أرجو الإيضاح علميا: لماذا نفصل الفتيس عن المحرك بالضغط على الدبرياج أثناء نقل الحركة؟

[yoko]

تمام أوي أنت كدة إتفقت معاي في أهم نقطة فسر لي بقى علشان الإشكال ده يروح
لما بضغط دبرياج مفيش حركة واصلة من الموتور للتروس الحمراء ........... تمام؟
أنا مورت العربية خلي بالك كل ده وهي ماشية
بقت التروس الزرقاء بتلف مع التروس الحمراء بالقصور الذاتي للتروس الحمراء والكولار ماشي مع العجل بسرعة مختلفة
لأن بمرور الوقت التروس الحمراء سرعتها هتقل فأصبحت التروس الحمراء والزرقاء ذات سرعة أبطأ من الكولار المتصل بالعجل فكيف سيتم التعشيق مع إختلاف سرعة العمودين؟

ارد على حضرتك أنا حضرتك بتكون دايس دبرياج فبالتالي التروس الحمراء حرة مفيش قوة مؤثرة عليها فلما تعشق سرعة العجل هي الي هتحرك جميع التروس ولما تسيب دبرياج سنة سنة الموتور هيبتدي هو الي يحرك التروس

[الصيداح]

ارد على حضرتك أنا حضرتك بتكون دايس دبرياج فبالتالي التروس الحمراء حرة مفيش قوة مؤثرة عليها فلما تعشق سرعة العجل هي الي هتحرك جميع التروس ولما تسيب دبرياج سنة سنة الموتور هيبتدي هو الي يحرك التروس

تمام والله أنا فاهم دي
بس اللي مش فاهمه وخاصة أن في الكلام اللي فات قولنا أن مينفعش ميكانيكيا تعشق ترس ذو سرعة عالية مع أخر ذو سرعة أقل لأن هيحصل كسر بسبب إختلاف القوى
طيب المشكلة دلوقتي في التعشيق نفسه مع إختلاف سرعة العمود الواصل من العجل وسرعة العمود الأحمر المحرك للتروس جميعها الأحمر والأزرق في حالة المور

[otefa]

تمام والله أنا فاهم دي
بس اللي مش فاهمه وخاصة أن في الكلام اللي فات قولنا أن مينفعش ميكانيكيا تعشق ترس ذو سرعة عالية مع أخر ذو سرعة أقل لأن هيحصل كسر بسبب إختلاف القوى
طيب المشكلة دلوقتي في التعشيق نفسه مع إختلاف سرعة العمود الواصل من العجل وسرعة العمود الأحمر المحرك للتروس جميعها الأحمر والأزرق في حالة المور

شوف كده الفيديو الأخير أبتداء من الدقيقة 3.53 هاتلاقي الرد

[الصيداح]

الإخوة الأكارم الذين شاركونا إبداعاتهم
مش عارف أقولكم ايه غير جزاكم الله كل الخير
تعبتكم معايا
ممتن جدا لسرعة متابعتكم للموضوع
ألف شكر
وبإذن الله هركز في الموضوع شوية ولو عارضني شئ سأستفسر منكم
الإخوة
M.Nasr
otefa
yoko
amrelsaqqa

بارك الله لكم

[M.Nasr]

يافندم احنا تحت امرك واحنا كلنا هنا عشان نستفيد من بعض
واشكرك عشان حضرتك خليتنى افتكر حاجات بقالى كتير مافتحتهاش

[amrelsaqqa]

انا اسف جدا انى رديت رد واحد وسبت الموضوع ،

طبعا كان حوار ممتع جدا ومشاركات الاعضاء كانت اكتر من رائعة
بس ده طبعا ما يمنعش انى اكمل كلامى، يمكن كلامى يوصل الحلقة المفقودة في الموضوع
--------------
هو مبدئيا كدة ، الفتيس اللى بنتكلم عليه في مشاركة حضرتك ده مبسط جدا وبدائي جدا و وبيوضح الفكرة بس انما اللى موجود في اغلب العربيات بيختلف عنه في حاجتين اساسايتين : وجود الـsychronizers و وجود اكتر من نقلتين + نقلة ريفيرس

هنشرح الفتيس المبسط وبعدين هنشرح التعديل اللى بيتضاف عليه ( السنكرونايزرز )


طبعا حضرتك بتسأل ليه لازم اضغط دبرياج وتقريبا ده هدف الموضوع كله مش كدة ؟؟

هقولك معلومة كدة وخليها على جنب دلوقتى ، في الفتيس المبسط ده لازم ندوس دبرياج مرتين كمان مش بس مرة واحدة ! ( ندوس ونشيل وندوس ونشيل ) عشان العربية تاخد نقلة

ليه بقى ؟ ده هيبان لما نفهم في الاخر
طبعا واضح ان حضرتك عايز تعرف بالتفصيل عشان كدة بقى استحملنى :D


خليك معايا واحدة واحدة وعينك على الرسمة :



1- المحور الاخضر ده جاى من الدبرياج ، يعنى واخد قدرة الموتور بعد تأثير الدبرياج عليها سواء متحرر او لا ، يعنى زي ما قال يوكو الدبرياج مش موجود في الرسمة اصلا

2 - الترس الاخضر هو ومحوره الاخضر حاجة واحدة

3 المحور الاحمر حتة واحدة بالتروس بتاعته و متعشق مع الاخضر بشكل دائم ، والدبرياج مالوش دعوة بالحتة دى يعنى لا بيفصل ولا بيوصل هنا بين الاخضر والاحمر ، (احنا جوة الفتيس والدبرياج برة الرسمة زي ما قلنا )

4 - نستنتج من كدة ان المحور الاخضر و الاحمر بتروسهم كلهم حاجة واحدة وبيدوروا دايما مع بعض في كل سرعات ونقلات العربية


5- المحور الاصفر هو والكولار البنفسجى ماشيين مع بعض بس الكولار ممكن يتحرك لورا وقدام بس في نفس الوقت محافظ على سرعته مع المحور (يعنى تقدر تقول ان المحور الاصفر فيه حتة مشطوفة او مربعة بيبات فيها الكولار ويتحرك لورا ولقدام مع احتفاظه بنفس سرعة المحور)

6- التروس الزرقاء راكبة على المحور الاصفر على بلي ( يعنى بيستقبلوا الحركة من المحور الاحمر و بيلفوا على الفاضى بعيد عن الاصفر )
7 - كون التروس الزرقاء بتلف على الفاضى ، ده بيخليها تلف بسرعات مختلفة عن بعضها حسب حجم كل ترس فيهم وعدد اسنانه الخارجية



8 - في وضع المور ، الحركة جاية من الموتور وداخلة على المحور الاخضر والاحمر لحد التروس الزرقاء الللى بتلف على الفاضى وتفضل تلف على الفاضى ، كل ده والمحور الاصفر في التراوة ولا دارى بالدنيا ، والعربية ككل تكون واقفة او ماشية بقصور ذاتى


9 -عند التعشيق : يتم تحريك الكولار لورا او لقدام بحيث يخش في الترس الازرق وش في وش ( يعنى الفصل والتعشيق بيكون وش في وش بس ، انما اي تروس متوصلة محيطيا زي الحمرا مع الزرقا و الحمرا مع الخضرا بيكونوا متوصلين دايما وشكل سنونهم مالوش دعوة بسلاسة التعشيق لأنهم متعشقين باستمرار ، مهمة الحتة دى )

10 - بعد التعشيق ودخول الكولار في الترس الازرق يتحرك العمود الاصفر ( عشان الترس الازرق مابقاش يلف على الفاضى والكولار اللى دخل فيه اجبره يلفف العمود الاصفر معاه ولغى تأثير البلي)

11- اختلاف سرعة كل ترس ازرق في كل مرة حسب النقلة تعمل فرق في السرعة بين الدخل والخرج وده الهدف من الفتيس في الاساس


12- عودة الكولار في الوسط تمور العربية تانى

------




تتبقى المشكلة الكبرى هى ازاى هنعشق الكولار في الترس الازرق وش في وش وهم الاتنين بيتحركوا وبسرعات مختلفة ، او احدهما ثابت والاخر متحرك ؟

[amrelsaqqa]

نكمل كلام وكنا بنقول
المشكلة الكبرى هى ازاى هنعشق الكولار في الترس الازرق وش في وش وهم الاتنين بيتحركوا وبسرعات مختلفة ، او احدهما ثابت والاخر متحرك ؟


السيناريو بيكون كالآتى ( وافتكر انى قلت في الاول هندوس دبرياج مرتين !!) طبعا ده في الفتيس البدائى بس :

بفرض ان السيارة فعلا واخدة النقلة الاولى وماشية على الاول ودايسين بنزين وعايزين ننقل على التانى

1 - نرفع رجلنا من ع البنزين و ندوس دبرياج ، عشان نلغى تأثير الموتور على الترس الازرق (يعنى بالبلدى نخلى الترس الازرق تابع لحركة الكولار بدل ما الكولار هو اللى تابع له فيخلى فصل الكولار ممكن وتبقى الكلمة كلمة الكولار في الاخر ويقدر يطلع برة ، اظن كدة بدأ يتضح ليه بندوس دبرياج ، مش كدة ؟ )

2 - نحرك العصاية لوضع المور فيخرج الكولار من الترس الازرق بسهولة ويرجع في الوسط

3 في اللحظة دى انفصل عمود الخرج عن عمود الدخل ورجعت التروس الزرقاء كلها تلف على الفاضى بسرعات مختلفة


4 - عملية التموير تمت بنجاح اذا نرفع رجلنا من على الدبرياج

5 - دلوقتى العربية ممورة والكولار ماشى بسرعة معينة غير الترس الازرق بتاع الغيار التانى اللى واخد سرعته من الموتور ، طيب ازاى هندخل الكولار تانى في الترس الجديد ؟

6 - هنا بقى ندوس بنزين بسيط والعربية ممورة (بس مش دايسين دبرياج) لحد ما نساوى سرعة الترس الازرق بتاع الغيار التانى بسرعة االكولار ( صعبة جدا العملية دى عشان كدة طوروا الفتيس بعد كدة )

7 ندوس دبرياج تانى ، ونجيب التانى بسرعة ونسيب دبرياج تانى وطبعاا عشان عملنا الخطوة 6 وساوينا السرعات هنلاقى الكولار دخل في الترس الازرق التانى بسلاسة و العربية كملت مشي بنفس سرعتها مع الفرق انها على سرعة موتور اقل وده معناه فتح المجال مرة اخرى لتزويد سرعة الموتور و العربية تقدر تجيب بالتانى سرعات اعلى من اللى كانت جايباها وهى على الاول

8 - يبقى كدة دسنا مرتين ( double clutching ) مرة عشان نمور ورجعنا رفعنا عشان نساوى السرعات ورجعنا دسنا تانى عشان نحرك العصاية للغيار التانى وسبنا الدبرياج في الاخر خالص طبعا

9 - طبعا اي غلطة في اللى فات ده هنسمع صوت زعقة اللى هى ناتجة عن احتكاك وجه الكولار بوجه الترس الازرق



في الفتيسات العملية ، بيبقى فيه سنكرونايزر يظبط السرعات لوحده ويخلينى ادوس مرة واحدة دبرياج ( بدل ما ارفع رجلى عن الدبرياج في المرة الاولى واظبط السرعة بدواسة البنزين بنفسى وارجع ادوس تانى عشان انقل)
السنكرونايزر ببساطة فكرته انه هيعمل تجويف مخروطى مرتكز على بلي بطريقة معينة في الكولار من الوجهين + بروز مخروطى في وجه الترس الازرق المقابل بحيث قبل ما السنون تخبط في بعضها تكون المخاريط دخلت في بعضها والبلي امتص الصدمة وساوى السرعات لوحده و بكدة ندوس دبرياج مرة واحدة بس بدل مرتين

وطبعا في الفتيس العملى برضه بيكون في اكتر من كولار واكتر من ترسين زرق بنسب مختلفة عشان تعدد النقلات 1 و 2و 3 و 4 و5 وطبعا في النقلة بتاعت الريفرس بيدخل ترس تالت صغير في الوسط يعكس اتجاه الدوران وده الترس الوحيد اللى بيتعشق محيطيا وطبعا بدون سنكرونايزر وعشان كدة لازم يتم والعربية متوقفة تماما والا هنسمع صوت الزعقة المعروفة بتاعت المارشدير

[amrelsaqqa]

توضيح للسنكرونايزر من موقع howStuffWorks

[M.Nasr]

باشمهندس عمرو الله ينور عليك شرح اكتر من رائع ومعلومات مفيدة جدا احييك بشدة وجزاك الله كل خير

[الصيداح]

انا اسف جدا انى رديت رد واحد وسبت الموضوع ،

طبعا كان حوار ممتع جدا ومشاركات الاعضاء كانت اكتر من رائعة
بس ده طبعا ما يمنعش انى اكمل كلامى، يمكن كلامى يوصل الحلقة المفقودة في الموضوع
--------------
هو مبدئيا كدة ، الفتيس اللى بنتكلم عليه في مشاركة حضرتك ده مبسط جدا وبدائي جدا و وبيوضح الفكرة بس انما اللى موجود في اغلب العربيات بيختلف عنه في حاجتين اساسايتين : وجود الـsychronizers و وجود اكتر من نقلتين + نقلة ريفيرس

هنشرح الفتيس المبسط وبعدين هنشرح التعديل اللى بيتضاف عليه ( السنكرونايزرز )


طبعا حضرتك بتسأل ليه لازم اضغط دبرياج وتقريبا ده هدف الموضوع كله مش كدة ؟؟

هقولك معلومة كدة وخليها على جنب دلوقتى ، في الفتيس المبسط ده لازم ندوس دبرياج مرتين كمان مش بس مرة واحدة ! ( ندوس ونشيل وندوس ونشيل ) عشان العربية تاخد نقلة

ليه بقى ؟ ده هيبان لما نفهم في الاخر
طبعا واضح ان حضرتك عايز تعرف بالتفصيل عشان كدة بقى استحملنى :d


خليك معايا واحدة واحدة وعينك على الرسمة :



1- المحور الاخضر ده جاى من الدبرياج ، يعنى واخد قدرة الموتور بعد تأثير الدبرياج عليها سواء متحرر او لا ، يعنى زي ما قال يوكو الدبرياج مش موجود في الرسمة اصلا

2 - الترس الاخضر هو ومحوره الاخضر حاجة واحدة

3 المحور الاحمر حتة واحدة بالتروس بتاعته و متعشق مع الاخضر بشكل دائم ، والدبرياج مالوش دعوة بالحتة دى يعنى لا بيفصل ولا بيوصل هنا بين الاخضر والاحمر ، (احنا جوة الفتيس والدبرياج برة الرسمة زي ما قلنا )

4 - نستنتج من كدة ان المحور الاخضر و الاحمر بتروسهم كلهم حاجة واحدة وبيدوروا دايما مع بعض في كل سرعات ونقلات العربية


5- المحور الاصفر هو والكولار البنفسجى ماشيين مع بعض بس الكولار ممكن يتحرك لورا وقدام بس في نفس الوقت محافظ على سرعته مع المحور (يعنى تقدر تقول ان المحور الاصفر فيه حتة مشطوفة او مربعة بيبات فيها الكولار ويتحرك لورا ولقدام مع احتفاظه بنفس سرعة المحور)

6- التروس الزرقاء راكبة على المحور الاصفر على بلي ( يعنى بيستقبلوا الحركة من المحور الاحمر و بيلفوا على الفاضى بعيد عن الاصفر )
7 - كون التروس الزرقاء بتلف على الفاضى ، ده بيخليها تلف بسرعات مختلفة عن بعضها حسب حجم كل ترس فيهم وعدد اسنانه الخارجية



8 - في وضع المور ، الحركة جاية من الموتور وداخلة على المحور الاخضر والاحمر لحد التروس الزرقاء الللى بتلف على الفاضى وتفضل تلف على الفاضى ، كل ده والمحور الاصفر في التراوة ولا دارى بالدنيا ، والعربية ككل تكون واقفة او ماشية بقصور ذاتى


9 -عند التعشيق : يتم تحريك الكولار لورا او لقدام بحيث يخش في الترس الازرق وش في وش ( يعنى الفصل والتعشيق بيكون وش في وش بس ، انما اي تروس متوصلة محيطيا زي الحمرا مع الزرقا و الحمرا مع الخضرا بيكونوا متوصلين دايما وشكل سنونهم مالوش دعوة بسلاسة التعشيق لأنهم متعشقين باستمرار ، مهمة الحتة دى )

10 - بعد التعشيق ودخول الكولار في الترس الازرق يتحرك العمود الاصفر ( عشان الترس الازرق مابقاش يلف على الفاضى والكولار اللى دخل فيه اجبره يلفف العمود الاصفر معاه ولغى تأثير البلي)

11- اختلاف سرعة كل ترس ازرق في كل مرة حسب النقلة تعمل فرق في السرعة بين الدخل والخرج وده الهدف من الفتيس في الاساس


12- عودة الكولار في الوسط تمور العربية تانى

------




تتبقى المشكلة الكبرى هى ازاى هنعشق الكولار في الترس الازرق وش في وش وهم الاتنين بيتحركوا وبسرعات مختلفة ، او احدهما ثابت والاخر متحرك ؟

نكمل كلام وكنا بنقول
المشكلة الكبرى هى ازاى هنعشق الكولار في الترس الازرق وش في وش وهم الاتنين بيتحركوا وبسرعات مختلفة ، او احدهما ثابت والاخر متحرك ؟


السيناريو بيكون كالآتى ( وافتكر انى قلت في الاول هندوس دبرياج مرتين !!) طبعا ده في الفتيس البدائى بس :

بفرض ان السيارة فعلا واخدة النقلة الاولى وماشية على الاول ودايسين بنزين وعايزين ننقل على التانى

1 - نرفع رجلنا من ع البنزين و ندوس دبرياج ، عشان نلغى تأثير الموتور على الترس الازرق (يعنى بالبلدى نخلى الترس الازرق تابع لحركة الكولار بدل ما الكولار هو اللى تابع له فيخلى فصل الكولار ممكن وتبقى الكلمة كلمة الكولار في الاخر ويقدر يطلع برة ، اظن كدة بدأ يتضح ليه بندوس دبرياج ، مش كدة ؟ )

2 - نحرك العصاية لوضع المور فيخرج الكولار من الترس الازرق بسهولة ويرجع في الوسط

3 في اللحظة دى انفصل عمود الخرج عن عمود الدخل ورجعت التروس الزرقاء كلها تلف على الفاضى بسرعات مختلفة


4 - عملية التموير تمت بنجاح اذا نرفع رجلنا من على الدبرياج

5 - دلوقتى العربية ممورة والكولار ماشى بسرعة معينة غير الترس الازرق بتاع الغيار التانى اللى واخد سرعته من الموتور ، طيب ازاى هندخل الكولار تانى في الترس الجديد ؟

6 - هنا بقى ندوس بنزين بسيط والعربية ممورة (بس مش دايسين دبرياج) لحد ما نساوى سرعة الترس الازرق بتاع الغيار التانى بسرعة االكولار ( صعبة جدا العملية دى عشان كدة طوروا الفتيس بعد كدة )

7 ندوس دبرياج تانى ، ونجيب التانى بسرعة ونسيب دبرياج تانى وطبعاا عشان عملنا الخطوة 6 وساوينا السرعات هنلاقى الكولار دخل في الترس الازرق التانى بسلاسة و العربية كملت مشي بنفس سرعتها مع الفرق انها على سرعة موتور اقل وده معناه فتح المجال مرة اخرى لتزويد سرعة الموتور و العربية تقدر تجيب بالتانى سرعات اعلى من اللى كانت جايباها وهى على الاول

8 - يبقى كدة دسنا مرتين ( double clutching ) مرة عشان نمور ورجعنا رفعنا عشان نساوى السرعات ورجعنا دسنا تانى عشان نحرك العصاية للغيار التانى وسبنا الدبرياج في الاخر خالص طبعا

9 - طبعا اي غلطة في اللى فات ده هنسمع صوت زعقة اللى هى ناتجة عن احتكاك وجه الكولار بوجه الترس الازرق



في الفتيسات العملية ، بيبقى فيه سنكرونايزر يظبط السرعات لوحده ويخلينى ادوس مرة واحدة دبرياج ( بدل ما ارفع رجلى عن الدبرياج في المرة الاولى واظبط السرعة بدواسة البنزين بنفسى وارجع ادوس تانى عشان انقل)
السنكرونايزر ببساطة فكرته انه هيعمل تجويف مخروطى مرتكز على بلي بطريقة معينة في الكولار من الوجهين + بروز مخروطى في وجه الترس الازرق المقابل بحيث قبل ما السنون تخبط في بعضها تكون المخاريط دخلت في بعضها والبلي امتص الصدمة وساوى السرعات لوحده و بكدة ندوس دبرياج مرة واحدة بس بدل مرتين

وطبعا في الفتيس العملى برضه بيكون في اكتر من كولار واكتر من ترسين زرق بنسب مختلفة عشان تعدد النقلات 1 و 2و 3 و 4 و5 وطبعا في النقلة بتاعت الريفرس بيدخل ترس تالت صغير في الوسط يعكس اتجاه الدوران وده الترس الوحيد اللى بيتعشق محيطيا وطبعا بدون سنكرونايزر وعشان كدة لازم يتم والعربية متوقفة تماما والا هنسمع صوت الزعقة المعروفة بتاعت المارشدير

توضيح للسنكرونايزر من موقع howstuffworks

تصدق بالله أنت راجل كبارة
تسلم ايدك على السطور دي أنت كدة جبت المفيد والله فهمتها تمام
الله ينور عليك والله زال اللبس اللي كان عندي وهو أننا إزاي ندخل الكولار مع الترس وكل واحد له سرعة مختلفة؟كان هو ده الموضوع كله
كدة تمام والله بجد
ألف ألف شكر يا غالي
وجزاك الله كل خير
سر الموضوع كله كان في
السنكرونايزر هو ده اللي مدوخنا
ربنا يبارك لك

[الصيداح]

والله يا amrelsaqqa إعمل موضوع جديد بعنوان كيف يعمل الفتيس المانيوال
وحط مشاركاتك دي هيبقى موضوع روعة

[الصيداح]

كل حاجة كدة أنا فهمتها تمام بس فاضل حتة صغيرة مش قادر أفهمها وهي النقطة دي

1 - نرفع رجلنا من ع البنزين و ندوس دبرياج ، عشان نلغى تأثير الموتور على الترس الازرق (يعنى بالبلدى نخلى الترس الازرق تابع لحركة الكولار بدل ما الكولار هو اللى تابع له فيخلى فصل الكولار ممكن وتبقى الكلمة كلمة الكولار في الاخر ويقدر يطلع برة ، اظن كدة بدأ يتضح ليه بندوس دبرياج ، مش كدة ؟

طيب وهي هتفرق ايه الكولار هو اللي تابع للترس أو الترس اللي تابع للكولار
أنا لو حاولت أمور العربية من غير ما أضغط دبرياج هسمع الزعقة دي طيب ليه هسمعها مع إن أنا بحاول
أخلع الكولار من الترس يعني مفيش حاجة هتخبط في بعضها على عكس لو أنا بدخلهم في بعض ؟ليه بسمع الصوت

[amrelsaqqa]

تصدق بالله أنت راجل كبارة
تسلم ايدك على السطور دي أنت كدة جبت المفيد والله فهمتها تمام
الله ينور عليك والله زال اللبس اللي كان عندي وهو أننا إزاي ندخل الكولار مع الترس وكل واحد له سرعة مختلفة؟كان هو ده الموضوع كله
كدة تمام والله بجد
ألف ألف شكر يا غالي
وجزاك الله كل خير
سر الموضوع كله كان في
السنكرونايزر هو ده اللي مدوخنا
ربنا يبارك لك

ربنا يخليك يا باشا وتسلم على الكلام الجميل ده ، والحمد لله ان زال اللبس اللى كان عندك

كل اللى انا عايزه بس دعوة حلوة كدة بظهر الغيب

[amrelsaqqa]

كل حاجة كدة أنا فهمتها تمام بس فاضل حتة صغيرة مش قادر أفهمها وهي النقطة دي

1 - نرفع رجلنا من ع البنزين و ندوس دبرياج ، عشان نلغى تأثير الموتور على الترس الازرق (يعنى بالبلدى نخلى الترس الازرق تابع لحركة الكولار بدل ما الكولار هو اللى تابع له فيخلى فصل الكولار ممكن وتبقى الكلمة كلمة الكولار في الاخر ويقدر يطلع برة ، اظن كدة بدأ يتضح ليه بندوس دبرياج ، مش كدة ؟

طيب وهي هتفرق ايه الكولار هو اللي تابع للترس أو الترس اللي تابع للكولار
أنا لو حاولت أمور العربية من غير ما أضغط دبرياج هسمع الزعقة دي طيب ليه هسمعها مع إن أنا بحاول
أخلع الكولار من الترس يعني مفيش حاجة هتخبط في بعضها على عكس لو أنا بدخلهم في بعض ؟ليه بسمع الصوت

واحنا بنتخيل كدة لازم نخلى بالنا ان دى مش عربية لعبة والفتيس ده عليه حمل جامد طن وشوية والموتور لازم يتغلب على كل ده وان محور الخرج دايما مقاوم لمحور الدخل


بمعنى الموتور بيلف في اتجاه بس المحور الخارج اللى جاى من احتكاك العربية بالطريق عايز يلف في الاتجاه المعاكس

يعنى وانت بتفك الكولار اعتبر ان المحورين كأنهم بيلفوا عكس بعض بس زانقين في بعض

وحيث ان السنون بيبقى فيها بوش شوية ، تلاقى الكولار مكلبش في الترس من جوانب السنون كلبشة جامدة خصوصا عند الاحمال العالية وسرعات الموتور العالية ، لذلك مثلا ممكن تلاقى نفسك تقدر تمور من غير ما تدوس دبرياج لو العربية ماشية بسرعة منخفضة والموتور ماشى سلانسيه ، انما لو على مطلع مثلا والموتور بيبذل كل ما عنده ، هتلاقى العصاية كأنها مكلبشة في مكانها ومش عايزه تتحرك ، واول ما تدوس دبرياج يزول الشد اللى جاى من الموتور ، وطبعا تلاقى العربية استجابت لرغبة العجلات ورجعت لورا وزال تأثير الموتور تماما وساعتها تلاقى نفسك تقدر تمور ( وطبعا لو مورت في الموقف ده والعربية بترجع هتبقى كارثة هههههه )

[الصيداح]

واحنا بنتخيل كدة لازم نخلى بالنا ان دى مش عربية لعبة والفتيس ده عليه حمل جامد طن وشوية والموتور لازم يتغلب على كل ده وان محور الخرج دايما مقاوم لمحور الدخل


بمعنى الموتور بيلف في اتجاه بس المحور الخارج اللى جاى من احتكاك العربية بالطريق عايز يلف في الاتجاه المعاكس

يعنى وانت بتفك الكولار اعتبر ان المحورين كأنهم بيلفوا عكس بعض بس زانقين في بعض

وحيث ان السنون بيبقى فيها بوش شوية ، تلاقى الكولار مكلبش في الترس من جوانب السنون كلبشة جامدة خصوصا عند الاحمال العالية وسرعات الموتور العالية ، لذلك مثلا ممكن تلاقى نفسك تقدر تمور من غير ما تدوس دبرياج لو العربية ماشية بسرعة منخفضة والموتور ماشى سلانسيه ، انما لو على مطلع مثلا والموتور بيبذل كل ما عنده ، هتلاقى العصاية كأنها مكلبشة في مكانها ومش عايزه تتحرك ، واول ما تدوس دبرياج يزول الشد اللى جاى من الموتور ، وطبعا تلاقى العربية استجابت لرغبة العجلات ورجعت لورا وزال تأثير الموتور تماما وساعتها تلاقى نفسك تقدر تمور ( وطبعا لو مورت في الموقف ده والعربية بترجع هتبقى كارثة هههههه )

والله أستاذ كبير
تسلم الأيادي
كدة أنا ممكن أنزل أصنعلك فتيس ب18سرعة هدية على الكلام الجميل ده
ربنا يبارك لك
ولك مني دعوة بظهر الغيب وكذلك الإخوة الذين شاركونا
جزاكم الله كل خير