كيف نشخص موتور خفيف ؟

[samirayad]

لو متأكد فعلا من عدم وجود تسريب واضح

يبقى ممكن تكون نسبة حبك الشنابر على غرف الحريق من الداخل خفيفه

أو يوجد نقص فى كفاءة شنابر الزيت ( على فكره دى مشكلة المواتير الأستيراد للأسف )

على أساس أن المكنه المركونه وسورى فى اللفظ ( مرميه فى الساحه ) بدون تخزين صح

بتكون عرضه لهذه الأعراض

وهى أن مع الدواره ( بعد تسقيط المكنه بالسياره )
ومع أول دوارتين تلاته ....ممكن الشنابر تعمل زى الموس على غرف الحريق من الداخل وتخربشها وتوسعها وتبوظ حبكها الى حد ما

وهنا بأه ممكن نسبه من زيت التزييت تهرب لغرف الحريق وتتحرق بأستمرار مع شغل المكنه

وده تقريبا اللى بيحصل عندك

[mr_sameh]

لو متأكد فعلا من عدم وجود تسريب واضح

يبقى ممكن تكون نسبة حبك الشنابر على غرف الحريق من الداخل خفيفه

أو يوجد نقص فى كفاءة شنابر الزيت ( على فكره دى مشكلة المواتير الأستيراد للأسف )

على أساس أن المكنه المركونه وسورى فى اللفظ ( مرميه فى الساحه ) بدون تخزين صح

بتكون عرضه لهذه الأعراض

وهى أن مع الدواره ( بعد تسقيط المكنه بالسياره )
ومع أول دوارتين تلاته ....ممكن الشنابر تعمل زى الموس على غرف الحريق من الداخل وتخربشها وتوسعها وتبوظ حبكها الى حد ما

وهنا بأه ممكن نسبه من زيت التزييت تهرب لغرف الحريق وتتحرق بأستمرار مع شغل المكنه

وده تقريبا اللى بيحصل عندك

انا شاكر جدا انا فعلا سمعت ان دي شكوي عتمه في المواتير الاستيراد
طيب ايه الحل ؟

[samirayad]

الحل صعب الصراحه

ومش معقول موتور لسه مسقطه وحتخش فى صيانه وشنبر وغيره

طيب ماكنت عملت للقديم

عموما
حاول تستعمل زيت لزوجته أعلى من الزيت الحالى
لعل وعسى يأتى الخير ويقل معدل أستهلاك الزيت

_____________________

وممكن كجانب تشييك تعمل أختبار كبس للمحرك

علشان تشوف نسبته كام فى الميه

وفتش تانى ( تحت بيت الدبرياج وتحت حافظة سير الكاتينه )

يمكن يكون فيه سيل كرنك عاوز يتغير وأنت مش شايف مكان تسريب الزيت

لأنك بتقول السحب كويس برضه

[michohat]

موضوع جميل جدا ومعلومات قيمه ممكن تسمحوا لى ببعض الاسئله ( تدور كلها فى حاله انه الموتور فعلا خفيف ) ومحتاج اصلاح
هل يفضل اصلاح الموتور او استبداله؟
وهل تفرق ان العربية جديده ولا قديمه على اتخاذ القرار؟
هل يفرق ان الماتور متفتحش قبل كده او سبق اصلاحه على القرار؟

[samirayad]

بشكل عام فى أى مكنه

طالما عمود الكرنك والبلوك سلندر تمام

بمعنى

1- عمود الكرنك لا يحتاج خراطه

2- البلوك سلندر لا يحتاج توسيع booring

فأن أصلاح المحرك الأساسى للسياره

أفضل كثيرا من شراء محرك مستعمل

[SkyBird]

فأن أصلاح المحرك الأساسى للسياره

أفضل كثيرا من شراء محرك مستعمل

كلام سليم وبدأت اقتنع بيه مليون في المية
المشكلة الي تواجه المستهلك
ان الحاجات دي (الخراطه والتوسيع و..)تتعرف بعد فتح المكنة
الواحد مننا يروح للميكانيكي علشان يغير طقم شمبر يقولك لا دا البستم مش عارف فيه ايه و ايه ويحول نص العمرة لعمرة كاملة

ايه حل المشكلة دي ؟

[samirayad]

حالة المكنه كقطع بتبان بعد تفويرها من أجل الصيانه

فمثلا

1- المكنه عاوزه طقم شنبر ....
حتحتاج تطلع البساتم ....فحيبان معاك وضع جدران غرف الحريق من الداخل

تمام .....يبقى كمل وغير شنبر

تعبانه ومريجه وفيها تآكل ....وقالك نوسع أو نحط شنبر أستاندرد وحيبقى أحسن من الأول

قوله لا .....لمها زى ماكانت وهاتلك واحده أستيراد

وأحنا ونصيبنا ....وغالبا حتبقى معقوله عن الهلكانه دى

_____________________________


ونفس الوضع مع الكرنك

[mr_sameh]

الحل صعب الصراحه

ومش معقول موتور لسه مسقطه وحتخش فى صيانه وشنبر وغيره

طيب ماكنت عملت للقديم

عموما
حاول تستعمل زيت لزوجته أعلى من الزيت الحالى
لعل وعسى يأتى الخير ويقل معدل أستهلاك الزيت

_____________________

وممكن كجانب تشييك تعمل أختبار كبس للمحرك

علشان تشوف نسبته كام فى الميه

وفتش تانى ( تحت بيت الدبرياج وتحت حافظة سير الكاتينه )

يمكن يكون فيه سيل كرنك عاوز يتغير وأنت مش شايف مكان تسريب الزيت

لأنك بتقول السحب كويس برضه

طيب تنصحني بزيت ايه مع اني باستخدم شل الاصفر

[samirayad]

أنا بأستعمل موبيل xhp

جربه مره

مش حتخسر حاجه

[sheko2013]

طب هو سؤال بسيط انا العربية ماشية45000 فاكر كنت عملت قياس مستوى كفاءة الموتور قريب طلعت 76% هل دى نسبة كويسة ولا ايه

[samirayad]

طالما سحب العربيه معاك تمام والمكنه مبتكلش زيت

يبقى كفاءة الموتور أو (أى نسبة حبك ) مهما كانت زى الفل

[ehabbasha30]

السلام عليكم
عربيتى جولف 4- 1400 سى سى
عاملة 75000 كم
السحب والتسارع ممتاز
لا يوجد دخنة فى الشكمان
استهلاك البنزين معقول جدا
الشكمان بينطر مياة مش بيعرق
ولكن
1- دخان بسيط جدا فى خرطوم الهواية
2- بتاكل زيت بمعدل حوالى لتر او اقل فى غيار التلات الاف كم
3- اكتر سبب مضايقنى وهو فى المطلع تلاقى الكبس بتاعها قل جدا والكهربا بقت واطية جدا وعداد الآر بى ام بقى واطى جدا وصوتها بيبقى مقرف ( بتكركر) وبتبقى هتبطل لولا انى بعالجها برجلى وازود بنزين جامد
4- ( اثناء السير العادى ) احيانا بتبقى مظبوطة وزى الفل وساعات بتبقى الكهربا زيادة وبتكركر لما ازود بنزين

ياترى الاعراض دى بتقول اية ؟؟؟؟
وهل هتحتاج طقم شنبر فقط ولا ممكن تفتح ؟؟؟؟؟؟؟؟؟؟؟؟

وهل ممكن يكون سبب بعيد عن طقم الشنبر ؟؟ يعنى مثلا فى جهاز كهرباء العربية ( مش فاكر اسمة فاكيوم تقريبا او حاجة شبة كدة) ؟؟؟؟؟ وازاى اعرف ؟؟؟ اروح لميكانيكى يفك على طول ولا اكشف كمبيوتر الاول ياريت تفيدونى
كل الناس بتقوللى بيعها احسن - بس انا مستحرم ابيعها كدة واخلى غيرى يشيلها عشان برضو انا ببيع واشترى كتير ومرضاش لغيرى اللى مرضاهوش على نفسى - وكمان العربية سليمة جدا وعاجبانى ولسة مشبعتش منها


شـــــــــــــــــــــــــكرا مــــــقدما للــــــــــرد
اســـــــــــــف للاطالة بس حبيت اوضح كل نقطة عشان تكون الصورة واضحة

[samirayad]

أتأكد الأول أن سبب نقص الزيت

هو أن الزيت بيتحرق فعلا ومفيش قدامك أى تسريب واضح للزيت

وأعمل أختبار كبس وأنت تعرف الحاله صح عندك

ووقتها حتتأكد من حاجتك لطقم شنبر من عدمه

[ehabbasha30]

أتأكد الأول أن سبب نقص الزيت

هو أن الزيت بيتحرق فعلا ومفيش قدامك أى تسريب واضح للزيت

وأعمل أختبار كبس وأنت تعرف الحاله صح عندك

ووقتها حتتأكد من حاجتك لطقم شنبر من عدمه

اولا الف شكر لردك
ثانيا هى معرقة زيت من تحت الكارتيرة
بس مفيش اى نقط زيت بتكون تحت العربية لما اركن
مش عارف دة يبقى من اية بالظبط - ياريت تقوللى اكشف عليها فى محطة ولا عند ميكانيكى ؟
واى محطة بتعمل اختبار الكبس دة ولا فين بالظبط ( ممكن ميكانيكى من اللى عندهم كمبيوتر اعطال) ؟

[samirayad]

ثانيا هى معرقة زيت من تحت الكارتيرة

لا لازم تعالج الموضوع ده الأول

قبل أى حاجه

- دخان بسيط جدا فى خرطوم الهواية

لأن أما نجمع الأقتباس ده مع تعريق زيت من الكرتير

يبقى مكنتك كويسه ومش محتاجه طقم شنبر

وعندك سبب تانى لنقص السحب

ولا اكشف كمبيوتر الاول

ومفيش مايمنع أنك تراجع على دورة الأشعال ( بوبينا وأسبراتير وبوجيهات وأسلاك بوجيهات )

وتعمل كشف كمبيوتر لتحديد سبب نقص السحب الرئيسى


وياريت تكون مغير الفلاتر (بنزين وهواء )

لحسن تكون ناسيهم ودول يأثروا على سحب السياره أوى