الخوف الشديد من السواقة اعمل فية اية

[aif]

أخواتي الفاضلات
اعتقد ان التعليم في مركز التعليم مش كفاية
انتم محتاجين كام حصة تدريب مع مدربة محترفة
ده اللي عملته مه زوجتي وجاب نتيجة ممتازة ... ولغاية دلوقتي بتدعيلها بكل خير

[ehab_gamal]

للأسف مدارس القيادده الخاصه دي مش يتقول للمتدرب كل حاجه وده عن تجربه وخصوصا الشخص اللي بيعلم وبيكون في الاغلب عاوز يكمل برايفت مع المتدرب

[hobaz]

عادي جدا ده شيء طبيعي وحلها الوحيد الخبرة والممارسة وصدقيني ان 70% اذا مكنش اكتر خبطو وكحتو وخيشو (الا من رحم ربي) بس اهم حاجة انك تثقي في نفسك وانسي الكلام ده عادي جدا ومن الأخر الستر من ربنا.......

[SunSet]

فعلا المدارس مرحلة اولية فقط ولا يمكن الاعتماد الكلي عليها وقد تكون مضيعة للوقت فعلا

انا وانا في الدروس لقيت كل ما مدرب يتغير لازم يسألني معاك عربية

طبعا كنت باجاوب وانا مش فاهمة هم كلهم بيسألوا نفس السؤال ليه


سذاجة بقى
لكن بعد كدة فهمت

وصراحة انا لو حأجيب مدرب اخر حد افكر فيه الناس دول ما عدا واحد اللي كان بيعلمني المبادئ

اما بخصوص مدربة فكل ما أسأل حد من اللي اعرفهم يقولي على واحدة ولكن يقولولي بس ما ننصحكيش يها
!!!!!!!!!!!!!!!

[saso2010]

طب تقولي ايه في واحد عبيط وهوا بيتعلم في قريه سياحيه فاضيه تماما الساعه 1 الظهر
مفيش صريخ ابن يومين في القريه

وماشي في شارع عرضه 5 متر

وعلي يميني وشمالي رصيف

المهم انا بقي عاجبني باور العربيه اوي وعمال الف في الشارع واخد اللفه علي مره واحده
واذ فجاه
وانا بلف وعامل برم وبأيد واحده

دشششششششششششششششششششش
في عمود نور
وحظي المنيل العمود كان جمب الفيلا بتاعتنا

3 ثواني لقيت ابويا بره
وياابن ال طخ دش بوووووم يحرق دننننننن بومم

وعادي
معايا رخصه وجابلي عربيه

وحاليا اختي بتتعلم في مدرسه سواقه في مدينه نصر والدنيا حلوه

ماانا تقريبا حصل معايا كدة بس كنت بلف اليوترن والشارع فاضى وكان يوم جمعة وساعة صلاة وخبطت فى الرصيف كدة من غير سبب بس بجد دة يخلينا نقول الحمد للة لان ربنا هو اللى سترها معانا وفعلا الواحد مش بيتعلم ببلاش بس خلى بالك بقى بعد كدة وبلاش تهور لانى انا عن نفسى لما بلاقى حد جنبى ماشى بسرعة ومش فارقة معاة بحس انى هموت من الرعب ومبروك على الرخصة والعربية

[saso2010]

أخواتي الفاضلات
اعتقد ان التعليم في مركز التعليم مش كفاية
انتم محتاجين كام حصة تدريب مع مدربة محترفة
ده اللي عملته مه زوجتي وجاب نتيجة ممتازة ... ولغاية دلوقتي بتدعيلها بكل خير

يعنى رائى حضرتك ان المدربة افضل من المدرب بس انا بحس ان الستات مش بيعرفو يدربو كويس زى الرجالة وكنت عاوزة اتدرب فى البداية مع مدربة قالولى لا دى هتلخبطك اكتر
على العموم هدور على مدربة لو لقيت نفسى مش متمكنة اوى وربنا يسهل وشكرا لحضرتك على النصيحة

[saso2010]

فعلا المدارس مرحلة اولية فقط ولا يمكن الاعتماد الكلي عليها وقد تكون مضيعة للوقت فعلا

انا وانا في الدروس لقيت كل ما مدرب يتغير لازم يسألني معاك عربية

طبعا كنت باجاوب وانا مش فاهمة هم كلهم بيسألوا نفس السؤال ليه


سذاجة بقى
لكن بعد كدة فهمت

وصراحة انا لو حأجيب مدرب اخر حد افكر فيه الناس دول ما عدا واحد اللي كان بيعلمني المبادئ

اما بخصوص مدربة فكل ما أسأل حد من اللي اعرفهم يقولي على واحدة ولكن يقولولي بس ما ننصحكيش يها
!!!!!!!!!!!!!!!

بصى هو موضوع التدريب على السواقة دة اصبح تجارة انتى عارفة انا لحد دلوقتى صارفة الف جنية تدريب بس وكل مااسال المدرب اللى انا معاة دلوقتى يعنى لو اقدر اخرج بيها لوحدى يقولى لسة شوية وانا بقالى شهر بدرب بعد الخبطة اللى عملتها وكل دة عشان ياخد منى فلوس وشكرا بعد كدة ,للاسف مبقاش فى ضمير

[saso2010]

للأسف مدارس القيادده الخاصه دي مش يتقول للمتدرب كل حاجه وده عن تجربه وخصوصا الشخص اللي بيعلم وبيكون في الاغلب عاوز يكمل برايفت مع المتدرب

انت قلت المفيد بصراحة كلو بيضحك على كلو واحنا الضحايا

[saso2010]

[QUOTE=hobaz;3872700118]عادي جدا ده شيء طبيعي وحلها الوحيد الخبرة والممارسة وصدقيني ان 70% اذا مكنش اكتر خبطو وكحتو وخيشو (الا من رحم ربي) بس اهم حاجة انك تثقي في نفسك وانسي الكلام ده عادي جدا ومن الأخر الستر من ربنا.......[/QUOT

صح طبعا وكلامك بجد هفتكرو خاصة لما اطلع بيها لوحدى لانى فعلا محتاجة ثقة وربنا يكرمك على كلامك المريح دة
وفعلا الستر من عند ربنا

[saso2010]

لو المدرب مش مريحك
غيريه

انا حصلت لى نفس القصة
مدب عامل زى العداد ويكروت علشان يفتح حصة جديدة
اول ما استلمت
جبت سواق من الشغل علمنى
لو عايزة ممكن اكلمه ليكى
تانى حاجة
شيء طبيعى انك تفضلى خايفة شوية
بس حاولى انك تتغلبى على الموضوع ده
احنا كلنا بنغلط فى السواقة

اولا مرسى جدا لرد حضرتك ثانيا انا حاسة انى الفترة دى بقيت اسوق كويس كبداية طبعا بس هو عمال يخوفنى ويقولى لا متخرجيش بيها لوحدك كل دة طبعا عشان العداد وعشان ازود عدد الحصص انا بقالى شهر بتعلم دة انا حتى زهقت من روحى يمين وروحى شمال ودوسى فرامل ياة دة انا بدعى ربنا انى اخلص منة لانة بيقعد يتعصب عليا لدرجة واللة انى فى مرة عيطت منة ولما صعبت علية قالى اصل انا متخانق مع مراتى طب انا زنبى اية
وفعلا زى ماحضرتك بتقول كلنا بنغلط فى السواقة دة امر طبيعى

[saso2010]

الموضوع ممارسة مش اكتر جمدى قلبك انا واحدة زميلتى كانت جايبة بيكانتو زيرو و متعلمة السواقة عليها طبعا فى الاول هزرت مع اتوبيس و عملت حادثة بس دلوقتى بتسوق زى الجن و غرز و حركات

ياخبر هو فى حد يهزر مع اتوبس دة انا لما بشوفة بعيد بترعش بس الحمد للة انها عدت على خير ويارب بس اعمل غرزة واحدة مش غرز ومرسى جدا على الرد وهحاول اجمد قلبى

[saso2010]

انا اول مااتعلمت كانت سواقتي كلها علي الزراعي فوالدي فضل اكتر من اسبوع رايح جاي كل يوم معايا
ييجي الصبح معايا الشغل ويروح بالعربيه واخر النهار ييجي بالعربيه وانا اسوق
مره قاللي هات الخامس كنت ملخوم ومرعوب وقلتله لا خليه دلوقتي وبعديها مره جبته والسرعه نزلت ل 60 ومبقتش عارف اعمل حاجه

بعديها بسنه واحد صاحبي كان بيركب معايا ومره قاللي الحمد لله اني خلفتلي عيليين قبل مااركب معاك
كننت بهريييه واخليه قاهد مربع علي الكرسي

هههههههههه انا بقى اخرى التالت وببقى حاسة انى سريعة اوى والرابع دة اعتقد انى هجيبة فى العطلات والاعياد والمناسبات الرسمية وربنا يستر
ومرسى جدا على الرد

[lobna_yaseen]

أنا كمان لسه متعلمه قريب والحمد لله فيه تقدم بس عارفه إيه السبب؟ الجرأه وفى نفس الوقت تعملى حسابك إنك ممكن تقفى فى أى وقت فاعملى حسابك فى المسافه من بعد العربيه اللى قدامك يعنى تشوفى الشارع هيقف ولالأ من بعيد وكمان ماتنسيش العربيه اللى قدامك لما يهدى بالنور بتاع الفرامل اللى هيظهر قدامك معناها إنك لازم تهدى وتدوسى فرامل إنتى كمان وطبعا لو هتهدى لغاية ماتقف العربيه قبل ماتقف بثوانى لازم تكونى دايسه دبرياج مع الفرامل عشان العربيه ماتبطلش واللى اتعلمته من المنتدى ده إنك لازم لما تقفى تدوسى على الفرامل مرتين تلاته بالتدريج علشان الفرامل تدى استجابه أسرع وكمان لما تلفى أى ملف لازم تكونى دايسه دبرياج عشان تحافظى على الكبالن وعموما هى الحكايه وقت بس أنا نفسى ييجى اليوم اللى أضحك فيه على نفسى وأقول أنا كنت مستصعبه السواقه للدرجه دى؟؟!! زى ماالناس اللى بقوا خبره وكل مايشوفوا واحد لسه بيتعلم لازم (الكل مشترك فى الكلمه دى) يقولوا بكره تفتكرى الأيام دى يارب أكون منكم قريبا وكل اللى بيتعلم جديد

[sara2001]

انا كمان لسه بتعلم السواقه واول ما بدأت كنت شايفه ان السواقه كارثه بمعنى الكلمه مش بعرف انام وعصبيه وشايله هم العربيه اللي تحت البيت اللي منتظراني اسوقها
واللي حواليكي في البيت والأصدقاء اللي فجأة جالهم احساس ان انا شوماخر مش واحده لسه بتتعلم وكل اللي اخدته 8 حصص في مدرسه خاصه من سنه علشان اطلع الرخصه
طبعا اول ما نزلت بيها بعد الرخصه خبطها على الكوبري بس الحمدلله كانت خبطه بسيطه وكنت واخده مدرب جديد لسه مش مستوعب انه يصبر على لغاية ما اخد على ابعاد العربيه والدريكسيون
نزلت معاه 4 مرات بس والأخيره كانت هتكون كارثه بس ربنا ستر وعقدني بجد في السواقه وفكرت ابيع العربيه 100 مره
وسيبت العربيه تقريبا 10 ايام لغاية ما نفسيتي اتحسنت ورجعت اتعلم تاني مع مدرب كويس
المدرب بيفرق جدا على فكره لو مش مطمئنه انه هيعرف يتصرف او يوجهك صح نصيحه لازم تغيريه
الحمدلله الخوف دلوقتي قل بس موجود في الطرق السريعه والزحمه
ولسه بتعلم ومش بنزل بيها لوحدي الموضوع عايز تدريب كتير
وربنا معاكي وتسوقي بسرعه
انا اسفه اذا كنت طولت عليكي

[saso2010]

انا كمان لسه بتعلم السواقه واول ما بدأت كنت شايفه ان السواقه كارثه بمعنى الكلمه مش بعرف انام وعصبيه وشايله هم العربيه اللي تحت البيت اللي منتظراني اسوقها
واللي حواليكي في البيت والأصدقاء اللي فجأة جالهم احساس ان انا شوماخر مش واحده لسه بتتعلم وكل اللي اخدته 8 حصص في مدرسه خاصه من سنه علشان اطلع الرخصه
طبعا اول ما نزلت بيها بعد الرخصه خبطها على الكوبري بس الحمدلله كانت خبطه بسيطه وكنت واخده مدرب جديد لسه مش مستوعب انه يصبر على لغاية ما اخد على ابعاد العربيه والدريكسيون
نزلت معاه 4 مرات بس والأخيره كانت هتكون كارثه بس ربنا ستر وعقدني بجد في السواقه وفكرت ابيع العربيه 100 مره
وسيبت العربيه تقريبا 10 ايام لغاية ما نفسيتي اتحسنت ورجعت اتعلم تاني مع مدرب كويس
المدرب بيفرق جدا على فكره لو مش مطمئنه انه هيعرف يتصرف او يوجهك صح نصيحه لازم تغيريه
الحمدلله الخوف دلوقتي قل بس موجود في الطرق السريعه والزحمه
ولسه بتعلم ومش بنزل بيها لوحدي الموضوع عايز تدريب كتير
وربنا معاكي وتسوقي بسرعه
انا اسفه اذا كنت طولت عليكي

بصى ياسارة تقريبا كل كلامك دة ينطبق عليا بس انا بحاول مش بخلى الاحباط يسيطر عليا وبعدين حاولى تشجعى نفسك وادى لنفسك الثقة وربنا انشاء اللة هيكون معانا لان احنا فعلا بنحاول وبنجتهد وعارفة هى اول طلعة بس ربنا يدينا الثقة
وانشاء اللة نسوق كويس بس حاولى ماتسبيش العربية وتوكلى على اللة وانا معاكى بردة هاخد الثقة وانطلق وربنا يستر
وبعدين انتى ماطولتيش عليا ولا حاجة بالعكس دة احنا بنشجع بعض