سؤال عن تربيط العفشه وأقصى مده لتشغيل محرك السياره

[mahmoud_magdy]

السلام عليكم ورحمة الله وبركاته
عندي 4 اسئله مهمه جدا
وشاغلين بالي بقالهم فتره

اولا العفشه :-
ازاي اقدر اعرف ان العفشه عاوزه تتربط ؟
وايه اقصى مده اسيب فيها العفشه من غير ما تتربط ؟

ثانيا محرك السياره:-
ايه اقصى مده محرك السياره يشتغل فيها بدون ما يحصل مشاكل؟
وهل تشغيل واطفاء المحرك في فترات متقاربه ليه مشاكل فيما بعد ؟

معلش طولت في الاسئله ولكن مضطر لقلة خبرتي وبحاول اتعلم واعرف
شكرا

[nab!l]

المعلومات اللى عندى معتقدش انها توفى الغرض
منتظر الردود

[eslamrace]

متابع

[m.aligamal]

متابع باهتمام جدا

[mody_halawa]

معاااكوووو

[MoStAfA-StabS]

اعتقد تربيط العفشة .. يبقى واجب لو فيه اصوات و غربلة بسيطه فى العربية .. و انصحك بتربيطها كل مره لما تغسيلها فى البنزينة لما يجى يرفعها .... شورعنا بتفكفك اى عفشة ده الى اعرفه ... و فى انتظار ردود الخبراء.... و شكراا

[mahmoud_magdy]

شكرا لكل المتابعين معايا وعاوزين يعرفوا المعلومات المهمه دي
وشكرا لحضرتك على المعلومه الجميله
ومنتظر رد الخبراء في موضوع العفشه والمحرك
شكرا

[ganash]

ياريت حد يرد علينا وعندى سؤال كمان بعد اذن الاستاذ صاحب الموضوع لما اكون جاى بالعربيه مشوار مثلا طويل والعربيه سخنه هل اما اقف انتظر شويه وبعدين ابطل العربيه ولا ابطلها على طول ؟؟

[ramy_gamal]

السلام عليكم ورحمة الله وبركاته
عندي 4 اسئله مهمه جدا
وشاغلين بالي بقالهم فتره

اولا العفشه :-
ازاي اقدر اعرف ان العفشه عاوزه تتربط ؟
وايه اقصى مده اسيب فيها العفشه من غير ما تتربط ؟

ثانيا محرك السياره:-
ايه اقصى مده محرك السياره يشتغل فيها بدون ما يحصل مشاكل؟
وهل تشغيل واطفاء المحرك في فترات متقاربه ليه مشاكل فيما بعد ؟

معلش طولت في الاسئله ولكن مضطر لقلة خبرتي وبحاول اتعلم واعرف
شكرا

اول سؤال تحس وانت ماشى ان العربيه مش ماسكه نفسها وتسمع اصوات مع المطبات ( اصوات خبط بس مش جامه اوى ) وفى راى بعض الحدادين ان العفشه المفروض ماتتفككش يقولك انت بتبص على صواميل العجل قبل ماتمشى!!!!!!!!! .. بس انا مش مقتنع بالفكرة دة ( انا بربط العفشه )
المفروض تربط كل 10000 كيلو
اقص مدى لتشغيل المحرك ... انا مش فاهم قصدك كويس بس لو قصدك انك تسيبها دايرة على السلانسيه مش مشكله مادام العربيه مش بتسخن لو قصدك انك تفضل ماشى بيها بردة مفيش مشكله مادام الزيت كويس والميه كامله والظروف المحيطه مريحه للعربيه يعنى لو انت مسافر فترة طويله بالعربيه ممكن بعد 6 او 7 ساعات تريح الموتور شويه لو الجو سخن اوى بس لو الجو كويس وميجراش حاجه بس لازم المكنه تتهوى كل فترة
تشغيل واطفاء المحرك كل شويه مش كويس ويبقولو لو هتطفى العربيه فترة اقل من 30 ثانيه يبقى مش لازم تطفيها وكتر التدوير يسحب بنزين زيادة ويتعب المارش ويتعب البطاريه وبعدين لما تطفى العربيه الزيت كله بينزل فى الكارتيرة ولما تيجى تدور او توانى بيكون الاحتكاك شديد فيقصر عمر الموتور عشان كدة لو واقف فى اشارة فترة مش هطول مش لازم تطفى...
يارب اكون قدرت افيدكو

[ramy_gamal]

ياريت حد يرد علينا وعندى سؤال كمان بعد اذن الاستاذ صاحب الموضوع لما اكون جاى بالعربيه مشوار مثلا طويل والعربيه سخنه هل اما اقف انتظر شويه وبعدين ابطل العربيه ولا ابطلها على طول ؟؟

مش مشوار طويل.... لو جاي من سفر فترة سيب العربيه من 3 ل4 دقائق وبعدين طفيها عشان يكون الموتور هدى شويه

[MoStAfA-StabS]

ياريت حد يرد علينا وعندى سؤال كمان بعد اذن الاستاذ صاحب الموضوع لما اكون جاى بالعربيه مشوار مثلا طويل والعربيه سخنه هل اما اقف انتظر شويه وبعدين ابطل العربيه ولا ابطلها على طول ؟؟

حضرتك لو العربية سخنة ... و بطلت العربية ... المروحة بتفضل شغالة ولا لا ؟؟

لو ما بتفصل .. يبقى لازم تستنى شوية علشان الحرارة تنزل و المروحة متشتغلش على البطارية ... :b4_388:

[YHYAKOTB]

متابع

[ramy_gamal]

حضرتك لو العربية سخنة ... و بطلت العربية ... المروحة بتفضل شغالة ولا لا ؟؟

لو ما بتفصل .. يبقى لازم تستنى شوية علشان الحرارة تنزل و المروحة متشتغلش على البطارية ... :b4_388:

طيب ماهو لو طفاها و سابها هتبرد لوحدها !!!!!!!!!!!!!!!!!!!!!!!

[MoStAfA-StabS]

طيب ماهو لو طفاها و سابها هتبرد لوحدها !!!!!!!!!!!!!!!!!!!!!!!

طبعا يا باشا ... انا قصدى ان فيه عربيات بعد ما نتبطل بتفضل المروحه شغاله على البطارية لحد ما الحرارة تنزل .. علشان كده انا قصدى مايبطلش الا لما المروحة تفصل و الحراره تنزل و شكرا لاهتمام حضرتك ....

[ramy_gamal]

الله ينور بس اعتقد ان المروحه لو شغاله على البطاريه وحاله البطاريه كويسه مش هيجرلها حاجه انا عندى فى الكليو المروحه بتفضل شغاله يمكن 3 او 4 دقائق بعد ما اطفى والحمد لله مبيجراش حاجه