واحد قالي نفس كلام حضرتك....بس المعلومه بس افضل ف ايه...ولو حصل نقص اتصرف ازاي

        Comment

        • #5
          مواتير شيرى اللى هي اسبيرانزا بتوصى بان لزوجه زيت الماتور هي 10/40 والعموم بيحط غير كده لعدم توافر اللزوجه دى في أنواع كتيره من الزيوت اللى بتباع هنا بخلاف نوعين تلاته منهم الأكثر تواجدا وهو في محطات توتال ..... انا اللزوجه الموصى بها للماتور لانه ميتسوبيشى هي 0/40 ودى موجوده بقله في موبيل فقط وصعب الاقيها في كل محطات موبيل وغير موجوده في زيوت شل اللى بتباع هنا في مصر .... ولكنى بحط اللزوجه اللى هي 5/40 وهى غايه في الروعه وجيده جدا ونوعيه الزيت شل الترا .
          :36_2_55[1]:

          Comment

          • #6
            أنا معايا 516 و حاطط لها كاسترول ماجنتاتيك و زي الفل معايا و العربية عاملة 145500.
            فيه ناس بتحط 5w40 وشغال معاها تمام، المهم تكون العربية مابتاكلش زيت معاك و إلا هايزيد معدل النقص مع ال 5w40
            الكاسترول ايدج ممتاز و بيتحط لل بي ام و ال vw و غطا الزيت فيهم مطبوع عليه كاسترول
            و ميزته انه بيقعد 15000 كم أو سنة كاملة
            امسويل ال oe بيقعد 6 شهور بس، عندهم نوع تاني بيقعد سنة بس مش فاكر اسمه.
            مهم جداً تغير فلتر مع غيار الزيت مش مرة و مرة
            و ماتعملش engine flush لما تغير الزيت.
            رأيي الشخصي خليك مع كاسترول ايدج 5w40 لأن الألمان مش بيدوا ثقتهم بسهولة لمنتج.
            Speranza A516 / Chery A5

            Engine: 10w40 | Gear: 75w90 | Brake: DOT4 | Radiator: G11 50%

            Comment

            • #7
              المشاركة الأصلية كتبت بواسطة mostafa_3tiya مشاهدة المشاركة
              كنت عايز استفسر عن لزوجه الزيت احط 10w40 ولا 5w40
              العربيه اسبرانزا 516 عامله 62الف كم ... كنت حاطت زيت كاسترول ماجنيتك 10w40
              وعايز اغير ل امسويل فا اختار انهي لزوجه ؟؟؟

              كتالوج عربيتك طالب لزوجة 10W-40 فقط .. مع مستوى جودة لا يقل عن API SJ.

              بالنسبة لآمسويل.. فعندهم نفس اللزوجة.. ومناسب جدا لعربيتك من ناحية الأداء والجودة.


              AMSOIL XL 10W-40 Synthetic Motor Oil


              مستوى أداؤه API SN, SM…; ACEA A1/B1

              وحسب المكتوب في موقعهم.. فالزيت ده بيعيش لحد 16 ألف كيلومتر (10 آلاف ميل) أو 6 أشهر... أيهما أقرب


              بعض الناس بتقول إنك ممكن تنزل باللزوجة الباردة (الرقم ما قبل حرف W) بمقدار 5 بدون مشاكل في الأداء.. بس أنا شخصيا ما أفضلش الكلام ده خالص.. وأفضّل الالتزام التام بالكتالوج.


              ...
              [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
              [I]مَثَلٌ صينِيّ[/I][/QUOTE]

              [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
              [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
              [/SIZE][/FONT]
              أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
              [SIGPIC][/SIGPIC]

              Comment

              • #8
                المشاركة الأصلية كتبت بواسطة NaAZoOR مشاهدة المشاركة
                أنا معايا 516 و حاطط لها كاسترول ماجنتاتيك و زي الفل معايا و العربية عاملة 145500.
                فيه ناس بتحط 5w40 وشغال معاها تمام، المهم تكون العربية مابتاكلش زيت معاك و إلا هايزيد معدل النقص مع ال 5w40
                الكاسترول ايدج ممتاز و بيتحط لل بي ام و ال vw و غطا الزيت فيهم مطبوع عليه كاسترول
                و ميزته انه بيقعد 15000 كم أو سنة كاملة
                امسويل ال oe بيقعد 6 شهور بس، عندهم نوع تاني بيقعد سنة بس مش فاكر اسمه.
                مهم جداً تغير فلتر مع غيار الزيت مش مرة و مرة
                و ماتعملش engine flush لما تغير الزيت.
                رأيي الشخصي خليك مع كاسترول ايدج 5w40 لأن الألمان مش بيدوا ثقتهم بسهولة لمنتج.

                مش كل الزيوت التخليقية بتقعد سنة... بل بالعكس... قليل جدا اللي بيكمل السنة فعلا.

                الزيوت اللي بتكمل سنة شغل هي بس اللي معمولة من أساس غير معدني.. يعني لازم تبقى تابعة لمجموعة 4 أو 5 في تصنيف الـAPI لزيوت الأساس...

                إنما 95% من الزيوت التخليقية في السوق بتتصنف تحت مجموعة 3.. أو ما جرى العرف بتسميته "تكنولوجيا تخليقية" أو Hydrocracked Synthesis (بيكتبوها أحيانا HC-Synthesis).

                وكل الزيوت دي عمرها 6 شهور فقط.

                ادخل على الموضوع ده لمعلومات أكتر
                نايل موتورز - NileMotors.net
                http://www.nilemotors.net/Nile/453047-a.html



                أما مسألة ثقة الألمان من عدمه.. فموضوع وضع علامة تجارية محددة في كتالوج العربية أو على غطا الزيت أو ما شابه.. فدي مسألة تجارية بحتة.. لادخل للجودة فيها إطلاقا..

                و90% من الأوضاع اللي زي دي هتلاقي شركة الزيت مخصصة نوع واحد فقط مخصص فعلا للماركة دي - وده من ضمن تشكيلة واسعة - وممكن جدا ما تلاقيش عندها ما يناسبك.


                الأسلم والأضمن هو التزامك بالمواصفات اللي في الكتالوج.. واشتري أي زيت من أي ماركة.. بشرط واحد.. إن مواصفاته تكون زي الكتالوج أو أحسن...

                حتى لو كان زيت التعاون

                وعلى فكرة.. زيوتهم كويسة جدا.


                ...
                [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                [I]مَثَلٌ صينِيّ[/I][/QUOTE]

                [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                [/SIZE][/FONT]
                أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                [SIGPIC][/SIGPIC]

                Comment

                • #9
                  شكرا لردود حضارتكم

                  Comment

                  • #10
                    المشاركة الأصلية كتبت بواسطة borio1704 مشاهدة المشاركة

                    كتالوج عربيتك طالب لزوجة 10w-40 فقط .. مع مستوى جودة لا يقل عن api sj.

                    بالنسبة لآمسويل.. فعندهم نفس اللزوجة.. ومناسب جدا لعربيتك من ناحية الأداء والجودة.


                    amsoil xl 10w-40 synthetic motor oil


                    مستوى أداؤه api sn, sm…; acea a1/b1

                    وحسب المكتوب في موقعهم.. فالزيت ده بيعيش لحد 16 ألف كيلومتر (10 آلاف ميل) أو 6 أشهر... أيهما أقرب


                    بعض الناس بتقول إنك ممكن تنزل باللزوجة الباردة (الرقم ما قبل حرف w) بمقدار 5 بدون مشاكل في الأداء.. بس أنا شخصيا ما أفضلش الكلام ده خالص.. وأفضّل الالتزام التام بالكتالوج.


                    ...
                    انا جبت امسويل لزوجته 5w40 ..... هل هيفرق ف اداء ... لو محصلش نقص بعد كده افضل ع نفس اللزوجه ولا ارجع 10w40

                    Comment

                    • #11
                      المشاركة الأصلية كتبت بواسطة borio1704 مشاهدة المشاركة

                      مش كل الزيوت التخليقية بتقعد سنة... بل بالعكس... قليل جدا اللي بيكمل السنة فعلا.

                      الزيوت اللي بتكمل سنة شغل هي بس اللي معمولة من أساس غير معدني.. يعني لازم تبقى تابعة لمجموعة 4 أو 5 في تصنيف الـapi لزيوت الأساس...

                      إنما 95% من الزيوت التخليقية في السوق بتتصنف تحت مجموعة 3.. أو ما جرى العرف بتسميته "تكنولوجيا تخليقية" أو hydrocracked synthesis (بيكتبوها أحيانا hc-synthesis).

                      وكل الزيوت دي عمرها 6 شهور فقط.

                      ادخل على الموضوع ده لمعلومات أكتر
                      http://www.nilemotors.net/nile/453047-a.html



                      أما مسألة ثقة الألمان من عدمه.. فموضوع وضع علامة تجارية محددة في كتالوج العربية أو على غطا الزيت أو ما شابه.. فدي مسألة تجارية بحتة.. لادخل للجودة فيها إطلاقا..

                      و90% من الأوضاع اللي زي دي هتلاقي شركة الزيت مخصصة نوع واحد فقط مخصص فعلا للماركة دي - وده من ضمن تشكيلة واسعة - وممكن جدا ما تلاقيش عندها ما يناسبك.


                      الأسلم والأضمن هو التزامك بالمواصفات اللي في الكتالوج.. واشتري أي زيت من أي ماركة.. بشرط واحد.. إن مواصفاته تكون زي الكتالوج أو أحسن...

                      حتى لو كان زيت التعاون

                      وعلى فكرة.. زيوتهم كويسة جدا.


                      ...
                      اتفق مع حضرتك في ضرورة الإلتزام بمواصفة الكتالوج.

                      معلومة عمر الكاسترول في الموتور جايبها من كاسترول انجلترا.

                      اتفق معاك في ان موضوع علامة الزيت هو تجارة في المقام الأول، لكن من خلال شغل واحد زميلي و والده في مجال ايجار السيارات الفاخرة فالكاسترول فعلاً و خاصة الإيدج متصمم أساساً ل 15000 كم عشان متطلبات العربيات الألماني و كذلك خواص و مواصفات العربيات دي و عشان كده هما بيثقوا في الزيت ده.

                      أعرف منين ان الزيت لازم ينزل؟

                      و ممكن شرح ازاي ان زيوت التعاون كويسة؟ و هل في منها تخليقي أو نصف تخليقي؟
                      Speranza A516 / Chery A5

                      Engine: 10w40 | Gear: 75w90 | Brake: DOT4 | Radiator: G11 50%

                      Comment

                      • #12
                        المشاركة الأصلية كتبت بواسطة mostafa_3tiya مشاهدة المشاركة
                        انا جبت امسويل لزوجته 5w40 ..... هل هيفرق ف اداء ... لو محصلش نقص بعد كده افضل ع نفس اللزوجه ولا ارجع 10w40

                        أعتقد إن أكتر حاجة ممكن تحصل هي إن الزيت يبدأ ينقص...

                        بس ما تنساش إن درجة اللزوجة دي أخف على البارد.. يعني طبقة التزييت والحماية خلال بداية التشغيل هتكون أخف... وعلشان كده حاول بقدر الإمكان ما تضغطش على الموتور أبدا لحد ما الموتور يسخن ويوصل لدرجة الحرارة المثالية بتاعته.

                        بصراحة .. ما أقدرش أنصحك تكمل عليه.. معلش أنا في الحتة دي متزمت شوية.


                        ...
                        [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                        [I]مَثَلٌ صينِيّ[/I][/QUOTE]

                        [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                        [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                        [/SIZE][/FONT]
                        أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                        [SIGPIC][/SIGPIC]

                        Comment

                        • #13
                          المشاركة الأصلية كتبت بواسطة NaAZoOR مشاهدة المشاركة
                          اتفق مع حضرتك في ضرورة الإلتزام بمواصفة الكتالوج.

                          معلومة عمر الكاسترول في الموتور جايبها من كاسترول انجلترا.

                          اتفق معاك في ان موضوع علامة الزيت هو تجارة في المقام الأول، لكن من خلال شغل واحد زميلي و والده في مجال ايجار السيارات الفاخرة فالكاسترول فعلاً و خاصة الإيدج متصمم أساساً ل 15000 كم عشان متطلبات العربيات الألماني و كذلك خواص و مواصفات العربيات دي و عشان كده هما بيثقوا في الزيت ده.

                          أعرف منين ان الزيت لازم ينزل؟

                          و ممكن شرح ازاي ان زيوت التعاون كويسة؟ و هل في منها تخليقي أو نصف تخليقي؟

                          التعميم أكبر خطأ..

                          كاسترول عندها زيوت متفوقة.. وعندها زيوت تانية مستواها أقل.. وكمان عندها زيوت اقتصادية... وكل واحدة ليها مستوى أداء وسعر مختلف..

                          عموما.. مجموعة زيوت "إيدج" بتاعت كاسترول هي أعلى زيوت عند كاسترول من ناحية الأداء.. بس خلي بالك.. مش كل زيوت "إيدج" زي بعضها..


                          تاني حاجة .. الزيوت التخليقية في ألمانيا ليها حالة خاصة دوناً عن العالم كله.. لإن قانونا الدولة هناك بتفرض على شركات الزيوت إنها تكتب على علب الزيت إذا كان الزيت ده تخليقي حقيقي ولا تخليقي من أصل معدني...

                          التخليقي الحقيقي هو اللي بيعيش مدد ومسافات طويلة.. ممكن توصل لحد 40 ألف كيلومتر في بعض الحالات.

                          إنما الزيوت التخليقية من أصل معدني أقصى مسافة تشتغلها هي 15-20 ألف كيلومتر (في الحالات المثالية).. ودي مش حاجة غريبة على الزيوت حاليا..


                          علشان كده لازم لما تتكلم على زيوت زي "كاسترول إيدج" مثلا.. لازم تحدد أنهي نوع بالضبط في كاسترول إيدج اللي بتتكلم عليه.. لإن الاسم التجاري مرتبط بمجموعة معينة من المواصفات تختلف من واحد للتاني جو نفس المجموعة.


                          مثلا.. موبل1 معروفة إنها تاني شركة في العالم تعمل زيوت تخليقية بعد آمسويل...

                          موبل1 أغلب زيوتها حاليا تخليقية من أصل معدني.. بس عندها فئة معينة اسمها Extended Performance.. الفئة دي موبل1 بتقول بكل ثقة إنها بتعيش 15 ألف ميل (24 ألف كيلومتر)..

                          خد فكرة من هنا..

                          Access Denied
                          https://mobiloil.com/en/motor-oils/mobil-1/mobil-1-extended-performance

                          Mobil 1™ Extended Performance  


                          ده غير إن الأهم من ده كله هو المواصفات المكتوبة على الزيت... ولو ما لقيتش المواصفة اللي مكتوبة في كتالوج عربيتك مكتوبة على علبة الزيت يبقى الزيت ما ينفعكش... مهما قالوا على الزيت ده أغاني وألفوله شعر...

                          العبرة بالمواصفة.. مش بأس حاجة تانية.



                          بالنسبة لمسألة إمتى تغير الزيت.. أنصحك تقرا الموضوع ده..

                          نايل موتورز - NileMotors.net
                          http://www.nilemotors.net/Nile/490076-a.html




                          أما زيوت التعاون.. فعندهم نوع زيت تخليقي فعلا...

                          ادخل على المشاركة دي علشان تتعرف على الأنواع الموجودة عندهم..

                          نايل موتورز - NileMotors.net
                          http://www.nilemotors.net/Nile/3876109264-post17.html


                          وشوف المواصفات بتاعت الزيوت.. هي دي أساس المقارنة.


                          ...
                          [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                          [I]مَثَلٌ صينِيّ[/I][/QUOTE]

                          [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                          [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                          [/SIZE][/FONT]
                          أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                          [SIGPIC][/SIGPIC]

                          Comment

                          • #14
                            المشاركة الأصلية كتبت بواسطة borio1704 مشاهدة المشاركة

                            التعميم أكبر خطأ..

                            كاسترول عندها زيوت متفوقة.. وعندها زيوت تانية مستواها أقل.. وكمان عندها زيوت اقتصادية... وكل واحدة ليها مستوى أداء وسعر مختلف..

                            عموما.. مجموعة زيوت "إيدج" بتاعت كاسترول هي أعلى زيوت عند كاسترول من ناحية الأداء.. بس خلي بالك.. مش كل زيوت "إيدج" زي بعضها..


                            تاني حاجة .. الزيوت التخليقية في ألمانيا ليها حالة خاصة دوناً عن العالم كله.. لإن قانونا الدولة هناك بتفرض على شركات الزيوت إنها تكتب على علب الزيت إذا كان الزيت ده تخليقي حقيقي ولا تخليقي من أصل معدني...

                            التخليقي الحقيقي هو اللي بيعيش مدد ومسافات طويلة.. ممكن توصل لحد 40 ألف كيلومتر في بعض الحالات.

                            إنما الزيوت التخليقية من أصل معدني أقصى مسافة تشتغلها هي 15-20 ألف كيلومتر (في الحالات المثالية).. ودي مش حاجة غريبة على الزيوت حاليا..


                            علشان كده لازم لما تتكلم على زيوت زي "كاسترول إيدج" مثلا.. لازم تحدد أنهي نوع بالضبط في كاسترول إيدج اللي بتتكلم عليه.. لإن الاسم التجاري مرتبط بمجموعة معينة من المواصفات تختلف من واحد للتاني جو نفس المجموعة.


                            مثلا.. موبل1 معروفة إنها تاني شركة في العالم تعمل زيوت تخليقية بعد آمسويل...

                            موبل1 أغلب زيوتها حاليا تخليقية من أصل معدني.. بس عندها فئة معينة اسمها Extended Performance.. الفئة دي موبل1 بتقول بكل ثقة إنها بتعيش 15 ألف ميل (24 ألف كيلومتر)..

                            خد فكرة من هنا..

                            Access Denied
                            https://mobiloil.com/en/motor-oils/mobil-1/mobil-1-extended-performance

                            Mobil 1™ Extended Performance .


                            ده غير إن الأهم من ده كله هو المواصفات المكتوبة على الزيت... ولو ما لقيتش المواصفة اللي مكتوبة في كتالوج عربيتك مكتوبة على علبة الزيت يبقى الزيت ما ينفعكش... مهما قالوا على الزيت ده أغاني وألفوله شعر...

                            العبرة بالمواصفة.. مش بأس حاجة تانية.



                            بالنسبة لمسألة إمتى تغير الزيت.. أنصحك تقرا الموضوع ده..

                            نايل موتورز - NileMotors.net
                            http://www.nilemotors.net/Nile/490076-a.html




                            أما زيوت التعاون.. فعندهم نوع زيت تخليقي فعلا...

                            ادخل على المشاركة دي علشان تتعرف على الأنواع الموجودة عندهم..

                            نايل موتورز - NileMotors.net
                            http://www.nilemotors.net/Nile/3876109264-post17.html


                            وشوف المواصفات بتاعت الزيوت.. هي دي أساس المقارنة.


                            ...
                            طيب يعني ايه مش كل الإيدج زي بعضه؟ هل تقصد درجات اللزوجة أم بلد الصنع و لا ايه؟

                            أنا حاطط ماجناتيك 10w40 زي الكتالوج ما بيقول، حابب أعرف رأيك في الماجناتيك ...
                            أنا عارف انه نصف تخليقي بس حابب استفيد من خبرتك الواسعة في الزيوت
                            Speranza A516 / Chery A5

                            Engine: 10w40 | Gear: 75w90 | Brake: DOT4 | Radiator: G11 50%

                            Comment

                            • #15
                              المشاركة الأصلية كتبت بواسطة naazoor مشاهدة المشاركة
                              طيب يعني ايه مش كل الإيدج زي بعضه؟ هل تقصد درجات اللزوجة أم بلد الصنع و لا ايه؟

                              أنا حاطط ماجناتيك 10w40 زي الكتالوج ما بيقول، حابب أعرف رأيك في الماجناتيك ...
                              أنا عارف انه نصف تخليقي بس حابب استفيد من خبرتك الواسعة في الزيوت

                              خلينا نتفق الأول على حاجة مهمة جدا...

                              مواصفة الزيت مش لزوجة وخلاص... الأهم هو مستوى الجودة..

                              مستوى الجودة معناه إن الزيت فيه خصائص تخليه مطابق لمواصفة معينة ..

                              المواصفة المعينة دي ليها كود.. والكود ده بيبقى مكتوب على علبة الزيت.

                              فيه زيوت بتبقى خصائصها مطابقة لمواصفة واحدة.. وزيوت تانية مطابقة لمواصفتين.. ويوت تالتة مطابقة لحوالي 10 مواصفات..


                              الموضوع ده يبان معقد للي مش فاهم شوية معلومات بسيطة... بس بعد ما تعرف المعلومات دي هتلاقي المسألة بقت سهلة خالص.


                              الأول .. المواصفات دي لازمتها إيه؟؟؟

                              المواصفات دي بتحدد قيم معينة لبعض الاختبارات اللي بتعمل على الزيت.. زي نسبة الكبريت مثلا أو الفسفور.. القابلية لتكوين الرغاوي.. نسبة تكون الرواسب.. نسبة التآكل (حماية المعدن من التآكل).. التوفير في الوقود.. واختبارات تانية كتير..

                              القيم المقبولة لكل مواصفة تختلف من واحدة للتانية..



                              طيب.. مين اللي بيطلع المواصفات دي؟؟؟

                              أكتر من جهة.. منها جهات عالمية متخصصة... ومنها شركات السيارات نفسها..


                              أول وأشهر جهة حطت مواصفة لزيوت المحركات هي معهد البترول الأمريكي (api) .. وبيعمل مواصفات الزيوت بطريقة الإصدارات (زي الويندوز كده.. ويندوز 10 هي أحدث حاجة.. بس ممكن قوي تلاقي ناس شغالة بويندوز 7 لحد دلوقتي)

                              أغلب شركات الزيوت في العالم بتحط كود الـapi على زيوتها.. وكمان أغلب شركات العالم بتكتب كود الـapi في كتالوجاتها.. بس حاليا شركات السيارات الأوروبية ما بقتش تحط الكود ده في كتالوجاتها.

                              في الـapi .. ممكن تحط كود أحسن.. إنما ممنوع ممنوع ممنوع تحط كود أقل.

                              ومهمتنا إننا نتأكد إن الزيت اللي هنشتريه عليه نفس الكود المطلوب في كتالوج العربية أو أحسن...



                              تاني أشهر كود هو كود جمعية مصنعي السيارات الأوروبية (acea).. والكود ده هتلاقيه في كل كتالوجات السيارات الأوروبية بلا استثناء.

                              الكود ده طريقته غير الـapi.. عامل فئات مختلفة .. وما ينفعش تحط زيت من فئة غير المكتوبة في كتالوجك إلا في حدود قليلة جدا.


                              ثالث الأكواد العالمية.. هو كود لجنة وضع معايير الزيوت العالمية (ilsac)... ودي لجنة أمريكية-يابانية.. ولحد دلوقتي ما تختلفش كتير عن مواصفات الـapi... بس مطلوبة حاليا في كل العربيات الأمريكية واليابانية والكورية..


                              المشكلة إن شركات السيارات الكبيرة لقت إن مواصفات الزيوت العالمية مش بتطلع زيوت مناسبة لمواتيرها.. فبدأت تطلع مواصفات زيوت خاصة بيها.. وغالبا بتبقى زي المواصفات العالمية مع خاصية زيادة ...

                              أول شركة "بلتنا" بالموضوع ده هي مرسيدس.. ووراها بي إم دبليو... وبعدها فولزفاجن.. والسبحة كرّت في أوروبا كلها... وبعدها أمريكا..

                              فاللي عنده عربية أوروبية مضطر يشتري زيت تكون مطابقة لمواصفة شركة العربيات بتاعت عربيته علشان يحافظ على موتوره بحالة كويسة.. وإلا الموتور عمره هيقصر.. أو على الأقل.. مش هيديك الأداء اللي انت عايزه من الموتور.


                              المشكلة الأكبر .. إن كل شركة سيارات من دول عندها أكتر من مواصفة زيت.. تختلف على حسب الموتور والتكنولوجيا اللي فيه.


                              معلش طولت عليك... بس لازم أشرحلك كده علشان تبقى معانا في الصورة.


                              ولو عايز معلومات مفصلة شوية.. ادخل على الموضوع ده (في المشاركة الأولى):
                              نايل موتورز - NileMotors.net
                              http://www.nilemotors.net/Nile/341680-a.html



                              كده بقى نقدر نعرف إن مش كل زيوت كاسترول إيدج زي بعض.. لإنها تختلف عن بعضها في مطابقتها لمواصفات هيئات الزيوت وشركات السيارات..

                              خد فكرة من هنا..
                              Castrol® USA
                              http://www.castrol.com/en_us/united-states/motor-oil/full-synthetic-motor-oil/castrol-edge.html
                              Castrol serves every driver by creating high performance motor oils, lubricants, & fluids, including both synthetic & conventional.



                              بالنسبة لكاسترول ماجناتك..

                              بالنسبالي.. الأهم من الزيت هو طلبات الكتالوج...

                              الكتالوج عندك حدد مستوى الجودة بـapi sg.. وما طلبش أي حاجة تانية...

                              يعني لما تشتري الزيت كل اللي حضرتك عايزه إنك تتأكد إن الزيت عليه كود api مستواه sg أو أعلى

                              كاسترول ماجناتك مستواه sn.. ودي أعلى مواصفة موجودة في api حاليا... ووجود أي كود لمواصفة تانية غير كده مش هيفرق معاك خالص.


                              دور على المواصفات اللي انت محتاجها قبل ما تسأل على الزيت.. علشان تختار الزيت المناسب اللي يشتغل معاك كويس وما تحسش إنك رميت فلوسك عالأرض.


                              ...
                              [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                              [I]مَثَلٌ صينِيّ[/I][/QUOTE]

                              [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                              [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                              [/SIZE][/FONT]
                              أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                              [SIGPIC][/SIGPIC]

                              Comment

                              السابق 1 2 3 4 template التالي
                              Working...
                              X