اسئله بخصوص المواتير والسى سى وعدد السلندر والصباب

[م/مصطفى محمود]

برضوا يا بشمهندس صعب لعدة أسباب

1 - زاوية ال over lap قد أية فى كل مُحرك

2 - الكفائة الحرارية لكل مُحرك (ودى بتعتمد على طريقة الخلط اللى هى لوحدها قصة ، وشكل غرفة الأحتراق) ودى بتختلف جدا ، والكفائة الميكانيكية (الأحتكاك بين الأسطوانة والشنابر ، والقصور الذاتى للقطع الميكانيكية اللى أوزانها بتختلف من محرك للتانى)، والكفائة الحجمية (التغييرات الحرارية اللى بتحصل للشحنة بعد الدخول واللى بسببها بقى بيتعمل التربو تشارجر والسوبرتشارجر)

3 - التبريد والعادم (الطاقة اللى رايحة فى التبريد أد أية واللى خارجة مع العادم أد أية ) (وخد بالك أن نسبة الطاقة دى بتوصل لأكتر من 60 % يعنى حاجه ميُستهانشى بيها)

4 - اللى بيفرق بين المُحركات هى التجارب ، المحرك اللى بيتم عمل تجارب لية كتير بيبقى أفضل (وده اللى بيخلى ماتور بى أم أغلى من الماتور الصينى ) ففى دراسات كتيرة بتتعمل على كل جزء ولما يتعدل هيحسن بأد أية

وهو ده قدرنا كمُهندسين ميكانيكا ، عندنا عوامل كتيـــــــــــر بتتحكم فى كل حاجه ، وصعب نحكم على حاجه من عامل واحد (لأستحالة تثبيت كل العوامل حتى بين نفس المحرك )

[Eng.Geo]

الصمامات الاكبر مش معناها ابدا استهلاك بنزين اكتر. بالعكس زيادة عدد الصمامات بيقرب خليط الهواء و البنزين من النسبه المثاليه اكتر

يعني لو عنك موتورين نفس الحجم ناخد اللوجان كمثال
في موتورين واحد 8 صباب وواحد 16
كدة ال8 بيستهلك بنزين اعلي؟؟؟

[Ahmed Hassan]

يعني لو عنك موتورين نفس الحجم ناخد اللوجان كمثال
في موتورين واحد 8 صباب وواحد 16
كدة ال8 بيستهلك بنزين اعلي؟؟؟

لو العربيتين واحده ٨ صمامات و التانيه ١٦ و ليهم نفس السعه اللتريه و نفس عدد لفات المحرك ايوه الموتور اللي فيه ١٦ صمام هيكون اكفأ و بالتالي استهلاكه اقل للوقود.

[Eng.Geo]

لو العربيتين واحده ٨ صمامات و التانيه ١٦ و ليهم نفس السعه اللتريه و نفس عدد لفات المحرك ايوه الموتور اللي فيه ١٦ صمام هيكون اكفأ و بالتالي استهلاكه اقل للوقود.

طاب ممكن شرح او اثبات او لينك ؟

[Ahmed Hassan]

طاب ممكن شرح او اثبات او لينك ؟

Adding more valves improves the flow of intake and exhaust gases, potentially improving combustion efficiency, power, and performance
اللينك
Multi-valve - Wikipedia, the free encyclopedia

By increasing the # of valves you get the below features. a) better combustion chamber shape, resulting in better combustion, resulting in better power and fuel economy


اللينك

WikiAnswers - What is the purpose of a car valves and what is the difference between a 12 valve and a 16 valve engine.

فيه كمان لو تحب

[Eng.Geo]

Adding more valves improves the flow of intake and exhaust gases, potentially improving combustion efficiency, power, and performance
اللينك
Multi-valve - Wikipedia, the free encyclopedia

By increasing the # of valves you get the below features. a) better combustion chamber shape, resulting in better combustion, resulting in better power and fuel economy


اللينك

WikiAnswers - What is the purpose of a car valves and what is the difference between a 12 valve and a 16 valve engine.

فيه كمان لو تحب

الف شكر علي اللينكات
انا كدة عرفت ان ال16 اوفر في البنزين واداء اعلي
بس كنت عايز افهم اكتر الطريقة
هي بتعمل improving combustion efficiency تمام بس ازاي
هدور انا بقي علي الحوار ده
والف شكر ليك

[م/مصطفى محمود]

الله ينور يا بشمهندس أحمد

الفكرة فى وجود صمامين عند الشحن هو تقليل الفقد فى الضغط وليس زيادة الشحنة ، وبالتالى تحسين أداء المُحرك ، وبالتالى نسبة الوقود اللى هتولدلى نفس البور هتقل

وفى سؤال بس لبشمهندس geo (ومقصدشى منه أى حاجه والله) أنت درست أحتراق داخلى ولا لأ (معرفشى تخصصك بور أو سيارات ولا لأ)

وبخصوص سؤالك يا أستاذ حسام ، فده تعرفوا من بيانات المُحرك نفسة (لازم تتقاس حتى المُصمم ميقدرشى يقولك أية النتائج غير لما يقيس ، علشان تبقى العوامل كلها محسوبة ، فبيتم قياس أستهلاك البنزين والقدرة المُتولدة والعزم والأنبعاثات ويتم تقديمها )

[Eng.Geo]

وفى سؤال بس لبشمهندس geo (ومقصدشى منه أى حاجه والله) أنت درست أحتراق داخلى ولا لأ (معرفشى تخصصك بور أو سيارات ولا لأ)

انا لسة اولي ميكانيكا ومدرستش حاجة خالص في المحركات او اي حاجة عن العربيات او الاحتراق الداخلي
كل اللي اعرفة من مجهودي والقراية عشان كدة ممكن تبقي في معلومات ناقصة بحاول اجمعها لغاية ما تتشرحلي في الكلية

[SOBKY]

شكرا لكل من ساهم بمعلومة او بشرح في التوبيك ده بجد .
المعلومات افادتنا جدا .

[م/مصطفى محمود]

على فكرة دى بجد حاجه كويسة جدا ، علشان لما هتدرس المواد دى هتبقى عندك خلفية وهتفيدك جدا

والأحتراق (لو دخلت بور أو سيارات) هتدرسة فى كورسين (أو كورس واحد على حسب الكُلية) غير بقى شوية الكورسات اللى حوالية (زى مثلا مادة أداء مُحركات لوحدها وهكذا) بجد مجال شيق ومُمتع

وربنا يوفقك ودعواتك ليا فى النتيجة (بكالريوس ميكانيكا بور)

[Eng.Geo]

وربنا يوفقك ودعواتك ليا فى النتيجة (بكالريوس ميكانيكا بور)

مش عارف ليه حاسس انك عين شمس
انا عين شمس والنتيجة مش عايزة تظهر
ربنا يوفقك وتكون النتيجة حلوة

[م/مصطفى محمود]

لأ أنا هندسة المطرية جامعة حلوان (وبرضوا نتيجيتنا لسة على يوم السبت أو الأحد الجايين)

[Eng.Geo]

لأ أنا هندسة المطرية جامعة حلوان (وبرضوا نتيجيتنا لسة على يوم السبت أو الأحد الجايين)

ان شاء الله تكون كويسة واحسن مما تتوقع

[a7mode]

مهندس مصطفى ، مهندس احمد ، مهندس جيو .... كل شكر وتقدير وإجلال واحترام لكم على المعلومات الهايله اللى استفدنا منها فى الموضوع دا بجد .

واتمنا منكم انكم تتشاركو مع بعض وتتقاسمو معانا المعلومات القيمه دى فى مواضيع منفصله خاصه بالمحركات وطريقه عملها وطرق تحسين ادائها .

شكر خاص لاستاذ حسام انو فتح مجال للنقاش فى الموضوع دا .

[Ahmed Hassan]

الله ينور يا بشمهندس أحمد

الفكرة فى وجود صمامين عند الشحن هو تقليل الفقد فى الضغط وليس زيادة الشحنة ، وبالتالى تحسين أداء المُحرك ، وبالتالى نسبة الوقود اللى هتولدلى نفس البور هتقل

وفى سؤال بس لبشمهندس geo (ومقصدشى منه أى حاجه والله) أنت درست أحتراق داخلى ولا لأ (معرفشى تخصصك بور أو سيارات ولا لأ)

وبخصوص سؤالك يا أستاذ حسام ، فده تعرفوا من بيانات المُحرك نفسة (لازم تتقاس حتى المُصمم ميقدرشى يقولك أية النتائج غير لما يقيس ، علشان تبقى العوامل كلها محسوبة ، فبيتم قياس أستهلاك البنزين والقدرة المُتولدة والعزم والأنبعاثات ويتم تقديمها )

مهندس مصطفى ، مهندس احمد ، مهندس جيو .... كل شكر وتقدير وإجلال واحترام لكم على المعلومات الهايله اللى استفدنا منها فى الموضوع دا بجد .

واتمنا منكم انكم تتشاركو مع بعض وتتقاسمو معانا المعلومات القيمه دى فى مواضيع منفصله خاصه بالمحركات وطريقه عملها وطرق تحسين ادائها .

شكر خاص لاستاذ حسام انو فتح مجال للنقاش فى الموضوع دا .

العفو و شكرا جزيلا ليكم. انا مش مهندس يا جماعه بس الموضوع بالنسبه ليه هوايه بحبها جدا.