العربية الأوتوماتيك

[اسلام المصرى]

شكرا جزيلا لك يا مهندس محمد على الشرح المفصل ده :) كتر خيرك بس لو ممكن شرح أكتر شوية للنفاط التالية أكون شاكر جدا لأنى معايا أتوماتيك - أول مرة أركب أتوماتيك - و مش عايز أزعله :lol:

أرجو من فضلك شرح النقطة رقم : 4 و 5 فى المحظورات و لك منى جزيل الشكر. سؤال ممكن أنقل من الD الى الL و أنا ماشى على 100 كم/س مثلا كنوع من ال Engine Breakdown ؟؟

[Hossam Mounir]

أساتذتى الأفاضل ...

أولاً : الحقيقة أنا لما شرحت ... الفتيس الأتوماتيك ... شرحتة على الصورة المرفقة بمشاركة باشمهندس صلاح ... وهذه الصورة هيا لفتيس للألنترا الشكل الجديد ... بناءاً عاليه كل ما جاء بشرحى فهو خاص بالالنترا فقط ... وأنا أسف أن كنت موضحتش الموضوع ده ... أثناء الشرح ... مع العلم بأنى اعلن مسئوليتى الكاملة عن مصداقية كل ما جاء بالمشاركة ...

ثانياً : لي تحفظات على بعض النقاط ...

1- لا يوجد فى الألنترا اى ازرار ملحقة بالفتيس ... بل يتم النقل عن طريق المسارات الموضوحة بالصورة ...

2- لا يوجد فى الألنترا أى شئ خاص بال Over Drive ... يعنى هوه على طول on ... حسب مفهومي المتواضع لل Over Drive

3- النقل فى الجزىء السفلي من الفتيس ... من D إلى 3 أو 2 أو L .... ممكن جداً ... والعربية ماشية ... فى حالة الأحتياج أليهم ... وهو ماذكرته ... ولمزيد من تأكدى انا شخصياً ... من هذا الموضوع ... سألت مهندس الصيانة فى التوكيل وأيد كلامي ... وهذا أيضاً ما جاء فى تعليمات الأستخدام ...

4- أما عن النقل من P إلى D أو العكس ... أو من P إلى R أو العكس ... أو من من N إلى D أو العكس ... أو من N إلى R أو العكس ... يجب أن تكون العربية متوقفة تماماً ... يعنى مش مهدية و لا ماشية بسرعة بطيئة بل متوقفة تماماً ... ورجليا على الفرامل ...لأن ده يأما بدأ تعشيق التروس لبدأ السير يا أما ... عكس حركة التروس فى حالة الرجوع إلى الخلف ...

وفى حالة أى أستفسارات أخرى أنا تحت أمركم ... على فكرة يا جماعة ... تاني أنا مسئول مسئوليه كاملة عن اللى كاتبه ... والحمد لله أنا مش من النوع اللى يحب يفتى ... يعنى أنا لو مش عارف المعلومة ...أو ما ليش فى الموضوع ... لن أتعب نفسي وأشارك ...

تحياتى للجميع ...

م / حسام منير

[sab3aawy]

توضيح بالنسبة لزراو الأوفر درايف
زرار الأوفر درايف هو بديل النقة 4 او D فى العربيات اللى بيكون فيها الزرار ده، والعربيات اللى فيها زرار اوفردرايف بيكون فيها 3 نقلات امامية فقط 1 و 2 و D ورزار الأوفر درايف يقوم بدور النقلة الرابعة، يعنى لو شغال بيسمح انتقال الجيربوكس الى الغيار الرابع لو مطفى تنقل العربية بين الأول والتانى والتالت فقط

الغيار 2 يسمح بالنقل بين الأول والتانى فقط يعن لو العربية على 2 عمر الجير ما يروح للتالت او الرابع

الغيار 1 أو L يبقى الجير فى الوضع L فقط

بالنسبة للغيار من D الى 2 ومن 2 الى 1 يوجد حد اقصى للسرعة التى تفعل فيها ذلك ويكون مذكور فى كتالوج السيارة ويكون فى حدود 40 الى 50 للسرعة 1 و اظن 70 للسرعة 2 وعموما يفضل متعملهاش

كما قال الأخوة هنا الموضوع ابسط من البساطة، العربية الأوتوماتيك زى العربية اللعبة، تديها r وتشيل رجلك من على الفرامل ترجع لورا، تديها D وتشيل رجلك من على الفرامل تمشى لقدام، مع مراعاه طبعا كل المحاذير اللى قالها الإخوة

تنبيه اخر هام جدا الإخوة نسيوه، انسى وجود رجلك الشمال نهائيا، لا عمل لها اطلاقا، يتم التعامل مع البنزين والفرامل بالرجل اليمين فقط ،ولا تحاول الفرملة بالشمال حتى لا تجهد المحرك والجير

[Eng.Salah Mahdy Salama]

لو سمحت يا بشمهندس حسام : هو في الإلنترا الـ D غير الـ3؟؟؟؟؟
و لا هي نقلة واحدة إسمها D3؟؟؟؟؟؟؟

[Hossam Mounir]

لو سمحت يا بشمهندس حسام : هو في الإلنترا الـ D غير الـ3؟؟؟؟؟
و لا هي نقلة واحدة إسمها D3؟؟؟؟؟؟؟

لا يا باشمهندس صلاح ... ال النقلة D ... غير النقلة 3 ... يعنى النقلة D بتبقى فى الالنترا وكما جاء بالصورة المرفقة ... أسفل الوضع N على طول ...و هيا دى اللى سيادتك بتمشي عليها على طول ...

أما النقلة 3 ... فدى يمين النقلة D ... يعنى نوجه الفتيس ... ناحية اليمين ... حسب المسار بتاعه ... وكدة بنقول للعربية انها تنقل من الأول ... إلى الثاني ... إلى الثالث ... وتقف يعنى ما تنقلش الرابع ...

وزى ما باشمهندس سبعاوى أشار ... أن الموضع كله يتلخص فى النقله R ... أو D ... وسيادتك ... مش ما طلوب منك أكثر من كدة ...

العربية الأوتوماتيك زى العربية اللعبة، تديها r وتشيل رجلك من على الفرامل ترجع لورا، تديها D وتشيل رجلك من على الفرامل تمشى لقدام

الحقيقة يا باشمهندس سبعاوى ... انا كنت فاكر كدة برضة قبل ما أركب الأتوماتيك ... لكن الحقيقة أختلف مع سيادتك فى الموضوع ده ... علشان ببساطة مع الزحمة الفظيعة المريعة اللى فى بلدنا ... رجلي اليمين ورمت ... من كثر التبديل بين الفرامل ... والبنزين ... أثناء الزحمة ... سيادتك هتقلى طيب ما تديلها N أثناء التوقف وتريح بالك ...هرد على سيادتك ... واقول أني ما بلحقش ... كل ما أجى أغير ل N ... تتحرك العربيات ... وكأن المضوع بقى عند معايا ... أشتغل بالفرامل ... الوقفه تطول ... وهكذا ...ولا العيب فيا مش عارف ... :D :D :D ...

أما أن سيادتك :!: :!: ... تقصد زى العربيات اللعبة ... فى تعليمات التشغيل ... وليس القيادة ...

فى أنتظار تعليق سيادتك ...

تحياتى للجميع ...

م / حسام منير

[مهندس محمد صلاح]

شكرا جزيلا لك يا مهندس محمد على الشرح المفصل ده :) كتر خيرك بس لو ممكن شرح أكتر شوية للنفاط التالية أكون شاكر جدا لأنى معايا أتوماتيك - أول مرة أركب أتوماتيك - و مش عايز أزعله :lol:

أرجو من فضلك شرح النقطة رقم : 4 و 5 فى المحظورات و لك منى جزيل الشكر. سؤال ممكن أنقل من الD الى الL و أنا ماشى على 100 كم/س مثلا كنوع من ال Engine Breakdown ؟؟

يالنسبة للنقطه 4و5 انا اقصد انك لو واقف فى اشارة او اى توقف سريع وحتمشى فمافيش داعى انك تنقل على N اما لو الوقفة طولت فمن الاحسن انك تنقل على N مع فرامل اليد لغاية ما الطريق يفتح .. اما موضوع انك تعمل تخفيض للمحرك وانت على 100 بانك تتجيب L فده غير مستحب ولو عاوز سيادتك تخفض السرعة دوس فرامل المسألة بسيطة

[مهندس محمد صلاح]

أساتذتى الأفاضل ...

أولاً : الحقيقة أنا لما شرحت ... الفتيس الأتوماتيك ... شرحتة على الصورة المرفقة بمشاركة باشمهندس صلاح ... وهذه الصورة هيا لفتيس للألنترا الشكل الجديد ... بناءاً عاليه كل ما جاء بشرحى فهو خاص بالالنترا فقط ... وأنا أسف أن كنت موضحتش الموضوع ده ... أثناء الشرح ... مع العلم بأنى اعلن مسئوليتى الكاملة عن مصداقية كل ما جاء بالمشاركة ...

ثانياً : لي تحفظات على بعض النقاط ...

1- لا يوجد فى الألنترا اى ازرار ملحقة بالفتيس ... بل يتم النقل عن طريق المسارات الموضوحة بالصورة ...

2- لا يوجد فى الألنترا أى شئ خاص بال Over Drive ... يعنى هوه على طول on ... حسب مفهومي المتواضع لل Over Drive

3- النقل فى الجزىء السفلي من الفتيس ... من D إلى 3 أو 2 أو L .... ممكن جداً ... والعربية ماشية ... فى حالة الأحتياج أليهم ... وهو ماذكرته ... ولمزيد من تأكدى انا شخصياً ... من هذا الموضوع ... سألت مهندس الصيانة فى التوكيل وأيد كلامي ... وهذا أيضاً ما جاء فى تعليمات الأستخدام ...

4- أما عن النقل من P إلى D أو العكس ... أو من P إلى R أو العكس ... أو من من N إلى D أو العكس ... أو من N إلى R أو العكس ... يجب أن تكون العربية متوقفة تماماً ... يعنى مش مهدية و لا ماشية بسرعة بطيئة بل متوقفة تماماً ... ورجليا على الفرامل ...لأن ده يأما بدأ تعشيق التروس لبدأ السير يا أما ... عكس حركة التروس فى حالة الرجوع إلى الخلف ...

وفى حالة أى أستفسارات أخرى أنا تحت أمركم ... على فكرة يا جماعة ... تاني أنا مسئول مسئوليه كاملة عن اللى كاتبه ... والحمد لله أنا مش من النوع اللى يحب يفتى ... يعنى أنا لو مش عارف المعلومة ...أو ما ليش فى الموضوع ... لن أتعب نفسي وأشارك ...

تحياتى للجميع ...

م / حسام منير

عزيزى م/ حسام
اولا ماحدش شكك لحظة فى مصداقية كل ما جاء بالمشاركة من ناحية سيادتك
ثانيا ان سيادتك ما تعرفش الاوفر درايف دى حاجة بسيطة وعادية واحتمال كبير ان سيادتك اول مرة تركب اتوماتيك وكان حظك مع الالنترا اللى من غير الاوفر درايف
ثالثا حضرتك اخدت الموضوع على انه تصيد لاخطاء سعادتك لما شرحت حضرتك فتيس الالنترا .. والموضوع غير كده خالص والله .. حضرتك شرحت فتيس الالنترا وانا شرحت فتيس الفرنا وماكانش المقصود اننا نشكك فى مصداقية مشاركة سيادتك
موضوع انك ممكن تنقل من D الى 2 او 1 فده مش سليم .. تخيل حضرتك انك ماشى على سرعة 120 ومرة واحدة نقلت على الاول ايه اللى حيحصل ومافيش مانع ان سعادتك تاخد مهندس الصيانة فى التوكيل وتعملوا التجربة دى على عربيتك الالنترا الجميلة
وحضرتك قلت وهذا ما جاء فى تعليمات الاستخدام وياريت تقول لنا التعليمات بتقول ايه
رابعا حضرتك قلت أما عن النقل من P إلى D أو العكس ... أو من P إلى R أو العكس ... أو من من N إلى D أو العكس ... أو من N إلى R أو العكس ... يجب أن تكون العربية متوقفة تماماً ... يعنى مش مهدية و لا ماشية بسرعة بطيئة بل متوقفة تماماً ... ورجليا على الفرامل ...لأن ده يأما بدأ تعشيق التروس لبدأ السير يا أما ... عكس حركة التروس فى حالة الرجوع إلى الخلف ...
من P الى D طبيعى العربية واقفة ومن P الى R برضة العربية واقفة .. العكس بس هو المهم يعنى من D الى P ومن R الى P لازم العربية تكون واقفة تماما
خامسا حضرتك قلت وفى حالة أى أستفسارات أخرى أنا تحت أمركم ... على فكرة يا جماعة ... تاني أنا مسئول مسئوليه كاملة عن اللى كاتبه ... والحمد لله أنا مش من النوع اللى يحب يفتى ... يعنى أنا لو مش عارف المعلومة ...أو ما ليش فى الموضوع ... لن أتعب نفسي وأشارك ...
حضرتك واحد من الناس اللى بنصدقهم واحنا مغمضين يعنى مافيش داعى للحساسية دى اللى ما لهاش لازمه وكان يلزمك انك تدخل بين السطور اولا لتفهم المعانى وبعدين تزعل .. اضحك بقى :lol: :P

[Hossam Mounir]

عزيزى مهندس محمد ...

اولا ماحدش شكك لحظة فى مصداقية كل ما جاء بالمشاركة من ناحية سيادتك

أشكرك على هذا الإطراء اللى انا ممكن أكون ما أستحقوش ... ولعلم سيادتك أنا أقبل النقض .. والرأى الأخر بكل أحترام ... بس لما يبقى موجه مباشرة لي ... أما الكلام اللى بيبقى من تحت لتحت الحقيقة أنا مش بحب الأسلوب ده ... ولا ليا فيه ...

ثانيا ان سيادتك ما تعرفش الاوفر درايف دى حاجة بسيطة وعادية واحتمال كبير ان سيادتك اول مرة تركب اتوماتيك وكان حظك مع الالنترا اللى من غير الاوفر درايف

أكيد اعرفة ... لأن الحمد لله ركبت عربيات كثيرة ... وأعرف ال Mechanical Meaning لل Over Drive ... مش المعنى الحسى اللى هوه ال ضغط على الزرار ...

ثالثا حضرتك اخدت الموضوع على انه تصيد لاخطاء سعادتك لما شرحت حضرتك فتيس الالنترا .. والموضوع غير كده خالص والله .. حضرتك شرحت فتيس الالنترا وانا شرحت فتيس الفرنا وماكانش المقصود اننا نشكك فى مصداقية مشاركة سيادتك

الحقيقة انا كان لازم أشرح فتيس الألنترا ... حيث أن السائل ...فى مرحلة شراء عربية ألنترا زى ما سيادتك عارف ... وكمان حاطط صورة الفتيس الأتوماتيك الخاص بالألنترا ... يبقى أشرحلة عربية تانية ليه !!!!

موضوع انك ممكن تنقل من D الى 2 او 1 فده مش سليم .. تخيل حضرتك انك ماشى على سرعة 120 ومرة واحدة نقلت على الاول ايه اللى حيحصل ومافيش مانع ان سعادتك تاخد مهندس الصيانة فى التوكيل وتعملوا التجربة دى على عربيتك الالنترا الجميلة

أكيد ممكن أنقل وانا ماشي بس على السرعة المناسبة يعنى أنقل على ال L اللى هوه الأول ... لما السرعة تبقى مناسبة وأنقل من 2 لما السرعة تبقى مناسبة ... والحقيقة أنا توقعت ان هذا أمر بديهى ومفهوم ... ولذا لم أحدد السرعة ... وجاء المهندس سبعاوى ... ووضح ما اغفلت انا عن ذكرة ... اللى هوه موضوع السرعات تحديداً ...

ورداً ... على سؤال سيادتك ... لو العربية على سرعة 120 ونقلت من D إلي L ... هيحصل حاجة من اثنين يا التروس هتتكسر ... يأما العربية تختل ... والسائق هيحاول يفرملها ... فتتقلب ... ربنا يحفظنا جميعاً ...

أما عن الالنترا الجميلة .. فلو سيادتك بتتريق ... هقولك ... أنا مندهش انها تطلع منك ... اما لو سيادتك بتتكلم بجد .. هقولك انها فعلاً والحمد لله فى عينى جميلة ...

رابعا حضرتك قلت أما عن النقل من P إلى D أو العكس ... أو من P إلى R أو العكس ... أو من من N إلى D أو العكس ... أو من N إلى R أو العكس ... يجب أن تكون العربية متوقفة تماماً ... يعنى مش مهدية و لا ماشية بسرعة بطيئة بل متوقفة تماماً ... ورجليا على الفرامل ...لأن ده يأما بدأ تعشيق التروس لبدأ السير يا أما ... عكس حركة التروس فى حالة الرجوع إلى الخلف ...
من P الى D طبيعى العربية واقفة ومن P الى R برضة العربية واقفة .. العكس بس هو المهم يعنى من D الى P ومن R الى P لازم العربية تكون واقفة تماما

لأن قصدى أنه حتى لو العربية واقفة يعنى فى وضع P ... برده رجليه على الفرامل ... لأن الحركة المفاجئة ... وحشة على صندوق التروس ... فالصح أنقل وانا رجلي على الفرامل ... وبعد ما انقل أبتدى اشيل رجلي من على الفرامل ...

حضرتك واحد من الناس اللى بنصدقهم واحنا مغمضين يعنى مافيش داعى للحساسية دى اللى ما لهاش لازمه وكان يلزمك انك تدخل بين السطور اولا لتفهم المعانى وبعدين تزعل .. اضحك بقى

ثاني مرة بشكر سيادتك ... على الأطراء اللى المره ديه فعلاً ... أنا ما أستحقوش .. الحساسية دى لأن أنا متوقع ... أن واحد زى سيادتك يعرفنى من أيام كونتكت ... المفروض كون أنطباع عنى ... وعارف أنى لا بحب هزر ... ولا بحب أشارك غير فى العربيات ...ولا بحب أفتي ... فأستغربت من بعض الأراء المعاكسة لكلامي أدى كل الحكاية ... وتانى هقول لسيادتك موضوع بين السطور ده مش بحبة ... ولا بفهم فيه ...

دى تعليقى على كلامك ... بس ده ما يمنعش انى أسئلك ... ليه انت بالذات اللى أخدت الكلام بحساسية ... ورديت ... يعنى انا كتبت كلام عام ولم أعاتب أحد تحديداً :roll: :roll: :roll: ... حلوة دى ... أضحك بقى أنت كمان ... زى ما انت عايزنى اضحك ... بس تصدق ... أنا عمال أضحك أهوه ... :lol: :lol: :lol:

تحياتى لسيادتك ...

م / حسام منير

[اسلام المصرى]

شكرا يا أخ حسام و يا أخ سبعاوى على الشرح و التوضيح و الرد على الاسئلة :)

[sab3aawy]

[quote="Hossam Mounir"]

...

وزى ما باشمهندس سبعاوى أشار ... أن الموضع كله يتلخص فى النقله R ... أو D ... وسيادتك ... مش ما طلوب منك أكثر من كدة ...[/color][/size]

العربية الأوتوماتيك زى العربية اللعبة، تديها r وتشيل رجلك من على الفرامل ترجع لورا، تديها D وتشيل رجلك من على الفرامل تمشى لقدام

الحقيقة يا باشمهندس سبعاوى ... انا كنت فاكر كدة برضة قبل ما أركب الأتوماتيك ... لكن الحقيقة أختلف مع سيادتك فى الموضوع ده ... علشان ببساطة مع الزحمة الفظيعة المريعة اللى فى بلدنا ... رجلي اليمين ورمت ... من كثر التبديل بين الفرامل ... والبنزين ... أثناء الزحمة ... سيادتك هتقلى طيب ما تديلها N أثناء التوقف وتريح بالك ...هرد على سيادتك ... واقول أني ما بلحقش ... كل ما أجى أغير ل N ... تتحرك العربيات ... وكأن المضوع بقى عند معايا ... أشتغل بالفرامل ... الوقفه تطول ... وهكذا ...ولا العيب فيا مش عارف ... :D :D :D ...

أما أن سيادتك :!: :!: ... تقصد زى العربيات اللعبة ... فى تعليمات التشغيل ... وليس القيادة ...

فى أنتظار تعليق سيادتك ...

تحياتى للجميع ...

م / حسام منير

انا فقط اقصد تبسيط الامر بالنسبة للمبتدئين، يعنى انا لما استلمت عربيتى الأوتوماتيك كانت آخر مرة سقت فيها اوتوماتيك من فترة طويلة أوى ده غير ان عمرى ما كان عندى اوتوماتيك قبل كدة وانما سيارات مملوكة لآخرين وبالتلى مكانش عندى سينس الأوتوماتيك، لكن المعلومة الوحيدة المؤكدة بالنسبالى هى انك تديها R ترجع لورا وتديها D تطلع لقدام ، وكان هذا كافيا جدا لانى اخدها من المعرض واروح بيها المرور وارخصها وبعدين اروح بيها اشتري لها دواسات و كلبش من كارفور واروح البيت واتنى يوم اروح بيها الشغل والدنيا كانت piece وزى الفل

لكن طبعا مع الوقت اكتسبت خبرات الkick down واحساس الفرامل وامتى اديها N وامتى اكتفى بالفرامل وامتى استعمل النقلات الأدنى وامتى افتح واقفل الOver drive ، انا كان قصدى ان المعلومة البسيطة دى كافية لأى واحد سواق مانيوال انه يتعامل مع عربية اوتوماتيك ويقضى حاله بيها لحد ما يتعود عليها ويفهم اسرارها ويكتسب خبراتها ويعرف ازاى ياخد ويدى معاها

[Ahmed Anwer]

طب معلهش يا جماعة يمكن أنا فهمي بطئ شوية ،
أنا عندي فيرنا أتوماتيك و فيها زرار OD ، المفروض اسيبه عالطول on , و لا اسيبه عاطول off ، عامة انا بخليه on عشان لما بيبقي off في لمبه بتنور في التابلوه إنه off فانا توقعت ان ادام فيه لمبة بتنور يبقي كده غلط :D :D :D
و حكاية on & off دي و العربية واقفة و لا ممكن و هيا ماشية، مش مهم تفهموني لازمة ايه :lol: :lol: :lol:
بس قولولي الوضع الصح اه عشان واحد خوفوني اوي و حاسسني إن الزرار ده ممكن يكسر الفتيس :) :) :) :)

[اسلام المصرى]

شكرا جزيلا لك يا مهندس محمد على التوضيح و الرد :) جزاك الله خيرا و شكرا لك أيضا يا مهندس حسام جزاك الله خيرا :) تبقى جزئية واحدة بالنسبة لى مفتوحة: ليه ماينفعش أجر عربية بعربيتى الأتوماتيك؟؟ و شكرا

[sab3aawy]

أنا عندي فيرنا أتوماتيك و فيها زرار OD ، المفروض اسيبه عالطول on , و لا اسيبه عاطول off ، عامة انا بخليه on عشان لما بيبقي off في لمبه بتنور في التابلوه إنه off فانا توقعت ان ادام فيه لمبة بتنور يبقي كده غلط

كدة صح، لازم تخليه on، يعنى اللمبة تبقى مطفية، علشان تدى فرصة للعربية انها تبدل براحتها بين النقلات الاربعة، لكن لما بتخليه off(يعنى اللمبة منورة)بتمنع العربية من انها تنقل للرابع، هذا يكون مفيد فقط لو انت بتتخطى عربية تانية او واخد مطلع شديد وعايز تخلى العربية تفضل على التالت لحد ما تخلص التخطى او المطلع علشان العربية تفضل بعزمها، وكذلك يمكن استخدامه لو انت نازل منزل وعايز تكلبش العربية علشان ماتجريش منك اوى، بص من الآخر إغلاق ال O/D (يعنى إضاءة اللمبة)هو نفس فكرة الحرق على التالت فى عربية مانيوال

تبقى جزئية واحدة بالنسبة لى مفتوحة: ليه ماينفعش أجر عربية بعربيتى الأتوماتيك؟؟ و شكرا

فكرة توقيت النقلات فى الفتيس الأوتوماتيك تعتمد اساسا على قياس سرعة دوران الفتيس مع ضغط الزيت فى الفتيس الذى يعبر عن تحميل الفتيس ويحدد موعد النقلة، فكونك تجر عربية تانية يضع احمال إضافية على الفتيس تساوى ضغوط اضافية تجعل الفتيس ينقل متأخر جدا (مثلما يحدث عندما تكون طالع مطلع، الفتيس بينقل متآخر نتيجة لزيادة الضغط) ونتيجة لهذا النقل المتأخر مع الضغوط العالية جدا فغنك تكون قد حملت كلاتشات الفتيس الداخلية بإجهادات عاليا تترك فى آحيان كثيرة اثرها السى على الكلاتشات والأويلسيلات والحساسات الداخلية لمنظومة الجير الأوتوماتيكى مما يسارع بنهاية عمرها، او قد يسبب مشاكل مباشرة باحد الأجزاء

[أبو عبدالله]

شكرا للجميع على مشاركاتهم الممتعة مع الأوتوماتيك والأوفر درايف

[Ahmed Anwer]

شكرا يا م/سبعاوي علي توضيحك ، انا هخلية on , و اريح دماغي كده كده مبطلعش من حد
بس عموما الفتيس الأتوماتيك ده متعة و اوبشن مهم جدا في العربية و بيخلي أي عربية مهما كانت نوعها سواقتها مريحة و خصوصا في الزحمة و الإشارات
هوا مش عارف واخد ليه سمعة وحشة في مصر ، انا كان عندي قبل كده سويفت هاتش باك ، ثلاثة سلندر موديل 92 ، يعني بقالها 15 سنة و عربية صغيرة و الله و لا حصلي أي مشكلة في الفتيس بتاعها
و كان عندي 127 طبعا مانيوال :lol: :lol: و اشتريتها و فتيسها بايز و لا عرفت اصلحه ، أصلا الفتيس سواء مانوال أو أتوماتيك صيانته صعبة و يمكن مستحيلة لازم يتغير
اتمني إن الناس متفهمش الموضوع ده علي إن الفتيس الأتوماتيك مشكلة و حاجة صعبة ،، زي ما م/سبعاوي قال D أو R و كأنك سايق عربية أطفال