شحن البطارية في المنزل

[amrelsaqqa]

الجهاز اللي معايا قديم خالص ومشبيطلع لي نسب سليمة .. دا بيدي نسب تقريبية .. عموما هاشوف هاينفع يطلع وللا إيه ؟
وكنت عاوز أعرف الأفو أنالوج الديجيتال زي اللي معاك بكام ؟

انا كنت جايبه من فترة بس تقريبا كان بـ 25 جنيه او 30 بالكتير

بس مش فاكر ده كان ارخص حاجة ولا كان فيه ارخص من كدة

بس واحد مخترع زيك لازم يكون عنده

[tompina]

انا كنت جايبه من فترة بس تقريبا كان بـ 25 جنيه او 30 بالكتير

بس مش فاكر ده كان ارخص حاجة ولا كان فيه ارخص من كدة

بس واحد مخترع زيك لازم يكون عنده

إيه ده ؟ بس ؟
دا أنا كنت فاكرة بـ 280 جنيه وللا 300 ..
أنا نازل أشتري واحد وجاي !
إستناني .......

[amrelsaqqa]

إيه ده ؟ بس ؟
دا أنا كنت فاكرة بـ 280 جنيه وللا 300 ..
أنا نازل أشتري واحد وجاي !
إستناني .......

فيه انواع غالية اوى وفيه انواع رخيصة اوى بـ 12 جنيه
ابو 30 ده شغال كويس

مستنييييك
بس لما تبقى تقيس التيار قيس من الفتحة اللى مكتوب عليها 20 امبير عشان ما تحرقش الفيوز بتاعه
واتأكد من الرينج دايما قبل قياس اي حاجة

[tompina]

فيه انواع غالية اوى وفيه انواع رخيصة اوى بـ 12 جنيه
ابو 30 ده شغال كويس

مستنييييك
بس لما تبقى تقيس التيار قيس من الفتحة اللى مكتوب عليها 20 امبير عشان ما تحرقش الفيوز بتاعه
واتأكد من الرينج دايما قبل قياس اي حاجة

اشتريته يا باشا بـ35 ومارضيش ينزل الخمسة جنيه بتاتا (ماتنساش إننا في إقليم ولازم يستغلوك) واشتريت فيللر بالمرة عشان أظبط خلوص الجاب في البوجيهات ..
المهم .. همتك معايا يا بطل لاحسن إنتا خوفتني إنه يتحرق .. بصراحة القديم اللي كان معايا كنت باتغابى عليه .
اللي معايا ده ماركته إكسيل ..
هاشوف الأول الخرج بتاع الباور سبلاي بعد تطويل السلك عامل كام .

[amrelsaqqa]

دى الدايرة اللى اعتقد هتنفع مع كتاوت 14 فولت
بس ده بفرض ان الكتاوت بيشتغل عند نقطة محدد سواء 14 او 12 (مش يكون بيشتغل عند 6 فولت و7 فولت و8 فولت .. )



لو الكتاوت 12 فولت هنوصل مقاومة في المكان المشار اليه في الرسمة بحيث يبقى على المقاومة جهد 2 فولت




لسه محتاجة تتجرب بس بنسبة 80% ان شاء الله هتنفع

في الجزء الاول من الرسم
لو البطارية فاضية واتوصلت وبعدين شغلنا الباور
الجهد هيكون اقل من 14 و بكدة الكتاوت هيفضل مقفول على الوضع العادى
بحيث البطارية متوصلة من خلاله على الوضع العادى بتاعه


في الجزء التانى من الرسمة
لما الجهد يوصل لـ 14 فولت والبطارية تتشحن يبدأ الكتاوت يشتغل يقوم الدراع اللى جواه يتحرك ويفصل البطارية ويشغل اللمبة بتاعت اتمام الشحن

----------

بس لو الباور اشتغلت من غير ما البطارية تتوصل هيكون الجهد 17 لأن مفيش بطارية فالكتاوت هيشتغل على طول ويفصل اسلاك البطارية واللمبة الخضرا هتشتغل (يعنى اللمبة بتدل على حاجتين اما وجود بطارية مشحونة او عدم وجود بطارية )

في الحالة دى لو وصلنا بطارية اثناء ما الباور شغال عمره ما هيحس بيها لأن سلكها مفصول مسبقا والجهد الكلى هيفضل 17
عشان كدة فيه زرار ريسيت اللى بضغطة عليه يفصل الباور ويشغلها تانى بحيث الكتاوت يفصل ويحس بالبطارية ويبدأ يشحنها

يعنى البطارية تتوصل قبل تشغيل الباور
ولو اتوصلت وهو شغال يبقى نضغط على زرار ريسيت

[amrelsaqqa]

اشتريته يا باشا بـ35 ومارضيش ينزل الخمسة جنيه بتاتا (ماتنساش إننا في إقليم ولازم يستغلوك) واشتريت فيللر بالمرة عشان أظبط خلوص الجاب في البوجيهات ..
المهم .. همتك معايا يا بطل لاحسن إنتا خوفتني إنه يتحرق .. بصراحة القديم اللي كان معايا كنت باتغابى عليه .
اللي معايا ده ماركته إكسيل ..
هاشوف الأول الخرج بتاع الباور سبلاي بعد تطويل السلك عامل كام .

تمام يا باشا
الف مبروك ..
ما تخافش ،اللى قلتلهولك ده ينطبق على اي افو
يعنى ما تجيش تقيس جهد 220 و انت حاطط الجهاز على وضع 20
دايما تبدأ بالاعلى فالاقل


انا كمان اقاليم على فكرة انا من المنوفية
بس يمكن عشان شاريه من ييجى سنة وشوية وكان تقريبا بالظبط بـ 28 بس حتى جوة البلد الواحدة السعر بيختلف فعادى يعنى

[tompina]

تمام يا باشا
الف مبروك ..
ما تخافش ،اللى قلتلهولك ده ينطبق على اي افو
يعنى ما تجيش تقيس جهد 220 و انت حاطط الجهاز على وضع 20
دايما تبدأ بالاعلى فالاقل


انا كمان اقاليم على فكرة انا من المنوفية
بس يمكن عشان شاريه من ييجى سنة وشوية وكان تقريبا بالظبط بـ 28 بس حتى جوة البلد الواحدة السعر بيختلف فعادى يعنى

إلحقني يا باش .. أنا وصلت الكابلين الأحمر والأسود في فتحتين الـv والـ com بس بعد كده خايف أعك .. ماتشرحلي على السريع التيار المتردد من المستمر فين على الجهاز ده لأني مش لاقي علامة الـ dc وللا الـ ac

[amrelsaqqa]

بص انت عندك Vm و V~ و Am و A~

~ دايما معناها AC
يبقى انت هتشتغل على Vm

[tompina]

بص انت عندك Vm و V~ و Am و A~

~ دايما معناها AC
يبقى انت هتشتغل على Vm

ربنا يخليك لي ..
طب والمقاسات اللي فوقيها علامة أوميجا .. دي بتاعة إيه ؟
وكمان اللي تحتيها حرف F دي لإيه ؟
ولو أنا عاوز أقيس الفولت الخارج من تيار المنزل العادي يبقى 750 ~V ؟
ولو عاوز أقيس أمبير يبقى أحط الكابل الأحمر في mA وللا 20 A ؟
وعموما أظبط المؤشر لو هاقيس أمبير بطارية على A -- 200m ؟
وفي حاجة اسمها hFE دي بتاعة إيه ؟
وكمان علامة السهم المقطوع دي بتاعة الديود؟
وزرار الـ DH ده بتاع إيه ؟
معلش هاتعبك بس ربنا بيقول "فاسئلوا أهل الذكر إن كنتم لا تعلمون"

[tompina]

شوب يا باشا أنا وصلت علشان أعرف السلك بتاعي بعد التطويل .. الفقد وصل فيه لكام ودي كانت النتيجة ..

يعني لو زودنا السلك أو جبنا سلك طوله 3 متر وسمكه نصف مم زي اللي معايا أظن هانوصل للنتيجة المثالية للشحن .

[amrelsaqqa]

شوب يا باشا أنا وصلت علشان أعرف السلك بتاعي بعد التطويل .. الفقد وصل فيه لكام ودي كانت النتيجة ..

يعني لو زودنا السلك أو جبنا سلك طوله 3 متر وسمكه نصف مم زي اللي معايا أظن هانوصل للنتيجة المثالية للشحن .

تمام بس الافضل طبعا مقاومة ربع كيلو وات نص اوم وخلاص
-----------


وصل بقى البطارية ووصل الافو معاها في وضع الاميتر على 20a توالى وورينى النتيجة وخلى الرينج برضه على 20 a===
حتى لو البطارية مشحونة مش هيحصل حاجة لو وصلتها للحظات في الشحن وقست التيار

وقيس برضه الفولت على البطارية وهى مشحونة تماما من غير ما توصل الباور وشوفه كام

وقيس تانى مع توصيل الباور ( يعنى كلهم توازى مع بعض ) وشوف فيه فرق ولا لا وافصل بعدها بسرعة عشان البطارية مشحونة



عشان نصمم دايرة الفصل و المقاومة الى هتبقى معاها

[amrelsaqqa]

ربنا يخليك لي ..
طب والمقاسات اللي فوقيها علامة أوميجا .. دي بتاعة إيه ؟
وكمان اللي تحتيها حرف F دي لإيه ؟
ولو أنا عاوز أقيس الفولت الخارج من تيار المنزل العادي يبقى 750 ~V ؟
ولو عاوز أقيس أمبير يبقى أحط الكابل الأحمر في mA وللا 20 A ؟
وعموما أظبط المؤشر لو هاقيس أمبير بطارية على A -- 200m ؟
وفي حاجة اسمها hFE دي بتاعة إيه ؟
وكمان علامة السهم المقطوع دي بتاعة الديود؟
وزرار الـ DH ده بتاع إيه ؟
معلش هاتعبك بس ربنا بيقول "فاسئلوا أهل الذكر إن كنتم لا تعلمون"

الاوميجا دى لو عايز تقيس مقاومة
يعنى يشتغل اومميتر
و لها رينجات برضه مثلا 20 ميجا اوم و2 ميجا و 200 كيلو و 2 كيلو و 200 اوم

وحرف F ده لقياس سعة المكثفات بالفاراد او الميكرو فاراد على حسب جهازك و وضع المكثف يبقى في مكان الـ CX

الـ hfe لقياس الترانزستور

وعلامة الديود لو عندك ديود وعايز تعرف الانود والكاثود
او لو عايز تشوف اي سلكين ملمسين مع بعض ولا لا

يعنى لو حطيت عليه و جبت الطرفين على بعض الجهاز هيصفر او لو اتحط االطرفين على اي حاجتين متوصلين ببعض هيصفر برضة بتنفع لو بتصلح حاجة وعايز تتأكد ان فيه سلك مقطوع ولا لا او فيه ماس ولا لا

زرار الـ DH مش عارف لانه مش عندى بس ممكن يكون بيخلى السماعة اللى بتشتغل في وضع الديود تشتغل او لا - تقريبا -

[tompina]

ألف شكر يا باشا على تعبك
وبكده موضوع الديود ده هاينفع نشوف هل في تلميس في الضفيرة وللا لأ

[amrelsaqqa]

لو عايز تقيس فولت البيت يبقى 750~ تمام زي ما قلت

والتيار طول ماحنا شغالين في الشحن و البطاريات يبقى خليك على 20a في الرينج وفي التوصيلة

ولو قست تيار اي حاجة واداك مثلا اقل من 0.2 يبقى توصل على رينج 200 مللى عشان القراية تبقى ادق والرقم اللى هيظهر ساعتها هيبقى بالمللى

[eng_ahmedryad]

دى الدايرة اللى اعتقد هتنفع مع كتاوت 14 فولت
بس ده بفرض ان الكتاوت بيشتغل عند نقطة محدد سواء 14 او 12 (مش يكون بيشتغل عند 6 فولت و7 فولت و8 فولت .. )



لو الكتاوت 12 فولت هنوصل مقاومة في المكان المشار اليه في الرسمة بحيث يبقى على المقاومة جهد 2 فولت




لسه محتاجة تتجرب بس بنسبة 80% ان شاء الله هتنفع

في الجزء الاول من الرسم
لو البطارية فاضية واتوصلت وبعدين شغلنا الباور
الجهد هيكون اقل من 14 و بكدة الكتاوت هيفضل مقفول على الوضع العادى
بحيث البطارية متوصلة من خلاله على الوضع العادى بتاعه


في الجزء التانى من الرسمة
لما الجهد يوصل لـ 14 فولت والبطارية تتشحن يبدأ الكتاوت يشتغل يقوم الدراع اللى جواه يتحرك ويفصل البطارية ويشغل اللمبة بتاعت اتمام الشحن

----------

بس لو الباور اشتغلت من غير ما البطارية تتوصل هيكون الجهد 17 لأن مفيش بطارية فالكتاوت هيشتغل على طول ويفصل اسلاك البطارية واللمبة الخضرا هتشتغل (يعنى اللمبة بتدل على حاجتين اما وجود بطارية مشحونة او عدم وجود بطارية )

في الحالة دى لو وصلنا بطارية اثناء ما الباور شغال عمره ما هيحس بيها لأن سلكها مفصول مسبقا والجهد الكلى هيفضل 17
عشان كدة فيه زرار ريسيت اللى بضغطة عليه يفصل الباور ويشغلها تانى بحيث الكتاوت يفصل ويحس بالبطارية ويبدأ يشحنها

يعنى البطارية تتوصل قبل تشغيل الباور
ولو اتوصلت وهو شغال يبقى نضغط على زرار ريسيت

كلام جميل ..
طيب ماتيجي كده نفكر مع بعض بصوت عالي

أول حاجه ، انت دخلت الطرف الموجب على الريلاي وعلى البطارية في الوضع off
ياترى الريلاي مش هايشتغل ليه ؟ هل فيه سبب يمنعه ويجبر التيار أنه يدخل على البطارية ؟
لأن طبعا التيار ده باشا دايما يحب يمشي في الحتت الفاضية مايحبش يمشي في حته زحمة تعطله .

وربنا يعينك ، بصراحة مجهود جبار.