ليه أحسن سرعة 90 كلم/س؟

[mekkawy0]

سؤال إلى جميع مهندسي الميكانيكا:
ليه السرعة المثالية 90كلم/س؟ ليه مثلا مش 80 أو 100؟

أنا عارف إن في كتير حيتريقو على السؤال بس أنا عايز إعرف من الناحية العلمية. أنا عارف إن الموضوع له علاقة بمقاومة الهواء بس بصراحة مش عارف التفاصيل الدقيقة.
مستني ردكوا يا باش مهندسين.

[Islam_galal]

عند تصميم أي شئ يتم افتراض ظروف تشغيل للتصميم design condition و منذ البداية اتفق المصنعون علي أن سرعة 90كم/س هي الأنسب حتي يغطي أكبر قدر من استخدامات السيارة و بالتالي يتم تصميم المحرك و الجسم الخارجي و كل مكونات السياره علي قوي المقاومة المتوقعه عند هذه السرعه
لذلك عند سرعة 90 كم/س يكون أقل استهلاك للبنزين و يكون صوت المحرك هادئ و صوت السيارة بشكل عام مريح

حاليا و مع تواجد الطرق المفتوحة تطرق بعذ المصنعين لتغيير السرعه التصميمة لبعض الموديلات إلي 120 كم/س و لكن ما زال الأغلبية تصمم لصالح السرعه 90كم/س

[Ignition-Kid]

مقاومه الهواء لحركه العربيه عند السرعه دى بتكون الى حد ما بسيطه , وبالتالى الموتور مش عليه Extra Load علشان يتغلب على المقاومه دى, وبالتالى استهلاك بنزين قليل الى حد كبير.

http://www.nilemotors.net/Nile/94254-aerodynamics.html

[Ahmed Nouh]

بالظبط زى ما قال اجنشن

دى السرعه اللى بيكون فيها مقاومه الهواء اقل ما يمكن ومن بعدها يبدأ تأثير الهواء على جسم العربيه يزيد ويؤثر على الاداء بشكل سلبى

[Hegazio]

علميا تزداد مقاومة الهواء مقاومة خطية بازدياد السرعة للجسم المتحرك
حتي تصل سرعة الجسم الي سرعة حرجة تزداد فيها المقاومة بطريقة أسية
يعني مقاومة الهوا عند 80 كم /س مثلا ضعف المقاومة عند 40
لكن المقاومة عند سرعة 142 ضعف المقاومة عند 100 كم / س
النقطة الحرجة بتفرق طبقا للـ Drag Coeff. للشكل المتحرك .. اللي بقي أحسن كتير دلوقتي عموما عن زمان
و عشان كده النقطة الحرجة اتغيرت من 90 كم / س زمان ل 106 كم / س في بعض السيارات دلوقتي
أرجو تكونو استفدتم

[monmonmon]

اعتقد حتى سرعة 80 بردوا عندها اقل استهلاك و اقل من 90

فى المقام الاول و الاخير الاستهلاك هيتأثر بدوسة البنزين من رجلك على حسب حمل الطريق Road Load يعنى طالع مطلع او نازل منزل او الطريق مستوى

كمان فى ميزة على سرعة 90 عن 80 ان عزم العربية هيكون اعلى

انا عندى فى ال i10 اقصى عزم عند 2800 rpm لما بمشى بالخامس على 80 الجر بيكون ضعيف علشان العزم لسه مش عالى اوى و لسه موصلش لاقصى قيمة و سرعة المكنة بتكون فى حدود 2500 rpm على 80... اما على 90 سرعة المكنة بتكون 2800 rpm عندها اقصى عزم لما بوصل لل 90 بحس العربية جرها عالى فى الوقت ده و لو زودت بنزين بتندفع لقدام

اما لو العزم الاقصى عندك عند 4000 او عدد لفات عاليه فبالتالى لو مشيت 90 هتستفيد اكتر

انا عن نفسى جربت امشى 80 و 90 و 100 و لقيت اقل استهلاك عند حوالى 80-85 و لحد ال 90 الاستهلاك كويس جدا بس 80 و 85 اقل!!!!

و فى الاول و الاخر اللى بيحكمك دوسة البنزين

انا اول مره اسمع موضوع التصميم على سرعة 90 و الكلام ده اللى قالوه الاخوة قبلى!!!

بس لو الاخوة قصدهم تصميم السيارة كا Aerodyanmics بداخل Wind Tunnel يبقى اتفق معاهم..

انا جربت بنفسى كمان فى الكلية انى اقيس استهلاك المكنة مع كل زيادة فى ضغطة دواسة البنزين و زيادة سرعة المكنة على الحمل الخالى و لقيت مع كل لمسه و لو صغيره جداااااا الاستهلاك بيزيد (يعنى كمية معينه من الوقود داخل مخبار مدرج بينقصوا اسرع كزمن كل ما ازود دوسة البنزين)
لكن على الطريق و فى العربية العميلة معقده اكثر.. لكن فى الاول و الاخر اقل استهلاك على اقل دوسة بنزين Load بغض النظر عن ال rpm

و احب اضيف حاجه اخيره يمكن محدش يعرفها!!!.. علشان تاخد عزم اعلى لازم fuel to air ratio اعلى و بالتالى استهلاك اعلى و دى اللى يحب يشوفها فى كتاب Internal Combustion Engine Fundamentals ل John B. Heywood

ارجو تكون الرؤية وضحت

[Ignition-Kid]

اعتقد حتى سرعة 80 بردوا عندها اقل استهلاك و اقل من 90

فى المقام الاول و الاخير الاستهلاك هيتأثر بدوسة البنزين من رجلك على حسب حمل الطريق Road Load يعنى طالع مطلع او نازل منزل او الطريق مستوى

كمان فى ميزة على سرعة 90 عن 80 ان عزم العربية هيكون اعلى

انا عندى فى ال i10 اقصى عزم عند 2800 rpm لما بمشى بالخامس على 80 الجر بيكون ضعيف علشان العزم لسه مش عالى اوى و لسه موصلش لاقصى قيمة و سرعة المكنة بتكون فى حدود 2500 rpm على 80... اما على 90 سرعة المكنة بتكون 2800 rpm عندها اقصى عزم لما بوصل لل 90 بحس العربية جرها عالى فى الوقت ده و لو زودت بنزين بتندفع لقدام

اما لو العزم الاقصى عندك عند 4000 او عدد لفات عاليه فبالتالى لو مشيت 90 هتستفيد اكتر

انا عن نفسى جربت امشى 80 و 90 و 100 و لقيت اقل استهلاك عند حوالى 80-85 و لحد ال 90 الاستهلاك كويس جدا بس 80 و 85 اقل!!!!

و فى الاول و الاخر اللى بيحكمك دوسة البنزين

انا اول مره اسمع موضوع التصميم على سرعة 90 و الكلام ده اللى قالوه الاخوة قبلى!!!

بس لو الاخوة قصدهم تصميم السيارة كا Aerodyanmics بداخل Wind Tunnel يبقى اتفق معاهم..

انا جربت بنفسى كمان فى الكلية انى اقيس استهلاك المكنة مع كل زيادة فى ضغطة دواسة البنزين و زيادة سرعة المكنة على الحمل الخالى و لقيت مع كل لمسه و لو صغيره جداااااا الاستهلاك بيزيد (يعنى كمية معينه من الوقود داخل مخبار مدرج بينقصوا اسرع كزمن كل ما ازود دوسة البنزين)
لكن على الطريق و فى العربية العميلة معقده اكثر.. لكن فى الاول و الاخر اقل استهلاك على اقل دوسة بنزين Load بغض النظر عن ال rpm

و احب اضيف حاجه اخيره يمكن محدش يعرفها!!!.. علشان تاخد عزم اعلى لازم fuel to air ratio اعلى و بالتالى استهلاك اعلى و دى اللى يحب يشوفها فى كتاب Internal Combustion Engine Fundamentals ل John B. Heywood

ارجو تكون الرؤية وضحت

احنا فعلا بنتكلم عن ال Aerodynamics parameters !

لان موضوع ال Air resistance او ال Drag force هو عامل مؤثر جدا فى موضوع ال Fuel Consumption !!

[Islam_galal]

يا ريت السادة المهندسين يهدوا اللعب شوية
المهارة في التبسيط و ليس استعراض المعلومات
خدوها نصيحة من أخ أعتقد أكبر سنا إن سمحتم لي

مهندس ميكانيكا دفعة 1996

[hoda9999]

يا جماعة طب الفيات السينا 1400 غريبة اوى بتحب تنقل بسرعة يعنى ممكن تسابق حد وتعدى بالنقل السريع بدون القرس على النقلات وطبعا الغريب ان الخامس فيها سحرى ممكن ططلع بى من 40 الى وبأقصى سرعة الى بدون اى تقل او ضعف عزم وكأنة اوتماتيك 150 وبردو معلومة ان العربية بتكون على 100 عند 3100 ر ب م ممكن تفسيرر

[hoda9999]

وعدد لفات القصوى هى 7300

[hoda9999]

بس الصراحة من بعدال 80 كدا بحس انى ضاغط على الدواسة شوية بعكس السرعات الى قابليها

[Ahmed Nouh]

يا ريت السادة المهندسين يهدوا اللعب شوية :ta_clap[1]:
المهارة في التبسيط و ليس استعراض المعلومات
خدوها نصيحة من أخ أعتقد أكبر سنا إن سمحتم لي

مهندس ميكانيكا دفعة 1996

التبسيط مهاره ونعمه كبيره جدا واللى بيتمتع بيها بيسهل على كل اللى حواليه حاجات كتير قوى خصوصا لما يكون فاهم

تحياتى لمداخله حضرتك الرائعه

[mekkawy0]

شكرا

علميا تزداد مقاومة الهواء مقاومة خطية بازدياد السرعة للجسم المتحرك
حتي تصل سرعة الجسم الي سرعة حرجة تزداد فيها المقاومة بطريقة أسية
يعني مقاومة الهوا عند 80 كم /س مثلا ضعف المقاومة عند 40
لكن المقاومة عند سرعة 142 ضعف المقاومة عند 100 كم / س
النقطة الحرجة بتفرق طبقا للـ Drag Coeff. للشكل المتحرك .. اللي بقي أحسن كتير دلوقتي عموما عن زمان
و عشان كده النقطة الحرجة اتغيرت من 90 كم / س زمان ل 106 كم / س في بعض السيارات دلوقتي
أرجو تكونو استفدتم

شكرا جزيلا يا باشمهندس Hegazio.
أنا كده حسب ما فهمت الموضوع أساسا مقاومة هواء و ده خصائصه لا تختلف باختلاف ال drag coeff. اللي ممكن يتغير هو إن المقاومة أصلا متبقاش عالية و بالتالي عند 142 تكون برضه ضعف عند 100 لكن قيمتها قليلة.
أنا عرفت إن مقاومة الهواء تتناسب طرديا مع السرعه حتى 90 كلم/س بعد كده تتناسب طرديا مع مربع السرعه. أنا عايز أعرف ليه و هل للموضوع علاقه بال laminar flow & turbulance flow؟

[monmonmon]

يا ريت السادة المهندسين يهدوا اللعب شوية
المهارة في التبسيط و ليس استعراض المعلومات
خدوها نصيحة من أخ أعتقد أكبر سنا إن سمحتم لي

مهندس ميكانيكا دفعة 1996

و يعنى حضرتك اللى قولت حاجه غير design
انا مالى و مال ال design لو مشرحتليش تجربه
و عموما مش شرط انك خريج 96 تبقى خرافى.. ممكن متعرفش تسد فى معلومة مع خريج و لو 2009
العلم ملوش سن.. واللى ميعرفش يقول عدس
و اللى جرب بنفسه ادرى

دوسة البنزين هى اللى بتحكم الاستهلاك و دى اسمها الحمل فى محركات البنزين و التصميم و الكلام ده علمى بحت و طبيعى و من المعروف لاى انسان ان مقاومة الهواء بتزيد على السرعات العاليه و الدليل انه يفتح ازاز العربية و يشوف

بغض النظر عن تحميل العربية بأوزان او حمل الطريق و مقاومة العجل و خلافه اسمهم تحميل

لو كنت جربت سرعة 80 و 90 و 100 او اشتغلت فى القياسات على مكنة كنت هديت اللعب اصلها مش عرض عضلات و لا بنشوف مين فينا بيفهم.. ممكن حد يستفيد من مشاركتك و مشاركتى لأ او العكس.. ده غير انها حاجه علميه فى الاول و الاخر مش اغنيه

بجد انا بدأت اتخنق من شوية طرق كده فى المنتدى معرفش ايه اللى مش عاجبك.. افرض صاحب الموضوع استفاد او غيره من كلام حد غيرك!!!!!

و جرب و هتلاقى 80 استهلاكها اقل من 90.. سلاااااااااام يا هندسه و متنساش (دوسة البنزين)
بتتحكم فى وضع صمام الخانق Throttle Valve و ده اللى بيعادل الفرملة اللى بتحصل للمكنة سواء مقاومة هواء او خلافه كل ده تحميل على المكنة.

انا كررت كلامى كتيير و كفايه كده

[mahmoud_magdy]

و يعنى حضرتك اللى قولت حاجه غير design
انا مالى و مال ال design لو مشرحتليش تجربه
و عموما مش شرط انك خريج 96 تبقى خرافى.. ممكن متعرفش تسد فى معلومة مع خريج و لو 2009
العلم ملوش سن.. واللى ميعرفش يقول عدس
و اللى جرب بنفسه ادرى

دوسة البنزين هى اللى بتحكم الاستهلاك و دى اسمها الحمل فى محركات البنزين و التصميم و الكلام ده علمى بحت و طبيعى و من المعروف لاى انسان ان مقاومة الهواء بتزيد على السرعات العاليه و الدليل انه يفتح ازاز العربية و يشوف

بغض النظر عن تحميل العربية بأوزان او حمل الطريق و مقاومة العجل و خلافه اسمهم تحميل

لو كنت جربت سرعة 80 و 90 و 100 او اشتغلت فى القياسات على مكنة كنت هديت اللعب اصلها مش عرض عضلات و لا بنشوف مين فينا بيفهم.. ممكن حد يستفيد من مشاركتك و مشاركتى لأ او العكس.. ده غير انها حاجه علميه فى الاول و الاخر مش اغنيه

بجد انا بدأت اتخنق من شوية طرق كده فى المنتدى معرفش ايه اللى مش عاجبك.. افرض صاحب الموضوع استفاد او غيره من كلام حد غيرك!!!!!

و جرب و هتلاقى 80 استهلاكها اقل من 90.. سلاااااااااام يا هندسه و متنساش (دوسة البنزين)
بتتحكم فى وضع صمام الخانق Throttle Valve و ده اللى بيعادل الفرملة اللى بتحصل للمكنة سواء مقاومة هواء او خلافه كل ده تحميل على المكنة.

انا كررت كلامى كتيير و كفايه كده

هو حضرتك بترد كدا ليه اصلا
يعني تفتكر انك بالشكل ده جذبت الانتباه ليك ؟؟
بالعكس انت هتخلي اللي قرأ ردك الاول ويجي قرأ الرد التاني ينساك اصلا
أسلوبك بيخلي الشخص ينفر منو
الراجل مغلطش فيك ولا حاجه ولا قال كلمه غلط
هو قال ردو وبعد كدا قال التبسيط أحسن
هو كمان عندو معلومات زيك ويمكن أكتر منك كمان بما انو مهندس اولا
والخبره بتفرق ثانيا
هو قال الخلاصه
وحضرتك بتشرح في محاضره
عموما تقبل انتقادي
وعذرا يا استاذ اسلام مقامك كبير (متردش )