طريقة تركيب أرضية جلد للسيارة و عوازل الصوت ( بنفسك )

[abokoko]

اكتر حاجه بتيجى على بالي
ازاى افك الكرسي الامامى للسائق واللى راكب جنبه ((لادا ))

-----
انا رحت سألت هنا فى الغردقه
الاول= 250 جنيه بعد الاكراميه --بس ما عجبنيش الخامه
وكمان هو بيقول لى كبر على الفوم وبيعتبر انه ملوش لازم !!!
الثانى = 350 جنيه الخامه كويسه بس هو مش واخد ومدى فى الكلام وده معجبنيش

رحت سألت على سعر المتر لقيت نوع بيقول عليه تقليد الفرنساوى
والسعر اخر استهبال ب55 جنيه

والفوم لسه ملقتشي حد عنده

[adhamhossam]

بعد اذن حضرتك اقول ملحوظة او ابدى الفرق بين شغل السروجى وشغل ابو الاداهيم
اولا ادهم وفر اكتر من النص تقريبا 255ج ودول حلوين وممكن يعمل بيهم حاجه تانية
ثانيا: هوه اكيد عمل بإتقان احسن من السروجى لانه اخد وقت اطول فى حين ان السروحى بالكتير يخلص فى يوم بس هوه عمل زى مابيقولوا(شغل المعلم لابنه) ونتيجة اى شغل معمول بصبر وحب ورغبة وطوله بال مابتكونش اقل من 100%
ثالثا وده الاهم واللى بأعتبره اساس الموضوع (لانه طلب بدور عليه من زمان) نقطة عزل الصوت والحرارة اللى معظم الناس بتدور عليها وانا واحد منهم كتير من الصنايعية بيهملوا اهمية الموضوع ده وبيستسهلو وبيكبروا دماغهم

أيمن جلال أشكرك كتيييييير علي المشاركة الجميلة و الحوار الجميل
احب انا فعلن الحوار دة بهذه الطريقة و الكلام المتبادل و ليس الأقتصار علي الرد بالشكر أو المباركة فقط

فعلن التوفير في المصناعية كان في رينج ال 250 و دول مش مبلغ قليل زي مانت عارف أن العربيات بتبقي بلاعة فلوس ( الحاجة الوحيدة إللي مستحيل تشبع من الفلوس ) فالتوفير دة بنفع
و أتمني ان الواحد يعرف يعمل كل حاجة في العربية بنفسه سواء ميكانيكا أو كهربا أو عفشة أو غيره

اايد كلام حضرتك 10000000%

فعلن أحسن حاجة في الصنايعية انه بيحسسك ان ايده تتلف في حرير هههههههههه

ابو الاداهيييم
احييك جدا جدا جدا ع الشغل الرائع ده
انا باعتبرك بالنسبة المرجع(جبت التايهه) عايز اوصل لاى حاجه عشان اتعلم الشغل اللى انت عملته ومش عارف واخيرا ربنا بعتك ليا وايه موضوع بالعربيى ومصور وجديد طازة بالاسعار واماكن الشراء وخطوات التركيب
يعنى موضوع من دهب الف شكر على مجهودك المتميز ومبروك وربنا يحفظلك عربيتك

عندى استفسار عن بعض النقط .... ممكن؟؟
دلوقتى انت شيلت اللباد القديم وغسلته وحطيته تانى مش كده؟؟؟ طب واللباد الجديد عملت بيه ايه؟؟؟ والفوم العازل ده مش ينفع يتركب فى الابواب والقوايم والسقف ولا لأ؟؟؟ وهل فى منه خامات اقل فى السمك ؟؟؟؟ وهل احتجت تفك التابلوه عشان تعزل وراه؟؟؟ ولا عملت ايه؟؟؟
وازاى اخدت مقاسات الارضيه وقصيت الجلد(الطريقة يعنى) ؟؟؟؟؟
انا عندى ماكينة خياطة والحمد لله بعرف استعملها وعندى صبر انى اعمل الحاجه بنفسى لجودة العمل وتوفير ا للنفقات
وهل فى خامات عزل تانية غير اللباد والفوم اللى جبته ده؟؟ وعرفت انت هتشترى قد ايه من كل حاجه ازاى؟؟؟
يعنى مقاسات الشراء على اساس ايه؟؟؟ بالاضافة الى طريقة رفع المقاسات والقص؟؟؟
معلش بقى اسئلتى كتير بس ما صدقت الاقى حد نفذ اللى انا بفكر فيه
الله يكرمك ماتنساش ترد عليا

هههههه حلوة كلمة ( جبت التايهة ) ههههههههه
بص يا أيمن انا شيلت كل حاجة في أرضية العربية و خليتها عالصاج و بعد ما نظفت الصاج لصقت الفوم بالكولا عالصاج اما بالنسبة للباد القديم بعد ما غسلته من ريحة العفن و الشحوم وضعته فوق الفوم العازل مباشرة بدون لصق فطبعا اللباد القديم مابيكونش مغطي كل أجزاء الأرضية كلها فبالتالي بجيب اللباد الجديد و أقوم حاطط طبقة تانية فوق اللباد القديم بحيث يكون مغطي كل اجزاء الأرضية و في نفس الوقت إحكام اكتر للصوت

بالنسبة لموضوع الفوم العازل و تركيبه في الأبواب و القوايم و السقف زي الصور دي كدة مثلا



انا طبعا لاحظت صعوبة شوية في موضوع القوايم و السقف بسبب تخانة الخامة و صعوبة لصقه لكن لقيت في إحدي المواقع الأجنيبه صورة للفوم أقل تخانة و كمان في لاصق منه فيه زي دة كدة



فطبعا دة هيبقي أسهل بكتير من حيث الأستخدام و النظافة لكن فييييييييييين بقي بيتباع في مصر ( الله أعلم ) حاولت أسأل عليه الناس ضحكت عليا شوية افتكرتني مجنون فمن الواضح ان شعبنا بيحب الحاجة المتعبة ( شغل الكولا و الفرشة و غيره )

بالنسبة لموضوع التابلوه انا كان نفسي أفكه طبعا لكن لقيت الموضوع صعب شوية و غير كدة لاحظت ان مفيش أي فتحات من تحته عشان تدخل هواء أو سخونة فكبرت دماغي منه

بالنسبة لموضوع المقاسات و القص سهلة مش صعبة عن طريق المتر العادي بس بالنسبة للمنحنيات و الثانيات لازم تستخدم حاجة زي البترون بمعني صمم الشكل علي اي مشمع خفيف او ورقة جرايد مثلا بحيث تاخد الشكل و تقطع زييه علي الجلد

بالنسبة لموضوع العزل معتقدش ان في طرق تانية لأني سألت واحد صاحبي مهندس في الصوت في إستديوهات الأغاني و قاللي انهم بيستعملوا اللباد أكتر حاجة و الفوم مش أوي

موضوع رفع المقاسات بيرجع لحجم العربية

ايه نوع عربيتك و عايز تعمل ايه بالضبط ( ارضية بس و لا الشنطة كمان )

انا بفكر الفكرة إللي جاية ان شاء الله أعمل الشنطة جلد و الأبواب أعزلها بالفوم

مشكوووووور عالحوار الجميل و اتمني من الكثير المشاركة بنفس طريقتك لتبادل الأفكار

اكتر حاجه بتيجى على بالي

ازاى افك الكرسي الامامى للسائق واللى راكب جنبه ((لادا ))

-----
انا رحت سألت هنا فى الغردقه
الاول= 250 جنيه بعد الاكراميه --بس ما عجبنيش الخامه
وكمان هو بيقول لى كبر على الفوم وبيعتبر انه ملوش لازم !!!
الثانى = 350 جنيه الخامه كويسه بس هو مش واخد ومدى فى الكلام وده معجبنيش

رحت سألت على سعر المتر لقيت نوع بيقول عليه تقليد الفرنساوى
والسعر اخر استهبال ب55 جنيه

والفوم لسه ملقتشي حد عنده

موضوع فك الكراسي بتفرق من عربية للتانية في كراسي بتتفك الأول من المجر خالص و بعد كدة تفك المجر
و في كراسي بتتفك بالمجر بتاعتها لأنها مابتخرجش من المجر خالص

اما موضوع الفوم إللي بيقول ملوش لازمة هقولك إيه لازمته
انت لما بتيجي تشيل اللباد القديم من العربية بتحس انه ملصوق في الأرض الصاج بسبب تراكم الشحومات و المياه و العفانة فطبعا طبقة الفوم بتديك نظافة في الفك بعد كدة لو حبيت انك غير لون الأرضية مثلا او تعمل عملية تنظيف أو غيره
هنفترض أنه ملوش لازمة زي ماالناس بتقول
معلش لامؤاخذه يعني الأرضية كلها علي بعضها هتاخد متر أو مترين فوم ثمنهم 30 جنيه و علبه الكولا ب 10 جنيه ( جت علي دي ووقفت ) القصة كلها 40 جنيه إللي يخليك صرفت كل دة مش هتيجي هنا و تقول ملوش لازمة
هي الصعوبة في الكلام دة بالنسبة للصنايعية إنهم عشان يلصقوا الفوم في الصاج هتحتاج تنظيف كويس للأرضية الصاج من الأتربة عشان ماتلصقش الفوم علي التراب و الوساخة فطبعا منين سروجي هيجيله طول بال يعمل كدة عشان بيقول ملوش لازمة
انما هو ليه لازمة من حيث سد اي فتحات تدخل تراب او سخونة أو شحومات أو غيره

بالنسبة للخامات هتلاقي أنواع كتييييييييير و أسعار كتيييييييير المهم تبقي طرية اوي و متتقطعش بسهولة و تكون سعرها حنين يعني هنقول من 25 جنيه للمتر لغاية 40 جنيه مثلا كويس إنما اكتر من كدة يبقي استهبال

الفوم موجود في القاهرة عند ناس كتير


مشكووووووور علي المشاركة الجميلة
و اتمني المزييييييييييييد

[aymangalal510]

بص يا ابو الاداهيم موضوع عزل القوايم والابواب ده انا شوفته على النت برضه واشهر ماركة فى المجال ده اسمها ديناميت Dynamet
حتى والله سألت واحد صاحبى عليه فى السعودية قالى هشوف وأسأل
وبما انه ارق من الفوم بتاعنا يبقى اكيد فعال فى عزل الابواب والقوايم والمناطق اللى بيركب عليها فيبر كبس او حتى فرش السقف عشان كده انا بدور على بدائل لخامة دى بقدر المستطاع واللى كنتناوى اعمله تجديد لفرش الارضية والشنطة (لان الشنطة مافيهاش غير فرش الفابريقة الموكيت الملزوق ببلك ده) وكنت عايز طبعا اجلد الشنطة كلها مع الارضية والابواب وممكن برضه السقف يا اما باللباد او الفوم على حسب الاقل سمك والاكثر فاعلية
وللمرة التانية اسجل اعجابى بأدائك واسوبك فى الحوار يا ابو الاداهيم

[khaled_yassin]

فنان

[adhamhossam]

بص يا ابو الاداهيم موضوع عزل القوايم والابواب ده انا شوفته على النت برضه واشهر ماركة فى المجال ده اسمها ديناميت Dynamet
حتى والله سألت واحد صاحبى عليه فى السعودية قالى هشوف وأسأل
وبما انه ارق من الفوم بتاعنا يبقى اكيد فعال فى عزل الابواب والقوايم والمناطق اللى بيركب عليها فيبر كبس او حتى فرش السقف عشان كده انا بدور على بدائل لخامة دى بقدر المستطاع واللى كنتناوى اعمله تجديد لفرش الارضية والشنطة (لان الشنطة مافيهاش غير فرش الفابريقة الموكيت الملزوق ببلك ده) وكنت عايز طبعا اجلد الشنطة كلها مع الارضية والابواب وممكن برضه السقف يا اما باللباد او الفوم على حسب الاقل سمك والاكثر فاعلية
وللمرة التانية اسجل اعجابى بأدائك واسوبك فى الحوار يا ابو الاداهيم

و الله يا أيمن باشا انا متابع اوي موضوع الفوم دة لأني بالفعل عايز أعمل الأبواب كمان و الشنطة
المهم من خلال المتابعة لبعض المواقع الأجنية لقيت مصطلح للفوم دة كمايلي
rubberized asphalt with an aluminum constraining layer
معناها المطاط الاسفلت مع طبقة الألومنيوم

فأخذت المصطلح دة و بحثت في المواقع الأجنبيه فوجدت شوية صور مع الشرح بالأنجليزية و دي بعض الصور







و كان كلام الموقع عن الصوت و الحرارة و السخونة و ان هذه الطبقة تعزل الحرارة حتي 270 درجة و طبعا دة شيء اول مرة اسمع عنه

و من خلال ترجمتي للموقع إكتشفت ان الموقع يقول ( طبقة الألومنيوم المقيدة التي تحمي سيارتك من الحرارة. انها ليست مرنة فقط، بل هو أيضا قوي، مما يسمح لك لتثبيته على زوايا حادة، والثقوب والمفاصل دون تمزيق أو تمزق.)
و أيضا ( بسبب مرونته، من السهل جدا لتثبيت والسندات سيكون لجميع معالم سيارتك لختم محكم يمكن أن ينتج نتائج ممتازة الملطف )

و إللي لاحظته ان الموقع يقول ان هذا العازل يحمي من عوامل الصدأ و البارومة و دة شيء أسااااااااااااااااااااسي طبعا

متابع معاك أفكار جديدة
أتمني المزيد و شكرا لك

[adhamhossam]

فنان

مشكوووووور عالرد

[adhamhossam]

بردة دة الموقع بتاع العازل المغطي بالألمونيوم
http://www.cruisercrap.com/quietcrap/
لمن يريد معرفة المزيد من المعلومات و أهمية هذا العازل

[hekal2]

جميل يا ادهم اله يباركلك فيه تسلم ايدك .......والاجمل روحك السمحة .......انا كمان نفسى اعمل حاجات كتير فى عربيتى بس ماعنديش مكان ولما افتح فى الشارع الناس والجيران يتلموا ....... اروح لامم الحاجة واغطى العربية . مع انى احب افنن كتير واعمل كل حاجة بايدى

[eslamspirit]

الله ينور عليك
ما شاء الله واضح ان الشغل جميل من ردود الناس مع ان الصور مش باينة عندي

[Karim_Monir]

الله ينور يا بشمهندس ادهم
احييك على صبرك ومجهودك

اقتراح للمشرف بنقلة للقسم التعليمي وتثبيتة او ادراجة في اهم المواضيع
تحياتي

[Magdyahassan]

شغل محترفين فعلا.واتمنى انك تستغل الموهبه دى. انت عندك المكان وممكن تعمل حتى لو كل شهر عربيه واعتقد ان فيه اخوة كتير فى المنتدى يحبوا يعملو الشغل ده بالمواصفات دى وبسعر اقل من السوق.مع تمنياتى لك بالتوفيق.

[adhamhossam]

جميل يا ادهم اله يباركلك فيه تسلم ايدك .......والاجمل روحك السمحة .......انا كمان نفسى اعمل حاجات كتير فى عربيتى بس ماعنديش مكان ولما افتح فى الشارع الناس والجيران يتلموا ....... اروح لامم الحاجة واغطى العربية . مع انى احب افنن كتير واعمل كل حاجة بايدى

الله يخيلك علي الرد الجميل
انا فعلن مبحبش اللمة و الناس اللي تقعد رايحة جاية تتفرج و تعلق

الله ينور عليك
ما شاء الله واضح ان الشغل جميل من ردود الناس مع ان الصور مش باينة عندي

عليك يا باشا و مشكوووور عالرد
الصور باينة بس أكيد في مشكلة عندك حاول تاني

الله ينور يا بشمهندس ادهم
احييك على صبرك ومجهودك

اقتراح للمشرف بنقلة للقسم التعليمي وتثبيتة او ادراجة في اهم المواضيع
تحياتي

عليك يا كريم باشا و مشكووووووور علي المرور و الرد و مشكوووووور علي الأقتراح الجميل

شغل محترفين فعلا.واتمنى انك تستغل الموهبه دى. انت عندك المكان وممكن تعمل حتى لو كل شهر عربيه واعتقد ان فيه اخوة كتير فى المنتدى يحبوا يعملو الشغل ده بالمواصفات دى وبسعر اقل من السوق.مع تمنياتى لك بالتوفيق.

مشكوووور علي الرد الجميل فكرتك كويسة فعلن و جميلة
بس المكان إللي انا فيه بعيد شوية عن القاهرة هي مساكن أبو زعبل بعد سجن أبو زعبل ب 3 كيلومتر
مشكووووور مرة تانية عالرد الجميل دة

[al_manara]

ما شاء الله . استاذ تسلم الايادي . جهد مشكور علية

[adhamhossam]

ما شاء الله . استاذ تسلم الايادي . جهد مشكور علية

مشكووووووووور عالرد

[HOSSAM99]

و الله تسلم أيدك وكفايه أنك مطلع من تحت أيدك الشغل ده من أول مره تقعد فيها علي ماكينة خياطه
و أكتر حاجه عجبتني كسوة عصاية الفتيس كان فيها شغل