كي جي وان سواقة و عربيات

[OlaOsman]

انا و غيري كتير من مبتدئي السواقة فيه عندنا أسئلة كتير.. ممكن نكون بنعمل حاجات في الشارع مش حاسين انها غلط، انما هي بتكون غلط خالص و احنا مش عارفين.. أكيد فيه حاجات بتضايق متمرسي السواقة من مبتدئيها فعلا نحب نعرفها.. محتاجين نصايح من اللي عايز فعلا يفيد.. و عشان مافيش توعية كافية بكثير من أمور السواقة و المرور و العربيات فليه ما يكونش الموضوع ده حاجة كده زي مرجع للناس اللي لسه في أول فترة سواقتها.

ممكن الموضوع ده يبقى متجدد على طول بأسئلة مبتدئي السواقة و بنصايح متمرسيها و ممكن يشمل سلوكيات الطريق، تكنيكات في السواقة، أسئلة خاصة بالعربية نفسها أو بطريقة سواقتها سواء مانيوال أو أوتوماتيك.. حتى لو حد من الناس الخبرة في السواقة شاف غلطة في الشارع عملها مبتدئ ييجي هنا و ينصح اللي لسه في أول سواقتهم انهم ما يعملوهاش و يقول لهم على التصرف الصح.

يا رب الموضوع ده يكون مفيد للجميع و يا ريت الناس اللي خبرة في السواقة هنا في المنتدى يشاركوا و يفيدوا غيرهم

[coolsh]

اول نصيحه بتعصبني انا عن نفسي اوعى حد يمشى على الشمال ومش ناوي يدوس يعني بطئ خليك على اليمين او في النص لكن شمال لأ ولو اضطريت تمشي على الشمال يا ريت تلتفت للي وراك وتاخد بالك من الفلاشات والكلاكسات.....
تاني نصيحه ياريت تبصي في المرايات قبل الانتقال من حاره للتانيه وشوف يسمح ولا لا انك تدخل الحاره ده...
ودمتم سالمين

[Dr_Mido]

والاهم لو هتشغل اشارة اتاكد انها شغاله لو مش متاكد مها متشغلهاش علشان انا بكرة جدا اللى بيدى شمال وانا اتصرف على اساس شمال
ومرة واحدة الاقه جاب الطريق من جنب للتانى عكس اشارته

ولو مبتدى وميكروباص زنق عليك متعملش سبع الرجال وتزنق عليه لانه ممكن يعدى بصاج البراميل بتاعه فى صاج عربيتك ويقلك انت اللى غلطان كسرت عليا او يلبسك فى رصيف

[OlaOsman]

اول نصيحه بتعصبني انا عن نفسي اوعى حد يمشى على الشمال ومش ناوي يدوس يعني بطئ خليك على اليمين او في النص لكن شمال لأ ولو اضطريت تمشي على الشمال يا ريت تلتفت للي وراك وتاخد بالك من الفلاشات والكلاكسات.....
تاني نصيحه ياريت تبصي في المرايات قبل الانتقال من حاره للتانيه وشوف يسمح ولا لا انك تدخل الحاره ده...
ودمتم سالمين

المشكلة ان اليمين مصيدة للأتوبيسات و التاكسيات و كل ما هو بيقف فجأة و بيعمل ربكة للي بيسوق جديد.. ده غير ان أحيانا بيكون أتوبيس مثلا عطلان و اللي سايق واخد يمين زي ما الكتاب بيقول، يفوجأ بالأتوبيس او العربية اللي عطلانه و يبدأ يكسر شمال و يبص على المراية على اللي جاي وراه و دي بتكون صعبة اوي على اللي سايق جديد. اما المشي في النص فباحس انه مصيدة لكل اللي عايز يكسر عليك و أحيانا بتعمل نفسك ساندوتش و تضطر تهدي انت و تطلع من الاتنين اللي كبسوا عليك.. يعني تعب أعصاب.. فبيكون الحل هو أخد الشمال.. طبعا مش ده الحل الأمثل عشان الناس اللي ماشية بسرعة وواخدة الشمال هايجيلهم كده شلل أطفال، انما أحيانا بيكون ما باليد حيلة.

بالنسبة للمرايات انا باستغرب جدددددددددا من اللي ماشي قافل مراياته الاتنين.. ازاي بيعرف يمشي كده؟

شكرا جدا على النصايح

[OlaOsman]

والاهم لو هتشغل اشارة اتاكد انها شغاله لو مش متاكد مها متشغلهاش علشان انا بكرة جدا اللى بيدى شمال وانا اتصرف على اساس شمال
ومرة واحدة الاقه جاب الطريق من جنب للتانى عكس اشارته

ولو مبتدى وميكروباص زنق عليك متعملش سبع الرجال وتزنق عليه لانه ممكن يعدى بصاج البراميل بتاعه فى صاج عربيتك ويقلك انت اللى غلطان كسرت عليا او يلبسك فى رصيف

كلام مظبوط

[coolsh]

المشكلة ان اليمين مصيدة للأتوبيسات و التاكسيات و كل ما هو بيقف فجأة و بيعمل ربكة للي بيسوق جديد.. ده غير ان أحيانا بيكون أتوبيس مثلا عطلان و اللي سايق واخد يمين زي ما الكتاب بيقول، يفوجأ بالأتوبيس او العربية اللي عطلانه و يبدأ يكسر شمال و يبص على المراية على اللي جاي وراه و دي بتكون صعبة اوي على اللي سايق جديد. اما المشي في النص فباحس انه مصيدة لكل اللي عايز يكسر عليك و أحيانا بتعمل نفسك ساندوتش و تضطر تهدي انت و تطلع من الاتنين اللي كبسوا عليك.. يعني تعب أعصاب.. فبيكون الحل هو أخد الشمال.. طبعا مش ده الحل الأمثل عشان الناس اللي ماشية بسرعة وواخدة الشمال هايجيلهم كده شلل أطفال، انما أحيانا بيكون ما باليد حيلة.

بالنسبة للمرايات انا باستغرب جدددددددددا من اللي ماشي قافل مراياته الاتنين.. ازاي بيعرف يمشي كده؟

شكرا جدا على النصايح

كلامك مظبوط بس حتى لو مشيتي على الشمال خدي بالك من الي ورااكي...اما بالنسبه للمرايااااات الي بيكونوا قافلينها انا بزينون عالي بأدبهم في المرايه الي في النص..ولو منفعش كلاكساااااات لما يزهق من حياااته...وانتي تأمري..

[OlaOsman]

يا ريت تلتفت للي وراك وتاخد بالك من الفلاشات والكلاكسات.....

طيب بالنسبة للغة الفلاشات و تقليب النور انا باعتبر نفسي ضعيفة فيها حبتين.. فممكن بعد إذنك تشرح لي عنها أكتر.

[blazer]

موضوع مفيد فعلا ربنا يبارك ليكى :)
من الحاجت اللى برده بتتعمل و بتكون غلط :
1- الفرامل اثناء منازل الكوبرى :يعنى المبتدئين مبياخدوش بالهم ان العربيه بتزيد سرعتها جامد اثناء المنازل فبيجى مره واحده دايس فرامل ودا طبعا غلط جدا لازم يخلى باله من سرعته و يحاول يفضل مثبتها اثناء المنزل بلضغط الخفيف على الفرامل .
2-لو انت ماشى فى طريق جديد اول مره (ودا المفروض لكل الناس سواق جديد او قديم)خللى باللك و امشى بلهداوه و بلراحه لانك مش عامل حسابك على المطبات و الحفر والبلاعات واللذى منه
3-فى بدايه سواقتك حاول متشغلش الكاسيت بصوت عالىو على قد ما تقدر افضل فاتح زجاج الشباك اللى جمك عشان تقدر تحس بلطريق و بعربيتك وبصوت الماتور تعرف امتى على وامتى لا
4-لما تكون فى كطلع كبرى والطريق واقف ارفع الهاند بريك ولما الطريق يتحرك متنزلهاش الا لما تكون حاطط العربيه على الترس الاول (الغيار اول) ودايس بنزين خفيف بعد كدا نزل دراع الهاند عشان العربيه مترجعش ورا
5-عشان تتعود على العربيه انزل كدا مره الفجر وافضل لف بلعربيه فى الشارع وحاول تاخد ملفات يمين وشمال على قد ماتقدر عشان تقدر تحفظ زوايا العربيه و تقدر تتعلم ازاى تركن العربيه فى مكان ديق بسهوله و سرعه
بس كدا هو دا اللى انا فاكره دلوقتى :)

[OlaOsman]

موضوع مفيد فعلا ربنا يبارك ليكى :)
من الحاجت اللى برده بتتعمل و بتكون غلط :
1- الفرامل اثناء منازل الكوبرى :يعنى المبتدئين مبياخدوش بالهم ان العربيه بتزيد سرعتها جامد اثناء المنازل فبيجى مره واحده دايس فرامل ودا طبعا غلط جدا لازم يخلى باله من سرعته و يحاول يفضل مثبتها اثناء المنزل بلضغط الخفيف على الفرامل .
2-لو انت ماشى فى طريق جديد اول مره (ودا المفروض لكل الناس سواق جديد او قديم)خللى باللك و امشى بلهداوه و بلراحه لانك مش عامل حسابك على المطبات و الحفر والبلاعات واللذى منه
3-فى بدايه سواقتك حاول متشغلش الكاسيت بصوت عالىو على قد ما تقدر افضل فاتح زجاج الشباك اللى جمك عشان تقدر تحس بلطريق و بعربيتك وبصوت الماتور تعرف امتى على وامتى لا
4-لما تكون فى كطلع كبرى والطريق واقف ارفع الهاند بريك ولما الطريق يتحرك متنزلهاش الا لما تكون حاطط العربيه على الترس الاول (الغيار اول) ودايس بنزين خفيف بعد كدا نزل دراع الهاند عشان العربيه مترجعش ورا
5-عشان تتعود على العربيه انزل كدا مره الفجر وافضل لف بلعربيه فى الشارع وحاول تاخد ملفات يمين وشمال على قد ماتقدر عشان تقدر تحفظ زوايا العربيه و تقدر تتعلم ازاى تركن العربيه فى مكان ديق بسهوله و سرعه
بس كدا هو دا اللى انا فاكره دلوقتى :)

جزاك الله خيرا على التفاعل

طيب بالنسبة لمطالع ومنازل الكباري لما تكون واقفة و العربية أوتوماتيك، اعمل ايه؟

[MoToRiZeR]

هي حاجة بسيطة بس لو إتعملت مش هنحس بإن الشارع مليان تعابين و أكروبات
التجاوز من الشمال يا بشر !

يعني لو الشارع 3 حارات هيبقي متقسم اليمين بطئ .. النص الأسرع .. ثم الشمال الأسرع

فا السرعة مرتبطة بالناحية الشمال .. و بما إنك مش هتتجاوز اللي قدامك إلا لو إنت أسرع منه فا هتتجه للحارة الأسرع و هي الشمال .. لو هتهدي عشان تعمل حاجة أو تتكلم في الموبايل إلزم اليمين .. لو عربيتك عطلت إوعي تقف عالشمال

فا لو علي طريق سريع يفضل إنك متطلعش من حد إلا من عالشمال و لو إنت ماشي عالشمال يبقي تشد حيلك شوية و بلاش نوم

[AhmedGen2]

موضوع جميل ..

انا عاوز اعرف هو لما العربية تطفى منى وانا عالأول هل دة غلط عالموتور ولا حاجة ؟ ، أنا كنت بتفصل منى فى الأول وانا طالع من اشارة او بتاع بس دلوقتى الموضوع بيحصل نادرا ً ، بس عاوز اعرف اذا كان الفصل دة تأثيره سلبى ولا مش فارقة؟.

[OlaOsman]

هي حاجة بسيطة بس لو إتعملت مش هنحس بإن الشارع مليان تعابين و أكروبات
التجاوز من الشمال يا بشر !

يعني لو الشارع 3 حارات هيبقي متقسم اليمين بطئ .. النص الأسرع .. ثم الشمال الأسرع

فا السرعة مرتبطة بالناحية الشمال .. و بما إنك مش هتتجاوز اللي قدامك إلا لو إنت أسرع منه فا هتتجه للحارة الأسرع و هي الشمال .. لو هتهدي عشان تعمل حاجة أو تتكلم في الموبايل إلزم اليمين .. لو عربيتك عطلت إوعي تقف عالشمال

فا لو علي طريق سريع يفضل إنك متطلعش من حد إلا من عالشمال و لو إنت ماشي عالشمال يبقي تشد حيلك شوية و بلاش نوم

طيب يا محمود لو انا لسه عاملة يوترن و طبعا اليوترن هايحدفني على الناحية الشمال و بعد كده بشوية في مطلع كوبري برضه على الشمال.. في الحالة دي طبعا مش هاخد يمين عشان مسافة صغيرة وارجع آخد شمال تاني عشان أطلع الكوبري.. انا برضه لازلت مشيي بطئ فاللي بيحصل اني باكون واخدة الشمال و ماشية بطئ، بس اللي ورايا مش هايعرف اني عايزة أطلع الكوبري، و بالنسبة له انا كده معطلاه فيا إما بيكلكس جامد عشان أعديه او بيطلع من ورايا و طبعا مش بينسى يهاديني بنظرة من إياهم او شتيمة. المسافة اللي باتكلم عليها حوالي 100 متر و الطريق اللي باتكلم عنه ده على كورنيش الساحل.. خبرني بالله عليك ماذا تفعل لو كنت مكاني؟

[blazer]

موضوع جميل ..

انا عاوز اعرف هو لما العربية تطفى منى وانا عالأول هل دة غلط عالموتور ولا حاجة ؟ ، أنا كنت بتفصل منى فى الأول وانا طالع من اشارة او بتاع بس دلوقتى الموضوع بيحصل نادرا ً ، بس عاوز اعرف اذا كان الفصل دة تأثيره سلبى ولا مش فارقة؟.

بوص
دا اكيد حصل من 95% مننا من اللى اتعلموا على المانيوال شويه شويه هتتعود على نسبه البنزين و الدبرياج
ممكن تحل الموضوع دا بانك تدوس سنه صغيره خالص بنزين زياده
العربيه مش هتطفى منك

[MoToRiZeR]

طيب يا محمود لو انا لسه عاملة يوترن و طبعا اليوترن هايحدفني على الناحية الشمال و بعد كده بشوية في مطلع كوبري برضه على الشمال.. في الحالة دي طبعا مش هاخد يمين عشان مسافة صغيرة وارجع آخد شمال تاني عشان أطلع الكوبري.. انا برضه لازلت مشيي بطئ فاللي بيحصل اني باكون واخدة الشمال و ماشية بطئ، بس اللي ورايا مش هايعرف اني عايزة أطلع الكوبري، و بالنسبة له انا كده معطلاه فيا إما بيكلكس جامد عشان أعديه او بيطلع من ورايا و طبعا مش بينسى يهاديني بنظرة من إياهم او شتيمة. المسافة اللي باتكلم عليها حوالي 100 متر و الطريق اللي باتكلم عنه ده على كورنيش الساحل.. خبرني بالله عليك ماذا تفعل لو كنت مكاني؟

انا عارف الحتة دي و أحلي حاجة فيها إن الأرض معليهاش حارات
بصي المفروض يا علا لو حد قلبلك نور و إنتي ماشية شمال بطئ وسعيله .. ده في حالات إنك ماشية بطئ بطء يعطل مش في حالة إن أخينا ده هو اللي أسرع من كل العربيات اللي في الشارع و مقضيها تغريز و كبس علي خلق الله .. المهم لو يمينك فاضي وسعيله و إطلعي الكوبري من حارته اليمين مفيش مشكلة مع الوقت هتتعودي تمشي في نص الشارع بس هي محتاجة شوية تركيز .

بس موضوع التجاوز من الشمال ده مهم في الطرق السريعة أكتر زي المحور و الدائري لأن ممكن يعمل مشاكل لأن لو تجاوزتي من اليمين هتروحي للحارة الأبطأ و بالتالي تبقي محتاجة غرزة تاني .. أو يطلع اللي عاليمين مش باين ولا قدر الله اللي بيعدي يخبطه .. و ده طبعا يحقق سيولة مرورية أكتر لأن هيبقي كل واحد ماشي في مكانه الصح .. عشان كدة بتشل اما الاقي عربية نقل ولا مقطورة واخدالي الشمال و ماشي 70 عالدائري

[islambana]

1-حاول تعود نفسك تبص في التلات مرايات
2-حاول تعود نفسك علي استخدام الاشارات
3-سيبك من اللي بيقعد يضربلك كلاكسات كتير (طالما عامل فيها ناصح يتصرف بعيد عنك )
4-حاول تعود نفسك علي ابعاد العربيه واعرف امكانياتها كويس واعرف برجلها قد ايه (هتفيدك في اليوتيرن ومداخل الشوارع الضيقه )
5- حاول تعود نفسك من البدايه علي الغيارات الكتير وتظبط رجلك ع الدبرياج (يعني ماتفضلش محمل عليها علي طول ) معلش هتتعب في الاول لكن هترتاح وهتريح العربيه بعد كده
6-ماتحاولش تطلع علي التاني وانت لسه جديد علشان العربيه هتطفي منك وهتعطل الطريق وهيبقي شكلك وحش
7-اعرف امكانياتك كويس ولا تثق في نفسك زياده عن اللزوم
8-ما تحاولش تطلع علي الطريق لوحدك وانت لسه جديد ماتخليش فرحتك بنفسك تعميك استني شويه لما تبقي متمكن وتمسك العربيه كويس وتتحكم فيها كويس
9-نصيحه اخيره لكل اللي هيتعلم جديد اوعي تفكر تتعلم تسوق ورجليك حافيه لأنك لو اتعودت علي كده هتفضل طول عمرك تسوق حافي
10 -حاول في اول مرتين تلاته تخلي حد يعرف يسوق كويس يركب جمبك عشان يعرفك اخطاؤك