إعـــــــلان

**aid904** · 17-05-2008, 01:09 AM

السلام عليكم و رحمه الله
علبه الدركسيون غالبا فيها بوش راجع عليها انما أحتمال الفرامل دة موجود برضه بس لو العربيه بتحدف شمال لما بتفرمل ودة معناة ان فيه فرامل عجله بتقفش قبل التانيه أكرر لو بتحدف منك عند الفرمله فقط
موضوع البطاحه دة ممكن تتأكد منه برضه

**Powert** · 17-05-2008, 01:40 AM

احب ازود معلومة انا عندي بوش جامد في الدريكسيون وماشي بيه بقالى اكتر من سنة ونص

وياريت لو حديقولى هو ده علشان يتصلح اروح لمكانيكي ولا ده واحد بتاع عفشة ولا مين بظبط ؟

**MohabSaeed** · 17-05-2008, 01:52 AM

انا مش عارف المشكله عن حضرتك ايه بالظبط .

بس حصل معايا مشكله مشابه شويه

العربيه كانت بتعوم مع اى حبه هوا !!!

ولما اطلع فوق مطب او حاجه الاقى الدركسيون بيحود يمين وشمال !!

رحت لبتاع الزوايا .... ربط صاموله الرجلاش فى الدركسيون شويه , غير ان كان عندى الشداد الى ورا شمال مش مربوط نهائى وبيروح ويجى ... ربطه هو كمان والعربيه بقت كويسه بالرغم من انها عاوزه زرجينه ... بس الحمد لله اتظبطت كتييييير عن الاول .
الافضل انك تروح عن حد بتاع زوايا .... وقبليه حد بتاع عفشه يكشفو على العفشه و الزوايا .

**mohamed ibiza** · 17-05-2008, 11:28 PM

المشاركة الأصلية كتبت بواسطة Powert مشاهدة المشاركة

احب ازود معلومة انا عندي بوش جامد في الدريكسيون وماشي بيه بقالى اكتر من سنة ونص

وياريت لو حديقولى هو ده علشان يتصلح اروح لمكانيكي ولا ده واحد بتاع عفشة ولا مين بظبط ؟

ولا تحير نفسك يا بوب روح لعفشجي و هو هينزل تحت العربية و يعملهالك علي فكرة ده مفهيوش تصليح ده بيبقي مكان فاضي كده بيتربط و الدركسيون بيتقل بعطها شوية و يرجع يليين تاني شفت انا ماشي بمقولتك ازاي اللي ملوش خير في باورت ملوش خير في نايل موتورز و في عفشجي في شارع المدبح متفرع من البحر الاعظم بعد قسم الجيزة ادهل الشارع و امشي شوية هتلاقيه علي ايدك اليمين:)

**Powert** · 17-05-2008, 11:39 PM

المشاركة الأصلية كتبت بواسطة mohamed ibiza مشاهدة المشاركة

ولا تحير نفسك يا بوب روح لعفشجي و هو هينزل تحت العربية و يعملهالك علي فكرة ده مفهيوش تصليح ده بيبقي مكان فاضي كده بيتربط و الدركسيون بيتقل بعطها شوية و يرجع يليين تاني شفت انا ماشي بمقولتك ازاي اللي ملوش خير في باورت ملوش خير في نايل موتورز و في عفشجي في شارع المدبح متفرع من البحر الاعظم بعد قسم الجيزة ادهل الشارع و امشي شوية هتلاقيه علي ايدك اليمين:)

:):) شكراً يا محمد

وبرضه اللي مالوش خير في ابيزا مالوش خير في العربيات

إن شاء الله هروحله بس ده بعيد عني لاني في مدينة نصر في اقرب فرصة هحاول ارحله

**Powert** · 18-05-2008, 10:26 AM

المشاركة الأصلية كتبت بواسطة mohamed ibiza مشاهدة المشاركة

ايوان ما الابييزا الماني برضه العضلات الكبيرة ههههه:)

بص طالما انت في مدينة نصر يبقي متمشورش نفسك لو عندك اي عفشجي روحله قوله شيلي البوش في دقيقة واحدة بظبط انا عملته عندي شيل البوش الواد اتزحلق تحتها و مفتاح 10 ياااااااااااااااااد و ربطه و طلع الدركسيون بعدها بيبقي تقيل جدا جدا بس اسبوع كده و بيلين و يرجع زي الفل

و اي خدمة:)

شكراً ياباشا انا هسأل على عفسجي واشوف واحد قريب مني وربنا يخليك لاابيزا :):)

**Xpert** · 18-05-2008, 03:28 PM

المشاركة الأصلية كتبت بواسطة chihab18 مشاهدة المشاركة

من الاجابات لا حظت ان المشكله دي موجوده عند بعض السيارات ؛ فممكن احد المختصين يحدد لنا اسماء مكونات العفشه وما يتعلق بها والتي يجب علينا مراعاتها قبل ركوب السياره ؟ وعلشان نقدر نوجه الصنايعي الي ايه اللي ممكن يعمله ؛ لان لاحظت احيانا الصنايعي يكون عارف العيوب بس يطنش ويستسهل طالما الزبون مجبش له سيره عنها. وربنا يسترها مع الكل في طريقه امين يارب العالمين

هاتلاقي في القسم التعليمي موضوع كان اخ سال فيه عن مكونات العفشه و انا شرحتهاله بالتفصيل ...