طريقة تركيب أرضية جلد للسيارة و عوازل الصوت ( بنفسك )

[sweetheart_]

لاء دة مش بتاع الصوت !!!!!!!!!!

بص يا باشا عارف انت البلاك أو البتومين إللي بيتعمل في أرضيات الحمامات مثلا أو المطابخ أو الأماكن المعرضة لتخزين مياه و بارومة مثلا
اللزق دة بييجي مع الفابريكة بس لأني سألت عليه وقت ما كنت بشد عربيتي من فترة عشان ألزقه بدل ما أجيب بوتامين و ادهن بيه أرضية العربية من تحت و فوق و كدة بس مع الأسف ملهتهوش بس السمكري كان قاللي انه بيتباع لكن فين معرفش
اللزق دة مش بتاع الصوت خاااااالص دة بلاك أو بوتامين عازل للمياه إللي بتعمل بارومة و عشان تتأكد
لو عربيتك مفككه مثلا عالصاج هتلاقي اللزق دة ملزوق في اماكن معينة المعرضة لتحويش المياه و في بعض الأحيان ممكن تلاقيه علي الكارتيرات زي ما في الصورة و بنفس طريقة اللزق كدة بالضبط لأن الأمان دي بتعمل بارومة نتيجة عدم الأهتمام بغسيل العربية من تحت

معلش يا ادهم فى حاجه لو اللزق دا بتاع البرومه زى ما بتقول هل هيتحط من جوه طاب هيبقى ايه فايدته ساعتها ؟ لأ البوتامين حاجه ودا حاجه تانيه وانا عارف البوتامين ولسه عامل الابواب عنده والكرتيره من 10 ايام بس اللى انا متاكد منه ان دا لزق بادات بتخلى العربيه صوتها اهدى بس دا انواع فى مثلا الديناميت والكويك رووف وانواع كتير ولو عايز تتاكد من كلامى شوف اى عربيه زيرو هتلاقى على الرفرف الورانى فى النص بالظبط من جوه لزق شبه دا بس شكله مختلف ومحطوط بنفس الطريقه وطبعا نص الرفرف بعيد عن الميه وعمر ما فى باروه هتيحى فيه زائد ان العربيات الجديده دى بتبقى معالجه ضد الصدى يعنى ملوش لازمه اللزق دا يبقى محطوط ليه ؟ وانا متاكد ان دا وظيفته ان يهدى صوت العربيه فى المطبات والفواصل اكتر من عزل صوت عن الخارج وانت ممكن تجرب هات حاجه شبه دى والزقها بكله وخبط على صاج العربيه وخبط على حته تانيه مش عليها اللزق وشوف هتلاقى اللى لزقت عليها صوتها مكتوم فما بالك لو خبط حاجه مخصوصه لده .
الخطوه القادمه ليا هى فك السقف وتغيير لقماش وتزويد اضاءه فى نص الصالون بنفسى .

[Gelgel2004]

شغل عالى

تسلم ايدك يا هندسه بصراحه شغل 100 / 100 و تسلم ايدك
ياريت تداوم
دمت بود

[adhamhossam]

معلش يا ادهم فى حاجه لو اللزق دا بتاع البرومه زى ما بتقول هل هيتحط من جوه طاب هيبقى ايه فايدته ساعتها ؟ لأ البوتامين حاجه ودا حاجه تانيه وانا عارف البوتامين ولسه عامل الابواب عنده والكرتيره من 10 ايام بس اللى انا متاكد منه ان دا لزق بادات بتخلى العربيه صوتها اهدى بس دا انواع فى مثلا الديناميت والكويك رووف وانواع كتير ولو عايز تتاكد من كلامى شوف اى عربيه زيرو هتلاقى على الرفرف الورانى فى النص بالظبط من جوه لزق شبه دا بس شكله مختلف ومحطوط بنفس الطريقه وطبعا نص الرفرف بعيد عن الميه وعمر ما فى باروه هتيحى فيه زائد ان العربيات الجديده دى بتبقى معالجه ضد الصدى يعنى ملوش لازمه اللزق دا يبقى محطوط ليه ؟ وانا متاكد ان دا وظيفته ان يهدى صوت العربيه فى المطبات والفواصل اكتر من عزل صوت عن الخارج وانت ممكن تجرب هات حاجه شبه دى والزقها بكله وخبط على صاج العربيه وخبط على حته تانيه مش عليها اللزق وشوف هتلاقى اللى لزقت عليها صوتها مكتوم فما بالك لو خبط حاجه مخصوصه لده .
الخطوه القادمه ليا هى فك السقف وتغيير لقماش وتزويد اضاءه فى نص الصالون بنفسى .

هو بصراحة اللزق إللي انت بتتكلم عنه ده ملزوق عندي في عربيتي في الأرضية و في نفس المكان علي الكارتيرات بنفس طريقة اللزق إللي في الصورة تماما
المهم و انا بغير الأرضية الموكيت بالجلد حاولت اشوف ايه نوعية اللزق دة و حاولت أشيل حته منه لقيته مادة مفرولة و ليها ريحة نفس ريحة البوتامين و ملزق بالأكتر بطول أرضية العربية تحت الكراسي
دة اللي مخليني بقول انه بوتامين عازل للمياة و البارومة

بالنسبة لتجربتك لفك السقف و تركيب قماش حاول تصورها أول بأول و إعملها موضوع جديد في المنتدي مع الشرح بالتفصيل

بالتوفيق إن شاء الله

تسلم ايدك يا هندسه بصراحه شغل 100 / 100 و تسلم ايدك
ياريت تداوم
دمت بود

الله يخليك يا باشا و مشكووووووووووووووووور عالرد و مرورك الجميل

[sweetheart_]

ان شاء الله هصورها ولو فى حد فكه قبل كده بنفسه ياريت يقولنا عمل ايه انا اللى مقلقنى حاجه واحده مش اكتر وهى ان القماش يتعاص منى كله وانا وبعمله وخاصة ان الواحد مهما اشتغل بكله لازم هتلاقى ايدك متعاصه وللمشكله دى انا بفكر اخلى جنبى جوانتى البسه لما اجى افرد لو اديا اتعاصت.

[adhamhossam]

ان شاء الله هصورها ولو فى حد فكه قبل كده بنفسه ياريت يقولنا عمل ايه انا اللى مقلقنى حاجه واحده مش اكتر وهى ان القماش يتعاص منى كله وانا وبعمله وخاصة ان الواحد مهما اشتغل بكله لازم هتلاقى ايدك متعاصه وللمشكله دى انا بفكر اخلى جنبى جوانتى البسه لما اجى افرد لو اديا اتعاصت.

هو من ناحية فك السقف و تركيبه هو سهل جدا جدا و مفهوش أي صعوبة
لكن المشكلة في الكولا و موضوع ان القماش يتوسخ هي دي الصعوبة و عايز إتنين يعملوها ما ينفعش واحد
عشان واحد يلصق و التاني يمسك

[sweetheart_]

ما انا عارف انها صعبه بس انا لوحدى ومش معايا حد بس ان شاء الله هعملها ما هو السروجى بيعملها لوحده والموضوع محتاج نضافه فى الشغل بس مش اكتر بس انا مشغول دلوقتى شويه لما افضى هعملها على طول

[adhamhossam]

ما انا عارف انها صعبه بس انا لوحدى ومش معايا حد بس ان شاء الله هعملها ما هو السروجى بيعملها لوحده والموضوع محتاج نضافه فى الشغل بس مش اكتر بس انا مشغول دلوقتى شويه لما افضى هعملها على طول

ربنا يقويك يا باشا و تعملها أحسن من السروجي كمان و أنظف
و يار يت تصور الموضوع دة عشان لو طلع جامد هعمله عندي أنا كمان
منتظر المزيد

[emadnd]

نفسي اعمل موضوع العزل ده

[ashraf_omaraeg]

جــامد أخر حــاجة

[adhamhossam]

نفسي اعمل موضوع العزل ده

أتمني ذلك و مشكوووووووووور عالمرور و الرد

جــامد أخر حــاجة

مشكوووووووور عالرد و المرور

[adhamhossam]

انا بعمل حاجة جديدة ضمن الموضوع بتاعنا دة هقولكوا عليه أول ما أخلصه علي طول

[adhamhossam]

الموضوع عن السماعات و الخشباية بتاعتها

[adhamhossam]

فكرة جديدة في نفس موضوعنا عن السروجي و الجلد


نزلت الفترة اللي فاتت إشتريت كاسيت كينوود موديل KDC-4047UM إندونيسي بضمان سنة
و قمت بتركيبه مع العلم إن كان عندي في العربية أساسا سماعتين بايونير تايلندي 400 وات
بس المشكلة ان شكل الخشباية بتاعت السماعات إللي ورا كانت مش عاجباني
المهم
روحت لواحد بتاع خشب مستعمل قولتله عايز قطعة خشب مناسبة للسماعات
لقيت عنده حتة مقاس 50 سنتيمتر في 100 سنتيمتر و قاللي ب 10 جنيه قولتله فل أوي و إشتريتها و حدد بالقلم الماركر مكان السماعات و مقاساتها في العربية و روحت لورشة نجارة و قطعتها و ظبتطها بالمقاس تمام التمام

كان باقي عندي قطعة من الجلد الخفيف بتاع كسوة جناب الأبواب روحت شاددها علي الخشباية و جبت دباسة الخشب و شدتها شدة جميلة و روحت مركب السماعات و وصلتها بالكاسيت
اصبح الصوت جاااااااااااامد جدا و دبة البيز بترج العربية هههههههههه
مع العلم إني مليش في الأغاني اللي فيها دب و رزع دي
أنا أحب اسمع ام كلثوم عبد الحليم فيروز كدة يعني
بس نقاء الصوت ملوش حل
و آدي الصور بعد التركيب
معلش بقي المرة دي ملحقتش أصور بتفاصيل




دي طبعا الخشب ال MDF بعد التقطيع و شد الجلد عليها



شكل السماعات جامد و كمان شكل الخشباية بالكسوة الجلد اجمد لسهولة تنظيفها و كدة و مش كدة و بس دة روحت لبتاع إكسسوارت و جبت منه قطعة فروة عاملة زي فروة الخروف هههههه عشان تمنع التراب إللي بيخش في السماعات و يبوظها زي ما في الصورة و برده الفروة دي بتحمي السماعات من الشمس إللي بتبقي ضربه فيها طول اليوم



إيه رايكوا ههههههه


الموضوع بالضبط اتكلف معايا
10 جنيه الخشباية MDF
5 جنيه للنجار إللي قطعها
5 جنيه نص متر جلد للكسوة
20 جنيه فروة
==============
يعني 50 جنيه

دة طبعا بخلاف سعر الكاسيت انا جبته ب 600 جنيه

^
^
^
^
^
^
^
^

[adhamhossam]

كاسيت جديد و خشبة السماعات و تركيبها

^
^
^
^
^
مستني ردودكم و ارائكم و المزيد من أفكار جديدة
^
^
^
^
^
^

[No Comment]

شكل الرف شيك جدأ يا بشمهندس ... ولا اجدعها عربية جديدة .
بس يا سلام لو يطلع وينزل مع باب الشنطة ... يبقى كدة تمام أوى .