العزم والقوه والتسارع

[yoko]

تسلم ايديك يا هندسة .. بجد بجد موضوع ممتاز.
وتفكير سليم جدا ... يابني انت مدخلتش سيارات ليه؟؟؟
ليه النصيب لإني إبتديت أحب الميكا بعد ما تخصصت وبحب الكهربى من واانا صغير

بعد إذنك عندي إضافة بسيطة..

من غير إستأذان إخبط الباب برجلك وخش

الشيء الوحيد اللي مثبتينه هنا هو ال (full load) يعني دواسة البنزين عالاخر
لكن النقلة اللي العربية عليها .. ولا تفرق أول من تاني لتالت عشان الcurve ده بتاع المحرك مش الفتيس.

أنا إعتبرتها بتفرق لإن النقله هتغير عزم اللود عندنا لما تكون باصصلها من ناحيه الموتور معرفش كلامي كده صح ولا غلط

الفتيس له curve تاني خاص (بالعزم لكل غيار Vs سرعة السيارة)
يعني المتغير هنا(dependent variable) هو ال PRM وتبعا له تتغير القدرة والعزم.

تمام

هو بصراحة محدش بيدخل العامل ده معانا في الدراسة دي ، لكن أعتقد بيتم اعتباره كمتغير في المواتير الكهربا

فعلا لإن العزم هو الي بنلعب بيه في الكهربى عشان نغير كل حاجة في الحمل
ولما العربيات الكهربى تنتشر هتلاقي بتوع ميكا سيارات بيدرسوا الكلام ده

وبلغة السيارات بيعرفوه بال tractive effort وفعلا لازم يكون عزم الموتور أكتر منه عشان العربية تقدر تقوم ... وبما انك كهربا باور فهو حاجة كده زي ال lock-up torque condition بتاع ال DC machines
وال minimum tractive effort ده بيساوي مجموع المقاومات المؤثرة على السيارة ككل (مش الموتور بس .. لأن الموتور هيقووم العربية مش هيقووم نفسه) ، وهم 4 مقاومات (الهواء والميل والقصور الذاتي ومقاومة تدحرج الإطارات rolling).

تمام

بس دايما بيراعوا عند اختيار الموتور المناسب للسيارة دي ان النقطة دي ميوصلوش ليها أبدا.
يعني يكون عندك Surplus torque لصالح الموتور .. وميحصلش تقاطع للكيرفين نوهاااائي.
إلا إذا كانوا مركبين موتور موتوسيكل صيني على عربية سيدان.

ههههههههه تمام بس إنتوا الميزه عندكم إنك بتقدر تغير الinput برحتكاو إحنا لأ فبنعتمد إننا نوصل العزميين يتساوا عشان السرعة تثبت (لإن مبنقدرش نتحكم في الinput)
بس سؤال إزاي سرعة العربيه بتثبت والعزميين مختلفين مش لازم يتساوى حتى لو بنقلل العزم عن طريق إننا منوصلش للfullload

نظريا صح ، لكن عمليا على ال RPM القليل بيكون كمية العادم قليلة فالتربو مبيعطيكش الأداء اللي انتا منتظره فورا من أقل دوسة بنزين .. ولكن بيكون في تأخر بعض الشيء في إستجابته Turbo lag .. إنت محتاج تكبسله صح عشان تحصل عالأداء المناسب (أو بمعنى تاني: محتاج تخلي ال RPM يكون دايما في مدى معين مثلا من 1500 إلى 4000) ساعتها هتاخد أعلى تسارع من العربية على جميع النقلات وهتلاحظ الكلام ده في حركة عداد السرعة.
مؤخرا تم التغلب على ال Lag بعمل تعديلات في مانيفولد السحب وتوقيت الصمامات وكمان حقن الوقود.
وبعد التعديلات دي اتغير منحنى العزم وأصبح فلات على مدى كبير من ال RPM
[IMG] Uploaded with ImageShack.us[/IMG]

تمام بس أنا كلامي كان على التربوهات الستوك زي في الباسات وعندي التربو بيبقى صغير وspool بدري قوي يعني أنا التربو عندي بيجيب الfullboost تحت ال2000 rpm وboost بيقع جامد بعد ال4000 rpm
فالlag فيه قليله جدا في أسوء الظروف مبتكملش ال3 ثواني

وده هيخليك بتحصل على أقصى عزم (يعني أعلى تسارع) من بداية كل نقلة إلى اخرها (اللهم إلا إذا كنت بتنقل فوق 4.5 - ساعتها التسارع هيقل بالرغم من السرعة مازالت بتزيد).(فاهم قصدي !!)
ملحوظة: في الموتور العادي أقصى عزم (أعلى تسارع )بيكون في بداية النقلة فقط وبعد كده يقل تدريجيا لحد ماتوصل لأعلى RPM

تمام

وده يخلينا نعرف ان المواتير اللي أصبح فيها منحنى العزم فلات أو قريب من كونه فلات عند الماكسيمم
هتلاقي العربية بتعطيك أعلى تسارع (سحبها عالي جدا) من بداية النقلة إلى اخرها بشرط متحرقش عالغيار فوق 4.5

والله الموفق.

الله يخليك وبجد معلومات فوق الرائعة بس أكيد معظم الناس تاهت مننا
ويا ريت لو تقدر تعملنا موضوع جديد فيه كل التفاصيل الرائعة دي

[ahmedhawas]

أنا إعتبرتها بتفرق لإن النقله هتغير عزم اللود عندنا لما تكون باصصلها من ناحيه الموتور معرفش كلامي كده صح ولا غلط

النقلات (reduction ratios) هتعمل reduction للسرعة و magnification للعزم
ولكن كل هذا لصالح الموتور عشان نقدر نقوم العربية وعشان كده maximum magnified torque بيكون على الترس الأول يعني أعلى تسارع بيكون عالنقلة الأولى (لإنك بتتحرك من سكون) (وبكرر تاني وانا متأكد إنك فاهمني .. تسارع غير سرعة)
المنحنى ده بيوضح التسارع بتاع كل نقلة ، وأنسب توقيت للنقلة اللي بعدها (اللي هو بيكون تقاطع منحنى تسارع النقلة الحالية مع منحنى تسارع النقلة اللي بعدها) كما هو موضح بالرسم.

خلي بالك من الخط المنقط معناه إيه : (أقصى تسارع للعربية ككل بفتيس 6 نقلات)
عشان كده اللي بيقيسوا تسارع العربية من 0-100 كم/س (أو 60 ميل/س) بيكونوا ناس محترفين جدا وعندهم sense عالي جدا وعارف إمتى ينقل .. الموضوع مش full throttle وبس.
حاجة تانية بالمرة :
(هل يعقل ان التسارع يكون بيقل ؛ لكن السرعة مازالت بتزيد !! عشان في ناس بتتلخبط) طبعا كلام سليم وكل العربيات كده.
شوف الجراف ده:

ميل الخط = السرعة = المشتقة الأولى = معدل تغير المسافة بالنسبة للزمن
وواضح من المنحنى السابق ان الميل موجب= يعني السرعة بتزيد
طيب والتسارع = المشتقة التانية = معدل تغير السرعة بالنسبة للزمن
وواضح من المنحنى ان المشتقة التانية سالبة يعني التسارع بيقل(بالرغم من زيادة السرعة).. وده إثباتها علميا.
أوباااا ... شكلي توهتكوا ..
المهم بس أنا بحاول أقولك ان الموضوع الأساسي كان عالموتور وعزمه بعيدا عن الفتيس ونقلاته عشان الموضوع كبييييير.

بس سؤال إزاي سرعة العربيه بتثبت والعزميين مختلفين مش لازم يتساوى حتى لو بنقلل العزم عن طريق إننا منوصلش للfullload

مش فاهم قصدك؟؟
1- لو تقصد أثناء part load فانت بتقلل دوستك عالبنزين لحد ما يتساوي ال traction بتاع العربية مع إجمالي المقاومات المؤثرة عالعربية ككل .. وبالتالي بتمشي بسرعة ثابتة.
لكن مازال عندك surplus torque كبير بمجرد ما تدوس بنزين أكتر.
2- لو تقصد أثناء full load والسرعة ثبتت .. يبأى أكيد انت على اخر نقلة في الفتيس وال RPM عالي جدا وقربت من ال red zone والموتور -بيفصَل- منك. (بتشديد الصاد).
ساعتها السرعة بتثبت بفعل ال controllers :
- ممكن governor على طلمبة البنزين.
- ممكن الECU تفصل الكهربا عن رشاش أو أكتر.
- وممكن ال ECU تعمل missfire لبوجيه أو أكتر .. وده حفاظا عالموتور و على حياة الركاب.

وبالمرة خد عندك الجراف ده (بيوضحلك عدد نقلات الفتيس المناسبة للعربية لغاية اخر سرعة للعربية)
وكمان بيوضح ال engine operating speed : فاكر لما قولتلك ان النقلة بتبدأ من RPM @maximum engine torque وتنتهي عند RPM@maximum engine power
موجودين عنك هنا بالترتيب : Nl و Nh
[IMG] Uploaded with ImageShack.us[/IMG]
تابع معايا :بتبدأ من نقطة الأصل وتمشي على الأول خط linear لحد ما توصل إلى NH وبعدين تنقل للتاني (عملية النقل دي يعني بتنزل على الخط ال dotted من NH إلى NL ) .. وبعد كده تمشي عالتاني linearly من NL إلى NH وتنقل للتالت بانك تنزل عال dotted إلى NL .... وهكذا.

تمام بس أنا كلامي كان على التربوهات الستوك زي في الباسات وعندي التربو بيبقى صغير وspool بدري قوي يعني أنا التربو عندي بيجيب الfullboost تحت ال2000 rpm وboost بيقع جامد بعد ال4000 rpm
فالlag فيه قليله جدا في أسوء الظروف مبتكملش ال3 ثواني
يا سيدي ما شاء الله ربنا يباركلك فيها .. أنا بصراحة محستش بال lag وانا قاعد جمبك في العربية، لكنه أكيد موجود.
وبمناسبة الكلام الجامد ده .. تقريبا سمعت انهم قدروا يتغلبوا عال lag تماما عن طريق إضافة تربو عالتربو..Twin turbo وأحسن جراف شوفته للموضوع ده كان بتاع أودي TT بس مش لاقيه دلوقتي.

الله يخليك وبجد معلومات فوق الرائعة بس أكيد معظم الناس تاهت مننا
ويا ريت لو تقدر تعملنا موضوع جديد فيه كل التفاصيل الرائعة دي

ربنا يبارك فيك يا هندسة .. كده متهيألي فعلا في ناس تاهت .. بس مليش دعوة .. إنتا اللي بدأت الأول.
أنا عندي فكرة .. إحنا ناخد الكلام ده مع شوية تظبيطات والذي منه .. وندخله عال Matlab ونعمله Analysis وشوية جرافات والذي منه.. وزود عليهم 1 حاجة ساقعة و2 قطعة جاتوه لكل دكتور.
وبكده تقدر تاخد ماجيستير قبل ما تخلص بكالوريوس.

[yoko]

تمام وهرد على حضرتك بس لما أرحع عشان نازل دلوقتي (نادي الشمس)
ومن أول الموضوع والناس تاهت وانا في الرد الأخير تهت في حته بس لما أرجع إن شاء الله
أما الماجستير ربنا يسهل صحيح ينفع واحد بكلريوس كهربى يعمل ماجيستير ميكانيكا؟؟؟ (بتكلم بجد على فكر)
أعمل ماجستير كهربى وبعديه أتسلى في الميكانيكا
المشروع بتاعي شكله مش هيخليني أخش المنتدى كتير (distribution + protection + synchronization) الحمد لله الدكتور مقلناش كونترول بالمرة!!!!

[yoko]

النقلات (reduction ratios) هتعمل reduction للسرعة و magnification للعزم
ولكن كل هذا لصالح الموتور عشان نقدر نقوم العربية وعشان كده maximum magnified torque بيكون على الترس الأول يعني أعلى تسارع بيكون عالنقلة الأولى (لإنك بتتحرك من سكون) (وبكرر تاني وانا متأكد إنك فاهمني .. تسارع غير سرعة)
المنحنى ده بيوضح التسارع بتاع كل نقلة ، وأنسب توقيت للنقلة اللي بعدها (اللي هو بيكون تقاطع منحنى تسارع النقلة الحالية مع منحنى تسارع النقلة اللي بعدها) كما هو موضح بالرسم.

تمام أنا كنت بتكلم من ناحيه الموتور فإعتبرت الجير بيعمل reduction لعزم الحمل

خلي بالك من الخط المنقط معناه إيه : (أقصى تسارع للعربية ككل بفتيس 6 نقلات)
عشان كده اللي بيقيسوا تسارع العربية من 0-100 كم/س (أو 60 ميل/س) بيكونوا ناس محترفين جدا وعندهم sense عالي جدا وعارف إمتى ينقل .. الموضوع مش full throttle وبس.

حلو اوي الجراف ده وكنا عملنا موضوع هنا في المنتدى إزاي تحسب النقله تبقى على كام rpm بإستخدام جراف العزم والجير راشيو

حاجة تانية بالمرة :
(هل يعقل ان التسارع يكون بيقل ؛ لكن السرعة مازالت بتزيد !! عشان في ناس بتتلخبط) طبعا كلام سليم وكل العربيات كده.
شوف الجراف ده:

ميل الخط = السرعة = المشتقة الأولى = معدل تغير المسافة بالنسبة للزمن
وواضح من المنحنى السابق ان الميل موجب= يعني السرعة بتزيد
طيب والتسارع = المشتقة التانية = معدل تغير السرعة بالنسبة للزمن
وواضح من المنحنى ان المشتقة التانية سالبة يعني التسارع بيقل(بالرغم من زيادة السرعة).. وده إثباتها علميا.
أوباااا ... شكلي توهتكوا ..
المهم بس أنا بحاول أقولك ان الموضوع الأساسي كان عالموتور وعزمه بعيدا عن الفتيس ونقلاته عشان الموضوع كبييييير.

أنا غلبت أفهم الناس إن التسارع مش السرعة وطول ما التسارع موجب السرعة هتزيد حتى لو ميل التسارع ده بالسالب

مش فاهم قصدك؟؟
1- لو تقصد أثناء part load فانت بتقلل دوستك عالبنزين لحد ما يتساوي ال traction بتاع العربية مع إجمالي المقاومات المؤثرة عالعربية ككل .. وبالتالي بتمشي بسرعة ثابتة.
لكن مازال عندك surplus torque كبير بمجرد ما تدوس بنزين أكتر.
2- لو تقصد أثناء full load والسرعة ثبتت .. يبأى أكيد انت على اخر نقلة في الفتيس وال RPM عالي جدا وقربت من ال red zone والموتور -بيفصَل- منك. (بتشديد الصاد).
ساعتها السرعة بتثبت بفعل ال controllers :
- ممكن governor على طلمبة البنزين.
- ممكن الECU تفصل الكهربا عن رشاش أو أكتر.
- وممكن ال ECU تعمل missfire لبوجيه أو أكتر .. وده حفاظا عالموتور و على حياة الركاب.

أيوه قصدي في الpartload بيتساوى لكن أول ما تزود رجلك على البنزين الtorque بيزيد فبيحصل تسارع

وبالمرة خد عندك الجراف ده (بيوضحلك عدد نقلات الفتيس المناسبة للعربية لغاية اخر سرعة للعربية)
وكمان بيوضح ال engine operating speed : فاكر لما قولتلك ان النقلة بتبدأ من RPM @maximum engine torque وتنتهي عند RPM@maximum engine power
موجودين عنك هنا بالترتيب : Nl و Nh




تابع معايا :بتبدأ من نقطة الأصل وتمشي على الأول خط linear لحد ما توصل إلى NH وبعدين تنقل للتاني (عملية النقل دي يعني بتنزل على الخط ال dotted من NH إلى NL ) .. وبعد كده تمشي عالتاني linearly من NL إلى NH وتنقل للتالت بانك تنزل عال dotted إلى NL .... وهكذا.

تمام وده نسخة من الresistance starting method في المواتير الكهربى عندنا بس عندنا i وr

يا سيدي ما شاء الله ربنا يباركلك فيها .. أنا بصراحة محستش بال lag وانا قاعد جمبك في العربية، لكنه أكيد موجود.

ما اللاج بتبتدي تتعود تتعامل معاه شويه بشويه لحد ما تعرف تنقل إمتى وإزاي

وبمناسبة الكلام الجامد ده .. تقريبا سمعت انهم قدروا يتغلبوا عال lag تماما عن طريق إضافة تربو عالتربو..Twin turbo وأحسن جراف شوفته للموضوع ده كان بتاع أودي TT بس مش لاقيه دلوقتي.

فعلا التوين تربو بيقلل اللج جدا لكن مش بيلغيه الي بيلغيه فعلا السوبر مع تربو زي المواتير الtsi الي هيا فوق ال160 حصان

ربنا يبارك فيك يا هندسة .. كده متهيألي فعلا في ناس تاهت .. بس مليش دعوة .. إنتا اللي بدأت الأول.

معلش الي يتوه نبقى نبسطهاله لو يحب

أنا عندي فكرة .. إحنا ناخد الكلام ده مع شوية تظبيطات والذي منه .. وندخله عال Matlab ونعمله Analysis وشوية جرافات والذي منه.. وزود عليهم 1 حاجة ساقعة و2 قطعة جاتوه لكل دكتور.
وبكده تقدر تاخد ماجيستير قبل ما تخلص بكالوريوس.
طيب بجد ينفع واحد كهربى يعمل ماجيستير ميكا ولا هيقولوا عليا مجنون؟

[ahmedhawas]

طيب بجد ينفع واحد كهربى يعمل ماجيستير ميكا ولا هيقولوا عليا مجنون؟

بصراحة مش عارف.
بس أنا شوفت كذا واحد بيكون ميكانيكا ويدرس نقطة معينة وتأثيرها على أداء ماكينة ما أو زيادة الإنتاج
وتيجي متلاقيش أي تطبيق عملي للشغل اللي هو عمال بيهتي فيه .. تلاقي الموضوع كله قام محوله لسكة
اللي يروح ميرجعش (قصدي سكة ال Matlab) وشوية analysis على جرافات .. وكل عام وانتم بخير ودمتم.

[minicooper20]

طيب ليه الدفع الخلفى عزمو اكبر معن المفرود فى فقد عزم فى الكرونه و لا انا بهيس
شكلى مش فاهم حاجه خالص

[waelfarid]

طب مهو فيه كرونة في الدفع الامامي برضه بس لازقة في الجير بوكس وطالع منها الاكس اليمين والشمال للكبالن يمين وشمال ومفيش تهييس ولا حاجة وكلنا بنتعلم

[osama.m]

تسلم ايدك يا يوكو انت و بقيت كلية الهندسة اللي هنا
شرح سهل جدا و الحمد لله فهمت كل حاجة ... متسألنيش ازاي :(

[moha4tec]

الله ينور يا هندسه