بلف الأيدل كنترولر

[ابو حسين]

دى صورة بلف الأيدل (من عندنا من قسم الدايو ) بتحل فيشة البلف الكهربائيه بعد فصل البطاريه طبعا.......وتحل البلف من على جسم الخانق .......وبعد كده بمزيل الصدأ (الأسبراى WD40]............بترشه رشه محترمه لحد ماينزل كل الملوثات اللى فيه .....ويبقى نظيف ....وبعد كده ركب البلف بالسيل بتاعه (الأحمر بالصوره ) وأربط المسمارين ووصل الفيشه بتاعة البلف وبعد كده وصل البطاريه........وبعد كده أعمل (أعادة تنشيط لذاكرة وحدة التحكم ......علشان تفكرها بسرعة السلانسيه لأنها نسيت المعلومات لما فصلنا عنها البطاريه ) والطريقه بتاعة تنشيط الذاكره بنفس ماذكر بالموضوع الحالى تحت عنوان IDLE LEARNING PROCEDURE .....ودى أسهل حاجه ومتحلش أجزاء كتير عن كده ...........وخلصت

الف شكر يا بشمهندس
جزاك اللة خيرا

[samirayad]

الله يخليك يا أستاذ: أحمد

[samirayad]

هوده بقه كلام الناس الحلوه .....اللى بتشجع اللعبه الحلوه.....واللى بتدفع للأمام لأفراز الطاقات وأخراج مايمكن أخراجه من عند كل واحد.........ومحدش بيعرف كل حاجه....بس لازم نحاول الأقتراب من المعرفه ومنقعدش ساكتين.......لأن المعرفه أو محاولة المعرفه ....هو أساس النجاح فى أى شىء........................

- أنا بأشكرك أخويا الفاضل /أحمد على ثنائك وزوقك اللى أنا متأكد منه..........

أولا ألف شكر على ثنائك..........................[right]ثانيا....أليك الأجابه على سؤالك................................

طريقة أعادة تنشيط ذاكرة وحدة التحكم تجاه سرعة السلانسيه idle learn procedure

-بعد فصل البطاريه لعمل صيانه معينه بالسياره أو بعد رفع وحدة التحكم من مكانها بهدف الكشف عليها وخلافه أو عند تغيير فيوز الأمداد العمومى يلزم عمل الآتى لتنشيط ذاكرة وحدة التحكم......................

بعد عمل جميع التوصيلات المطلوبه وتجهيز منظومة السياره للعمل نفذ الخطوات التاليه

1- أفتح الكونتاكت لمده 5 ثوانى

2-أغلق الكونتاكت لمدة 10 ثوانى

3-أفتح الكونتاكت لمده 5 ثوانى مره ثانيه ...وبعدها شغل المحرك على السلانسيه

4-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه 5- شغل التكييف (أن وجد) لمدة 10 ثوانى

6-أفصل التكييف(ان وجد) لمدة 10 ثوانى

وأذا كانت السياره مزوده بناقل حركه أوتوماتيكى (فتيس أوتوماتيك).......أفعل الآتى

1-أرفع فرامل اليد....وأثناء الضغط على دواسة الفرامل ضع زراع التعشيق للفتيس على الوضع d

2-شغل التكييف لمدة 10 ثوانى

3-أفصل التكييف لمدة 10 ثوانى

بعد ذلك أفصل الكونتاكت وسمى الله ......وبكده تم المراد بأذن الله

right]

عزرا................الخطوه رقم 2 ( حنخليها 5 ثوان بدل 10 ) وتعتبر خطأ غير مقصود طبعا................

[samirayad]

أنا برضه قلت أجيب الصفحه اللى بال e معانا هنا فى الموضوع ده والخاصه بطريقة تنشيط ذاكرة وحدة التحكم (أيدل ليرن )....

[samirayad]

الله يخليك يا أبو حميد............

[khaledamer]

اريد أن اشكرك علي كمية المعلوملات الكبيرة التي تعتبر مرجع لي في بعض الامور الخاصة بي ولكن لي سوؤال خاص بالسيارة حيث أنها كيا سيفيا موديل 95 والمشكلة انه عند تشغيل التكييف العربية تترج ومؤشر الrpm ينزل والعربية تبطل وذهبت الي أكثر من ميكانيكي وتكييف حيث ان الكل يلقي اللوم علي الاخر برجاء تحديد نوع المشكلة وكيفية الحل وعنوان ميكانيكي له دراية بتلك المشكلة

[samirayad]

ولكن لي سوؤال خاص بالسيارة حيث أنها كيا سيفيا موديل 95 والمشكلة انه عند تشغيل التكييف العربية تترج ومؤشر الrpm ينزل والعربية تبطل

الأول بأشكرك على زوقك ومرورك الطيب بالموضوع يا أستاذ : خالد
أرجع بأه علشان نفكر سواء فى المشكله دى
واضح أن أضافة حمل التكييف على السلانسيه بيأثر عندك على حمل المكنه وقت السلانسيه
وتقريبا كده الموضوع علاجه بسيط أن شاء الله
وممكن بالأيدل ليرننج تروح الحاله دى
بس عاوزك تجاوبنى على شوية الأسئله دول
1- ال rpm بتاع السلانسيه بيبقى كام وعامل أيه وأنت مشغل بدون تكييف
وهل سرعة المكنه بتبقى ثابته ....والمكنه شده حيلها
2- هل جربت تشغل التكييف ولومره وأنت ماشى بالعربيه
والمكنه تأثرت والسحب قل معاك بطريقه ملحوظه
3- أخبار فلتر الهواء والبنزين أيه
دى أسئله مؤقته كده ولو لقيت أسئله عندى تانيه .....حقولك عليها
وأبشر خيرا .....أهم شىء نشخص صح .....والعلاج أمره سهل

[khaledamer]

المهندس /سمير اشكرك علي اهنمامك السريع بالمشكلة واحب ان اوضح الاتي
1 - الrbmدائما يكون علي 1او اقل بشرطة والمكنة ثابتة واحيانا وانا طالع اعلي الاول السيارة يتترج السيارة بتسحب حلو حتي في الثالث بيتجيب اكثر من 60
2- جربت اشغل التكييف وانا ماشي بسرعة الاحظ ان السرعة تنزل قليلا لكن ولكن السرعة تعود لطبيعتها
3 بالنسبة الي فلتر الهوا كان متسخ ولم اركب واحد جديد حتي الان ولم اركب واحد ولم الاحظ فلتر البنزين وشكرا مرة اخري وحسن تعاونك

[samirayad]

طيب غير فلتر الهواء والبنزين
وأعمل أيدل ليرننج
لو مش متاح ليك عملية الأيدل ليرننج لعربيتك
ممكن تجرب طريقة الدايو اللى فى الموضوع

[ahmed1981]

موضوع ممتاز وجهد مخلص
جزاك الله خيراً
بارك الله فيك
جعله الله في ميزان حسناتك

[samirayad]

الله يخليك يابشمهندس
وأشكرك على زوقك وثناءك على الموضوع
ورمضان كريم

[hostook]

شكرا يا باشا موضوع جميل

[samirayad]

الله يخليك
ومشكور على المرور الطيب بالموضوع

[samirayad]

الموضوع ده عاملينه عندنا فى الدايو
ولقيت فيه أفكار كويسه
فقلت ليه ما أجيبوش مع الموضوع بتاع بلف الأيدل كنترولر

http://www.nilemotors.net/Nile/103803-a.html

[monmonmon]

مشكووووووووووووووووووووووووووووووووور