شحن البطارية في المنزل

[tompina]

مبرووووووووووك يا حمو على نجاح التجربة و اخدتك منك كام ساعة شحن

واسف انى برد على نقط قديمة اترد عليها قبل كده بس لانى كنت بقراء الموضوع من اوله

أنا مش راضي أرد من بدري ..
أصلي لقيتك جاي (بعد الهنا بسنة) وبصراحة كنت ميت من الضحك ..
كنتي فين يا جوافة لما التفاح كان بطيخ ؟
أنا بهزر يا باشا إوعى تزعل

[tompina]

ايه ده يعنى انا ليا نسبه كام فى براءة الاختراع
مبروك ياشباب:b4_388::b4_388:

طبعا يا باشا .. إنت الجندي المجهول في القصة دي ولازم نفضحك !
الله يبارك فيك

[midomizo]

طب حد عارف فى محلات البطاريات بيشحنوها بشاحن نوعة اية ولا بيشحنها بنفس الطريقة

[samirayad]

بإذن الله ملهاش اي مساوئ ,, لو قريت الموضوع من اوله لأخره وعشت التجربه لحظه بلحظه وركزت في النقاشات , هتلاقي كل كلمه بتثبت نجاح الفكره :ta_clap[1]:

للأسف يامحمد باشا
ليها مساوىء برضه

لو أنت نسيت الباور سبلاى على البطاريه

وزاد زمن الشحن زياده عن الازم


ضاعت البطاريه

[Ahmed Galal]

ياااااااااااااااااااااااااااااه اخيرا وصلت للصفحة ديه بس فيه سؤال محيرنى هوا منين بيروح على فين ههههههههههههه
باضحك معاكم مع اننى تعبت عشان اوصل للصفحة ديه لكن تسلم ايديكم يا رجاله

[midomizo]

للأسف يامحمد باشا
ليها مساوىء برضه

لو أنت نسيت الباور سبلاى على البطاريه

وزاد زمن الشحن زياده عن الازم


ضاعت البطاريه

انا برضو قلت كدة يا باشمهندس سمير بس ممكن تفهمنا بتاع البطاريات بيشحنها ازاى
بس منغير هزار عشان بنسى الموضوع من كتر الضحك ببقا عايز اسيب الموضوع خالص

[midomizo]

للأسف يامحمد باشا
ليها مساوىء برضه

لو أنت نسيت الباور سبلاى على البطاريه

وزاد زمن الشحن زياده عن الازم


ضاعت البطاريه

مشاركاتك يا استاذ سمير الصراحة كلنا بنحبها من كتر بساطتها

[eng_ahmedryad]

للأسف يامحمد باشا
ليها مساوىء برضه

لو أنت نسيت الباور سبلاى على البطاريه

وزاد زمن الشحن زياده عن الازم


ضاعت البطاريه

وبالنسبة لموضوع الـ regulation

ده نطمن له على الاخر لأن باور سبلاى الكمبيوتر switched regulated يعنى بتطلع تيار زي الفل ثابت ثابت يعنى ومش بتسخن لأنها switched وفيها حماية انها بتفصل اوتوماتيك اول ما تعدى اقصى لود مسموح او لو حصل قفلة

[samirayad]

وبالنسبة لموضوع الـ regulation

ده نطمن له على الاخر لأن باور سبلاى الكمبيوتر switched regulated يعنى بتطلع تيار زي الفل ثابت ثابت يعنى ومش بتسخن لأنها switched وفيها حماية انها بتفصل اوتوماتيك اول ما تعدى اقصى لود مسموح او لو حصل قفلة

how

وأدينى circuict diagram للباور سبلاى بيقول الكلام ده

وأنه يحتوى على AVR

مثل شاحن السياره تماما

_________________________

وبصفتك راجل متخصص ( وأحنا المفروض نتعلم منك )

فهل لو فرض ونسينا الباور سبلاى متوصل على البطاريه

وحصل saturation للبطاريه وأخدت أمبيرها

مش حتسخن .وتبوظ ..............؟

وأوتوماتك حبص ألاقى البطاريه بأت فى أمان ( بعد ماخدت حقها زى ما بيحصل مع دينامو السياره )


_________________________________


عاوزين نصايحك يعنى ..............؟


وفهمنا برضه

هل هذه دائرة شحن حقيقيه زيها زى دايرة الدينامو معى البطاريه ...........؟

-_____________________________

وبرضه فهمنا ( علشان ظروفنا الصحيه والكهربيه على القد برضه )

أزاى البطاريه بتبقى فى أمان تام
ومبتسخنش بعد ما أخدت كفايتها من الدينامو فى السياره ...........؟

لأن البطاريه power storge ( مخزن طاقه فقط )

ولو أستمرينا نزغطها كده بدون رقابه حقيقيه حتطفح ( زى المجارى )

وحتسخن وحتودع


________________________________

وخدنا بالراحه

واحده واحده ...............ومتكروتناش

علشان نفهم برضه

وخد راحتك وأحكى كمان وكمان
---------------------------

ومش عاوزين كلمتين وبس

على رأى فؤاد المهندس

_____________________

لأ أحنا عاوزين نظام حكاوى القهاوى ونظام عم خليل ( يعنى فهمنا علشان أنت راجل متخصص وأحنا برضه مش أقوياء زيكم فى الكهرباء )


علشان نتعايش معاك علميا

يا أستاذنا الفاضل


_____________________________________________


وفيه سؤال كمان

أنت طبعا تقصد بالكلام اللى أنا لونتهولك (فى كلامك الباور سبلاى نفسه )

مظبوط ولا أنا مش فاهم دى كويس ...................؟

[محمد الشامي]

للأسف يامحمد باشا
ليها مساوىء برضه
لو أنت نسيت الباور سبلاى على البطاريه
وزاد زمن الشحن زياده عن الازم
ضاعت البطاريه

كلامك صح والله يا باشمهندس

بس بإذن الله اللي يحاول يجرب نفس الفكره ويطبقها عملي يخلي باله من الحاجات الصغيره دي

وعشان كده انا طلبت من حمو ان يعيد كتابه الفكره من البدايه وحتى نجاح التجربه بشكل ملخص وفي هيئه نقاط وكمان يكتب تحذيراته وتوصياته لمن يحاول تنفيذ التجربه , وطبعا كل ده هيكون في مشاركه داخل نفس الموضوع الرئيسي , بس الهدف من الحكايه دي , ان اللي عايز ينفذ التجربه مش هيكون مضطر لقرائه كل المناقشات اللي دارت , وممكن يكتفى بقراءه خلاصه التجربه في مشاركه واحده من حمو

[amrelsaqqa]

بصوا يا بشمهندسين
مبدأيا الكلام اللى انا قلته اللى في الاقتباس فوق

وبالنسبة لموضوع الـ regulation

ده نطمن له على الاخر لأن باور سبلاى الكمبيوتر switched regulated يعنى بتطلع تيار زي الفل ثابت ثابت يعنى ومش بتسخن لأنها switched وفيها حماية انها بتفصل اوتوماتيك اول ما تعدى اقصى لود مسموح او لو حصل قفلة

ده ينطبق على الباور سبلاى نفسها
ان لو حصل قفلة او اللود زاد اوى فوق ما هى تطيق يقوم الكنترول بتاعها يفصلها هى اوتوماتيك للحماية ( كأن فيوز ضرب ) مع ان مفيش فيوز ضرب ولا حاجة


يعنى الموضوع ده بيحصل لو وصلت لود كبير جدا على الباور هى ما تقدرش عليه ، مش لما تخلص شحن


انا مثلا لما كنت بحاول اشغل العربية بالباور سبلاى
شغلت السنتر و الكاسيت والنور الواطى وكل ده تمام جدا
لما جيت ادى النور العالى قامت فاصلة لانها ما تقدرش تقومه ولو كانت محول عادى كانت سخنت واتحرقت
هو ده اللى اقصده في موضوع الفصل والحماية لما يحصل الاوفر لود


انما فصل الشحن ده حاجة تانية لانه ملوش علاقة بالاوفر لود
لان الشحن بيكون بتيار ثابت حتى بعد ما بيخلص و البطارية هى اللى بتضرر من زيادته مش الباور


يعنى لازم وجود دايرة تانية للموضوع ده
لان الباور سبلاى ده في الاصل باور مش مصمم يبقى تشارجر
والتشارجر لازم يكون فيه خاصية انه يحس بمقدار الشحن في البطارية اللى بيشحنها ويفصل الشحن اوتوماتيك عنها لما تتملى


زي مثلا لو جبت جهاز صينى ام بى ثرى وحطيته 8 ساعات يشحن هتلاقى البطارية ساحت و ضربت ( مفيش دايرة فصل ) وبالرغم من ان البطارية هتضرب الشاحن نفسه بيفضل سليم لان مفيش اوفر لود بس فيه تراكم تيار في البطارية ، وبالظبط ده اللى هيحصل مع بطارية العربية ان البطارية هتبوظ و الباور شغالة زي الفل وباردة كمان فهتفصل ازاى من غير دايرة اضافية ؟


انما لو جهاز موبايل محترم بيشحن لحد ما يكتبلك battery full و يفصل الشحن هو اوتوماتيك عن طريق الدايرة الاضافية



المشاركة الجاية هتكلم برضه عن معنى switched Power supply وازاى هى ما بتسخنش وبتدى التيار ده كله اللى بيوصل لـ 10 امبير وكفائتها تقريبا 100% !؟
وهحاول اشوف دايرة نضيفها لمشروعنا تخليه يفصل شحن اوتوماتيك

[eng_ahmedryad]

how

ياسلام عليك يا بشمهندس لما بتقلب على حد

على فكرة المشاركة اللي أنا حطتها في الرد عليك كانت للبشمهندس amrelsaqqa للرد علي برضه لأني قولت نفس الكلام فقولت أنقلهالك ، دي أول حاجة .

وأدينى circuict diagram للباور سبلاى بيقول الكلام ده

وأنه يحتوى على AVR

مثل شاحن السياره تماما

المفروض الحجة على من أدعى ، يعني المفروض البشمهندس amrelsaqqa يطمنا ويجيب لنا الدواير دي من عنده ، لأني متأكد أنه مش هايتكلم من فراغ .

لكن في نفس الوقت في باور سبلاي كتير فيها AVR علشان تحمي الأجهزة اللي بتشتغل عليه ، لكن طبعا مش الصيني اللي بتلاته تعريفة ، وممكن والله أعلم تكون الصين قلدت الباورات المحترمة زي اللي في اللينك ده :

Zephyr Power

وتكون بقت بتنزله في متناول المستهلك البسيط - الصينين ما بيغلبوش وماشترتش المضروب بقالي فترة - بس السؤال هنا هل هو فعلا مضمون أنه يحمي الدايرة الموصل عليها ؟ ما أظنش لأن فرق الخامات المستخدمة كبير ومكلف .

ملحوظة : الباور سبلاي في اللينك السابق تمنه 1000 جنيه مصري
_________________________

وبصفتك راجل متخصص ( وأحنا المفروض نتعلم منك )

ياباشا العين عمرها ماتعلى عن الحاجب

فهل لو فرض ونسينا الباور سبلاى متوصل على البطاريه

وحصل saturation للبطاريه وأخدت أمبيرها

مش حتسخن .وتبوظ ..............؟

وأوتوماتك حبص ألاقى البطاريه بأت فى أمان ( بعد ماخدت حقها زى ما بيحصل مع دينامو السياره )

طيب هو أيه اللي بيحصل لما البطارية بتتشبع ؟؟
الحالة دي بيبقى التيار اللي داخل للبطارية = التيار اللي خارج منها ، وهي دي مرحلة الـ saturation اللي حضرتك بتتكلم عليها ، ومعنى أن التيار متساوي (= صفر ) ولكن لا يزال في فرق جهد معناه أن فيه مقاومة كبيرة جداااااااااااااااااا ، مقاومة كبير بالحجم ده = حمل زائد ، الحمل الزائد بيحصل معاه أيه لما يكون فيه منظم ، طبعا بيفصل ، ولو مفصلش الدنيا هاتولع
_________________________________


عاوزين نصايحك يعنى ..............؟


وفهمنا برضه

هل هذه دائرة شحن حقيقيه زيها زى دايرة الدينامو معى البطاريه ...........؟

دايرة الدينامو مع البطارية أنا عن نفسي ماشفتهاش قبل كده ، حضرتك اللي هاتفيدنا فيها .
-_____________________________

وبرضه فهمنا ( علشان ظروفنا الصحيه والكهربيه على القد برضه )

أزاى البطاريه بتبقى فى أمان تام
ومبتسخنش بعد ما أخدت كفايتها من الدينامو فى السياره ...........؟

لأن البطاريه power storge ( مخزن طاقه فقط )

ولو أستمرينا نزغطها كده بدون رقابه حقيقيه حتطفح ( زى المجارى )

وحتسخن وحتودع

طبعا متفق مع حضرتك ، مافيهاش كلام دي .
لكن بفرض وجود المنظم ، يبقى مافيش مشاكل .
________________________________

وخدنا بالراحه

واحده واحده ...............ومتكروتناش

علشان نفهم برضه

وخد راحتك وأحكى كمان وكمان
---------------------------

ومش عاوزين كلمتين وبس

على رأى فؤاد المهندس

_____________________

لأ أحنا عاوزين نظام حكاوى القهاوى ونظام عم خليل ( يعنى فهمنا علشان أنت راجل متخصص وأحنا برضه مش أقوياء زيكم فى الكهرباء )


علشان نتعايش معاك علميا

يا أستاذنا الفاضل

إزاي تقول الكلام ده ، حضرتك أستاذنا وعلى دماغي من فوق .
_____________________________________________


وفيه سؤال كمان

أنت طبعا تقصد بالكلام اللى أنا لونتهولك (فى كلامك الباور سبلاى نفسه )

مظبوط ولا أنا مش فاهم دى كويس ...................؟

[eng_ahmedryad]

بصوا يا بشمهندسين
مبدأيا الكلام اللى انا قلته اللى في الاقتباس فوق
ده ينطبق على الباور سبلاى نفسها
ان لو حصل قفلة او اللود زاد اوى فوق ما هى تطيق يقوم الكنترول بتاعها يفصلها هى اوتوماتيك للحماية ( كأن فيوز ضرب ) مع ان مفيش فيوز ضرب ولا حاجة


يعنى الموضوع ده بيحصل لو وصلت لود كبير جدا على الباور هى ما تقدرش عليه ، مش لما تخلص شحن


انا مثلا لما كنت بحاول اشغل العربية بالباور سبلاى
شغلت السنتر و الكاسيت والنور الواطى وكل ده تمام جدا
لما جيت ادى النور العالى قامت فاصلة لانها ما تقدرش تقومه ولو كانت محول عادى كانت سخنت واتحرقت
هو ده اللى اقصده في موضوع الفصل والحماية لما يحصل الاوفر لود


انما فصل الشحن ده حاجة تانية لانه ملوش علاقة بالاوفر لود
لان الشحن بيكون بتيار ثابت حتى بعد ما بيخلص و البطارية هى اللى بتضرر من زيادته مش الباور


يعنى لازم وجود دايرة تانية للموضوع ده
لان الباور سبلاى ده في الاصل باور مش مصمم يبقى تشارجر
والتشارجر لازم يكون فيه خاصية انه يحس بمقدار الشحن في البطارية اللى بيشحنها ويفصل الشحن اوتوماتيك عنها لما تتملى


زي مثلا لو جبت جهاز صينى ام بى ثرى وحطيته 8 ساعات يشحن هتلاقى البطارية ساحت و ضربت ( مفيش دايرة فصل ) وبالرغم من ان البطارية هتضرب الشاحن نفسه بيفضل سليم لان مفيش اوفر لود بس فيه تراكم تيار في البطارية ، وبالظبط ده اللى هيحصل مع بطارية العربية ان البطارية هتبوظ و الباور شغالة زي الفل وباردة كمان فهتفصل ازاى من غير دايرة اضافية ؟


انما لو جهاز موبايل محترم بيشحن لحد ما يكتبلك battery full و يفصل الشحن هو اوتوماتيك عن طريق الدايرة الاضافية



المشاركة الجاية هتكلم برضه عن معنى switched Power supply وازاى هى ما بتسخنش وبتدى التيار ده كله اللى بيوصل لـ 10 امبير وكفائتها تقريبا 100% !؟
وهحاول اشوف دايرة نضيفها لمشروعنا تخليه يفصل شحن اوتوماتيك

ردي جه بعد ردك للأسف ، لأني بقالي ساعة بكتب فيه .
عموما مستنيين الدعم .

[amrelsaqqa]

بما اننا شغالين بالباور سبلاى العبقرى بتاع الكمبيوتر وبناء على اوامر كبيرنا الباشمهندس سمير
فلازم نتعرف على الباور ده اكتر


هنبدأ بشوية اسئلة كدة

عمرك سألت نفسك ازاى زمان المحولات العادية كانت بتبقى محولات كبيرة ومكتوب عليها 1 امبير

والمحول قد كدة



ولو 2 امبير يبقى كدة




والباور الجديد بتاعنا بيدى 10 امبير ولو بصيت على المحول اللى جواه هتلاقيه قد كدة بس ؟



ايه السر في الموضوع ده ؟ وايه البوردة والمكثقات و الملفات و الترانزستورات والاي سى دى كلها اللى جنب المحول الصغنن ده وبيعملوا ايه ؟



وازاى زمان لما كنا بنلعب بالاتارى كنت تلاقى المحول سخن مولع
ودلوقتى الكمبيوتر اللى بيستهلك قده 10 مرات بتفضل الباور باردة مع وجود مروحة صغيرة للتخلص من الحرارة القليلة اول بأول ؟؟
لا وكمان بقينا نشحن بيها بطارية وعايزين كمان نشغل بيها العربية

وازاى بزرار صغير في الكمبيوتر معزول عن الفولتات العالية بيتحكم فيها وبيشغلها ؟
وازاى لو جيت توصل هارد بطريقة غلط مثلا او سلكين لمسوا بعض بتفصل اوتوماتيك ؟


خلصت الاسئلة و واضح كدة اننا بنتكلم عن حاجة بتتميز بـ

- استعمال محول صغير جدا مع الحصول على تيار عالى
- مفيش فقد في الطاقة ومفيش حرارة مع الـregulation
- تحكم في التشغيل والايقاف عن طريق زرار صغير بعيد عن الفولت العالى soft power on
- الحماية والفصل التلقائى في حالة زيادة الحمل او حدوث قفلة



نتكلم عن واحدة واحدة

اول حاجة ازاى المحول صغير كدة ؟
طب ما تيجى نسأل سؤال تانى ليه المحولات بتنفع مع الـ AC بس وما تنفعش مع الـ DC
بدون ما نتكلم كتير عن الخواص المغناطيسية وان التيار متردد يعنى بيروح وييجى بيعمل مجال في الملف الابتدائى يولد جهد في الملف الثانوى .. الخ و النسبة بين الجهد هنا وهنا هى نسبة عدد اللفات ... وعدد اللفات بيعتمد على التيار المطلوب ... الى اخر الكلام .. وعشان التيار المستمر مش متردد مبيعملش مجال مغناطيسى وبالتالى استحالة يتولد تيار في الملف الثانوى ..


الخلاصة ان اللى بيفرق في الموضوع ده ان الـ AC له تردد والـ DC لا

معنى كدة كل ما التردد زاد يبقى امكانية استعمال المحول اسهل وتولد الجهد في الملف الثانوى هيبقى احسن مع التيارات الكبيرة بدون الحاجة لزيادة عدد اللفات في الملفين بشكل كبير

ده اللى بيحصل بالظبط
قبل ما يتم التحويل من الـ 220 للجهود الصغيرة 12 و 5
بيكون تم رفع التردد من 60 او 50 هرتز لـ مثلا 2 ميجا هرتز

وبكدة المحول هيبقى اصغر وفي نفس الوقت يستحمل تيارات كبيرة
وبعد كدة نحول الـ 12 والـ 5 لـ DC عن طريق الديودات عادى
وبكدة استفدنا من تكبير التردد مع عدم اختلاف في الخرج اللى هو 12 فولت مستمر

[amrelsaqqa]

نتكلم عن تانى حاجة
- مفيش فقد في الطاقة ومفيش حرارة مع الـregulation

ودى من اهم المميزات

لان الـregulator العادى بيبقى عبارة عن ترانزستورات و بيتم فقد جزء من الطاقة على صورة حرارة عشان يتم الـ regulation



الجزء المشرشر ده بيفقد على صورة حرارة ده في الريجيوليتر العادى

انما الفكرة هنا ببساطة ممكن تخيلها

ان الطاقة الكهربية دى عاملة زي المية و الريجيوليتر ده كأنه وعاء وهتملاه طاقة تنقلها لللود

بدل ما المية تفيض ( تبديد طاقة وحرارة )
لا انت تفتح الحنفية وتقفلها على قد ما انت عايز
والكلام ده بيحصل بسرعة جدا فتح وقفل فتح وقفل للترانزستورات


وبيتم تنفيذه عن طريق ان الفولت النهائى اللى خارج بيروح لدايرة بتقارنه بالفولت اللى عندها مسبقا ولو اقل تقوم مشغلة دايرة تكبير التردد اللى اتكلمنا عنها في المشاركة اللى فاتت يقوم المحول يشتغل و يطلع كهربا تتخزن في الملفات و المكثفات وتتنقل للـ لود

لحد ما الفولت بدأ يعلى تقوم تفصل الدايرة لحد ما يبدأ يقل ترجع تشغلها وهكذا بسرعة جدا




بعد كدة التحكم عن طريق زرار صغير وده من الاستاندرد برضه لاي باور سبلاى ATX وده بيتم عن طريق ترانزستورات بتتحكم في الدايرة بتاعت تكبير التردد برضه وبتفصلها او تشغلها


- الحماية والفصل التلقائى في حالة زيادة الحمل او حدوث قفلة
ودى عن طريق دواير برضه بتحس بالتيار و بتقارنه بأقصى قيمة عندها و لما تلاقي التيار وصل للحد الاقصى بتفصل برضه الدايرة بتاعت تكبير التردد تقوم فاصلة الباور تماما


ده بلوك ديجرام للموضوع ده كله بيلخصه



في الاول الكهربا الـ AC 220 بتدخل تتحول لـ DC على طول عن طريق 4 ديوادات عادى

بعد كدة الـ 220 DC ترجع تتحول تانى لـ 220 AC بس بتردد اعلى بكتير عن طريق دايرة لتكبير التردد وتحويل الـDC لـ AC

بعد كدة ييجى المحول يخفض الـ 220 العاليين التردد لـ 12 و 5 عاليين التردد برضه وبما ان التردد عالى فالمحول صغير

بعد كدة الـ 12 AC تتحول في الاخر لـ DC عن طريق ديودات وفلاتر

والخرج ده يروح يعمل فيد باك يشوف هيشغل الدايرة ولا هيقفلها على حسب الظروف

و بالنسبة للـ schematic بتاع الباور نفسها فده هيبقى ملعبك ومعقد جدا بس بناء على طلب الباشمهندس سمير هحطه هنا برضه



ودى صورة تانية اوضح شوية

http://i43.tinypic.com/21owztc.jpg

الكلام كان كتير بس المهم نبقى عارفين الفرق والاساسيات بس
انا حاولت ابسط على قد ما اقدر

بس اهم حاجة يبقى عندنا فكرة عن طبيعة عمل الباور سبلاى دى

وبرضه اللى عايز معلومات اكتر يشوف في الويكيبيديا

http://en.wikipedia.org/wiki/Switched-mode_power_supply

انا ان شاء الله هحاول ادور على دايرة تحس بالشحن وتفصل اوتوماتيك وتكون سهلة في تنفيذها عشان الشاحن يبقى امن و متكامل ان شاء الله :)