أرجو الإيضاح علميا: لماذا نفصل الفتيس عن المحرك بالضغط على الدبرياج أثناء نقل الحركة؟

[yoko]

-على السلانسيه والفتيس في وضع المور : الحلقة البنفسجية ستكون في الوسط بين الترسين أي غير معشقة لأي منهما
في وضع المور الحلقة البنفسجيه بتكون متحركة والتروس اللبني مش متوصله بالحمراء أصلا
2-نضغط على الدبرياج لفصل الترس الأخضر عن الأحمر وبذلك نتمكن من تحريك الحلقة البنفسجية لتعشق في أي ترس نريده
لما
لما بتضغط دبرياج الترس الأخضر بيتفصل من الموتور يعني الدبرياج المفروض لسه على الشمال (مش ظاهر في الرسمة أصلا)

لو نقلت من غير دبرياج فرق النسب بين النقلة والنقله هتخلي التروس تخبط في بعض جامد جدا ومش هتعشق وكمان الالتروس ممكن تتكسر

[M.Nasr]

جميل جدا يا باش مهندس الكلام ده كله أنا فاهمه
بس الإشكالية دلوقتي
هي أن إيه اللي بيعمل الصوت العالي أو الزعقة اللي بتحصل لما بحرك الفتيس من غير ما أضغط دبرياج
أنا لما بحرك عصاية الفتيس بحرك الحلقة البنفسجية ليه مبتتحركش وبيحصل الصوت ده بينما لو ضغط على الدبرياج الموضوع هيتم بسلاسة؟؟؟؟

ليه مبتتحركش وبيحصل الصوت ده بينما لو ضغط على الدبرياج الموضوع هيتم بسلاسة؟؟؟؟هذه الجملة هي المشكلة
مع أن المفروض زي ما حضرتك قلت أنك ينفع تنقل في وقت معين من غير ما تضغط دبرياج طيب ليه في الوقت المعين ده بالذات ومش في أي وقت مع عدم وجود ما يعوق حركةالcollar

ببساطة شديدة جدا من الصعب من وجهة نظر الميكانيكا ان حضرتك تركب جزئين سرعتهم مختلفة على بعض بحركة مفاجأة يعنى كدا مرة واحد تلزقهم فى بعض ماينفعش الاتنين هيتكسرو او جزء هيكسر التانى
هى نفس الفكرة هنا لو حضرتك عشقت نقلة من غير ماتدوس دبرياج يعنى لسه فى حركة منقولة من الموتور يعنى فيه قوة مؤثرة اثناء التعشيق ودى هتسبب ان سنون ال collar ده مش هتركب مع سنون الترس بسهولة طول مافيه قوة حايشاهم يعشقو مع بعض لكن لو حضرتك فصلت الحركة اللى جاية من الموتور دى هتلاقيه عشقت معاك بسلاسة ده امر طبيعى .

[الصيداح]

انا هامشى مع حضرتك مع الصورة اللى حاطيتها فرضا ان دى هى نفسها اللى فى اى عربية مانيوال

هو اللى بيحصل ان الترس الاخضر اللى هو بينقل الحركة من الموتور لعلبة التروس مش بيتحرك زى ماحضرتك متخيل هو كده كده ثابت مع الترس الاحمر والدبرياج لما بتدوس عليه بيفصل الكلاتش clutch عشان ماينقلش حركة من الموتور للجيربوكس وبالنسبة للترسين اللى لونهم ازرق واحد بس منهم بيشتغل ينقل الحركة والتانى بيلف على الفاضى لحد مايتعشق بعصاية الفتيس يقوم هو اللى ينقل الحركة والاول يلف على الفاضى وفى وضع المور بيكون ال collar ده اللى لونه بنفسجى فى النص بين الترسين اللى لونهم ازرق وفى الحالة دى بيكونو الترسين بيلفو على الفاضى مش ملحومين يعنى فى العامود الاصفر اللى رايح لل differntial

الجملة اللي متلونة بأحمر دي
هو الترس الأزرق اللي مش متعشق مبيلفش خالص مش بيلف على الفاضي
اللي بيلف فقط هو الترس الأزرق المتعشق مع الكولار
المفروض تبقى كدة ولا ايه رأي حضرتك

[yoko]

الجملة اللي متلونة بأحمر دي
هو الترس الأزرق اللي مش متعشق مبيلفش خالص مش بيلف على الفاضي
اللي بيلف فقط هو الترس الأزرق المتعشق مع الكولار
المفروض تبقى كدة ولا ايه رأي حضرتك

لأ بيلف على الفاضي لإنهم متركبين على عمود واحد يعني التروس الزرقاء بتلف مع بعض وبسرعة زاويه واحده وكمان الحمراء بيلفوا مع بعض وبسرعة زاويه واحده

[M.Nasr]

الجملة اللي متلونة بأحمر دي
هو الترس الأزرق اللي مش متعشق مبيلفش خالص مش بيلف على الفاضي
اللي بيلف فقط هو الترس الأزرق المتعشق مع الكولار
المفروض تبقى كدة ولا ايه رأي حضرتك

حضرتك بس اتفرج على الصورة وحاول تتخيل وهى فيها حركة هتعرف ان كلامى صح لأن الترسين الازرق متعاشقين اصلا مع الترسين الاحمر

[الصيداح]

العفو الصيداح...........السبب أختلاف السرعة مابين الشافتين والفيديو ده ظريف برده
youtube - how a clutch works - internals of transmission and clutch assembly

الفيديو جميل فعلا تسلم أيدك
طيب إختلاف السرعة ده بين أنهي عمودين؟

لو نقلت من غير دبرياج فرق النسب بين النقلة والنقله هتخلي التروس تخبط في بعض جامد جدا ومش هتعشق وكمان الالتروس ممكن تتكسر

ألف شكر للمشاركة يا غالي
بس إزاي التروس الحمراء مش متوصلة مع الزرقاء أمال إيه اللي بنقل الحركة من التروس الحمراء للزرقاء
مع إن كل نواقل الحركة اللي شوفتها بتبقى علطول متوصلين ببعض

ببساطة شديدة جدا من الصعب من وجهة نظر الميكانيكا ان حضرتك تركب جزئين سرعتهم مختلفة على بعض بحركة مفاجأة يعنى كدا مرة واحد تلزقهم فى بعض ماينفعش الاتنين هيتكسرو او جزء هيكسر التانى
هى نفس الفكرة هنا لو حضرتك عشقت نقلة من غير ماتدوس دبرياج يعنى لسه فى حركة منقولة من الموتور يعنى فيه قوة مؤثرة اثناء التعشيق ودى هتسبب ان سنون ال collar ده مش هتركب مع سنون الترس بسهولة طول مافيه قوة حايشاهم يعشقو مع بعض لكن لو حضرتك فصلت الحركة اللى جاية من الموتور دى هتلاقيه عشقت معاك بسلاسة ده امر طبيعى .

تسلم يا غالي
بس العملية وسعت عليا شوية أنا قاعد كدة بحاول أفهم ربنا ييسر
جزاك الله كل خير

[M.Nasr]

لأ بيلف على الفاضي لإنهم متركبين على عمود واحد يعني التروس الزرقاء بتلف مع بعض وبسرعة زاويه واحده وكمان الحمراء بيلفوا مع بعض وبسرعة زاويه واحده

تمام كده يا يوكو انت فهمت انا قصدى ايه وعلى فكرة احنا لازم نعتبر ان الصورة دى حالة خاصة من الجيربوكس

[otefa]

الفيديو ده فيه السيستم السينكرويزاشن ألي بيخليك ممكن تنقل من غير دبرياج وفيه تفسير واضح ليه الصوت بيطلع وأهو مراجعة ظريفة للموضوع لأني كنت ناسي الوصلات النحاس (للتوافق)

YouTube - How a synchronized manual transmission works.

[الصيداح]

حضرتك بس اتفرج على الصورة وحاول تتخيل وهى فيها حركة هتعرف ان كلامى صح لأن الترسين الازرق متعاشقين اصلا مع الترسين الاحمر

أيوة معلش كدة صح هو بيلف نتيجة حركة الموتور على الترس الأحمر اللي هو متوصل بيه دائما مش حركة العجل كدة تمام ولا ايه

[M.Nasr]

تسلم يا غالي
بس العملية وسعت عليا شوية أنا قاعد كدة بحاول أفهم ربنا ييسر
جزاك الله كل خير

يا باشا تحت امرك فى اى سؤال اتمنى بس اكون قدرت اوصل لحضرتك الصورة

[yoko]

بس إزاي التروس الحمراء مش متوصلة مع الزرقاء أمال إيه اللي بنقل الحركة من التروس الحمراء للزرقاء
مع إن كل نواقل الحركة اللي شوفتها بتبقى علطول متوصلين ببعض

لأ متوصلين مع بعض بس الفتيس بيبقى أعقد من كده يعني التروس الزرقاء بيبقوا أكتر من كده حوالي 4 أو 5 وكمان الحمراء ومش دايما كلهم متوصلين بتفرق على حسب النقلة

[otefa]

وفعليا أنا مجرب النقلات من غير دبرياج وفي البايك كمان ......... زي ما الجماعة قالو
بس الموضوع بيبقي عايز حرص شوية وتوافق بالسينس بين الأ ربي أم والنقلات

[M.Nasr]

أيوة معلش كدة صح هو بيلف نتيجة حركة الموتور على الترس الأحمر اللي هو متوصل بيه دائما مش حركة العجل كدة تمام ولا ايه

تمام كده والcollar البنفسجى هو اللى ثابت على العامود ولما يتعشق مع ترس من الترسين الازرق بياخد منهم الحركة وينقلها للعامود اللى رايح لل differntial

[yoko]

شوف الموضوع ده كده يفهمك الدنيا حلو أوي
HowStuffWorks "How Manual Transmissions Work"

[الصيداح]

تمام كده والcollar البنفسجى هو اللى ثابت على العامود ولما يتعشق مع ترس من الترسين الازرق بياخد منهم الحركة وينقلها للعامود اللى رايح لل differntial

تمام أوي أنت كدة إتفقت معاي في أهم نقطة فسر لي بقى علشان الإشكال ده يروح
لما بضغط دبرياج مفيش حركة واصلة من الموتور للتروس الحمراء ........... تمام؟
أنا مورت العربية خلي بالك كل ده وهي ماشية
بقت التروس الزرقاء بتلف مع التروس الحمراء بالقصور الذاتي للتروس الحمراء والكولار ماشي مع العجل بسرعة مختلفة
لأن بمرور الوقت التروس الحمراء سرعتها هتقل فأصبحت التروس الحمراء والزرقاء ذات سرعة أبطأ من الكولار المتصل بالعجل فكيف سيتم التعشيق مع إختلاف سرعة العمودين؟