كي جي وان سواقة و عربيات

[MoToRiZeR]

كمان لو حد واقف في يوتيرن يقلب نور عشان ينبه اللي جي إنه طالع دلوقت فا يهدي شوية

او لو حد ماشي في الشمال و معدي علي يوتيرن بس مش هيلف فيه .. يدي إشارة يمين عشان ينبه اللي وراه و اللي جنبه إنه مش هيلف عشان محدش يلف عليه من اليمين و يخبطه .. و يقلب نور للناس اللي واقفة في اليوتيرن عشان ينبهم إنهم يستنوا ميعدوش دلوقت لو جي بسرعته

[OlaOsman]

شكرا جدا على المعلومات الوافية :)

[mohamed ismail]

فيه حاجة مهمة جدا برضه
المفروض الواحد ياخد باله من ردود فعل العربيات الل امامه لان هو ممكن يكون شايف حاجة انته مش شايفها
يعني مثلا هو ادي انتظار وهو ماشي ادامك يبقي اكيد فيحة حاجة فمتحاولش تسرع وتتخطاه خد بالك ان اكيد فيه عائق
حاجة حصلتلي برضه وانا باتعلم ماشي علي الطريق وواحد قدامي ماسك شمال ومش عاوز يعديني
انا مش بحب اعدي من يمين الشخص وقعد فترة ماشي قدامي ومش عاوز يعديني
فجأة لقيته مدي اشاررة يمين انا طبعا المحية خدتني ورحت كابس علي العربية علشان الطريق قدامي هايفضي يا دوبك هو خلع يمين والاقي في وشي عربية كارو ساتر ربنا انا مش عارف انا لميت العربة ازياي
الحمد لله
اقصد اقوي اني اخد بالي من افعال اللي قدامي لانة غالبا مش هيروح يمين او شمال فجاة الا لو كان في حاجة
ومعملش انا بقي فيها عنتر واخش

[mohamed ismail]

فيه برضه نقطة دايما الواحد بيغلط فيها وهو بيتعلم في العربيات المانيول
ان العربي تبقي واخد غيار ويدور العربي طبعا لو قمامك عربية هتلبس فيها
فلازم تتاكد اولا قبل ما تحط ايدك علي المفتاح حطها علي الفتيس واتاكد انه ممور
يا اما وانا احبذ انك تتعود تدوس دبرياش وانته بتدور العربية حتي لو ممورة لان ده كمان بيخف الحمل ساعة الدوارة وبعدين بعد ما تدور وبعد ما تدي الغيار ايدك تلقائي تروح االهاند بيرك لاني دايما وانا باتعمل كنت بنساها
والواحد مش بيبقي حاسس بالعربية قوي في الاول فممكن يبوط الطنابير والتيل طبعا

[EL_3OMDA]

فعلا موضوع مفيد وجميل جدا شكرا ليكوا بجد لانكوا مببخلوش على حد بمعلومه جزاكم الله كل خير
ياريت كمان حد من الخبراء فى القياده يتفضل بمعلومات عن القياده الصحيحه نفسها يعنى مثالين شوفتهم فى اتنين صحابى الاول بيغير الدبرياج كل فتره والميكانيكى دايما يقوله انت بتحمل قوى عليه وطبعا ولا هوا ولا انا فاهمين بس اللى فهمته انه بيدوس كتير عليه وصاحبى قالى كدا فعلا ودا لان عزم العربيه تعبان وبيقول دى بيجمع معاه عزم فبيدى نص دبرياج كدا علطول فدا اكيد غلط صح ولا انا غلطان ياريت تفيدونا
دا كان الاول اما التانى بقى فدى مشكله محيرانى بقى تلاقيه مدى الرابع وماشى 120 تمام الحمد لله مره واحده مثلا فى ملف بسيط كدا بيلمس فرامل فسرعته بتنزل ل110 بيقول مسقط التالت وكل مره بنتخانق فى الحته دى اقوله دا غلط يقولى بضام هديت يبقى انزل بالغيار اللى تحت وانا حاسس ان دا غلط قوى على الجير بوكس فى السرعه دى ويسقط 3 ياريت برضو تفيدونا
وياريت حد يشرحلنا ميكانيكيه السواقه نفسها والغبارات المانيوال الصح فى اوقاتها والنزول امتى من الاعلى للادنى وما الى ذلك باستفاضه واهو كله بثوابه واسف جدا على الاطاله

[rabbat5]

_ أوعى تقف على مطلع كوبري ، خصوصا لو كان الكوبري ضيق أو على طريق سريع زي الكباري اللى على اسكندرية الزراعي.
_ بعد نزولك من كوبري الزم الحارة اليمنى حتى تتأكد من امكانية السير فى الحارات اليسرى بالنظر فى المرآة.
_ اياك اياك تكون ماشي على سرعة و تخلى حد يكون عايز يعمل غرزة أو عايز يعديك يغير اتجاهك : للشمال لو هو جاي من اليمين ، أو لليمين لو هو جاي من الشمال لأن اللى جاي من ورا فى الحارات المجاورة مش واخد باله و ممكن يحصل حادث و الحل يا اما تهدي سرعتك و تعديه أو تزود بنزين بحيث ميعديش و الأفضل أنك تهدي _ متفرملش_ و هو يتصرف و هيعرف يعدي من غير ما انت تغير اتجاهك .
احتكاك جانب السيارة بالسيارة الجاية من الخلف و عايزة تعديك أهون بكتير من انك تاخد شمال أو يمين فجأة و تصطدم بحد جاي من الخلف .
طبعا المتمرس هيقدر يتصرف بسرعة غالبا.
_ آخرك 95 كم/ساعة فى البداية و تلزم الجانب الأيمن فى الطرق السريعة لأن ردود فعلك لسه بطيئة و مع السرعة الكبيرة لو قابلك موقف استجابتك غالبا هتكون بطيئة .
_ لازم تراعي امكانيات عربيتك .
حضر بالاشارة قبل الملف ب 100 متر اذا كان الطريق سريع (زي مثلا لو واخد طريق الفيوم و هتاخد يمين طريق الواحات عشان تروح 6 أكتوبر )و حاول تحضن يمين و تهدي سرعتك _ لو هتدخل يمين _ أو العكس لأنك لو خدت الملف على واسع و على سرعة ممكن تلاقى عربيات ماشية طوالى _سرعتها أعلى منك _ تمنعك من اللف و تجبرك انك تمشي طوالي.
_ ما تاخدش ملف على سرعة كبيرة خصوصا لو كانت عربيتك من الحجم الصغير خفيف الوزن .
_ اليوترن أو المخارج حاول تاخد الجهة المعاكسة لها قبلها بمسافة مناسبة_ لو المخرج شمال خد يمين و العكس _ عشان ما تضطرش للوقوف قبل المخرج ( زي المخارج الكتير فى شارع الهرم).
و لو حصل و وقفت أو اتزنقت بين العربيات اللى داخلة المخرج شغل الاشارة المعاكسة لاتجاه المخرج عشان تعرف اللى حولك انك مش داخل المخرج .

[OlaOsman]

فعلا موضوع مفيد وجميل جدا شكرا ليكوا بجد لانكوا مببخلوش على حد بمعلومه جزاكم الله كل خير
ياريت كمان حد من الخبراء فى القياده يتفضل بمعلومات عن القياده الصحيحه نفسها يعنى مثالين شوفتهم فى اتنين صحابى الاول بيغير الدبرياج كل فتره والميكانيكى دايما يقوله انت بتحمل قوى عليه وطبعا ولا هوا ولا انا فاهمين بس اللى فهمته انه بيدوس كتير عليه وصاحبى قالى كدا فعلا ودا لان عزم العربيه تعبان وبيقول دى بيجمع معاه عزم فبيدى نص دبرياج كدا علطول فدا اكيد غلط صح ولا انا غلطان ياريت تفيدونا
دا كان الاول اما التانى بقى فدى مشكله محيرانى بقى تلاقيه مدى الرابع وماشى 120 تمام الحمد لله مره واحده مثلا فى ملف بسيط كدا بيلمس فرامل فسرعته بتنزل ل110 بيقول مسقط التالت وكل مره بنتخانق فى الحته دى اقوله دا غلط يقولى بضام هديت يبقى انزل بالغيار اللى تحت وانا حاسس ان دا غلط قوى على الجير بوكس فى السرعه دى ويسقط 3 ياريت برضو تفيدونا
وياريت حد يشرحلنا ميكانيكيه السواقه نفسها والغبارات المانيوال الصح فى اوقاتها والنزول امتى من الاعلى للادنى وما الى ذلك باستفاضه واهو كله بثوابه واسف جدا على الاطاله

فقط تذكير بالسؤال.

[عزيز محمد]

مثالين شوفتهم فى اتنين صحابى الاول بيغير الدبرياج كل فتره والميكانيكى دايما يقوله انت بتحمل قوى عليه وطبعا ولا هوا ولا انا فاهمين بس اللى فهمته انه بيدوس كتير عليه وصاحبى قالى كدا فعلا ودا لان عزم العربيه تعبان وبيقول دى بيجمع معاه عزم فبيدى نص دبرياج كدا علطول فدا اكيد غلط صح ولا انا غلطان ياريت تفيدونا

أنا مش من الخبراء فى القيادة ولا حاجة لكن هاحاول أفيد فى النقطة دى:
فى السيارات المانيول فإن الضغط على دواسة الدبرياج يؤدى لتباعد الاسطوانة عن الديسك (مؤدية لفصل حركة الموتور عن العجلات) مما يسمح بتسهيل فصل تروس الفتيس عن بعضها وإعادة تعشيقها على الغيار المطلوب مرة اخرى. وعند ترك الدواسة تعود الاسطوانة للتلامس مع الديسك مرة أخرى مما يسمح بانتقال الحركة مرة أخرى من الموتور إلى العجلات عبر الفتيس.

فى كل مرة تعاود فيها الاسطوانة التلامس مع الديسك تتعرض الطبقة السطحية منها للتآكل بنسبة ضئيلة جدا، وهو الأمر الذى بعد فترة طويلة من الاستخدام يؤدى لتآكل هذه الطبقة مؤديا لضرورة تغيير الاسطوانة

عند ضغط بدال الدبرياج إلى منتصفه تكون الاسطوانة فى حالة احتكاك مستمر مع الديسك، وهو ما يؤدى إلى تآكل طبقتها السطحية بمعدل أكبر، كما يقلل من مقدار الحركة التى تصل للعجلات من الموتور، ولهذا فإن من النصائح الشائعة هى عدم التحميل بالقدم على دواسة الدبرياج، بل ينبغى الضغط عليها بالكامل أو تحريرها بالكامل

الشعور الزائف بأن الضغط على الدبرياج لمنتصفه "بيجمع عزم" قد يكون مرجعه إلى السحبة المفاجئة التى يشعر بها السائق عندما يحرر دواسة الدبرياج بعد أن يكون عدد لفات الموتور قد ارتفع فينتقل بذلك مقدار كبير من الحركة إلى العجلات بصورة مفاجئة مسببا الإحساس "بالعزم"


أرجو التصويب فى حالة وجود أخطاء

[AhmedGen2]

عندى سؤال يا جماعة ، ايه أفضل وأسرع طريقة لإيقاف السيارة او تفادى حاجة مثلا؟.

وأنا على الرابع وشايف مطب مثلا من بعيد ، بدوس فرامل الأول ولا دبرياج وفرامل؟ ، أصل لما بدوس دبرياج الأول بحس العربية ريحت ، المفروض فرامل الأول مش كدة؟.

[MIS]

عندى سؤال يا جماعة ، ايه أفضل وأسرع طريقة لإيقاف السيارة او تفادى حاجة مثلا؟.

وأنا على الرابع وشايف مطب مثلا من بعيد ، بدوس فرامل الأول ولا دبرياج وفرامل؟ ، أصل لما بدوس دبرياج الأول بحس العربية ريحت ، المفروض فرامل الأول مش كدة؟.

المطب انتا شايفوا بعيد اهو دوس علي الدبرياج للاخر ولمسة فرامل العربية هتهدي واحدة واحدة لحد ما توصل للمطب وتهدي خالص العربية هاتقف علطول وتعدي المطب مستريح

[MoToRiZeR]

المطب انتا شايفوا بعيد اهو دوس علي الدبرياج للاخر ولمسة فرامل العربية هتهدي واحدة واحدة لحد ما توصل للمطب وتهدي خالص العربية هاتقف علطول وتعدي المطب مستريح

علي فكرة المفروض العكس لأن الفرامل أدائها أحسن و إنت مش دايس دبرياج ، كمان أعتقد النوع ده من الإستعمال بيقلل من عمر إسطوانة الدبرياج

المفروض تدوس فرامل و تهدي واحدة واحدة لحد ما هتحس العربية هتقف هنا تدوس دبرياج

انا باخد المطبات بالطريقة الأتية و يا ريت حد يصححي لو غلطان

بهدي بالفرامل فقط لحد ما أبقي خلاص هطلع عالمطب ، بمور و أسيب الفرامل و كل حاجة .. و أعدي المطب و أعشق الأول و أكمل .

[islambana]

انا باخد المطبات بالطريقة الأتية و يا ريت حد يصححي لو غلطان

بهدي بالفرامل فقط لحد ما أبقي خلاص هطلع عالمطب ، بمور و أسيب الفرامل و كل حاجة .. و أعدي المطب و أعشق الأول و أكمل .

+111111111111

[Theredbaron]

أول حاجة أنا مبسوط من الموضوع الممتاز دا لأن كل واحد بينقل خبرته و تجاربه في السواقة عشان نضيفها لخبرتنا . أحب أنوه عن حاجة بتحصل في شوارعنا و أنا أبقى متغاظ جدا جدا و أنا سايق لأن الحاجة دي هي الي بتعمل إزدحامات في الشوارع أو عند لما تقف في إشارة مثلا و هي الحواري الي على الطريق يعني مثلا ألاقي و أنا ماشي طريق مكون من تلات حواري ألاقي مثلا عربيتين ماشيين في حارة واحدة و ممكن عربية تانية ماشية بين حارتين و حاجات تانية كتيير تخنق الواحد (ايه يعني لما نكون زي البلدان المتقدمة تلاقي لما الشوارع تزدحم كل واحد ملتزم بحارته فما تحسش إن في إزدحام خالص أو الإزدحام يكون منظم بمعنى أصح) قبل كدة لاحظت حاجة مضحكة (و أكيد أنتو كمان لاحظتوها) و أنا واقف في إشارة (واقف في حارتي طبعا) و الطريق مكون من تلات حارات لقيت سبع عربيات واقفين على خط واحد في طريق مكون من تلات حارات بس يعني بمعدل 2.5 عربية في كل حارة يعني بذمتكم مش حاجة تخنق و لا لأ.

[morabet79]

فيه أكتر من طريقه للركن
فيه فيديو كان محطوط في المنتدى عن الركن

[himaz]

mawdoooooo3 fe3la mofeed awi
Thanks Ola



law dakhel 3la matab w enta sor3tak watya momkin tefsel debryaaj w b3deen tefarmel wa7da wa7da leghayet el matab
we bel nesba lel Automatic tab3an mafesh debreyaj so you just farmel wa7da wa7da ( ew3o teghayaro el na2la mn el D to N feeh nas bet3amel el Automatic as if it is manual dh yebawaz el geer box beta3 el automatic )


law dakhel 3l matab saree3 awi efsel debryaaj wenta betfarmel or ba3d amma tehadi bel faramel shewya
bas nasee7a maatkhaleesh el 3rbya telmes el matab wenta dayes 3l faramel coz dh beykhaly el 3rbya 3amla zay el toba eli bettkhbet fel matab ,
farmel 3ala ad mate2dar bas abl mat2rab fe3lya mn el matab , el mohim wl 3agal tale3 3l matab matkonshy dayes 3l faramel ( el kalam dh law el 3rbya dakhla be endfaa3 y3ni 3al matab fe 7alet enak mashoftoosh or sara7t la kaddar Allah )


Manual note:
mal7zoza bel nesba lel debryaaj 3ashan el ostewana beta3to matbozshy : wenta betfsel aw betwsal na2la matefdalshy dayes kteer 3l debreyaaj
el debryaaj dh yostakhdem bas 3ashan te7rak 3asayet el fetis sawa2 le na2la or lel mooore. bas matfedalshy dayes 3aleeh 3l fady wel malyaan kda :)

I hope akoon zawedt ma3lomat 3l thread el gamda deh :)